Okungumaunwa po kwaJerusalem nexulilo lounyuni
(Mat. 24:1-36Luk. 21:5-36)1 Ndele Ye eshi a pita mo motembeli, umwe womovalongwa vaye okwa tya kuye: “Omuhongi, tala omamanya oo nomatungilo aa apa e fike.” 2 Jesus okwa tya kuye: “Ove ou wete eengulu edi dinene, itapa ka fiwa apa emanya la tenhekwa kombada yalikwao, inali ngumaunwa po.”
3 Ndele eshi a kala omutumba kOmhunda yEemono, a taalela kotembeli, Petrus naJakob naJohannes naAndreas, eshi va li po vo aveke, ove mu pula: 4 “Tu lombwela, onaini tashi ka ningwa nedidiliko olashike tali holola okuwanifwa kwoinima aishe?”
5 Ndele Jesus okwa hovela oku va lombwela: “Lungameni, muha pukifwe nande komunhu. 6 Osheshi vahapu otave ke uya medina lange ndele tava ti: Aame ou, ndele tava ka pukifa vahapu. 7 Hano ngeenge tamu udu omalwoodi neendaka doita, inamu tila. Ei oi na okuuya, ndele exulilo inali fika natango. 8 Osheshi oiwana otai ka fikamena oiwana, noshilongo otashi fikamene oshilongo, otaku ka ningwa omakakamo edu keembinga neembinga, ondjala tai uya nomapiyaano. Eshi ehovelo lomaudjuu.
9 “Ndele lilungameneni nye vene. Otave ke mu yandja koiongalele yovakulunhu, ndele tamu ka dengelwa meeshinagoga, ndele tamu ka twalwa koipala yomalenga noyeehamba molwange mu ninge ondobwedi kuvo. 10 Ndele tete evaengeli oli na okuudifilwa oiwana aishe. 11 Ndele ngeenge tave mu twala ndele tave mu yandje kovatokoli, inamu kala mu noshisho shaashi tamu ka popya, ndele osho otamu ke shi pewa mokafimbo oko, shi popyeni. Osheshi hanye vene tamu popi, ndelenee Omhepo Iyapuki. 12 Mumwaina ota yandje mumwaina mokufya, naxe omona, nounona otava ka twa ondubo novakulunhu vavo, ndele tave va dipaa. 13 Nye otamu ka tondwa kwaaveshe omolwedina lange, ndele ou te lididimike fiyo okexulilo, ye ota ka xupifwa.
Oixuna yehanauno novapukifi
14 “Ndele eshi tamu mono oixuna yehanauno tai kala poima inai fewa po (omuleshi ne shi didilike), opo nee ava tava hangika muJudea, nava fadukile keemhunda, 15 naau ta hangika kombada yongulu, aha londoloke ko, ye ina ya a ka pitule sha meumbo laye, 16 naau ta hangika mepya, ina shuna mo a ka tale ko oshikutu shaye. 17 Woo ovafimba novamwali opomafiku enya. 18 Indileni, shihe mu hange pokufu. 19 Osheshi omafiku oo otaku kala oudjuu unene, wa li uhe ko okehovelo loishitwa, Kalunga e i shita nongaashi itau ke uya vali. 20 Omwene ngeno ina xupipika omafiku enya, ngeno kaku na nande ombelela tai xupu, ndelenee omolwovahoololwa e va hoolola okwa xupipika omafiku oo.
21 “Ndele ngeenge oku na ou te mu lombwele ta ti: ‘Kristus oku li apa’, ile: ‘Tala, oku li kwinya’, inamu itavela. 22 Osheshi otaku holoka ookristus ovanaipupulu novaxunganeki ovanaipupulu, ndele tava longo omadidiliko noikumwifalonga va pukife yo ovahoololwa, ngeenge tashi dulika. 23 Litaleni nee. Onda tetekela oku mu lombwela aishe.
Ealuko laJesus
24 “Ndele momafiku enya oudjuu winya ngeenge wa xula po, etango tali laula nohani itai eta ouyelele wayo, 25 neenyofi otadi u ko keulu, neenghono domomaulu otadi ka kakamifwa. 26 Opo nee vo otava mono Omona wOmunhu te uya moilemo neenghono dinene noshinge. 27 Ndele Ye ota tumu ovaengeli vaye, ndele tava ongele ovahoololwa vaye okeemhepo dokeembinga nhee okexulilo ledu fiyo okexulilo leulu.
