Mokutila Omwene tamu di enangekonoupuna
1 Omumwange, ino dimbwa elongo lange, nomutima woye nau diinine oipango yange; 2 osheshi lo otali ku hapupalifile omafiku nomido dokukalamwenyo nombili. 3 Olune noudiinini wouyuki inau ku efa. I mangela mofingo yoye, i shangela moshipelende shomutima woye, 4 opo nee to ka mona onghenda nomayele mawa moipafi yaKalunga noyovanhu.
5 Nomutima woye aushe lineekela Omwene, ino liameka keendunge doye mwene. 6 Mu shiiva meendjila doye adishe, opo nee Ye ota ka lalakanifa omalila oye. 7 Ino kala omunongo momesho oye mwene. Tila Omwene, ndele kanduka mo mowii; 8 osho tashi pameke olutu loye ndele tashi koleke omakipa oye. 9 Omwene mu fimaneka neliko loye noshipe shoye shomukeshe to shi likola, 10 opo nee omaanda oye taa ka yada pombada noikolelo yoye tai ka xunga omaviinyu. 11 Omumwange, ino dina outekuduliko wOmwene, ino loloka Ye eshi te ku hanyene. 12 Osheshi ou Omwene e mu hole Ye ote mu hanyene, heeno, ngaashi xe ta hanyene omona waye e mu hole.
13 Omunelao omulumenhu ou a mona ounongo, nomulumenhu ou te likongele eendunge. 14 Osheshi oku di konga oku dule oshisiliveli, noku di mona oku dule oshingoldo; 15 Ondilo yado i dule okorali, noinima yoye aishe i nondilo itai yelekwa nado. 16 Meke lado lokolulyo omu noule womafiku, nomeke lado lokolumosho omu noupuna nefimano. 17 Eendjila dado odo eendjila da wapala, nomalila ado aeshe ombili. 18 Odo omuti womwenyo kukeshe ou te u kwata, nomunelao keshe oyou ta kanyatele kuo.
19 Edu Omwene e li dika nounongo, nokwa pameka omaulu neendunge; 20 omolweshiivo omakungulukilo omokule a panuka mo noilemo ya ndoda omume.
21 Omumwange, oinima ei iha dje mo momesho oye, diinina eshiivo neendunge, 22 opo nee yo tai ka ninga oukali womomwenyo woye noulenga womofingo yoye, 23 opo nee ho ende nawa nondjila yoye, ndele ito likwayula omhadi yoye. 24 Ngeenge to ka nangala, ito ka haluka, ndele ngeenge to nangala, eemhofi doye tadi ka kala ditalala. 25 Ove, ito pumbwa okukala u noumbada molwehaluko tali uya divadiva, ile ehanauno tali kolokele ovahenakalunga. 26 Osheshi Omwene ota ka kala omulineekelwa woye ndele Ye ota ka amena omhadi yoye komwiyo. 27 Ino anya okumonifila omukwanaluhepo ouwa, ngeenge ho dulu oku shi ninga. 28 Ino lombwela omukweni: “Inda, u lialuke, opo mongula handi ku pe,” nande ove u shi kwete. 29 Ino diladilila omukweni owii, fimbo ye ta kala pwoove te ku lineekele. 30 Ino twa eemhata nomunhu ye ine ku ningila sha shii. 31 Ino kala u nefupandubo nomukolokoshi, neendjila daye ino di lihoololela. 32 Osheshi omupukifi oye oixuna kOmwene, ndelenee Ye omushiiviki wovayuki. 33 Etulomutima lOmwene li li meumbo lomuhenakalunga, ndelenee eumbo lovayuki tali nangekwa noupuna kuye. 34 Ava hava sheke, Kalunga yo te va sheke. Ndelenee ovalininipiki tava filwa onghenda kuye. 35 Ovanongo tava ka fyuulula efimano, ndelenee oshipewa shomalai osho ohoni.
