Kristus Oye aeke emona lashili
1 Ndele natango, ovamwatate, hafeni mOmwene! Oku mu shangululila oinima ei itaku lolola nge, ndelenee kunye epameko.
2 Lungameni eembwa odo, lungameni ovalongi ovo vai, lungameni ovo va pitifwa nai etanda. 3 Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela, 4 nande ame ndi na sha shokulineekelwa yo pambelela. Ngeenge pe na ou e shii, oye e na sha shokulineekela ombelela, ame ondi mu dule. 5 Ame ou nda pitifwa etanda mefiku etihetatu, aame womoludi laIsrael, womapata aBenjamin, Omuheberi womOvaheberi, pamhango Omufarisai, 6 pauladi ndimuhepeki weongalo, pauyuki womhango aame omuhenashipo. 7 Ndelenee ei ya li eliko lange, onde i tala oyo oshiponga omolwaKristus. 8 Heeno oshili, oinima aishe, eshi nde i shaameka nokushiiva Kristus Jesus Omwene wange, handi i tale oyo oshiponga, osheshi omolwaye nda kanifa aishe nohandi i dini oyo oimbodi yongaho, ndi likole Kristus, 9 ndele ndi monike ndi li muye, ndihe nouyuki wange mwene womomhango, ndelenee oyou womeitavelo laKristus, ouyuki tuu ou hau di muKalunga molweitavelo; 10 nondi mu shiive, neenghono denyumuko laye nokukala pamwe naye momauyehame aye ndi mu fe mokufya kwa fa kwaye, 11 ame ndi fike ko kenyumuko lokovafi.
Elalakaneno lOmukriste
12 Hakutya nde shi hanga ngeno ile nda wana nda pwa, ndelenee ohandi shi lotokele, ndi shi kwate, ngaashi ame nda kwatwa kuKristus Jesus. 13 Ovamwatate, ame itandi litale nokutya, nde shi hanga, ndelenee handi shi ningi: ohandi dimbwa ei yokonima nohandi lalakanene ei yokomesho, 14 ohandi lotokele kefikilo, okondjabi yefindano Kalunga e i ifanena nge neifano lopombada muKristus Jesus.
15 Hano ofyeni atusheni ava twa wana, tu diladileni ngaha, nongeenge mu nomadiladilo amwe moshinima shonhumba, naasho otamu ke shi hololelwa kuKalunga. 16 Ndelenee keshe apa twa fikeni, natu endeni mondjila imwe nokukala mediladilo limwe.
17 Ovamwatate, ningeni ovahopaeleli vange, nye mu tale ava hava ende pashihopaelelwa eshi mwa kufa mufye. 18 Osheshi vahapu, ngaashi nde ve mu lombwela luhapu nohandi mu lombwele vali, ndi nomahodi, ohava ende ovatondi vomushiyakano waKristus. 19 Exulilo lavo olo ekano, nedimo lavo olo kalunga kavo, nefimano lavo ohoni yavo, nohava diladila ei yopadu. 20 Ndelenee oukwashilongo wetu otu u kwete meulu, omo hatu teelele Omwene Jesus Kristus Omuxupifi, 21 ou ta ka shitulula omalutu etu aa a xutuka, a fe olutu laye loshinge, okeenghono daye tadi dulikifa aishe kuye.
