Eifano lomuxunganeki
1 Omudo ohamba Ussia ya fya, onda mona Omwene, a kala omutumba kolukalwapangelo lakula nola yeluka oloshinge, noshikutu shaye osha yadifa otembeli. 2 Ovaserafi ova kala ofika kombada yaye; nakeshe umwe okwa li e nomavava ahamano: nomavava avali okwa uvika oshipala shaye nomavava avali okwa uvika eemhadi daye, nomavava avali a tuka nao. 3 Ndele vo ova lalekidafana mokule, ndele tava ti:
“Omuyapuki, Omuyapuki, Omuyapuki,
Omwene, Kalunga komatanga ovakwaita!
Oshinge shaye osha yadifa edu alishe!”
4 Noikulo yomivelo oya kakama kondaka yovalalekidi, nongulu oya yada omwifi. 5 Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”
6 Ndelenee kwaame okwe uya umwe womovaserafi, a tuka e nekala la hanya meke laye, e li kufa nonghwato koaltari, 7 nokwe li kumifa omilungu dange, ndele ta ti: “Tala, olo ola kuma omilungu doye; oikolo yoye oya kufwa po, nomatimba oye a dimwa po.” 8 Opo nee nda uda ondaka yOmwene tai ti: “Olyelye handi mu tumu? Nolyelye te tu ile ko?” Ame onda tya: “Aame ou, tume nge!” 9 Ndele Ye okwa tonga: Inda u ka lombwele oshiwana eshi u tye:
“Okuuda ohamu udu, nye kamu udite ko,
nokumona ohamu mono ko,
nye itamu koneke sha.
10 Kukutika omutima woshiwana eshi,
fitika omatwi asho, twikifa omesho asho,
opo shiha mone ko nomesho asho,
shiha ude ko nomatwi asho, shiha koneke komutima washo,
opo shihe lidilulule noshi ha velulwe.”
11 Opo nda tya: “Fiyo onaini Omwene?” Ye okwa nyamukula, ndele ta ti:
“Fiyo oilando tai ningi omaputu muhe na ovanhu,
nomaumbo muhe novanhu, nedu tali ka ninga ofuka;
12 fiyo Omwene ta twala ovanhu kokule
nomahanauno taa ningi mahapu meni loshilongo.
13 Nongeenge tamu xupu oshitimulongo,
nasho yo otashi hanaunwa po;
ndele tashi kala ngaashi omufyaati nomwandi,
ngeenge da kewa po, oshifidi otashi kala mo,
noshifidi osho oludalo liyapuki.”
Eithano lyaJesaja
1 Momumvo ngwiyaka omukwaniilwa Usia a si, onda mono Omuwa. Okwa li a kuutumba koshipangelapundi she, pombanda puule meadhimo, noongenge dhoonguwo dhe odhu udhitha otempeli ayihe. 2 Aaserafi oye mu kunduka, noshaa ngoka okwa li e na omawawa gahamano. Omawawa gaali oye gi isiikile koshipala nomawawa gaali oye gi isiikile kolutu nomawawa gaali oya tuka nago. 3 Oya li taa paathana omalufo taa ti:
“Omuyapuki, omuyapuki, omuyapuki!
“Omuwa Omunankondoawike omuyapuki!
“Eadhimo lye olyu udha uuyuni.”
4 Oshihomo shomawi gawo osha kakameke omakankameno gotempeli, notempeli yo yene oyu udha olwithi.
5 Onda popi nda ti: “Yaye ngame! Otandi ka kana, oshoka ngame omulumentu ndi na omilungu dha nyata, nonda kala mokati kaantu ye na omilungu dha nyata, nonomeho gandje mwene onda tala Omukwaniilwa, Omuwa Omunankondoawike!”
6 Nena gumwe gwomaaserafi okwe ya kungame ta tuka, a humbata ekala lya hanya e li kutha nonkwato koshiyambelo. 7 Okwa gumu omilungu dhandje nekala lya hanya nokwa ti: “Tala, olya gumu omilungu dhoye; ngashingeyi oondjo dhoye odha thetwa po, nomayono goye oga dhimwa po.”
8 Opo ihe ndu uvu Omuwa ti igidha ta ti: “Olye ngo tandi mu tumu? Olye ta ningi omutumwa gwetu?”
Onda yamukula nda ti: “Otandi yi! Tuma ndje!”
9 Osho ngaaka a lombwele ndje ndi ye ko ndi ka lombwele aantu elaka tali ti: “Okuuva ohamu uvu, ihe kamu uvite ko. Okumona ohamu mono, ihe kamu wete ko. 10 Kukutika oomwenyo dhaantu yoshigwana shika, thitika omakutsi gawo, thithikilitha omeho gawo, opo yaa mone ko yo yaa uve ko. Ngele otaa uvu ko notaa galukile kungame, otaa aludhwa.”
11 Onda pula nda ti: “Otashi kala ngawo sigo uunake, Omuwa?”
Omuwa okwa yamukula a ti: “Osigo iilando ya kumunwa po noya mbugala — sigo omagumbo taga kala gaa na aantu — sigo oshilongo tashi ningi ombuga yowala. 12 Otandi ka fala aantu kokulekule, noshilongo ashihe otashi mbugala. 13 Nongele tamu hupu oshitimulongo shaantu moshilongo, nasho wo otashi ka yonagulwa po. Ihe otashi ka ninga sha fa oshithindi shomusati nenge shomwandi sha thigala mevi, omuti nge gwa kekwa po. Oshithindi shoka osho ombuto ondjapuki.”