28 “Ndele lilongeni efaneko komukwiyu: Oshitai shao ngeenge sha eta eembeyo ndele tau hape, opo nee omu shi shii, okwenye okwa fika. 29 Nosho nanye yo, ngeenge tamu mono ei tai uya, shiiveni, Ye oku li popepi, oposhivelo. 30 Oshili handi mu lombwele: Epupi olo itali xulu po, fimbo aishe ei inai wanifwa. 31 Eulu nedu otali xulu po, ndele eendjovo dange itadi xulu po. 32 Ndele efiku olo, ile otundi ei kaku na ou e i shii, nande ovaengeli meulu ile Omona, Tate Oye aeke. 33 Kaleni mwa lungama, pashukeni nye mu ilikane, osheshi inamu shiiva efimbo olo onaini tali uya. 34 Otaku kala ngaashi omunhu a ya koilongo: eshi a fiya po eumbo laye, ndele okwa pa ovanhu vaye epangelo, keshe tuu ou oshilonga shaye, okwa lombwela yo omunangeli woposhivelo a kale a pashuka. 35 Hano osho kaleni mwa pashuka, osheshi kamu shi shii onaini mwene weumbo te uya, ngeenge onguloshi ile opokati koufiku ile opekweno lekondombolo ile ongula, 36 ehe mu hange mwa kofa, eshi te uya ohangelela, te mu faukile. 37 Osho handi shi mu lombwele, ohandi shi lombwele aveshe: kaleni oupafi.”
Jesus ta popi ehanagulo lyotempeli
(Mat. 24:1-2Luk. 21:5-6)1 Jesus sho a zi mo motempeli, gumwe gwomaalongwa ye okwa ti kuye: “Muhongi, tala komamanya noongulu nkene dho opala!”
2 Jesus okwa ti kuye: “Ou wete oongulu ndhika oonene? Itapu thigwa mpaka emanya lya tentekwa kekwawo inaali kumunwa po.”
Omandhindhiliko gehulilo lyuuyuni
(Mat. 24:3-14Luk. 21:7-19)3 Jesus manga a li a kuutumba kOndundu yooholivi a taalela kotempeli, Petrus, Jakob, Johannes naAndreas oye mu pula, sho ya li ayeke naye: 4 “Tu lombwela, uunake ano tashi ningwa, nendhindhiliko olini tali holola, uuna mbika ayihe tayi ka gwanithwa?”
5 Jesus okwa tameke ihe oku ya lombwela e ta ti: “Kotokeni, mwaa pukithwe nando okomuntu. 6 Aantu oyendji otaa ke ya taa ti: ‘Oyo Ngame!’ notaa pukitha aantu oyendji. 7 Inamu tilithwa, ngele tamu uvu omalugodhi noonkundana dhomalugodhi. Oshoka mbika oyi na okuningwa, ihe ehulilo inali thikana natango. 8 Iigwana otayi ka thikama okukondjithathana, niilongo otayi ka matukilathana. Otaku ke ya oondjala nomakakamo gevi koombinga noombinga. Ayihe mbika otayi ningi ongetameko lyoshitheta, okanona ngele taka valwa.
9 “Ano ikotokeleni, oshoka aantu otaye ke mu gandja koompangu notaye ke mu dhenga noongola moosinagoga dhawo. Otamu ka falwa kiipala yomalenga noyaakwaniilwa omolwandje, mu ninge oonzapo dhokupopya oshili mokati kawo. 10 Ihe tangotango elaka etoye oli na okuuvithilwa aantu ayehe. 11 Ano ngele taye mu gandja ngeyi kaatokoli, inamu kala mu na oshimpwiyu kutya otamu ka popya shike, oshoka otamu pewa pethimbo tuu ndyoka shoka mu na oku popya. Oshoka hane tamu popi, ihe Ombepo Ondjapuki ta popi. 12 Aantu aamwayinathana otaa ka gandjathana mokusa, noohe otaa ka gandja oyana. Aanona otaa ka tsa ondumbo naakuluntu yawo e taye ya dhipaga. 13 Otamu ka tondwa kwaayehe molwandje. Ihe ngoka ti idhidhimike sigo ehulilo, ota hupithwa.”
