Omutokoli mwii nomufiyekadi
1 Ndelenee Ye okwe va lombwela efaneko nhumbi ve nokwiilikana vaha loloke, 2 ndele ta ti: “Moshilando shimwe omwa li mu na omutokoli weendjovo ina tila Kalunga noina fya ohoni ovanhu. 3 Ndele moshilando osho mwa li omufiyekadi e uya luhapu kuye ndele okwa tya: ‘Yukifa eendjovo detu nomutamaneki wange.’ 4 Ndelenee ye okwa ninga omafiku mahapu ina hala; konima okwe lipopila ta ti: ‘Nande ihandi tila Kalunga noihandi fi ohoni ovanhu 5 onda hala oku mu yukifila oshinima shaye, osheshi omufiyekadi ou ta kenyeneke nge, opo aha twe nge momesho nokuli.’ ” 6 Ndele Omwene okwa tya: “Pwilikineni omutokoli ou mwii eshi ta ti. 7 Hano Kalunga ita yukifile mbela ovahoololwa vaye oshinima shavo ava have mu ifana pombada omutenya noufiku ye a fye ounye ngeno oku va kwafa? 8 Ohandi mu lombwele: ote shi va yukifile divadiva. Ndelenee Omona wOmunhu ngeenge te uya, ota hange ko tuu eitavelo kombada yedu?”
Omufarisai nomufutifi motembeli
9 Ndelenee Ye okwa lombwela vamwe ve lineekela ovo ovayuki vati, ndele ova dina vamwe, efaneko eli: 10 “Ovalumenhu vavali ova ya motembeli okwiilikana, umwe Omufarisai namukwao omufendelifi. 11 Ndele Omufarisai okwa kala ofika e likalela ndele okwa ilikana ngaha: ‘Kalunga, ohandi ku pandula, osheshi ame inandi fa ovanhu vamwe, ovakolokoshi, eembudi novanyoni vohombo ile ongaashi omufendelifi ou, 12 eendja ohandi di lidilike luvali moshivike keshe ndele handi yandje oitimulongo moilikolwa yange aishe.’ 13 Ndele omufendelifi okwa kala ofika kokule, ye ina hala okuyelula omesho keulu, okwe lidenga ponhulo yaye ndele ta ti: ‘Kalunga, file nge onghenda, aame omulunde.’ 14 Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”
Jesus nounona
15 Ndele ova eta ounona vanini kuye e va kume, ndele ovalongwa eshi ve shi mona, ova hanyena ovo ve va eta. 16 Ndelenee Jesus okwe va ifana ve uye kuye ndele ta ti: “Efeni ounona ve uye kwaame, nye inamu va kelela ko, osheshi ouhamba waKalunga owaava ve va fa. 17 Oshili handi mu lombwele: ou ita tambula ouhamba waKalunga ngaashi okahanana, oye ita i mo muwo.”
Elenga oshipuna
18 Ndele elenga limwe le mu pula tali ti: “Omuhongi muwa, ondi nokulonga shike, ndi fyuulule omwenyo waalushe?” 19 Ndele Jesus okwa tya kuye: “Oshike wa ifana nge muwa? Kape na nande umwe muwa, Kalunga Oye aeke. 20 Oipango ou i shii: ‘Ino nyona ohombo, Ino dipaa, Ino vaka, Ino lundila, Fimaneka xo nanyoko.’ ” 21 Ndele ye okwa tya: “Oyo aishe onde i wanifa okounyashele wange.” 22 Ndele Jesus eshi e di uda okwa tya kuye: “Shimwe she ku pumba natango: landifa po aishe u i kwete, ove u i tukulile eehepele, ndele to kala u na emona meulu, ndele ila ove u shikule nge.” 23 Ndele ye eshi e di uda, okwa nyika unene oluhodi, osheshi ye okwa li oshipuna unene.
24 Ndele Jesus eshi e mu mona a nyika oluhodi okwa ti: “Oipuna oi noudjuu u fike peni okuya mouhamba waKalunga. 25 Okupitila kwongamelo mombululu yongwiya hixwe, ku dule okuya kwoshipuna mouhamba waKalunga.” 26 Hano ovo ve di uda, ova tya: “Olyelye hano ta dulu okuxupifwa?” 27 Ndelenee Ye okwa tya: “Eshi tashi nyenge ovanhu, itashi nyenge Kalunga.”
Ondjabi yovashikuli vaJesus
28 Opo Petrus okwa tya: “Tala, ofye otwa fiya ko aishe, ndele otwe ku shikula.” 29 Ndele Ye okwa tya kuvo: “Oshili handi mu lombwele, kape na ou a fiya po eumbo ile omukainhu ile ovamwaxe ile xe ile ina ile ovana omolwouhamba waKalunga, 30 ndele ita alulilwa ngeno oinima i dule inya unenenene mefimbo eli lopaife, nomounyuni tau ke uya omwenyo waalushe.”
