Jesus ta velula oshingudu
(Mat. 9:1-8Luk. 5:17-26)1 Ndele eshi pa pita omafiku amwe, okwa ya vali kuKapernaum. Ndele eshi a udika nokutya, Ye oku li meumbo, 2 ovanhu vahapu ova ongalela ko diva, noposhivelo kapa li vali onhele. Oye okwe va udifila ondjovo. 3 Ndelenee ope uya ovanhu va eta kuye omunhu oshingudu a humbatwa kovalumenhu vane. 4 Ndele vo eshi va nyengwa kouhapu wovanhu oku mu eta kuye, ova ulula onduda omo a li, ndele ova kulukifa poshi olutala oko kwa nangala omunhu oshingudu.Ova ulula onduda omo a li, ndele va kulukifa poshi olutala. 5 Jesus eshi a mona eitavelo lavo, okwa tya koshingudu: “Omumwange, omatimba oye otaa dimwa po.” 6 Omwa li mu novanongo vomishangwa vamwe va kala omutumba, ndele ova diladila momitima davo: 7 “Ota popi ngahelipi ngaho? Ota sheke Kalunga. Olyelye ta dulu okudima po omatimba, ke fi umwe aeke, Kalunga?” 8 Jesus okwe shi koneka diva momhepo yaye kutya, vo ove lidiladilila ngaha, ndele okwa tya kuvo: “Oshike tamu diladilile eshi momitima deni? 9 Eshi shipu shi dule shikwao oshilipipo, okulombwela oshingudu: ‘Omatimba oye a dimwa po’, ile oku mu lombwela: ‘Fikama, kufa po olutala loye u ende?’ 10 Ndele opo mu kale mu shi shii, Omona wOmunhu oku na epangelo okudima po omatimba kombada yedu,” okwa tya koshingudu: 11 “Ohandi ku lombwele: Fikama, kufa po olutala loye ove u ye keumbo leni.”
12 Ye okwa fikama, a kufa po diva olutala laye, ndele okwa ya pondje moipafi yaaveshe, aveshe ova kumwa, va hambelela Kalunga ndele tava ti: “Oinima i fike apa inatu i mona nale.”
Mateus ta ifanwa
(Mat. 9:9-13Luk. 5:27-32)13 Ndele okwa shuna kefuta nongudu aishe yovanhu ye uya kuye, ndele te va longo. 14 Ndele mokukoyelela po Ye okwa mona po Levi yaAlfeus, e li omutumba pongulu yomafutilo opeengaba, ndele okwa tya kuye: “Shikule nge.” Ye okwa fikama ndele te mu shikula.
15 Ndele opa ningwa, eshi a li omutumba poshililo meumbo laye, ovafutifi novalunde vahapu ova lya yo pamwe naJesus novalongwa vaye, osheshi ovo ve mu shikula, ova li po vahapu. 16 Ndele ovanongo vomishangwa vomOvafarisai eshi ve mu mona ta li pamwe novafendelifi novalunde, ova tya kovalongwa vaye: “Oha li pamwe novafendelifi novalunde?” 17 Jesus eshi e di uda, okwa tya kuvo: “Ava ve li nawa, itava pumbwa omuveluli, ovanaudu ovo tuu aveke. Ame inandi uya okwiifana ovayuki, ndelenee ovalunde.”
Elidiliko loikulya
(Mat. 9:14-17Luk. 5:33-38)18 Ovalongwa vaJohannes novOvafarisai ova li po have lidilike oikulya. Vo ove uya ndele ova tya kuye: “Ovalongwa vaJohannes novOvafarisai ohave lidilike oikulya, oshike ovalongwa voye ihave lidilike?” 19 Jesus okwe va lombwela: “Ookaume komuhomboli ihava dulu ndishi okulidilika oikulya fimbo omuhomboli e li puvo. Fimbo ve na omuhomboli mokati kavo, itava shiiva okulidilika oikulya. 20 Ndele omafiku tae uya nomuhomboli te va kufwa, heeno, efiku olo otave ke lidilika oikulya.
21 “Kape na ou ta vandeke oshikutu shikulu noshivando shipe. Ngeenge te shi ningi, oshivando shipe otashi pombaula po oshikutu, ndele ombululu tai ningi inene i dule yonale. 22 Ndele kaku na ou ta dili omaviinyu mape momakutu makulu, ndelenee ngeenge, ongaha omaviinyu otaa pombaula omakutu, nomaviinyu otaa hepa ashike. Ndelenee omaviinyu mape naa ye momakutu mape.”
Epololo loilya mEshabata
(Mat. 12:1-8Luk. 6:1-5)23 Ndele opa ningwa, eshi a taulula momapya, efiku lEshabata, ovalongwa ova hovela okuteya omasha mokweenda kwavo. 24 Opo Ovafarisai ova tya kuye: “Tala, oshike tava ningi eshi sha kelelwa mefiku lEshabata?” 25 Ye okwa tya kuvo: “Nye inamu lesha mboli David eshi a ningile, eshi kwa li a hepa nokwa fya ondjala, ye mwene naavenya va li puye? 26 Nhumbi a ya mongulu yaKalunga pefimbo lomupristeli omukulunhu Abjatar, ndele ta li omingome detaliko inadi pitikwa okuliwa kwaava vehe fi ovapristeli nonhumbi e di pa ava va li puye?” 27 Ye okwa tya kuvo: “Eshabata ola shitilwa omunhu, hamunhu a shitilwa Eshabata. 28 Hano osho ngaha Omona wOmunhu Oye mwene wEshabata.”
