Ouyuki nounongo waKalunga muIsrael nomovapaani
1 Ame ohandi popi oshili muKristus, ihandi fufya, neliudo lange otali hepaulula pamwe naame mOmhepo Iyapuki, 2 nokutya, ondi noluhodi linene nouyehame alushe momutima wange. 3 Onda hala ame mwene ngeno ndi fingwe, nondi tongolwe mo muKristus omolwovamwatate ava vomoludi lange pambelela, 4 ovo Ovaisraeli, ovo oonakupewa oudalwa noshinge nomahangano; va pewa omhango, nove nelongelokalunga nomaudaneko; 5 ooxekulu, omuvo mwa dja Kristus pambelela, Oye ou e li kombada yaaveshe, Kalunga, Omufimanekwa alushe fiyo alushe! Amen!
6 Ndelenee hakutya, ondjovo yaKalunga oya puka ngeno. Osheshi ava va dja muIsrael haaveshe Ovaisraeli. 7 Osho vali haaveshe ovana, nande ovo oludalo laAbraham, osheshi okwa tiwa: “MuIsak oto mono mo oludalo olo tali ku lukilwa,” 8 nokutya: ovana ava vopambelela, havo ovana vaKalunga, ndelenee ovana veudaneko ovo tava valulilwa moludalo. 9 Osheshi ondjovo yeudaneko oyo ei: “Pefimbo ngaashi eli ohandi uya, ndele Sara ota ka kala e nokaana okamati.”
10 Ndelenee hasho ashike osho; naRebeka yo ou a ninga oufimba komulumenhu umwe, tate yetu Isak; 11 fimbo ounona inava dalwa, noinava longa ouwa ile owii—opo omhangela yaKalunga yopahoololo i kalelele, hamolwoilonga ndele omolwomwiifani, 12 okwa lombwelwa: “Omukulunhu e nokukalela ondenge yaye,” 13 ngaashi pa shangwa: “Jakob onde mu hokwa, ndele Esau onde mu tonda.”
14 Ohatu ti ngahelipi hano? MuKalunga omu na tuu mbela ouhenouyuki? Nandenande. 15 Osheshi Oye ta ti kuMoses: “Ohandi ka fila onghenda ou handi mu file onghenda, nohandi ka fila olukeno ou handi mu file olukeno.” 16 Hano nena kashi fi shaau a hala, noshihe fi shaau ta tondoka, ndele oshaKalunga ou ta file onghenda. 17 Osheshi omushangwa otau ti kuFarao: “Osho ngaha nde ku yelula poluhaela, ndi monikife mwoove eenghono dange, nedina lange li hepaululwe nounyuni aushe.” 18 Hano Oye ta filonghenda ou Ye a hala, nota kukutike ou Ye a hala.
19 Oto ti mbela kwaame: “Oshike hano ta velele nge ombedi? Osheshi olyelye ta dulu okwaanya ehalo laye?” 20 Menhu oove, heeno shili, ndele oove lyelye eshi wa hala okukondja naKalunga? Ndishi oshihongomwa itashi lombwele omuhongi washo: “Oshike wa honga nge ngaha?” 21 Ile omuhongi woitoo ita dulu a honge medu tuu eli limwe oshitoo shefimano noshikwao shihe nefimano? 22 Ndelenee nande Kalunga a hala okuholola ehandu laye nokushiivifa eenghono daye, okwe lididimika nonheni inene oitoo yehandukilo ei ya wana okunyonaunwa po, 23 opo a shiivife ouhapu wefimano laye moitoo yefilonghenda oyo e i longekidila nale efimano. 24 Nafye yo ava e tu ifana, hamOvajuda aveke, ndelenee nomovapaani yo, 25 ngaashi a tonga muHosea:
“Oshiwana sha li shihe fi shange,
ohandi ke shi luka ‘oshiwana shange,’
naau ehe fi omuholike wange, ‘omuholike’,
26 ndele tapa ningwa monhele tuu oyo va lombwelwa:
‘Onye kamu fi oshiwana shange,’
otava ka ifanwa ovana vaKalunga omunamwenyo.”
