Eenghundafana domuvaleki nomuvalekwa
1 Eemhadi doye oda wapala meenghaku, omona ove okakadona kohamba! Eenhumba deenho doye da wapala ngaashi oulenga vomofingo, oshilonga shomake omunongo. 2 Oshinena shoye sha feholo la didilakana, oipifiloviinyu nai kale inai pumba mo, edimo loye olo onduba yoilya ya dingililwa keenhemo domado. 3 Omavele oye e li ngaashi eemenye deenyasha mbali ngaashi epasha lokapundja. 4 Ofingo yoye i li ngaashi oshungongulu yomayoo ondjaba, omesho oye ngaashi omatale omuHesbon poshivelo shaBat-Rabbim. Eyulu loye ngaashi oshungongulu yomuLibanon, ya taalela Damaskus. 5 Omutwe woye tau tumbu ngaashi Karmel, neexwiki dokomutwe woye da fopurpuri, ohamba ya kwatwa kudo. 6 Ove umuwa ngahelipi! Oove ohole i yadi omahafo! 7 Olutu loye la fomulunga, omavele oye ngaashi omashila eeviinyu. 8 Ame nda diladila: “Handi ka londa komulunga, ndi kwate omapokolo ao.” Omavele oye ngeno ngaashi omashila eeviinyu, nedimba lomufudo woye ngaashi edimba leapula. 9 Okanya koye naka fe ounyenye womaviinyu mawa, omaviinyu taa kolokele noupu meni lomuholike wange ndele taa tutike omilungu doonakukofa!
10 Ame owomuholike wange ndele ye oha djuulukwa nge. 11 Ila, omuholike wange, tu ye koshilongo, fye tu ka nangale momikunda. 12 Ongula inene tu piteni tu ka ye koikokola yomiviinyu tu tale omiviinyu ngeenge da pita neenhemo ngeenge da temuna neegranati ngeenge da eta eenhemo. Oko handi ke ku pa ohole yange. 13 Oiimati yohole tai eta edimba, ndele poivelo yetu oku na oiimati i lili nai lili iwa i nondilo naai ipe naainya ikulu, onde i ku tuvikilila, omuholike wange.
1 Oompadhi dhoye dha zala oongaku
odho opala ngiini,
ngoye mukadhona omvalekele!
Omaziti moombwetelo dhoye oga ngongwa konkulungu
ngaashi oshimona shontsino shomothingo.
2 Ekuvu lyoye olya fa okayo ka hongekeka,
moka ongwedhakanitha yomaviinu ihaayi pu mo.
Ela lyoye ongondumba yiilya
ya kundukwa koongala dha sheneka.
3 Omagundji goye oga fa uumbambyona uyali,
oto ti uukwanambwiyu wombambi.
4 Othingo yoye oya fa oshungo yomayego goondjamba.
Omeho goye ongomadhiya muHeshbon posheelo shaBat Rabbim.
Eyulu lyoye olya fa oshungo kuLibanon
ya taalela lwokuDamaskus.
5 Omutse gwoye ogwa yeluka gwa fa Karmel.
Omafufu gokomutse gwoye ogo omaluudhe nohaga adhima —
oondhinga dhago odha kwata omukwaniilwa.
6 Ngoye owo opala ngiini,
oto kolitha ndje ngiini,
ngoye muholike gwandje,
mukadhona gwenyanyu lyandje!
7 Ongoye omule gwokashendjelutu wa fa omulunga,
nomagundji goye ongomahila goondjembele.
8 Onda popi nda ti:
“Etha utale ndi londe komulunga,
ndi kwate omahila gagwo.”
Omagundji goye naga kale ga fa omahila goondjembele,
ezimba lyomufudho gwoye ongaandyoka lyiiyapula,
9 nokana koye ka fa omaviinu omatoye.
Omufuko:
Eeno, ihe otaga thenunukile nombili momuholike gwandje,
notaga kungulukile komilungu dhoonakukotha.
10 Ngame mwene ogwomuholike gwandje,
noha yuulukwa ndje.
11 Ila, muholike gwandje, tu pite mo
tu uke pondje komalundu,
natu ye tu ka tokelwe komikunda.
12 Natu meneke tu ye kiitsambe yomiviinu;
natu ka tale, omiviinu ngele dha tutuma,
oongala dhadho ngele odha sheneka,
nomigranati ngele odhi li metifa lyoongala.
Noko nkoka tandi ke ku pela ohole yandje.
13 Iiyimati yohole ohayi gandja ezimba,
nopiiyelo yetu ope na iiyimati ayihe iitoye,
iipe niikulu; onde yi ku pungulila, muholike gwandje.