Jesus ta popi okuhepekwa kwaye
31 Ndelenee Ye okwa kufa ko ovo omulongo navavali ndele okwe va lombwela: “Tala, ohatu yeni kuJerusalem, oko aishe ya shangwa kovaxunganeki tai hepaulula Omona wOmunhu, otai ka wanifwa. 32 Osheshi Oye ta yandjwa momake ovapaani, ndele ta yolwa, ta shekwa ndele ta fiilwa omate, 33 ndele tave mu denge neeshokoto ndele tave mu dipaa, nefiku etitatu ota nyumuka koufi.” 34 Ndele vo ova li vehe udite ko nande kanini eendjovo odo, eendjovo odo ode va holekwa, inava uda ko osho sha tiwa.
Omupofi kuJeriko
35 Ndele fimbo ta ehene ko kuJeriko, omupofi okwa li omutumba pondjila ndele okwa ehela. 36 Ndele eshi a uda ongudu yovanhu tai ende po, okwa pula: “Oshike osho?” 37 Ndele vo ove mu lombwela: “Jesus Omunasareti ta ende po.” 38 Opo ye a ingida, ta ti: “Jesus, Omona waDavid, file nge onghenda!” 39 Ndele venya va tetekela, ove mu hanyena a mwene, ndele ye okwa ingida pombada a diinina: “Omona waDavid, file nge onghenda!” 40 Ndele Jesus okwa kanghama ndele okwe va lombwela, ve mu ete kuye. Hano eshi e uya popepi, Jesus okwe mu pula: 41 “Owa hala ndi ku ningile shike?” Ye okwa tya: “Omwene, ndi shiive okumona ko vali.” 42 Jesus okwa tya kuye: “Mona ko! Eitavelo loye ole ku velula.” 43 Opo tuu opo ye a mona ko, ndele okwe mu shikula nokufimaneka Kalunga, novanhu aveshe ava ve shi mona, ova hambelela Kalunga.
Eyele lyomuselekadhi nomutokoli
1 Jesus okwe ya lombwele eyele ndika, opo e ya longe, nkene ye na okugalikana aluhe yo yaa vulwe, a ti: 2 “Moshilando shimwe omwa li mu na omutokoli ihaa tila Kalunga ye ke na ko nasha naantu ooyakwawo. 3 Moshilando osho tuu shoka omwa li wo omuselekadhi e ya olwindji kuye nokwa ti: ‘Uthila ndje pauyuuki kombinga yoohapu dhetu nomutamaneki gwandje.’ 4 Omutokoli okwa li ta tindi ethimbo ele, ihe konima okwi ipopile a ti: ‘Nando ihandi tila Kalunga nokandi na ko nasha naantu ooyakwetu, 5 ihe molwaashoka omuselekadhi nguka ote etele ndje uupyakadhi, onda hala oku mu uthila, opo kaa kenyaneke ndje nokuya aluhe kungame.’ ”
6 Omuwa okwa ti ihe: “Pulakeneni omutokoli nguka ke na uuyuuki sho a ti. 7 Ano Kalunga itu uthile ando aahogololwa mboka haye mu ithana omutenya nuusiku? Ote ya tegelelitha tuu ethimbo ele inee ya kwatha? 8 Otandi mu lombwele, ote ya uthile mbalambala. Ihe Omuna gwOmuntu uuna te ke ya, ota ka adha ko tuu eitaalo kombanda yevi?”
Eyele lyomufarisayi nomufendelithi
9 Jesus okwa hokololele mboka yi idhiladhilile yo yene kutya oyo aayuuki e taa dhini aantu yalwe, ndika eyele: 10 “Aalumentu yaali oya yi motempeli, ya ka galikane, gumwe omufarisayi nomukwawo omufendelithi.”
11 “Omufarisayi okwa thikama i ikalela nokwa galikana puye mwene e ta ti: ‘Kalunga, otandi ku hambelele, oshoka ngame inandi fa aantu yalwe: aayugi, aakolokoshi naahondeli; otandi ku hambelele wo, sho inaandi fa omufendelithi ngono. 12 Iikulya ohandi idhilike omasiku gaali moshiwike kehe nohandi ku pe oshitimulongo shomwaayihe mbyoka nde yi likola.’
13 “Ihe omufendelithi okwa thikama kokule ye ina vula okutala kegulu, oshoka okwa sa oluhodhi e ta ti: ‘Kalunga, sila ndje ohenda, ongame omulunde!’ ” 14 Opo Jesus okwa ti: “Otandi mu lombwele: nguka okwa shuna kegumbo omuyuuki koshipala shaKalunga e vule mukwawo. Oshoka ngoka ti inenepeke, ota shonopekwa, naangoka ti ishonopeke, ota nenepekwa.”
