Jesus ta yandjwa
(Mark. 15:1Luk. 23:1-2Joh. 18:28-32)1 Ndele ongula eshi kwa sha, ovapristeli ovakulunhu aveshe novakulunhu voshiwana ova ongala ndele ova kundafana Jesus, ve mu dipae. 2 Ndele ove mu manga, ndele ve mu twala ko, ndele tave mu yandje momake aPilatus, omupangeli woshilongo.
Judas te lidipaa
3 Opo Judas, omukengeleli waye, eshi a mona a tokolwa, okwe lidilulula, ndele okwa shunifa oimaliwa oisiliveli inya omilongo nhatu kovapristeli ovakulunhu nokovakulunhu 4 ndele ta ti: “Ame nda nyona, eshi nda kengelela ohonde ihe netimba.” Ndele vo ova tya: “Otu na shike naave? Likwafa ove mwene!” 5 Ndele ye okwa ekelashi oimaliwa oisiliveli motembeli, a dja mo, okwa ya ndele te limangeleke.
6 Ndele ovapristeli ovakulunhu ova toola po oimaliwa oisiliveli ndele tava ti: “Ei itai dulu okutulwa moimaliwa yotembeli, osheshi oyo efuto lohonde.” 7 Ndele eshi va kundafana, ove i landa epya lomuhongi woitoo, li ninge onhele yokupaka ovanailongo. 8 Onghee hano epya olo hali ifanwa epya lohonde fiyo onena eli. 9 Osho oda wanifwa odo da popiwa komuxunganeki Jeremia, ou ta ti: “Ovo va tambula oimaliwa omilongo nhatu, efuto lomulumenhu ou a yelekwa, ngaashi ve mu yeleka ponhele yovana vaIsrael; 10 ndele ove i yandjela epya lomuhongi woitoo, ngaashi Omwene a lombwela nge.”
Jesus ta hokololifwa
(Mark. 15:2-5Luk. 23:3-5Joh. 18:33-38)11 Ndele Jesus okwa li ofika koshipala shomupangeli. Omupangeli okwe mu pula ndele ta ti: “Oove tuu ohamba yOvajuda?” Jesus okwa tya: “Heeno, ngaashi to ti.” 12 Ndele ovapristeli ovakulunhu novakulunhu eshi ve mu hokololifa, Oye ina nyamukula sha. 13 Opo Pilatus ta ti kuye: “Ino uda ko, eshi tave ku popi unene?” 14 Ndele Oye ine mu nyamukula nande epulo limwe, opo tuu opo omupangeli okwa kumwa shili.
Jesus ta tokolwa
(Mark. 15:6-15Luk. 23:17-25Joh. 18:38-40Joh. 19:4-16)15 Ndele okwa li ku na onghedi, omupangeli ha mangululile ovanhu pefimbo loshivilo omukwatwa umwe, ou ve mu hala voovene. 16 Ndele pomafiku enya ova li ve na omukwatwa a popiwa nokokule, edina laye Barabas. 17 Hano eshi va ongala, Pilatus okwa tya kuvo: “Elipipo mwa hala, ndi mu mu mangululile, Barabas ile Jesus, haku tiwa Kristus?” 18 Osheshi ye okwa li e shi wete, ovo ve mu yandjela efupa.
19 Ndele fimbo a li omutumba kolukalwatokolo, omwalikadi waye okwa tuma kuye ndele ta ti: “Omulumenhu ou omuyuki ino mu ningila owii, osheshi ame onde mu ehamenwa shili oufiku wonena mondjodi.”
20 Ndelenee ovapristeli ovakulunhu novakulunhu ove shi hekela ovanhu okwiindila Barabas, nokudipaifa Jesus. 21 Opo omupangeli okwe va lombwela ndele ta ti: “Elipipo mwaava vavali mwa hala, ndi mu mu mangululile?” Ovo va tya: “Barabas.” 22 Pilatus ta ti kuvo: “Jesus ou, haku tiwa Kristus, ohandi mu ningi ngahelipi?” Ovo aveshe ova tya: “Na valelwe komushiyakano!” 23 Ndele omupangeli ta ti: “Okwa nyona shike hano?” Ndele vo va diinina okuuyaana pombada va tya: “Na valelwe komushiyakano!”
