Jerusalem, ina yovaitaveli aveshe
Epsalome lOvakora, eimbilo.
1 Okudikwa kwasho, osha dikilwa
kombada yeemhunda diyapuki.
2 Oivelo yaSion Omwene e i hole
komesho yeenhele adishe daJakob.
3 Oshilando shaKalunga ove,
oto tumbulwa wa tumbala. Sela
4 Rahab naBabilon, hai tongo ovashiivi vange,
heeno, naFilistia naTirus pamwe naEtiopia:
naavo yo va dalelwa ko.
5 Ndelenee okutonga Sion otaku tiwa:
“Shamha omunhu, omo a dalelwa musho,
naau wOkombadambada
Ye mwene ote shi pameke.”
6 Omwene mokuvalula kwaye oiwana yoilongo
ota shangele mo:
“Naau okwa dalelwa ko.” Sela
7 Mokwiimba nokutanha tava ti:
“Eefifiya adishe dange di li mwoove.”
Eimbilo tali tanga Jerusalem
Episalomi lyezimo lyaKora; Eimbilo
1 Omuwa okwa tungile oshilando she
kondundu ondjapuki.
2 MuIsrael kamu na ehala e li hole,
ngaashi e hole oshilando Jerusalem.
3 Shilando shaKalunga,
pulakena, Omuwa sho te ku tanga
omolwiinima iinene:
4 “Egipiti naBabilonia otandi ke yi yalulila momwaalu gwiigwana
mbyo hayi vulika kungame.
Komwaalu gwaakali muJerusalem
otandi ka gwedha ko Aafilisti, Aatiro nAaetiopia.”
5 Nena Sion otashi ka tiwa:
“Iigwana ayihe otayi kala mo,
Omunankondoawike ote shi koleke.”
6 Omuwa ota ka yalula aantu ayehe;
ayehe ote ke ya tala
oyo aakali muJerusalem.
7 Oyo notaa ka imba nokunyanyukwa taa ti:
“Omayambeko agehe oge li muSion.”
