Jesus ta velula omunhu e na omhepo ya nyata
(Mat. 8:28-34Luk. 8:26-39)1 Ndele ove uya nee komunghulo winya wefuta, kedu lOvagerasa. 2 Ndele eshi tuu a dja mowato, okwa shakenekwa diva komulumenhu ta di meembila, a kwatwa komhepo ya nyata. 3 Ye okwa kala meembila, ndele kakwa li nande omunhu ta dulu vali oku mu manga nande onelyenge; 4 osheshi okwa li a mangwa luhapu nomiya nonomalyenge, ndele omalyenge okwe a tokaula, nomiya okwe di tokaula po, ndele kakwa li ou ta dulu oku mu mweneka. 5 Ye okwa kala alushe, oufiku nomutenya, meembila nomeemhunda, ta ingida pombada ye te lilengaula nomamanya. 6 Paife eshi a monena Jesus kokule, okwa tondoka, ndele ta tu eengolo koshipala shaye, 7 ndele okwa ingida mokule ta ti: “Owa hala shike mwaame, Jesus, Omona waKalunga, Ou wOkombadambada? Ohandi ku anene kuKalunga ino hepeka nge.” 8 Osheshi Ye okwe mu lombwela: “Dja mo momulumenhu, oove omhepo ya nyata.” 9 Jesus okwe mu pula: “Edina loye olyelye?” Oye okwa tya kuye: “Edina lange Ongudu yakula, osheshi fye otuvahapu.” 10 Ndele okwe mu indila neenghono, ehe di te po peenhele odo. 11 Ndele keemhunda oko okwa li ongudu inene yoingulu tai nape. 12 Odo de mu indila da tya: “Tu tuma moingulu tu ye muyo.” 13 Ye okwe di itavelela mo. Hano eemhepo da nyata oda dja mo muye, ndele tadi i moingulu. Nongudu yoingulu i fike pomayovi avali, oya mbolokota ko komutune mule ya wila mefuta, ndele tai file mefuta.
14 Ovafita vayo ova ya onhapo, ndele ove shi hepaululila moshilando nomomikunda. Ndele ovanhu ova ya va ka tale osho sha ningwa ko. 15 Vo ove uya kuJesus ndele ova mona ko omulumenhu ou kwa li e kwetiwe kongudu yakula, a kala omutumba a djala, ye e neendunge, ndele vo ova haluka. 16 Ndele ovo ve shi mona, ove va hepaululila osho sha ningilwa omunhu ou a li e kwetiwe komhepo ya nyata, noingulu nhumbi ya ningwa. 17 Ndelenee vo ova hovela okwiindila Jesus a dje mo momukunda wavo. 18 Hano Ye eshi ta i mowato, ou a dja eemhepo dii, okwe mu indila a dule okukala puye. 19 Ndelenee Jesus okwe mu anya, ndele ta ti kuye: “Inda keumbo kovakweni, ove u va hepaululile, Omwene nhumbi e ku ningila oilonga inene, ndele te ku filonghenda.” 20 Ye okwa ya ko ndele okwa hovela okuudifa muDekapolis oilonga inene e i ningilwa kuJesus opo i fike, ndele aveshe ova kumwa.
Jesus ta velula omukainhu ndele ta nyumuna omona waJairus
(Mat. 9:18-26Luk. 8:40-50)21 Jesus eshi a shuna komunghulo wokombinga inya yefuta nowato, ongudu inene yovanhu oya ongala puye. Ye okwa li pomunghulo wefuta. 22 Ndele taku di umwe womovakulunhu voshinagoga, edina laye Jairus, ndele eshi e mu mona, okwa wila poshi keemhadi daye, 23 Ndele okwe mu indila neenghono ta ti: “Okamwange okakadona otaka vele unene, ila, ove u ka tenheke omake ka veluke, ko ka kale ke nomwenyo.” 24 Ye okwa ya pamwe naye. Ovanhu vahapu ove mu shikula ndele ove mu fininika.
25 Ndele okwa li ku nomukainhu, a li a vela etiko lohonde eedula omulongo nambali. 26 Nokwe lihepeka shili neendudu dihapu, ndele ta manene mo emona laye alishe, ndelenee ina mona ekwafo, ndele oudu owa ya ashike komesho neenghono. 27 Ye eshi a kundana Jesus, okwe uya mongudu yovanhu e li konima yaye, ndele ta kumu koshikutu shaye, 28 osheshi ye okwa tya: “Shimha tuu nda kumu koshikutu shaye ohandi veluka.” 29 Opo tuu opo etiko lohonde laye ola oka, ndele oku udite molutu laye a veluka koudu waye.
