1 Paulus naTimoteus, ovapiya vaKristus okovayapuki aveshe muKristus Jesus, ovo ve li muFilippi nokovafita nokovayakuliongalo. 2 Efilonghenda kunye nombili yaKalunga Tate yetu noyOmwene Jesus Kristus!
Paulus ta ilikanene Ovafilippi
3 Ohandi pandula Kalunga kange keshe tuu apa handi mu dimbulukwa, 4 ndele momailikano ange aeshe ohandi mu ilikanene alushe nehafo, onye amushe, 5 eshi mu nekwatafano lomevaengeli okefiku linya lotete fiyo opaife, 6 nohandi lineekele shili nokutya, ou a hovela oshilonga shiwa munye, Oye ote shi wanifa yo fiyo okefiku laKristus Jesus. 7 Naasho sha yuka yo, ndi kale noku mu diladila ngaha onye amushe, osheshi ondi mu kwete momutima wange, nofimbo ndi li meemango nomanga handi popile nohandi pameke evaengeli, onye ava mu noshitukulwa shonghenda pamwe naame. 8 Osheshi Kalunga Oye ondobwedi yange, nhumbi nde mu djuulukwa nohole yokomwenyo yaKristus Jesus.
9 Ndele eshi handi indile ohole yeni i hapupale alushe mokushiiva nomokukoneka akushe, 10 mu shiive okutongola oinima ei iwa unene, mu kale fiyo okefiku laKristus mwa koshoka, nye muha limbilike nande omunhu, 11 mwa yadifwa noiimati youyuki, oyo i li po molwaJesus Kristus okufimanekifa nokuhambelelifa Kalunga.
Omalyenge a tandavelifa evaengeli
12 Ndelenee ovamwatate, nda hala mu kale mu shi shii, eshi sha ningilwa nge, osha tandavelifa evaengeli, 13 fiyo sha shiivika ketanga alishe lovakwaita vomouhamba nokuvamwe aveshe nokutya, ame nda mangwa omolwaKristus. 14 Novamwatate vahapu vomOmwene mokulineekela omalyenge ange va tuwa ouladi u dule wonale okupopya eendjovo daKalunga vehe noumbada.
15 Nande vamwe hava udifa Kristus kondubo nokepatafano ndele vamwe kehalo liwa, 16 ava ohave shi ningi kohole, osheshi ve shi shii, ame nda tulwa po okupopila evaengeli, 17 ndele venya vamwe ohava udifa Kristus nokukonga osho shavo vene nomwenyo inau yela, nove shii tava wedele nge oluhodi momalyenge ange. 18 Ndelenee opo ope na shike? Kristus shimha ta udifwa keenghedi adishe, ngee pamoniko longaho ile moshili! Nondi li po handi shi nyakukilwa nohandi ke shi hafela komesho yo.
Kristus aeke na fimanekwe
19 Osheshi ndi shi shii, eshi otashi lundulukile nge exupifo omolwomailikano eni nokekwafo lOmhepo yaJesus Kristus, 20 ongaashi ndi neteelelo nelineekelo nokutya, ame itandi ka fifwa ohoni nande moshinima shimwe, ndelenee Kristus ta ka fimanekwa nouladi aushe paife naalushe omolutu lange nongeenge mokukalamwenyo ile mefyo. 21 Osheshi omwenyo wange oKristus, nokufya okwo elikolo. 22 Ndelenee ngeenge ndi nokukala ndi nomwenyo mombelela otaku etele oshilonga shange oiimati, ndele nghi shi shii shilipipo handi hoolola. 23 Hano handi fininikwa keembinga mbali, onda hala okudja po ndi ka kale puKristus, osheshi osho sha wapalela nge unene; 24 ndelenee okukala mombelela omolweni ku dule po shinya. 25 Ndele eshi nda shiiva eshi shili, ondi shi shii yo kutya handi ka kala nomwenyo nohandi kala punye amushe, mu kulifwe, nye mu hafifwe meitavelo, 26 opo elitango leni omolwange muKristus Jesus tali kala lihapu unene mokuuya kwange kunye vali.
Kaleni omukoo umwe
27 Kaleni ashike nokweenda nokuwapalela evaengeli laKristus, opo ngeenge nde uya ko, ndi mu mone ile ngee ndi li kokule, ndi mu ude, mu li momhepo imwe, nye mu li omukoo umwe mokukondjela eitavelo levaengeli pamwe naame, 28 ndele nye muha mbadapalifwe kovanandubo nande moshinima shimwe. Eshi osho edidiliko lekano kuvo, ndelenee kunye olexupifo, edidiliko la dja kuKalunga. 29 Osheshi onye omwa pewa hakwiitavela akuke Kristus, ndelenee oku mu hepekelwa yo, 30 nye mu nolwoodi tuu olo mwe li mona ndele hamu udu paife ndi li kwete.
1 Ontumwafo ndjika oya zi kuPaulus naTimoteus, aamati yaJesus Kristus, ya nyolelwa aantu yaKalunga ayehe yomuFilippi, mboka yi itaala Jesus Kristus pamwe naawiliki yegongalo lyaKalunga naayakuli yalwe.