27 Ndele Jesaja ota ingida ta popi Israel: “Nonande omuvalu wovana vaIsrael nau fike peheke lopomunghulo wefuta, oshixupe ashike tashi xupifwa. 28 Osheshi Omwene ota ka wanifa ondjovo yaye kombada yedu, ndele ote i wanifa polumwe.”
29 Ngaashi Jesaja a xunganeka a tya:
“Omwene weengudu dovakwaita ngeno ine tu xupifila oludalo,
ngeno twa ninga twa fa Sodom, notwa ningwa ngaashi Gomorra.”
30 Ohatu ti ngahelipi hano? Ohatu ti: Ovapaani ava inava lalakanena ouyuki, ovo va hanga ouyuki, ndele ouyuki ou otau di meitavelo. 31 Ndele Israel ou a li a lalakanena omhango youyuki, ina hanga omhango oyo. 32 Oshike? Osheshi inave i konga keitavelo, ndele okoilonga; osho nee ve lipuma kemanya lepundukifo. 33 Ngaashi pa shangwa:
“Tala, ohandi dikile muSion emanya lokupuma
nemanya lokupundula,
ndele keshe ou te mu itavele, ita ka fifwa ohoni.”
Oshigwana sha hogololwa kuKalunga
1 Ngame omuntu gwaKristus ote popi oshili, ite fundju. Eiyuvo lyandje otali popile ndje kutya ite fundju, oshoka otali wilikwa kOmbepo Ondjapuki. 2 Ondi na aluhe oluhodhi olunene nuuwehame momwenyo gwandje omolwaantu yoshigwana shandje Aaisraeli. 3 Oshoka omolwawo onda hala, ando ndi tulwe omutima kuKalunga nondi yoololwe ko kuKristus. 4 Oyo aahogololwa yaKalunga, sho e ya ningi oyana nokwe ya pe eadhimo lye. Oye okwa dhike ehangano nayo nokwe ya pe ompango, elongelokalunga lyashili nomauvaneko ge. 5 Moohekulu omo mwa zi Kristus, sho a ningi omuntu. Kalunga, omupangeli gwaayihe, na hambelelwe aluhe sigo aluhe! Amen.
6 Ngame itandi ti ando kutya euvaneko lyaKalunga inali kwatha sha, aawe, oshoka Aaisraeli haayehe aahogololwa yaKalunga. 7 Osho wo aana yaAbraham haayehe aana yaKalunga, oshoka Kalunga okwa lombwele Abraham a ti. “Aana yaIsak oyo ayeke taa ka talwa aamwoye.” 8 Shika otashi ti kutya aanona ya valwa pahalo lyomuntu alike hayo aana yaKalunga, ihe aanona mboka ya valwa pauvaneko lyaKalunga, oyo taa talwa oyana. 9 Oshoka oohapu dheuvaneko lyaKalunga odha li ngeyi: “Otandi ka galuka pethimbo lyo opala notandi ka adha Sara e na okanona okamati.”
10 Hasho shika ashike. Oshoka aana yaRebekka aamati yaali oya li aana yahe gumwe, tatekulu Isak. 11-12 Ihe opo ehogololo lyagumwe li kale naanaa, ngaashi Kalunga e shi dhiladhila, Kalunga mwene okwa lombwele Rebekka a ti: “Omumwoye omukuluntu ota ka longela omumwayina ngoka omushona.” Oye okwe shi popi, manga inaaya valwa nomanga inaaya ninga sha oshiwanawa nenge oshiwinayi. Oshoka Kalunga ngele ti ithana nenge ta hogolola, itaku talwa iilonga. 13 Ngaashi enyolo tali ti kutya Kalunga okwa li e hole Jakob e ta tondo Esau.