30 Ndele Jesus eshi e udite muye mwa dja eenghono, okwa pungulukila mokati kovanhu ndele ta ti: “Olyelye a kuma koshikutu shange?” 31 Ovalongwa vaye ova tya kuye: “Ove ou wete ovanhu tave ku fininike, ndele to ti: ‘Olyelye a kuma nge?’ ” 32 Ndele Ye okwa li ta keuka a mone ou e shi ninga. 33 Omukainhu okwa kala a tila ndele ta kakama, osheshi okwa li e shi shii nhumbi a ningilwa, okwe uya ndele ta wile komesho yaye, ndele te mu hepaululile oshili aishe. 34 Jesus okwa tya kuye: “Omumwangekadona, eitavelo loye ole ku velula. Inda nombili, ove u kale wa veluka koudu woye.”
35 Fimbo ta popi okwa dja ovanhu komukulunhu woshinagoga tava ti: “Omumwoyekadona okwa fya, oshike to lolokifa vali omuhongi?” 36 Ndele Jesus ina pwilikina eendjovo odo da popiwa, ndele okwa lombwela omukulunhu woshinagoga: “Ino tila, shimha wa itavela.” 37 Ndele Ye ina itavela nande omunhu a ye mo pamwe naye, oPetrus naJakob naJohannes, ondenge yaJakob, ovo aveke. 38 Vo ove uya keumbo lomukulunhu woshinagoga. Ndele Ye okwa mona ko ovanhu tava uyaana, ndele tava kwena ndele tava takuma. 39 Hano eshi a ya mo okwa tya kuvo: “Oshike tamu uyaana ndele tamu kwena? Okaana inaka fya, oka kofa.” 40 Vo ove mu yola. Ndele okwa ta mo aveshe, a kufa xe naina yokaana naava va li pamwe naye, ndele okwa ya omo mwa nangala okaana. 41 Ndele okwa kwata eke lokaana, ndele okwa tya kuko: “Talita kuum.” Otashi ti: okakadona, ohandi ku lombwele, penduka. 42 Okakadona oka penduka diva, ndele taka ende, osheshi okwa li ke nomido omulongo nambali. Vo va kwatwa kehaluko linene. 43 Ndele Ye okwe va kumaida shili, vehe shi lombwele nande olyelye, ndele okwe va lombwela ve ka pe oikulya.
Jesus ta aludha omunampwidhuli
(Mat. 8:28-34Luk. 8:26-39)1 Ano sho ya yi handiyaka yefuta lyaGalilea, koshilongo shAagerasa, 2 Jesus okwa zi mo mowato nokwa tsakanekwa komulumentu e niwe kombepo ya nyata, a zi moombila dhomomakololo. 3 Omulumentu nguka okwa kala momakololo moka, nokakwa li nando omuntu a vulu oku mu manga we, nando onomalyenge. 4 Oshoka olwindji sho a mangwa nomiya nomalyenge, okwe ga teyagula nomiya okwe dhi tokola. Kakwa li nando omuntu a li e na omukumo oku mu vulikitha. 5 Uusiku nomutenya okwa kala aluhe momakololo nomoondundu ti igidha ye ti idhenge nomamanya. 6 Ihe sho a mono Jesus e li kokule, okwa matuka nokwa tsu oongolo koshipala she 7 e ti igidha mokule a ti: “Jesus, Omuna gwaKalunga Omukombandambanda! Owa halela ndje shike? Otandi ku ganitha koshipala shaKalunga, waa hepeke ndje.” 8 Oshoka Jesus okwa adhika a ti kuye: “Mbepo ngoye ya nyata, za mo momulumentu nguka!”
9 Jesus okwe mu pula: “Edhina lyoye olini?”
Oye a yamukula: “Edhina lyandje ongame Ngundu, oshoka otu li oyendji.” 10 Omulumentu nokwi indile Jesus noonkondo, kaa tidhe mo oombepo dha nyata momukunda ngoka.
11 Popepi nondundu opwa li oshigunda oshinene shiingulu tayi napa. 12 Oombepo dha nyata odha hehela Jesus dha ti: “Tu tuma miingulu, tu hite muyo.” 13 Oye okwe dhi pitika. Oombepo dha nyata odha zi momulumentu nodha yi miingulu. Oshigunda ashihe shiingulu yi thike lwopomayuvi gaali osha nuka okuza komutuni omule noshi iyumbile mefuta e tashi sile mo.
14 Aasita yiingulu oya fadhuka po noya hokolola oshiningwanima shika moshilando nomomikunda ndhoka. Aantu noye ya okutala shoka sha ningwa po. 15 Oyo ye ya kuJesus noya mono omulumentu ngoka a li e niwe koompwidhuli odhindjidhindji, a kuutumba, a zala nawa noku na oondunge; oyo noya tila. 16 Aantu mboka ye shi mono, oya hokolola shoka sha ningilwa omunampwidhuli nosho wo iingulu.