24 Ndele Pilatus eshi a mona ehe na eshi ta dulu, ndele epiyaano ola ninga linene, okwa kufa omeva ndele okwe likosha komake aye moipafi yongudu ndele ta ti: “Ame nghi netimba lohonde yomulumenhu ou omuyuki. Litaleni nye vene.” 25 Ndele ongudu aishe oya nyamukula ya tya: “Ohonde yaye nai uye kombada yetu nokombada yovana vetu!” 26 Opo nee ye okwe va mangululila Barabas, ndele okwa dengifa Jesus neeshokoto, ndele okwe mu yandja a ka valelwe komushiyakano.
Jesus ta shekwa
(Mark. 15:16-20Joh. 19:2-3)27 Opo ovakwaita vomupangeli va twala Jesus mongulu yomupangeli, ndele va ongela ovakwaita aveshe kuye. 28 Opo nee ove mu dula oshikutu shaye ndele ove mu djaleka oshikutu shinene shitilyana, 29 ndele ova tunga oshidingo shomakiya, ndele ve shi mu djaleka komutwe, ndele ove mu pa oshihati meke laye lokolulyo, ovo nove mu twila eengolo, ndele ve mu sheka, tava ti: “Kundwa Oove, ohamba yOvajuda!” 30 Ndele ove mu fiila omate, ndele ova kufa oshihati ve mu denga komutwe. 31 Ndele hano eshi ve mu sheka ngaha, ove mu dula oshikutu ndele ove mu djaleka oshikutu shaye mwene, nove mu twala a ka valelwe komushiyakano.
Jesus ta valelwa komushiyakano
(Mark. 15:21-32Luk. 23:26-43Joh. 19:17-27)32 Ndele mokweenda kwavo ova hanga omulumenhu Omukireni, edina laye Simon. Ovo ve mu fininika e mu humbatele omushiyakano waye. 33 Ndele eshi va fika ko konhele, edina layo Golgata, tali ti: “Onhele yoshipongolo shomutwe.” 34 Ndele vo ove mu pa omaviinyu a lumbakanifwa onyango; ndele eshi e a makela, ina hala oku a nwa. 35 Ndele eshi ve mu valela komushiyakano, ova tukulilafana oikutu yaye ndele tave i ekele oshihoololifo. 36 Ndele ova kala omutumba ndele ove mu nangela oko. 37 Ndele ova tula kombada yomutwe waye etimba laye la shangwa ngaha: “Ou oJesus, ohamba yOvajuda.” 38 Ndele ovakolokoshi vavali va valelwa pamwe naye komushiyakano, umwe okolulyo laye nomukwao okolumosho laye.
39 Ndele ovo va pita po ove mu sheka nokupukapuka komitwe davo, 40 ndele tava ti: “Oove tuu ou to ngumauna po otembeli ndele to i tungulula omafiku atatu, likwafa mwene, ngeenge oove Omona waKalunga, ove u dje ko komushiyakano.” 41 Novapristeli ovakulunhu yo pamwe novanongo vomishangwa novakulunhu osho tuu yo ve mu sheka ndele tava ti: 42 “Okwa li ha kwafa ovanhu, ye ita dulu okulikwafa. Ngeenge ye ohamba yOvaisraeli, hano na dje ko paife komushiyakano, opo nee ohatu mu itavele. 43 Oye okwe lineekela Kalunga; Kalunga ne mu xupife hano paife, ngeenge okwe mu hokwa; osheshi Oye mwene okwa tile: Aame Omona waKalunga.” 44 Nosho ngaha ovakolokoshi yo ve mu sheka, ovo va valelwa pamwe naye.
