Okuhoololwa kwaIsrael itaku lundululwa
1 Ame ohandi pula hano: Kalunga okwa ekelashi mbela oshiwana shaye? Nandenande. Osheshi naame yo Omuisraeli womoludalo laAbraham, womapata aBenjamin. 2 Kalunga ina ekelashi oshiwana shaye e shi shiiva nale. Ile kamu shi shii eshi omushangwa tau ti mokuhepaulula Elia, nhumbi ta popi Israel kuKalunga ta ti: 3 “Omwene, ovaxunganeki voye ove va dipaa, ndele va kumauna po eealtari doye, aame andike nda xupa po, notava nangele omwenyo wange.” 4 Ndelenee enyamukulo laKalunga otali mu lombwele shike? “Ame onde lixupifila ovalumenhu omayovi aheyali ava inava twa eengolo koshipala shaBaal.” 5 Osho ngaha nomefimbo lopaife yo oku na oshixupe pahoololo lefilonghenda. 6 Ehoololo okefilonghenda, hakoilonga; ngee okoilonga yomunhu, nena efilonghenda laKalunga kali fi vali efilonghenda.
7 Ongahelipi hano? Eshi Israel he shi lalakanene, ine shi hanga, ndelenee ovahoololwa ve shi hanga: vakwao va kukuta, 8 ngaashi pa shangwa:
“Kalunga okwe va pa omhepo yeemhofi,
omesho aha mone ko nomatwi aha ude ko
fiyo onena eli.”
9 NaDavid ota ti:
“Oshililo shavo nashi va ningile elulo noshiliva
nepundukifo nonghone,
10 omesho avo naa twike, vaha mone ko;
ndele ove petameka natango eembuda davo.”
11 Ame handi ti hano: Ovajuda ova pundukile? Ahowe, itashi dulika. Ndele eshi va nyona, exupifo ole uya kovapaani, opo Ovajuda ve va twile ondubo. 12 Ndelenee epunduko lavo ngeenge oupuna wounyuni, nokuninipikwa kwavo oupuna wovapaani, ouyadi wavo otau eta oupuna u fike peni!
13 Ohandi popi kunye ovapaani (Ovakriste vomovapaani), ngaashi aame omuyapostoli kovapaani, handi fimaneke oshilonga shange, 14 ndi ladipike, ngeenge tashi dulika, oludi lange, nondi xupife nande vamwe vomuvo. 15 Osheshi okweekelwashi kwavo ngeenge kwa ninga ekwatakanifo lounyuni, okutambulwa kwavo oshike nee, ngeenge kaku fi okunyumuka movafi? 16 Ndele ngeenge omungome wotete omuyapuki nosho yo olumbololo lomungome alishe oliyapuki, nomudi ngeenge omuyapuki, noitai yo oiyapuki.
17 Ndele ngeenge oitai imwe oya tetwa ko, naave, ove olumono lomofuka, wa twikwa mokati koitai, ou wa pewa oshitukulwa shoye komidi nokomeva olumono liwa, 18 ino linenepeka nokudina oitai; ngeenge oto linenepeke, kala u shi shii, haave wa humbata efina, efina olo le ku kwatelela. 19 Ove to ti mbela: “Oitai ei oya tetwa ko, opo ame ndi twikwe ko.” 20 Eewa hano, vo ova tetwa ko kokuhaitavela kwavo, ndele ove owa kwatelwa ko keitavelo loye. Ino linenepeka, kala wa tila, 21 osheshi Kalunga ngeenge ina xupifa oitai yopashitwe, naave yo ite ku xupifa. 22 Tala hano ouwa nouladihandu waKalunga, ouladihandu waye kwaava ve mu efa, ndele ouwa waKalunga kwoove, ngee to kala mouwa waye; ngee hasho, naave yo oto kewa ko. 23 Navo yo, ngeenge itava anyene mokuhaitavela kwavo, otava ka twikwa mo, osheshi Kalunga e neenghono oku va twikulula mo. 24 Osheshi ove ngee wa kewa mo molumono lomofuka, nowa twikwa molumono liwa la tekulwa, lihe fi lomoludi loye, hano unene tuu oitai ei yopashitwe otai ka twikwa molumono lavo vene.
25 Osheshi ovamwatate, opo muha ye neendunge deni vene, onda hala ndi mu hololele oshiholekwa eshi: Elikukutiko ola hanga Israel kombinga, fiyo ouyadi wovapaani we uya mo. 26 Ndele Israel ashishe otashi ka xupifwa, ngaashi pa shangwa:
“Omumangululi ota ka dja muSion,
ndele ta ka kandula mo odinokalunga muJakob;
27 ndele ehangano lange navo olo eli,
eshi handi kufa po omatimba avo.”