14 Omuleshi na ndhindhilike mbika: “Ngele tamu mono iihuna yeshunduko yi li pokuma yaa na okukala po, nena ayehe mboka ye li muJudea, naa tembukile koondundu. 15 Ngoka ta adhika kombanda yongulu, ina kuluka ko, a ye megumbo, a ka tale mo sha she, a ye nasho. 16 Ngoka ta adhika mepya, ina shuna megumbo, a ka tale onguwo ye. 17 Yayee aasimba naamwali yopomasiku ngoka! 18 Galikaneni, shaa ningwe pokufu. 19 Oshoka pomasiku ngoka otaku kala uudhigu inaau kala ko nale okuza ketameko, Kalunga sho a shiti uuyuni sigo ongashingeyi, nongaashi itau ya we. 20 Omuwa ando ina fupipika omasiku ngoka, ando kaku na nando omuntu ta hupithwa. Ihe okwa fupipike omasiku ngoka omolwaahogololwa ye.
21 “Ano ngele ku na ngoka te mu lombwele: ‘Tala, Kristus oye nguka,’ nenge: ‘Tala, oye ngwiyaka,’ inamu mu itaala. 22 Oshoka otaku ka holoka ookristus aafundja naahunganeki aafundja. Oyo otaa ka holola po omandhindhiliko niikumithalonga, opo ya pukithe, ngele tashi vulika, naahogololwa yaKalunga. 23 Kotokeni, onda tetekele oku mu londodha mwaayihe.”
Uuna Omuna gwOmuntu te ya
(Mat. 24:29-31Luk. 21:25-28)24 “Uudhigu womasiku ngoka otau ka landulwa keluudho lyetango, nomwedhi itagu ka yela we. 25 Oonyothi otadhi ka gwa megulu, noonkondo dhomewangandjo otadhi ka tukuluka. 26 Aantu otaa ka mona ihe Omuna gwOmuntu te ya te ende kiikogo yokegulu e na oonkondo odhindji neadhimo. 27 Oye ota ka tuma ko aayengeli ye, ya ka gongele aahogololwa ye koombinga ne dhevi, okuza koshigo yevi sigo okoshigo yegulu.”
Eyele lyomukwiyu
(Mat. 24:32-35Luk. 21:29-33)28 “Ilongeni omayele komukwiyu. Iitayi yagwo ngele tayi hapuka nomafo taga mbunyuka, nena omu shi shi kutya othinge oyi li popepi. 29 Osho nane wo ngele tamu mono mbika tayi ningwa, kaleni mu shi shi, ethimbo olya thikana. Omuna gwOmuntu oku li popepi posheelo. 30 Dhimbulukweni kutya iinima mbika ayihe otayi ka ningwa omanga epipi ndyoka li na omwenyo ngashingeyi inaali hula po. 31 Egulu nevi otali hulu po, ihe oohapu dhandje kadhi na mpoka tadhi hulu po.”
Kaku na ngoka a tseya esiku notundi
(Mat. 24:36-44)32 “Esiku notundi ndjoka kaku na ngoka e yi shi, nando aayengeli yomegulu nenge Omwana, oTate awike. 33 Kotokeni ano, ne mu tonate, oshoka inamu tseya kutya ethimbo otali thiki uunake. 34 Otaku ningi ngashika omulumentu te ke enda kiilongo e ta thigi po egumbo lye: Oye okwa thigile aamati ye, ya tonatele iinima ye ayihe. Kehe omumati okwe mu pe oshilonga she mu yeleka e ta lombwele omukeeleli gwoposheelo, a kale a tonata. 35 Onkee ano tonateni, oshoka inamu tseya, uuna mwene gwegumbo te ya, ngele ongulohi nenge opokati kuusiku opokwiiga kwekondombolo nenge okoongulasha. 36 Opo nge te ya ombaadhilila, kee mu adhe mwa kotha. 37 Shoka tandi mu lombwele, otandi shi lombwele wo aantu ayehe kutya: Tonateni!”