Jesus ta fi
(Mark. 15:33-41Luk. 23:44-49Joh. 19:28-30)45 Ndele potundi onhihamano opa ninga omilaulu moshilongo ashishe, fiyo opotundi onhimugoi. 46 Ndele potundi onhimugoi Jesus okwa ingida mokule ndele ta ti: “Eeli, Eeli, lama sabaktani?” Nokutya: Kalunga kange, Kalunga kange, oshike wa ekela nge shi? 47 Opo nee vamwe vomuvo va li ofika opo, eshi ve di uda ova tya: “Ota ifana Elia.” 48 Hano umwe waava okwa lotoka ndele okwa kufa okayavo ndele okwe ka yada omaetika, okwe ka tula koshihati, ndele te mu nwefa. 49 Ndelenee ovakwao ova popya tava ti: “Efa u tale, Elia ngeenge ote uya oku mu kwafa.” 50 Ndele Jesus okwa ingida vali pombada ndele ta fi.
51 Ndele tala, etukulifo lotembeli ola tauka pombada fiyo oposhi, nedu ola kakama, nomamanya okeemhunda okwa tanduka,Etukulifo lotembeli ola tauka pombada fiyo oposhi. 52 neembila oda yeuluka, omalutu mahapu oonakufya ovayapuki a nyumuka. 53 Ndele va dja mo meembila, ndele ove uya koshilando shiyapuki, Oye eshi a nyumuka, ndele ove lihololela vahapu. 54 Ndele omunefele a nangela Jesus pamwe navo, eshi va mona ekakamo ledu naaishe ei ya ningwa po, ova tila unene ndele tava ti: “Oshili ou okwa li Omona waKalunga.”
55 Ndele koima oko okwa li ku novakainhu vahapu, va dile kuGalilea ovo va shikulile Jesus nove mu yakulile; ova kala ofika kokule, ndele tave mu tale. 56 Mokati kavo omwa li Maria Magdalena naMaria, ina yaJakob naJosef, naina yovana vaSebedeus.
Jesus ta pakwa
(Mark. 15:42-47Luk. 23:50-56Joh. 19:38-42)57 Ndele onguloshi eshi ye uya, ope uya omulumenhu oshipuna Omuarimatia, edina laye Josef, ou a li yo omulongwa waJesus. 58 Oye okwa ya kuPilatus, ndele okwe mu indila oshimhu shaJesus. Opo nee Pilatus okwa lombwela shi yandjwe kuye. 59 Ndele Josef okwa kufa ko oshimhu, okwe shi mangela moshiyata sholiina shiwa sha wapala, 60 ndele okwe shi nangeka mombila yaye ipe, kwa li e i lihokelifila memanya. Ndele okwa alangatifila poshivelo shombila emanya linene, ndele okwa dja po. 61 Ndele oko kwa li Maria Magdalena naMaria mukwao, va kala omutumba va shaama nombila.
Ombila tai nangelwa
62 Ndele efiku la shikula, olo tali shikula efiku lelilongekido, ovapristeli ovakulunhu nOvafarisai ova ongala kuPilatus 63 ndele tava ti: “Omwene, otwa dimbulukwa, omupukifi winya fimbo kwa li e nomwenyo, okwa tile: ‘Ngeenge pwa pita omafiku atatu, ohandi nyumuka.’ 64 Lombwela hano, ombila i nangelwe shili fiyo efiku etitatu, ovalongwa vaye vehe uye ndele vehe mu vake mo, ndele vaha lombwele ovanhu: okwa nyumuka koufi; omapukifo ahauxuuninwa osho taa ningi mai e dule otete.” 65 Pilatus okwa tya kuvo: “Ovanangeli ovo ava, indeni nee, nye mu nangele nawa ngaashi mu shi shii.” 66 Ndele vo ova ya ndele va idilifa po emanya noshihako ndele va nangeka ovanangeli pombila.