28 Pavaengeli, ovo ovanaita molweni, ndelenee pahoololo, ovo ovaholike omolwootate. 29 Osheshi eeshalinghenda neifano laye Kalunga ihe li lundulula. 30 Osheshi ngaashi nye nale mwa li inamu dulika kuKalunga, ndele paife omwa mona efilonghenda omolwokuhadulika kwavo, 31 osho tuu naava va kala ihava dulika paife, opo molwefilonghenda eli mwe li pewa, ovo yo va mone efilonghenda paife. 32 Osheshi Kalunga okwa idilila aveshe mokuhadulika, opo e va file onghenda aveshe.
Eendunge daKalunga da fimana
33 Oule u fike peni woupuna noweendunge nowounongo waKalunga? Omatokolo aye ohaa konakonwa kulyelye, neendjila daye olyelye e di shii?
34 “Osheshi olyelye a shiiva omayele Omwene?
Ile olyelye a kala omupukululi waye?
35 Ile olyelye e mu pa sha tete,
ye e shi mu futile?”
36 Osheshi aishe oyomuye nomolwaye ndele tai shuna kuye. Oye na fimanekwe alushelushe. Amen.
Esilohenda lyaKalunga kAaisraeli
1 Ihe otandi pula: Kalunga okwe ekelahi aantu ye? Aawe, hasho! Ngame mwene Omuisraeli, gwomoluvalo lwaAbraham nomunezimo lyaBenjamin. 2 Kalunga ine ekelahi aantu ye, mboka e ya hogolola okuza petameko. Omwa lesha ndishi ehokololo moka Elia ta tamaneke Aaisraeli koshipala shaKalunga ta ti: 3 “Omuwa, oyo ya dhipaga po aahunganeki yoye noya hanagula po iiyambelo yoye. Ongame awike nda hupu po, ihe otaa kongo ndje, ya dhipage ndje wo.” 4 Eyamukulo ndyoka Kalunga e mu yamukula otali ti ngiini? Otali ti: “Ondi na po natango aalumentu omayuvi gaheyali, mboka inaaya galikana oshikalunga Baal.” 5 Ano osho naanaa shi li ngashingeyi. Opu na omwaalu omushona gwowala gwaamboka Kalunga e ya hogolola molwesilohenda lye. 6 Ehogololo ndika olyopasilohenda lyaKalunga kali na sha niilonga yawo. Oshoka ando okwa li ehogololo lyaKalunga lya li lyi ikwatelela kushoka aantu ye shi longa, ando esilohenda lye kali shi we esilohenda lyashili.
7 Ihe ongiini ano? Aaisraeli inaa mona shoka ya li taye shi lalakanene, ihe osha monika kokangundu okashona hoka Kalunga e ka hogolola. Mbeyaka yalwe oya thitike omakutsi, yaa uve eithano lyaKalunga. 8 Ngaashi enyolo tali ti: “Kalunga okwa kukutike omitima nomadhiladhilo gawo, onkee sigo onena omeho gawo kage wete ko nomakutsi gawo kagu uvite ko.” 9 David kombinga ye ota ti:
“Iililo yawo nayi ya ningile omwigo gwoku ya kwata noku ya yula.
Naa punduke e taa geelwa.
10 Omeho gawo naga tsike,
yaa vule okumona ko.
Naa kale aluhe ya thindilwa pevi komaudhigu.”
11 Nena otandi pula: Aajuda oya pundukilile? Aawe, itashi vulika! Ihe sho ya yono, ehupitho olye ya kaapagani, opo Aajuda ye ya sile efupa. 12 Onkee ano okuyona kwAajuda okwe etele uuyuni omayambeko ogendji, noluhepo lwawo lwopambepo olwe etele aapagani omayambeko ogendji. Ano omayambeko otaga ka kala ge thike peni, uuna omwaalu gwAajuda ayehe tagu ke ya mo!
Ehupitho lyaapagani
13 Ngashingeyi otandi popi kombinga yeni aapagani. Sho ndi li po omutumwa mokati kaapagani, otandi isimanekele oshilonga shandje. 14 Pamwe otashi vulika, aantu yomoshigwana shandje taa ka sila aapagani efupa, opo ndi vule ihe okuhupitha nando oyamwe yomuyo. 15 Oshoka sho ya li ye ekelwahi, nena uuyuni owa hanganithwa naKalunga. Otashi ka kala ano ngiini, uuna taa ka taambwa? Otashi ka kala ongotaa yumudhwa kuusi.