Ekumagidho kaagundjukamati
1 Mumwandje, ino dhimbwa omalongo gandje, dhigininitha omutima gwoye iipango yandje, 2 oshoka otayi lelepaleke omimvo dhokukalamwenyo kwoye e tayi ku etele elago. 3 Ohole nuudhiginini inayi ku thiga po, yi zala mothingo yoye, yi nyolela koshipelende shokomutima gwoye. 4 Ngele oto shi ningi, oto ka mona esilohenda nedhina ewanawa koshipala shaKalunga noshaantu.
5 Inekela Omuwa nomutima gwoye aguhe noino igameka koondunge dhoye mwene. 6 Mu tseya moondjila dhoye adhihe, nena oondjila dhoye ote dhi yelekanitha. 7 Ino kala omunawino momeho goye mwene; tila Omuwa, gamuka kuuwinayi. 8 Otashi ka ninga ealudho lyolutu lwoye nendjangeko lyomasipa goye. 9 Simanekitha Omuwa miinima yoye nomoshipe shiilikolwa yoye ayihe. 10 Ngele oto shi ningi, iigandhi yoye otayi ka udha eloolo, nomatemba goye gokukolela otaga ka tikila omaviinu.
11 Mumwandje, ino dhina eputudho lyOmuwa, nomageelo ge inage ku sitha uunye, 12 oshoka Omuwa ota dhenge ngoka e hole, ngaashi he, omwana ngoka a hokwa. 13 Omunelago omuntu ngoka a likola owino, nomuntu ngoka a pewa oondunge. 14 Oshoka oku dhi likola okuwanawa ku vule oshisiliveli, notadhi etitha ontanitho yi vule ndjoka yoshingoli. 15 Odhi na ondilolela dhi vule uuwe, nomaliko goye agehe guuyamba itaga yelekwa nadho. 16 Molulyo lwowino omu na omwenyo omule, nomolumoho lwayo uuyamba nesimano. 17 Owino otayi toyaleke okukala kwomuntu nokwoopaleka omapola ge agehe. 18 Oyo omuti gwomwenyo gwaamboka taye yi kwata, naanelago oomboka taye yi dhiginine.
19 Omuwa okowino ye a dhike evi, nokuunkulungu we a yalaleke egulu. 20 Kuunongo we oothithiya dhomuule odha tsipuka, niikogo tayi gu omume.
21 Mumwandje, dhiginina owino neuveko, ino yi kanitha momeho goye. 22 Oyo omwenyo kungoye nuulenga womothingo yoye. 23 Otayi ku enditha nondjila yoye waa na mbudhi, noompadhi dhoye itadhi ipumu koshithindi. 24 Ngele to ka lala, ito ka haluka, noomposi dhoye odho oontoye. 25 Ito pumbwa okutila ehalutho lyohaluka nenge ekano lyombadhilila lyaakaanakalunga. 26 Oshoka Omuwa oye einekelo lyoye, noye ta gamene ompadhi yoye komwigo.
27 Omuntu ino mu tindila eyakulo ewanawa ndyoka to vulu oku li mu yakulitha. 28 Ino lombwela mukweni to ti: “Inda ngoye u galuke, otandi ke ku pa ngula,” manga u na sha peke. 29 Ino etela oshiponga ngoka a kala pungoye nokwe ku inekela. 30 Ino tamanana nomuntu pwaa na etompelo lyasha, ye inee ku hinda. 31 Omuntu omupwidhi ino mu sila efupa, noino landula nando ondjila ye. 32 Omugoyoki oye iihuna koshipala shOmuwa, ihe Omuwa okwi inekela aayuuki. 33 Etulomutima lyOmuwa oli li megumbo lyomukeenakalunga, ihe egumbo lyomuyuuki ote li yambeke. 34 Aashekedhi ote ya sheke, ihe aaifupipiki ote ya sile ohenda. 35 Aanawino otaa ka thigulula esimano, ihe aagoya otaa ka likola ohoni.