Jesus ta gandjwa miikaha yaPilatus
(Mrk. 15:1Luk. 23:1-2Joh. 18:28-32)1 Ongula sho kwa shi aayambi aakuluntu naakuluntu yoshigwana ayehe oya gongala noya kundathana, ya dhipage Jesus. 2 Oyo ye mu manga, ye mu kutha noye mu gandja kuPilatus, omuleli gwaRoma.
Judas ti idhipaga
(Iil. 1:18-19)3 Ano Judas, ngoka e mu gwaaleke, sho a mono, Jesus a tokolwa, okwi itedhulula nokwa shunitha iimaliwa iisiliveli mbiyaka omilongo ndatu kaayambi aakuluntu nokaakuluntu 4 e ta ti: “Onda yona, sho nda gwaaleke omulumentu kee na oondjo, a ka dhipagwe.”
Oyo oye mu yamukula ya ti: “Otu na shike nasho? Tala mwene sho to ningi.”
5 Judas okwe ekelehi iimaliwa iisiliveli motempeli, okwa zi mo, a yi e ti imangeleke.
6 Aayambi aakuluntu oya kutha iimaliwa iisiliveli e taa ti: “Mbika itayi wapa okutulwa miimaliwa yotempeli, oshoka oyo ofuto yombinzi.” 7 Ano sho ya kundathana, oye yi landa epya lyomuhongi gwiiyuma yeloya, li ninge eyendo lyokufumvika aakwiilongo. 8 Epya ohali ithanwa sigo onena Epya lyombinzi.
9 Nena odha gwanithwa ndhoka dha popiwa komuhunganeki Jeremia, ngoka ta ti: “Oyo ya taamba iimaliwa iisiliveli omilongo ndatu, ofuto yomulumentu ngoka gwomaana yaIsrael. 10 Iimaliwa noye yi landa epya lyomuhongi gwiiyuma yeloya, ngaashi Omuwa a lombwele ndje.”
Jesus ta tamanekwa
(Mrk. 15:2-5Luk. 23:3-5Joh. 18:33-38)11 Jesus okwa thikama koshipala shomuleli. Omuleli okwe mu pula e ta ti: “Ongoye omukwaniilwa gwAajuda?”
Jesus okwa ti: “Eeno, ongame tuu, ngaashi to ti.” 12 Ano aayambi aakuluntu naakuluntu sho ye mu tamaneke, oye ina yamukula sha.
13 Nena Pilatus okwa ti kuye: “Ku uvite ko, sho taye ku popi odhindjidhindji?”
14 Ihe Jesus ine mu yamukula nando ohapu yimwe, opo omuleli okwa kumwa unene.
Jesus ta pangulilwa eso
(Mrk. 15:6-15Luk. 23:13-25Joh. 18:39—19:16)15 Pethimbo lyoshituthi shOpaasa okwa li ku na omukalo, omuleli ha mangululile aantu onkwatwa yimwe, ndjoka yo yene ye yi hala. 16 Pomasiku ngeyaka okwa li ku na onkwatwa ya tseyika nawa, edhina lyayo Barabbas. 17 Aantu sho ya gongala, Pilatus okwe ya pula ta ti: “Oguni po mwa hala, ndi mu mangululile, oBarabbas nenge oJesus, haku tiwa Kristus?” 18 Oshoka okwa li e shi shi kutya oya gandja Jesus omolwefupa.
19 Ano Pilatus manga a li a kuutumba koshipundi shepangulo, omukiintu gwe okwe mu tumine elaka ta ti: “Omulumentu nguka ke na ondjo, onkee ino mu ningila uuwinayi, oshoka uusiku wonena onde mu ehamenwa mondjodhi.”
20 Ihe aayambi aakuluntu naakuluntu oya thiminike aantu okwiindila Barabbas nokudhipagitha Jesus. 21 Omuleli okwe ya pula e ta ti: “Oguni po mwaamboka yaali mwa hala, ndi mu mangululile?”