Uuyuuki washili
1 Hugunina, aamwameme, Omuwa ne mu gwedhele ko natango enyanyu olindji. Ngame inandi shi kunyukwa okweendulula iinima mbyoka nde yi mu nyolele nale, ihe otashi mu koleke. 2 Kotokeleni oombwa ndho, aantu mboka haa longo uuwinayi, aalumentu mboka haa itangele efukaleko lyokombanda. 3 Oshoka aafukalekwa yashili otse mbaka hatu galikana Kalunga mOmbepo notwa nyanyukilwa okukala kwetu muKristus Jesus. Tse itatu itangele nando oshilonga shimwe shokombanda, 4 nando ngame otandi vulu okwiinekela wo iinima ya tya ngaaka. Ngele ku na ngoka ta dhiladhila kutya ota vulu okwiinekela iilonga yokombanda, nena ngame ondi mu vule. 5 Ngame tuu nguka nda fukalekwa konima yoshiwike shimwe okuza kokuvalwa kwandje. Ngame Omuisraeli kevalo, omunezimo lyaBenjamin, Omuhebelilela. Kombinga yokudhiginina ompango yAajuda onda li omufarisayi. 6 Ngame onda li omulaadhi noonkondo mokutidhagana egongalo. Ngame onda li ndaa na okantongo kasha kombinga yuuyuuki mboka omuntu te u adha molwokuvulika komalombwelo gompango. 7 Ihe ayihe mbyoka nda li nde yi tala yi na omupondo, ngashingeyi otayi etele ndje oshiponga omolwaKristus. 8 Eeno shili, iinima ayihe yilwe oyo ekanitho lyowala, ngele tandi yi yeleke nokutseya Jesus Kristus, Omuwa gwandje, shoka osho oshinima shondilo shi vule ayihe. Omolwe onde ekelehi iinima ayihe nonde yi tala oyo iiyagaya yowala, opo ndi likole Kristus, 9 ngame ndi kale muukumwe naye. Ngame kandi na we uuyuuki wandje mwene, uuyuuki mboka hau adhika mokuvulika kompango. Ihe ngashingeyi ondi na uuyuuki mboka tau gandjwa molweitaalo okwiitaala Jesus Kristus, uuyuuki tau zi kuKalunga nowi ikwatelela keitaalo. 10 Shoka nde shi hala ngashingeyi, osho okutseya Kristus, okumakela oonkondo dheyumuko lye, okukala ndi na oshitopolwa momahepeko ge nondi mu fe mokusa, 11 opo nangame wo ndi yumudhwe mo meso, ndi ye momwenyo.
Okuninga shanamutango
12 Ngame itandi itanga kutya onda adha nale esindano moshinima shika nenge onda adha nale ethikilo. Aawe, otandi matuka, opo ndi li adhe, oshoka Jesus Kristus okwa likola ndje. 13 Aamwameme, ngame inandi itala natango kutya onde li adha, aawe, ihe oshinima shimwe tandi ningi, otandi dhimbwa shoka shi li konima notandi ningi ashihe shoka tandi vulu, opo ndi adhe shoka shi li komeho gandje. 14 Onkee otandi matuka ndu ukilila kethikilo, opo ndi ka likole ondjambi yesindano. Ondjambi ndjika oyo omwenyo gwomegulu, ngoka Kalunga e gu ithanena ndje molwaJesus Kristus.
15 Ano tseni atuheni mboka twa koka pambepo, natu kaleni tatu dhiladhila ngeyi. Nongele nani oku na yamwe ye na omadhiladhilo gi ili, nena Kalunga ote ke mu yelithila oshinima shoka. 16 Natu humeni owala komeho nondjila naanaa ndjoka twe ende nayo sigo oompaka.
17 Aamwameme, kaleni nokuholela ndje. Tse otwe mu pe oshiholelwa oshiwanawa, onkee ano landuleni aantu mboka haa landula oshiholelwa shetu. 18 Ngaashi nde mu lombwele nale olwindji, otandi shi endulula natango ndi na omahodhi kutya oku na aantu oyendji mboka ya ningi aatondi yeso lyaKristus lyokomushigakano. 19 Oyo otaa ka ya sigo omoheli, oshoka uuhalu womalutu gawo oye u ningi kalunga kawo. Oyo ohaa isimanekele iinima mbyoka ya li ye na okukala ye yi sa ohoni nohaa dhiladhila ashike iinima mbyoka yomuuyuni mbuka. 20 Ihe tse uukwashilongo wetu ou li megulu notwa tegelela nondjuulukwe onene Omuwa gwetu Jesus Kristus, a ze megulu, e ye e tu hupithe. 21 Oye tuu ngoka ta ka shitulula omalutu getu ngaka omankundi nomasi e te ga ningi, ga kale ngaashi olutu lwe lu na eadhimo. Oye ota longitha oonkondo dhe tadhi vulu okutula iinima ayihe kohi yepangelo lye.