Jesus ta aludha omusilombanda
(Mat. 9:1-8Luk. 5:17-26)1 Ano sho pwa piti omasiku gamwe, Jesus okwe ya ishewe kuKapernaum. Aantu oya uvu kutya oku li pegumbo. 2 Aantu oyendji noyu udhilile mondjugo, sigo noposheelo kapwa li we pu na eha. Manga Jesus a li te ya uvithile oohapu dhaKalunga, 3 aalumentu yane oye mu etele omusilombanda, ye mu inda kontala. 4 Ihe omolwowindji waantu oya nyengwa oku mu thikitha puJesus. Onkee oyu ulula ombululu kombanda yondunda, yu ukilila peha mpoka Jesus a li noya kulukitha ontala hoka kwa li kwa lala omusilombanda. Onkee oyu ulula ombululu kombanda yondunda, yu ukilila peha mpoka Jesus a li… 5 Jesus sho a mono eitaalo lyawo, okwa lombwele omusilombanda: “Mumwandje, oondjo dhoye odha dhimwa po.”
6 Nena yamwe yomaalongimpango mboka ya li mo ya kuutumba, oyi idhiladhilile: 7 “Ota popi ngiini ngawo? Ota sheke Kalunga! Kaku na nando omuntu ta vulu okudhima po oondjo, oKalunga awike.”
8 Jesus okwe shi dhimbulula mbala kutya osho ya dhiladhila ngaaka e ta ti kuyo: “Omolwashike tamu idhiladhilile ngawo? 9 Oshipu oshini po? Okulombwela omusilombanda: ‘Oondjo dhoye odha dhimwa po,’ nenge oku mu lombwela: ‘Thikama, kutha ontala yoye, ngoye u ye’? 10 Ihe opo mu kale mu shi shi kutya Omuna gwOmuntu oku na oonkondo kombanda yevi okudhima po oondjo,” okwa ti komusilombanda: 11 “Otandi ku lombwele: thikama, kutha ontala yoye, u ye kaandjeni.”
12 Oye okwa thikama nokwa kutha po mbala ontala ye e ta yi pondje montaneho yawo ayehe. Aantu ayehe oya kumwa noya hambelele Kalunga ya ti: “Oshinima sha tya ngeyi inatu shi mona nando onale!”
Jesus ti ithana Levi
(Mat. 9:9-13Luk. 5:27-32)13 Jesus okwa yi ishewe komunkulo gwefuta. Aantu ayehe oye ya kuye nokwe ya longo. 14 Ano sho a humu ko, okwa mono ko Levi yaAlfeus, a kuutumba pongulu yoompale dhopoongamba. Jesus okwa ti kuye: “Landula ndje!” Levi okwa thikama e te mu landula. 15 Konima Jesus okwa yi koshililo megumbo lyaLevi, aafendelithi oyendji naalunde oya lile pamwe naye naalongwa ye, oshoka oyendji yomuyo oya li ye mu landula. 16 Ano aalongimpango, mboka ya li wo aafarisayi, sho ye mu mono ta lile pamwe naalunde naafendelithi, oya pula aalongwa ye ya ti: “Omolwashike ta lile pamwe naafendelithi naalunde?”
17 Jesus sho e shi uvu, okwa ti kuyo: “Aandjolowele inaa pumbwa omwaaludhi, ihe aavu tuu ayeke. Oshoka inandi ya okwiithana mboka yi iwete aayuuki, ihe aalunde tuu.”
Okwiidhilika iikulya
(Mat. 9:14-17Luk. 5:33-39)18 Aalongwa yaJohannes nosho wo aafarisayi, oya li haa idhilike iikulya. Aantu yamwe oye ya kuJesus e taa ti: “Aalongwa yaJohannes noyaafarisayi ohaa idhilike iikulya, ihe omolwashike aalongwa yoye ihaa idhilike iikulya?”
19 Jesus okwe ya yamukula a ti: “Ndishi aahiywa yombushiki inashi pumbiwa, yi idhilike iikulya, manga ombushiki e li puyo? Manga ye na ombushiki mokati kawo, itaa vulu okwiidhilika iikulya. 20 Omasiku otage ke ya, uuna ombushiki taye mu kuthwa, nena otaye ki idhilika ihe iikulya. 21 Kaku na ngoka ta andeke onguwo onkulu noshaando oshipe. Ngele tashi ningwa, oshaando oshipe otashi tuula onguwo nombululu otayi ningi onene yi vule yonale. 22 Nosho tuu kaku na ngoka ta zile omaviinu omape moompunda oonkulu, oshoka omaviinu otaga tuula oompunda, naayihe iyali otayi yonuka. Omaviinu omape oge na okuzilwa moompunda oompe.”
Jesus oye omuwa gwEsabati
(Mat. 12:1-18Luk. 6:1-5)23 MEsabati lyontumba Jesus okwa piti pokati komapya. Manga taa ende, aalongwa ye oya tameke okupolola omaha. 24 Nena aafarisayi oya ti kuJesus: “Mbano otaa ningi shoka shi indikwa okuningwa mEsabati?”
25 Jesus okwe ya yamukula a ti: “Inamu lesha nani shoka David a ningi, sho a li a sa ondjala, ye mwene naantu ye? 26 Oye okwa yi mongulu yaKalunga nokwa lile iikwiila ya yambelwa Kalunga pamwe naamboka ya li puye, mbyoka ya li yi indikwa okuliwa kumboka yaa shi aayambi. Pethimbo ndyoka Abiatar oye a li omuyambi omukuluntu.”
27 Jesus okwa ti kuyo: “Esabati olya tulwa po molwomuntu, hamuntu a shitwa molwEsabati. 28 Onkee Omuna gwOmuntu oye Omuwa nogwEsabati.”