Oyo ya ti: “oBarabbas!”
22 Pilatus okwe ya pula ta ti: “Jesus, nguka haku tiwa Kristus, otandi mu ningi ngiini?”
Oyo ayehe oya yamukula: “Na alelwe komushigakano!”
23 Omuleli okwa ti: “Okwa yono shike ano?”
Ihe oya dhiginine owala okwiigidha pombanda taa ti: “Na alelwe komushigakano!”
24 Pilatus sho a mono kee na we sho ta vulu okuninga, nombuyagano ya lundu pombanda, okwa kutha omeya nokwi iyogo kiikaha montaneho yaantu e ta ti: “Ngame kandi na oondjo dhombinzi yomulumentu nguka. Taleni sho tamu ningi.”
25 Aantu ayehe oya yamukula ya ti: “Ombinzi ye natu yi pulwe, otse naana yetu!”
26 Nena Pilatus okwe ya mangululile Barabbas nokwa dhengitha Jesus e te mu gandja, a ka alelwe komushigakano.
Jesus ta shekwa
(Mrk. 15:16-20Joh. 19:2-3)27 Nena aakwiita yomuleli Pilatus oya fala Jesus megumbo. Aakwiita ayehe oya gongalele Jesus ye mu kundukidha. 28 Oyo ye mu hula oonguwo dhe noye mu zaleke onguwo onene ontiligane. 29 Opo ihe oya tungu oshishani shomakwega noye shi mu zaleke komutse, oye mu pe oshihenguti moshikaha she shokolulyo noye mu tsile oongolo, ongotaye mu simaneke. Oyo ye mu nyekelele ya ti: “We ya po, omukwaniilwa gwAajuda!” 30 Oyo ye mu hiyile omayeye, ya kutha oshihenguti noye mu dhenge momutse. 31 Ano sho ye mu nyekelele ngeyi, oye mu hula onguwo ontiligane noye mu zaleke oonguwo dhe mwene e taye mu fala, a ka alelwe komushigakano.
Jesus ta alelwa komushigakano
(Mrk. 15:21-32Luk. 23:26-43Joh. 19:17-27)32 Mokweenda kwawo oya tsakaneke omulumentu Omukireni, edhina lye Simon naakwiita oye mu thiminike a humbate omushigakano gwaJesus. 33 Sho ya thiki kehala lyi ithanwa Golgata, tali ti Oshala sholukwe, 34 oye mu pe omaviinu ga vongakanithwa nonyango. Jesus sho e ga makele, ina hala oku ga nwa.
35 Sho ye mu alele komushigakano, oya topolelathana oonguwo dhe pamukalo gwokuumba oshihogololitho. 36 Opo ihe oya kuutumba noye mu langele nkoka. 37 Kombanda yomutse gwe oya mbambalele ko ondjo ye ya nyolwa ngeyi: “Nguno oJesus, omukwaniilwa gwAajuda.” 38 Aakolokoshi yaali oya alelwa pamwe naJesus komishigakano dhawo, gumwe okolulyo lwe nomukwawo okolumoho lwe.
39 Mboka ya piti po, oya sheke Jesus nokupukapuka komitse 40 ya ti: “Ongoye tuu nguka to kumuna po otempeli e to yi tungulula omasiku gatatu? Ihupitha ano, ngele ongoye Omuna gwaKalunga, u ze ko komushigakano!”
41 Aayambi aakuluntu, aalongimpango naakuluntu osho tuu wo ye mu sheke ya ti: 42 “Okwa li ha hupitha aantu yalwe, ihe ngashingeyi okwa nyengwa okwiihupitha. Ano ngele oye omukwaniilwa gwAaisraeli, na ze ngashingeyi komushigakano, tse notatu mu itaale. 43 Oye i inekela Kalunga, Kalunga ne mu hupithe ano ngashingeyi, ngele okwe mu hokwa. Oshoka okwa tile, kutya oye Omuna gwaKalunga.”