16 Ngele okapambu kotango koshikwiila taka pewa Kalunga, nena oshikwiila ashihe oshe wo. Omidhi dhomuti ngele odha pewa Kalunga, nena iitayi oye wo. 17 Iitayi yimwe yolumono ndoka lwa helelwa, oya teywa ko, e taku tsikwa ihe oshitayi sholumono lwomiihwa. Ne aapagani omwa fa naanaa olumono ndoka lwomiihwa, ihe ngashingeyi otamu yamu mekota lyolumono lwa helelwa iikulya iitoye. 18 Onkee ano ino inenepeka, u dhine iitayi mbyoka ya teywa ko. Ngoye oshitayi showala, hangoye wa humbata ekota, ihe ekota olyo lye ku humbata.
19 Ihe pamwe oto ti: “Eeno osho, ihe iitayi mbyoka oya teywa ko, opo ndi tsikwe ko.” 20 Shika oshoshili. Oyo oya teywa ko, oshoka inaa itaala, manga ngoye owa tulwa peha lyawo, oshoka owi itaala. Ihe ino shi inenepekela, shila kala wa tila. 21 Oshoka Kalunga ngele ina hupitha Aajuda mboka iitayi yopanshitwe, nangoye wo ite ku hupitha. 22 Mpaka otatu mono uuwanawa nuugeyi waKalunga mpoka u thike. Oye ota geele mboka ya shuna monima. Kungoye oye omwaanawa, ngele oto u kwata nawa; ihe ngele hasho, nena nangoye wo oto ka tetwa mo. 23 Aajuda wo ngele taa etha okwaaitaala kwawo, nena otaa shunwa pehala mpoka ya li. Kalunga ota vulu oku ya shuna po natango. 24 Ne aapagani omwa fa oshitayi sholumono lwomiihwa shoka sha teywa ko e tashi tsikwa nuunkulungu kolumono lwa helelwa. Aajuda oya fa olumono ndoka, onkee kombinga yaKalunga oshipu okutsika ko natango iitayi mbyoka ya li ya tewa ko kolumono tuu ndoka.
Esilohenda lyaKalunga kaantu ayehe
25 Aamwameme, opo mwaa kale tamu landula oondunge dheni yene, onda hala oku mu tseyithila oshiholekwa shika kutya kombinga yimwe Aaisraeli oya adhika keikukutiko tali kala sigo omwaalu gwa gwana gwaapagani gwe ya kuKalunga. 26 Ano Aaisraeli ayehe otaa ka hupithwa, ngaashi enyolo tali ti:
“Omuhupithi ota zi muSion,
oye ota kombo mo okudhina Kalunga moluvalo lwaJakob.
27 Otandi dhike ehangano nayo,
sho tandi kutha po oondjo dhawo.”
28 Aajuda oya ningi aatondi yaKalunga omolweni aapagani, oshoka oya tindi elaka etoye. Ihe molwehogololo lyaKalunga oyo aaholike omolwoohekulu. 29 Oshoka Kalunga iha lundulula omadhiladhilo ge kutya ota hogolola lye nota yambeke lye. 30 Ne aapagani omwa li nale inaamu vulika kuKalunga, ihe ngashingeyi Kalunga okwe mu sile ohenda omolwokwaavulika kwAajuda. 31 Osho tuu wo ne sho mwa silwa ohenda, Aajuda oya tindi okuvulika kuKalunga, opo nayo wo ya vule okutaamba esilohenda lyaKalunga ngashingeyi. 32 Oshoka Kalunga okwe ethele ayehe mokwaavulika, opo e ya sile ohenda ayehe.
Kalunga na hambelelwe
33 Ano uuwindji wuuyamba waKalunga ou thike peni! Uunongo noondunge dhe odha hulila peni! Olye ta vulu okufatulula omatokolo ge? Olye ta vulu okuuva ko oondjila dhe? 34 Ngaashi enyolo tali ti:
“Olye a tseya omadhiladhilo gOmuwa?
Olye ta vulu oku mu tsa omayele?
35 Olye e mu pele sha tango,
ye e shi mu galulile?”
36 Oshoka ayihe oya shitwa kuye, omolwe ayihe yi li po notayi shuna kuye.
Kalunga na simanekwe aluheluhe! Amen.