2 Silweni ohenda, ne mu kale mu na ombili yaKalunga noyOmuwa Jesus Kristus.
Paulus ta galikanene Aafilippi
3 Otandi hambelele Kalunga kandje omolweni amuhe, kehe ethimbo tandi mu dhiladhila. 4 Momagalikano gandje agehe otandi mu galikanene nenyanyu, 5 oshoka omwa kwatha ndje moshilonga sheuvitho lyevaangeli okuza kesiku lyotango sigo ongashingeyi. 6 Ngame ondi inekela shili kutya Kalunga, ngoka a tameke oshilonga oshiwanawa mune, ote shi tsikile, sigo tashi ka pwa mesiku lyaJesus Kristus. 7 Ngame ondi mu hole. Nokuli osho oshu uka lela, ngame ndi kale noku mu dhiladhila ngeyi, oshoka one aasilwahenda kuKalunga pamwe nangame; ngashingeyi sho ndi li mondholongo naasho wo nda li inaandi kwatwa okupopila nokukoleka evaangeli. 8 Kalunga oku shi shi kutya otandi popi oshili, sho tandi ti: Onde mu yuulukwa nohole yomuJesus Kristus.
9 Egalikano lyandje olyo ndika kutya Kalunga a kokithe nokutaneka ohole yeni mokutseya nomokuninga omatokolo ge na oondunge, 10 opo mu kale mu na owino yokuyoolola iinima mbyoka yi na oshilonga. Nena mesiku lyaKristus one otamu ka kala ihe mwa yela mwaa na nando okantongo kasha. 11 Okukalamwenyo kweni otaku kala ihe ku udha iiyimati iiwanawa mbyoka Jesus Kristus awike ta vulu oku yi mu imitha, iiyimati yokusimanekitha noyokuhambelelitha Kalunga.
Kristus oye omwenyo gwandje
12 Aamwameme, ngame onda hala, mu kale mu shi shi kutya iinima mbyoka ya ningilwa ndje, oya kwathele lela mokutaandelitha evaangeli. 13 Nokuli etanga alihe lyaalangeli yuuwa naambala yalwe ooyakwawo yaamuka oye shi shi ngashingeyi kutya ngame onda tulwa mondholongo molwaashoka ndi li omumati gwaKristus. 14 Okukala kwandje mondholongo okwa pe oyendji yomaamwameme aalumentu omukumo okwiinekela Omuwa nokuuvitha nuulaadhi yaa na uumbanda.
15 Eeno, yamwe yomuyo otaa uvitha Kristus omolwefupa nomolwondumbo, ihe ooyakwawo otaye mu uvitha nehalo ewanawa. 16 Mboka otaye shi ningithwa kohole, oshoka oyo oye shi shi kutya Kalunga okwa pe ndje oshilonga shokupopila evaangeli. 17 Mbeyaka ooyakwawo ihaa uvitha Kristus nehalo ewanawa, ihe omombepo yokwiihola noyondumbo. Ngashingeyi sho ndi li mondholongo, oye shi aniwa otaa gwedhele ndje uudhigu u vule wonale.
18 Ihe shoka kashi na mbudhi. Ngame ondi li po nde shi nyanyukilwa notandi ke shi nyanyukilwa komeho, Kristus shaa ashike tu uvithwa pamukalo kehe ngoka tagu vulika, ongele nelalakano ewanawa nenge nelalakano lya puka. 19 Nokuli ngame ondi shi shi kutya omolwomagalikano geni nokekwatho lyOmbepo yaJesus Kristus otandi ka manguluka. 20 Oshoka ondjuulukwe yandje onene netegameno lyandje olyo ndika kutya ngame ndaa idhimbike nando okuli oshinakugwanithwa shandje. Ethimbo alihe, unene okuza kongashingeyi, otandi kala ndi na omukumo omunene, opo ngame mwene nuuntu wandje auhe ndi simanekithe Kristus. Ashihe shimwe, ngele ondi na omwenyo nenge tandi si. 21 Oshoka kombinga yandje Kristus oye omwenyo gwandje nokusa okwo elikolo. 22 Ihe ngele nani mokukala ndi na omwenyo molutu nduka, otandi vulu okulonga sha shi na oshilonga oshinene, nena onda nyengwa nokandi shi wo kutya oshini po ndi na okuhogolola po. 23 Ondi li po tandi thiminikwa koombinga adhihe mbali: Onda hala nokuhalelela, ndi thige po okukalamwenyo huka, ndi ka kale puKristus. Shika osho oshinima oshiwanawa shi vule oshikwawo. 24 Ihe osha pumbiwa unene noonkondo, ndi kale ndi na omwenyo omolweni. 25 Onkee ngame ondi inekela lela nondi shi shi kutya otandi ka kala ndi na omwenyo. Eeno, otandi ka kala natango pune oku mu kokitha noku mu nyanyudha meitaalo. 26 Ngele nda kala pune natango, nena ne otamu ka vula ihe okwiisimanekela ndje mokukala kweni muKristus Jesus.
27 Oshinima oshinene nosha simana osho shoka kutya omikalo dheni nadhi kale dho opalathana nevaangeli lyaKristus, opo nge nde ya ko, ndi mu mone nongele ndi li kokule, ndi mu uve mu li mwa thikama omuthika mu na elalakano limwe alike, nokutya okukondjela eitaalo lyomevaangeli pamwe nangame. 28 Inamu tila aakondjithi yeni, ihe kaleni aluhe mu na omukumo. Omukumo gweni otagu ya tompo kutya oyo itaa ka sindana, ihe ne otamu ka sindana, oshoka Kalunga oye te mu pe esindano. 29 Oshoka ne omwa pewa ohenda yokuyakula Kristus, hamoku mu itaala akuke, ihe nomoku mu hepekelwa wo. 30 One wo otamu vulu okukondja pamwe nangame. Olugodhi ndoka olwo naanaa ndoka mwa li mwa mono ndje ndi lu na, nosigo onena omu uvite ndje ndi lu na.
