Kalunga kange, oshike wa efa nge?
Epsalme laDavid, la pewa enyakwa lolwiimbo mongovela yeimbilo eli: ‘Ngaashi oholongo yeluwa’.
1 Kalunga kange, Kalunga kange,
oshike wa efa nge?
Molwashike u li kokule nokukwafa nge,
kokule neendjovo dekemo lange?
2 Kalunga kange, omutenya ohandi kuu onghuwo,
ndele Ove ito i nyamukula,
nomoufiku ihandi mono elotifo!
3 Nande ope li ngaha, Oove Omuyapuki
ou ho kala momaimbilohambelelo Ovaisraeli.
4 Ootatekulu vonale okwa li ve ku lineekela,
ve litula melineekelo,
ndele Ove we va xupifa,
5 ova li ve ku ifana, nova mona exupifo;
nove ku lineekela ndele inava fifwa ohoni.
6 Ndelenee ame ondi li oshilikoki shongaho
nghi fi omunhu,
nda ninga oshiyolifa kovanhu,
nda dinika kuvo.
7 Aveshe, ava tava mono nge,
otava yeele nge,
otava leve nge nomulungu
nokupukapukila nge komitwe, tava ti:
8 “Okwe lineekela Omwene,
Oye ne mu xupife, Ye e mu kufe ko;
osheshi Ye e mu hokwa, vati.”
9 Heeno, Ove ou wa pitifa nge medimo lameme
ndele wa itavelela nge
ndi tulumukwe nawa ponhulo yameme.
10 Nghee nda dalwa, okukalamwenyo kwange
okwa tulwa mwoove;
nghee nda dja moshidalelo shameme,
Oove u li Kalunga kange.
11 Ino kala nge kokule,
osheshi oudjuu u li nge popepi,
ndele nghi na omukwafi.
12 Onda kondekelwa keengobe deemhedi dihapu,
eengobenghono domuBasan da shakena nge;
13 otadi ulile nge unene
ngaashi eenghoshi da pepula okulyana.
14 Onda fa omeva a tilwashi,
omakipa ange aeshe a damuka;
omutima wange owa ninga ngaashi edi,
wa dilukila meni lange.
15 Eenghono dange oda kukutila mo
da fa oshikangwa,
nelaka lange ola kanyatela moshihokohoko;
Ove to nangeke nge mondwi yefyo.
16 Akutu, eembwa da dingilila nge,
etanga lovanawii ola fitikinina nge mo;
ova tyuula omake neemhadi dange;
17 Omakipa ange aeshe ohandi shiiva oku a vala,
ovo tava tale nge noku shi hafela.
18 Omidjalo dange otave di litukulile,
notava umbile elwakani lange oshihoololifo.
19 Ndelenee Omwene,
Ove ino kala kokule naame!
Oove eenghonopamo dange,
endelela u kwafe nge!
20 Xupifa omwenyo wange keongamukonda,
nokomakanya eembwa edi.
21 Xupife nge mokanya konghoshi,
u amene nge keembinga deemhuulu.
22 Edina loye onda hala
oku li shiivifila oovakwetu,
nomokati keongalo ohandi ku hambelele.
23 Nye ava hamu tila Omwene, mu hambeleleni.
Amushe nye vomeumbo laJakob,
mu fimanekeni.
Heeno, nye vomodikwa yaIsrael,
amushe mu tileni.
24 Osheshi Ye ina dina oudjuu womuhepekwa,
Ye ine mu tunyukwa,
noshipala shaye ine shi mu holeka,
naashi a kuwa onghuwo, okwe i tondoka.
25 Ehambelelo lange nali dje kwoove
meongalo linene,
ame ndi wanife omaudaneko ange
monhanaisho yaava tave ku tila.
26 Ovanambili tava ka lya va kute;
naava tava kongo Omwene,
tave mu hambelele.
Omitima deni nadi kale nomwenyo fiyo alushe.
27 Fiyo okominghulo dounyuni
otave ke shi shipulula,
ve lialulukile kOmwene,
noiwana aishe yovapaani
otai ke linyongamena koshipala shoye,
28 osheshi ouhambapangelo owo owOmwene,
Oye omutekuli woilongo aishe.
29 Ovanenenhu aveshe vokombada yedu
otava ka lya nokulinyongamena,
oonakufya novanyengwi vokulixupifila omwenyo,
aveshe otave ke mu twila eengolo.
30 Omapupi aa tae uya, otae ke mu longela,
oludalo eli tali holoka komesho,
otali ka hepaululilwa Omwene.