14 Otatu ti ngiini ano? Otatu ti ando kutya Kalunga ke shi omuyuuki? Itashi vulika! 15 Oshoka Kalunga okwa lombwele Moses a ti: “Otandi sile ohenda ngoka nda hala oku mu sila ohenda notandi si olukeno ngoka nda hala oku mu sa olukeno.” 16 Onkee ano kashi shi oshinima tashi ningilwa omuntu molwehalo lye nenge molwiilonga ye, ihe ote shi ningilwa molwesilohenda lyaKalunga. 17 Oshoka enyolo otali popi Farao tali ti: “Kalunga okwe ku ningi omukwaniilwa oku ku longitha, a holole oonkondo dhe noku tseyithe edhina lye muuyuni auhe.” 18 Onkee ano Kalunga ota sile ohenda ngoka a hala oku mu sila ohenda nota kukutike ngoka a hala oku mu kukutika.
Ondjahi nesilohenda lyaKalunga
19 Gumwe gwomune okwa hala okupula ndje ngiika a tye: “Ngele osho ngawo, Kalunga ota vulu ngiini okupa omuntu uusama? Oshoka olye ta vulu okutinda ehalo lyaKalunga?” 20 Ihe ongoye lye, kuume kandje, u vule okuyamukula Kalunga? Ndishi oshuma sheloya itashi vulu okupula ngoka e shi hongo, shi tye: “Omolwashike wa ningi ndje ngeyi?” 21 Oshoka omuhongi gwiiyuma kehe oku na oonkondo dhokuutha eloya, e li ninge ngaashi a hala, ye a honge meloya tuu ndyoka oshuma shimwe shi na ondilo noshikwawo shombiliha.
22 Ano Kalunga osho a ningi ngaaka. Oye okwa li a hala okuholola ondjahi ye nokuulika oonkondo dhe, ihe okwi idhidhimike nokwa sile olukeno olunene aantu mboka ye na okugeelwa noya tegelela okuyonwa po. 23 Oye okwa li wo a hala okuholola uuwindji weadhimo lye, ndyoka e li zaleke tse mboka e tu sile ohenda nokwe tu longekidha oku li taamba. 24 Oshoka tse mboka e tu ithana, ine tu kutha owala mAajuda, ihe okwe tu kutha wo maapagani. 25 Oshoka membo lyaHosea ota popi ta ti:
“Aantu mboka ya li yaa shi yandje,
otandi ke yi ithana ‘aantu yandje’.
Oshigwana shoka nda li ndaa hole,
otandi ke shi ithana ‘omuholike gwandje’.
26 Pehala olyo tuu ndyoka ya lombwelelwe:
‘kamu shi aantu yandje,’
pehala olyo tuu ndyoka otaa ki ithanwa ngashingeyi aana yaKalunga omunamwenyo.”
27 Jesaja oti igidhile Israel ta ti: “Nonando Aaisraeli oya kale oyendji ye thike pehekevi lyopefuta, aashona yowala yomokati kawo taa ka hupithwa. 28 Oshoka Omuwa ota ka ninga mbala eyalulo netokolo lyahugunina muuyuni auhe.” 29 Shika osho shoka Jesaja e shi popi nale ta ti: “Ando Omuwa Omunankondoadhihe ine tu hupithila sha koluvalo lwetu, ando twa ningi twa fa Sodom notu ningwe ngaashi Gomorra.”
Israel nevaangeli
30 Otatu ti ngiini ano? Aapagani mboka inaaya kambadhala okwiininga aayuuki koshipala shaKalunga, oya ningwa aayuuki molweitaalo. 31 Aaisraeli mboka ya kambadhala nompango, yi ya ninge aayuuki koshipala shaKalunga, oya nyengwa. 32 Omolwashike? Oshoka shoka ye shi ningi, kasha li shi ikwatelela keitaalo, ihe okiilonga. Oyo oyi ipumu kemanya tali pundukitha, 33 ndyoka tali popiwa kenyolo kutya:
“Tala, otandi tula muSion emanya tali pundukitha aantu,
emanya hoka aantu taa ki ipuma ko.
Ihe ngoka te mu itaale,
ita sithwa ohoni.”