44 Osho wo aakolokoshi mboka ya alelwa pamwe naye, oye mu sheke.
Jesus ta si
(Mrk. 15:33-41Luk. 23:44-49Joh. 19:28-30)45 Pokati komutenya okwa ningi omilema moshilongo ashihe ndhoka dha kwata ootundi ndatu. 46 Potundi oyo tuu ndjoka ontintatu Jesus okwi igidha mokule ta ti: “Eli, Eli, lama sabaktani?” Otashi ti: Kalunga kandje, Kalunga kandje, omolwashike we ekelehi ndje?
47 Nena yamwe yomwaamboka ya thikama mpoka sho ye dhi uvu, oya ti: “Oti ithana Elia.” 48 Nena gumwe gwawo okwa matuka nokwa kutha oshiyayo, okwe shi yaya momaviinu omalulu nokwe shi tula koshihenguti e te shi tsike komilungu dhe.
49 Ihe ooyakwawo oya ti: “Etha, u tale, Elia ngele ote ya oku mu hupitha.”
50 Jesus okwi igidha ishewe pombanda nokwa si.
51 Etopolitho lyotempeli olya tuuka okuza pombanda sigo opevi. Evi olya kakama, nomamanya oga tanduka; Etopolitho lyotempeli olya tuuka okuza pombanda sigo opevi. 52 oombila odha suukuluka, nomidhimba odhindji dhoonakusa aayapuki odha yumuka. 53 Oya zi mo moombila noye ya kOshilando oshiyapuki, Jesus sho a yumuka noya monika koyendji.
54 Ano omukuluntu gwaakwiita naambeyaka ya langele Jesus pamwe naye, sho ya mono ekakamo lyevi naayihe mbyoka ya ningwa po, oya tila nokutililila ya ti: “Kapu na omalimbililo, nguka okwa li Omuna gwaKalunga.”
55 Kokuma nkoka okwa li ku na aakiintu oyendji ya zile kuGalilea ya landula Jesus noye mu yakulile. Oyo ya thikama kokule noye mu tala. 56 Mokati kawo omwa li Maria Magdalena naMaria, yina yaJakob naJosef nayina yaana yaSebedeus.
Jesus ta fumvikwa
(Mrk. 15:42-47Luk. 23:50-56Joh. 19:38-42)57 Ano sho kwa ningi ongulohi, omulumentu omuyamba a zi kuArimatia, edhina lye Josef, okwe ya po. Oye okwa li wo omulongwa gwaJesus. 58 Okwa yi kuPilatus nokwe mu indile omudhimba gwaJesus. Pilatus okwa zimine, e gu pewe. 59 Josef okwa kutha omudhimba e te gu dhingile moshiyata oshitokele, 60 e te gu langeke mombila ye mwene ompe, a li e yi ihokela memanya. Okwa galangatithile posheelo shombila emanya enene e ta zi po. 61 Maria Magdalena naMaria mukwawo oya kuutumba ya taalela kombila.
Ombila tayi langelwa
62 Ano mesiku ndyoka lya landula kEtitano, aayambi aakuluntu naafarisayi oya gongala puPilatus 63 ya ti: “Tatekulu, otwa dhimbulukwa kutya omukotokeli ngwiyaka manga a li e na omwenyo, okwa tile: ‘Ngele pwa piti omasiku gatatu, otandi ka yumuka.’ 64 Lombwela ano aantu, ya langele nawa ombila sigo esiku etitatu, aalongwa ye opo kaaye mu yake mo; yo ya lombwele aantu kutya okwa yumudhwa kuusi. Nena epukitho lyahungunina otali ningi ewinayi noonkondo li vule lyotango.”
65 Pilatus okwa ti kuyo: “Aalangeli oyo mbaka, indeni, mu ke yi langele nawa, ngaashi mu shi shi.”
66 Oyo ya yi noye edhilitha po emanya e taye li hotele po noshihotekitho e taa langeke aalangeli pombila.