17 Opo tuu mpoka oyi indile Jesus, a ze mo moshilongo shawo. 18 Manga Jesus ta londo mowato, omulumentu ngoka a li e niwe koompwidhuli, okwe mu hehela, a pitikwe okukala puye.
19 Ihe Jesus ine mu pitika, okwe mu lombwele ashike a ti: “Inda kegumbo lyaandjeni, u ke ya hokololele shoka Omuwa e shi ku ningile, sho e ku sile ohenda.”
20 Omulumentu okwa tameke okuuvithila miilando yaDekapolis ashihe shoka Jesus e shi mu ningile; ayehe noya kumwa.
Jesus ta aludha omukiintu e ta yumudha omuna gwaJairus
(Mat. 9:18-26Luk. 8:40-56)21 Jesus okwa shuna ishewe komunkulo gwahandiyaka yefuta. Aantu oyendji oye mu gongalele, sho a li pomunkulo gwefuta. 22 E taku zi gumwe gwomaakuluntu yosinagoga, edhina lye Jairus. Sho a mono Jesus, okwa tsu oongolo koompadhi dhe 23 nokwe mu hehela noonkondo a ti: “Okamwandje okakadhona otaka alukililwa. Ila, u ka tenteke iikaha yoye, opo ka aluke noka kale ke na omwenyo.”
24 Jesus okwa yi pamwe naye. Aantu oyendji oye mu landula e taye mu uminine.
25 Okwa li ku na omukiintu e na uuvu wetiko lyombinzi oomvula omulongo nambali. 26 Oye okwa mono iihuna noonkondo mokuya koonganga odhindji noku dhi futa ashihe shoka a li e na, ihe ina kala nande nawa, uuvu owa geye owala. 27 Oye okwa adhika u uvu sha kombinga yaJesus nokwe ya mongundu e li konima yaJesus e ta gumu konguwo ye; 28 oshoka okwa ti: “Shampa tuu tandi gumu koonguwo dhe, nena otandi aluka.”
29 Sho e shi ningi, mbalambala etiko lye olya kodha nokwa li u uvite molutu lwe kutya okwa aluka. 30 Opo Jesus okwa dhimbulula oonkondo dha zi muye, onkee okwa tala konima ye mongundu yaantu nokwa pula: “Olye a gumu koonguwo dhandje?”
31 Aalongwa ye oye mu yamukula ya ti: “Ou shi wete kutya aantu oye ku uminina, ihe oto pula: ‘Olye a gumu ndje?’ ”
32 Jesus okwa lengalenga koombinga adhihe, opo a mone ngoka e shi ningi. 33 Ihe omukiintu sho a dhimbulula shoka a ningilwa, okwa tsu oongolo koshipala shaJesus, a tila ta kakama nokwe mu lombwele oshili ayihe. 34 Jesus okwa ti kuye: “Mumwandje, eitaalo lyoye lye ku aludha. Inda nombili, ngoye u kale wa aluka kuuvu woye.”
35 Manga Jesus a li ta popi, opwe ya aantu yamwe ya zi kaandjaJairus noya ti: “Okamwoye okakadhona ka mana oondjenda. Oto monithile we shike Muhongi iihuna?”
36 Jesus okwa dhini oohapu ndhoka ya popi nokwa ti kuJairus: “Ino tila, itaala owala.” 37 Ihe Jesus ina pitika nando omuntu a ye meni pamwe naye, kakele kaPetrus naamwayinathana Jakob naJohannes. 38 Jesus sho e ya megumbo lyomukuluntu gwosinagoga, okwa mono evundakano lyaantu taa lili mokule notaa hekumuna. 39 Jesus okwa yi meni e ta ti kuyo: “Okanona inaka sa, ihe oka kotha.”
40 Oyo noye mu yolo. Oye okwa tidhile ayehe pondje nokwa kutha he nayina yokanona nosho wo mboka ya li naye e ta yi meni moka mwa lala okanona. 41 Jesus okwa kwata koshikaha shokanona nokwa ti kuko: “Talita kuum,” otashi ti: Mukadhona, otandi ku lombwele, penduka po!
42 Mbalambala okakadhona oka penduka noka tameke okweenda; oshoka oka li ke na oomvula omulongo nambali. Aantu oya kwatwa kehaluko enene. 43 Ihe Jesus okwe ya indike noonkondo, kaaye shi lombwele nando omuntu, e te ya lombwele, ya pe okakadhona iikulya.