31 Mokuuya kwavo otava ka vilikilila ouyuki waye
kovanhu ava tava ka dalwa komesho,
va shiive, nokutya Oye e shi wanifa.
Elilo muuwehame neimbilohambelelo
Episalomi lyaDavid
1 Kalunga kandje, Kalunga kandje,
omolwashike we etha ndje?
Moluhepo lwandje onda pula ekwatho,
ihe itali holoka.
2 Kalunga kandje, otandi uhala noku ku igidha,
ihe ito yamukula;
muusiku ondi ithana,
ihe ite mono evululuko.
3 Ihe ngoye Omukwaniilwa omuyapuki,
oho simanekwa kuIsrael.
4 Ookuku oya li ye ku inekele;
oye ku itula e to ya hupitha.
5 Oye ku ithana noya hupu moshiponga;
oye ku inekele,
yo inaa sithwa ohoni.
6 Ihe ngame kandi shi we omuntu;
ezinyo lyowala,
omudhinwa nomushekwa kukehe gumwe!
7 Ayehe mbo taa mono ndje,
otaa yolo ndje;
otaa nyonkele ndje e taa pukapuka komitse.
8 Oyo taa ti:
“Wa ti owi inekela Omuwa.
Omolwashike nduno itee ku hupitha?
Ngele oku ku hole,
omolwashike itee ku kwatha?”
9 Okoonkondo dhoye nde ya muuyuni,
sho nda valwa kumeme,
naasho nda li okahanona, owa gamene ndje.
10 Onde ku inekele okuza kesiku nda valwa,
nowa kala aluhe Kalunga kandje.
11 Ino kala kokule nangame!
Uudhigu ou li ndje popepi,
nokaku na ngo ta kwatha ndje.
12 Aatondi oyendji ya kunduka ndje ya fa oontsezi;
ya kondeka ndje ya fa oontsezi oompwidhi dhomuBaasha.
13 Oye ekamena ndje omakana ya fa oonime tadhi pumbu
nodha hala okutudhagula ndje.
14 Oonkondo dhandje dha kana, ongomeya ga tilwahi pevi.
Omasipa gandje agehe oga dhamuka;
omutima gwandje ogwa fa eka lya hemunwa.
15 Omuligu gwandje ogwa kukuta kwele,
nelaka lyandje lya kakatela kondaathelo.
Owa thigile ndje eso montsi yevi.
16 Ongundu yaakolokoshi oya kunduka ndje; ongoshipandi shoombwa
taa kondeke ndje;
otaa nyankula iikaha noompadhi dhandje.
17 Ngame iipongo ayike.
Aatondi yandje otaa sinasina ndje
ya tongolola ndje.
18 Omuzalo gwandje otaye gu umbile oshihogololitho
noonguwo dhandje otaye dhi itopolele.
19 Omuwa, ino kala ndje kokule!
Ila nziya, u hupithe ndje!
20 Hupitha ndje, ndaa se kegongamwele;
hupitha omwenyo gwandje
momakana goombwa ndhi.
21 Hupitha ndje moonime ndhi;
onda hepela mokati koonyati ndhika.
22 Onda hala okuhokololela yakwetu iilonga yoye;
onda hala oku ku simaneka megongalo:
23 “Mu panduleni, ne aalongeli yOmuwa!
Mu simanekeni, ne oluvalo lwaJakob!
Mu tsileni oongolo, ne Aaisraeli!
24 Ihe etha oohepele ye iha dhini omaudhigu gawo;
iha zi po puyo, ihe oha yamukula,
ngele taa pula ekwatho.”
25 Megongalo alihe otandi ku pandulile iilonga yoye;
mokati kaamboka haye ku simaneke,
otandi ku pe omayambo ngoka nde ga uvaneke.
26 Oohepele otaa ka lya ya kuta;
mboka taa ya kOmuwa, otaye mu simaneke.
Naa kale nelago sigo aluhe!
27 Iigwana ayihe otayi ka tseya Omuwa.
Koombinga adhihe dhuuyuni otaku zi aantu e taye ya kuye;
omihoko adhihe otadhi ke mu simaneka.
28 Omuwa oye omukwaniilwa
nota pangele iigwana.
29 Aanenentu ayehe otaa ke mu tsila oongolo;
oonakukasa otaye ke mu simaneka.
30 Omaluvalo gokomeho otage ke mu longela;
epipi tali landula otali ka tseyithilwa Omuwa.
31 Aantu inaa valwa natango otaa ka lombwelwa:
“Omuwa okwa hupitha aantu ye.”