Jesus ta yambeke uunona
(Mat. 19:13-15Mrk. 10:13-16)15 Aantu yamwe oye eta uuhanona wawo kuJesus, a tenteke iikaha ye kuwo. Ihe aalongwa sho ye shi mono, oya ganda mboka ye u eta. 16 Ihe Jesus okwi ithana uunona, u ye kuye, a ti: “Etheni uunona, u ye kungame. Inamu u keelela ko, oshoka Oshilongo shaKalunga oshaamboka ye u fa. 17 Ongame tandi mu lombwele: Oongoka itaa taamba Oshilongo shaKalunga ongokanona, oye ita yi mo musho.”
Omulumentu omuyamba
(Mat. 19:16-30Mrk. 10:17-31)18 Gumwe gwomaakuluntu Aajuda okwe mu pula a ti: “Muhongi omwaanawa, nandi longe shike, ndi mone omwenyo gwaaluhe?”
19 Jesus okwe mu pula: “Omolwashike to ti ndje omwaanawa? Kaku na nando omuntu omwaanawa, oKalunga awike. 20 Iipango ou yi shi: ‘Ino hondela, Ino yaka, Ino lundila, Simaneka ho nanyoko.’ ”
21 Nguka okwe mu yamukula a ti: “Ayihe mbika onde yi gwanitha okuza muugundjuka wandje.”
22 Jesus sho e shi uvu, okwa ti kuye: “Oku na oshinima shimwe natango u na oku shi ninga. Landitha po ayihe mbyoka u yi na, iimaliwa e to yi pe oohepele, ngoye e to kala u na eliko megulu. Ila ihe, u landule ndje.” 23 Ano omulumentu nguka sho u uvu oohapu ndhoka, okwa tameke okusa oluhodhi noonkondo, oshoka okwa li e na eliko olindji.
24 Jesus sho a dhimbulula kutya okwa sa oluhodhi, okwa ti: “Aayamba oye na uudhigu ngiini okuya mOshilongo shaKalunga! 25 Okupitila kwongamelo mombululu yonane okuhwepo ku vule okuya kwomuyamba mOshilongo shaKalunga.”
26 Aantu mboka ye dhi uvu, oya pula ya ti: “Olye ano ta vulu okuhupithwa?”
27 Jesus okwe ya yamukula a ti: “Shoka tashi nyenge aantu, itashi nyenge Kalunga.”
28 Nena Petrus okwa ti: “Tala, otse otwa thigi po omagumbo getu e tatu ku landula.”
29 Jesus okwa ti kuyo: “Eeno, ihe ongame tandi mu lombwele, kehe ngoka ta thigi po egumbo nenge omukiintu nenge aamwayina aalumentu nenge aakuluntu ye nenge oyana omolwOshilongo shaKalunga, 30 ota ka mona ko oyindji muuyuni mbuka, nomwenyo gwaaluhe ote ke gu pewa muuyuni tau ya.”
Jesus ta popi ishewe okuhepekwa kwe
(Mat. 20:17-19Mrk. 10:32-34)31 Jesus okwi ikalekele aalongwa omulongo nayaali nokwa ti kuyo: “Tala, otatu yeni kuJerusalem, hoka taku ka tsakanithwa ayihe mbyoka ya nyolwa kaahunganeki tayi popi Omuna gwOmuntu. 32 Oye ota ka gandjwa miikaha yaapagani, mboka taye mu yolo, taye mu sheke e taye mu hiyile omayeye. 33 Oyo otaye ke mu dhenga e taye mu dhipaga, ihe esiku etitatu ota ka yumudhwa.
34 “Aalongwa oya li yaa uvite nando osha; oohapu ndhoka odha li dhe ya holekwa, yo inaa uva ko kutya Jesus okwa hala okutya shike.”
Omuposi ta aludhwa
(Mat. 20:29-34Mrk. 10:46-52)35 Jesus sho e ya popepi naJeriko, omuposi gumwe okwa kuutumba pooha dhondjila ta hehela. 36 Sho u uvu, ongundu yaantu tayi ende po, okwa pula a ti: “Oshike shino?”
37 Aantu oye mu lombwele ya ti: “OJesus Omunasareti te ende po.”
38 Oye okwi igidha ihe a ti: “Jesus, omuna gwaDavid, sila ndje ohenda!”
39 Aantu yokomeho oye mu ganda, a mwene. Ihe omuposi okwa dhiginine okwiigidha mokule a ti: “Omuna gwaDavid, sila ndje ohenda!”
40 Jesus okwa thikama nokwe ya lombwele, ye ete omuposi kuye. Sho e ya lwopopepi, Jesus okwe mu pula:
41 “Owa hala, ndi ku ningile shike?”
Oye okwa ti: “Omuwa, onda hala, ndi mone ko ishewe.”
42 Nena Jesus okwa ti kuye: “Tonata! Eitaalo lyoye lye ku aludha.”
43 Mbalambala okwa mono ko e ta landula Jesus ye ta pandula Kalunga. Aantu sho ye shi mono, ayehe oya hambelele Kalunga.
