Jesus ta tambula ovalunde
1 Ndele ovafutifi aveshe novalunde va li have uya kuye oku mu uda. 2 Ndele Ovafarisai novanongo vomhango ova ngongota tava ti: “Ou ota tambula ovalunde ndele ta lile pamwe navo.”
Odi ya kana
3 Ndelenee Ye okwe va lombwela efaneko eli ta ti: 4 “Olyelye ou womunye e na eedi efele limwe ndele ta kanifa mo imwe, ita fii po ngeno odo omilongo omugoi nomugoi, ndele ta ka shikula inya ya kana fiyo te i mono? 5 Ndele ngeenge te i mono, ote i humbata komapepe aye nokunyakukwa. 6 Ndele ngeenge te uya keumbo, ota ifana ookaume novashiinda vaye, ndele ote va lombwele: ‘Hafeni pamwe naame, osheshi odi yange ya li ya kana onde i mona.’ 7 Ohandi mu lombwele: ‘Osho yo meulu tamu ka kala ehafo lokuhafela omulunde umwe e lidilulula, li dule olo lokuhafela ovayuki omilongo omugoi nomugoi ava itava pumbwa elidilululo.’
Oshimaliwa sha kana
8 “Ile omukainhu olyelye, ngeenge e kwete oimaliwa oisiliveli omulongo, ndele ta kanifa po shimwe, ita temifa olamba ye ita kombo meumbo noku shi konga shili fiyo ote shi mono? 9 Ndele ngeenge te shi mono, ota ifana ookahewa novashiinda vaye ndele ta ti: ‘Tu nyakukweni, osheshi oshimaliwa shange nde shi kanifile, onde shi mona.’ 10 Ohandi mu lombwele, osho tuu tamu ningi ehafo movaengeli vaKalunga omolwomulunde umwe e lidilulula.”
Omumati a kanene
11 Opo nee Ye okwa popya vali: “Okwa li ku nomunhu e novana ovamati vavali. 12 Ndele ou munini okwa tya kuxe: ‘Tate, pe nge ombinga ei yeliko ndi noku i pewa’. Ye okwe va tukulila emona laye. 13 Ndele inapa pita nee omafiku mahapu, omona ou munini okwa ongela oinima yaye aishe, ndele okwa ya koshilongo shokokule, ndele okwa hanaunina ko emona laye nokukala moulunde. 14 Ndele eshi a mana po aishe, oshilongo shinya osha hangika kondjala inene, ndele ye okwa hovela okuhepa. 15 Okwa ya ko ndele okwe litula poshipuna shoshilongo shinya. Ye okwe mu tuma momaluxwa aye okulifa oingulu. 16 Ndele okwa hala okukutifa edimo laye nomahakashala omakunde aa haa liwa koingulu, ndele ine a pewa nande okomunhu. 17 Opo nee e lialuluka, ndele ta ti: ‘Ovapiya vatate vahapu ve fike peni ve noikulya ya wana, ndele ame ohandi fi ondjala. 18 Ohandi fikama ndele handi i kutate, ndele handi mu lombwele: Tate, onda nyona keulu nokoshipala shoye, 19 ndele ame inandi wana vali ndi ifanwe omona woye, tambule nge ngaashi umwe womovapiya voye.’ 20 Ndele ye okwa fikama ndele okwa ya kuxe.
“Ndele fimbo a li kokule, xe okwe mu mona ndele okwe mu udila onghenda, a tondoka e mu shakeneke ndele okwe mu dingatela kofingo, yaye ndele okwe mu fipa komilungu. 21 Ndele omona okwe mu lombwela: ‘Tate, onda nyona keulu nokwoove, ame inandi wana vali okwiifanwa omona woye.’ 22 Ndele xe okwa lombwela ovapiya vaye: ‘Ka eteni divadiva oshikutu shinya shiwa shiwelela, mu shi mu dike, nokalinga ka dikeni komunwe waye, neenghaku keemhadi daye, 23 nye mu ka tale ko onhana inya ya ondoka, i tomeni, tu lyeni fye tu hafeni, 24 osheshi omona wange ou okwa li a fya, ndele okwa nyumuka, okwa li a kana, ndele okwa monika.’ Ndele vo ova hovela okuhafa.
25 “Ndelenee omona waye omukulunhu okwa hangika mepya. Hano eshi e uya a fika popepi neumbo, okwa uda mo olwiimbo noudano. 26 Ndele okwa ifana omupiya umwe, okwe mu pula eshi shi li mo. 27 Ou okwa tya kuye: ‘Omumwanyoko e uya, xo okwe mu tomena onhana inya ya ondoka, eshi e mu mona e nomwenyo.’ 28 Ndele ye okwa handuka, ye ina hala okuya mo meumbo. Xe okwe uya pondje, ndele okwe mu popifa nombili. 29 Ndelenee ye okwa tya kuxe: ‘Tala, omido edi nde ku kalela apa di fike, ndele inandi nyona nande oshipango shoye. Ove ino pa nge nande okakombwena ndi hafe pamwe nookaume kange. 30 Ndelenee omona woye oo a manena po emona loye meembwada, eshi e uya, ove owe mu tomena onhana inya ya ondoka.’ 31 Ye okwe mu lombwela: ‘Omona wange, ove owa kala alushe pwaame, ndele aishe yange oyoye yo. 32 Ndele paife eshi otu nokuhafa, osheshi omumwanyoko ou okwa li a fya ndele okwa ninga vali omwenyo, okwa li a kana ndele okwa monika.’ ”
Eyele lyonzi ya kana
(Mat. 18:12-14)1 Aafendelithi ayehe naalunde oye ya okupulakena Jesus. 2 Ihe aafarisayi naalongimpango oya ngungutula ya ti: “Nguno ota taamba aalunde e ta li pamwe nayo.” 3 Onkee Jesus okwe ya lombwele eyele ndika a ti:
4 “Natu tye, gumwe gwomune oku na oonzi ethele limwe, ihe yimwe yomudho te yi kanitha. Ota ningi ngiini? Oye ota thigi po oonzi omilongo omugoyi nomugoyi melundu e ta ka konga ndjiyaka ya kana, sigo te yi mono. 5 Ngele e yi mono, ota nyanyukwa noonkondo, ote yi humbata komapepe ge 6 e te yi eta kegumbo. Oti ithana ihe ookuume ke naashiinda she e ta ti: ‘Nyanyukweni pamwe nangame, oshoka onzi yandje ndjoka ya li ya kana, nde yi mono!’ 7 Otandi mu lombwele: osho wo megulu otamu kala enyanyu omolwomulunde gumwe i itedhulula, li vule ndyoka lyokunyanyukilwa aayuuki omilongo omugoyi nomugoyi mboka taa dhiladhila kutya inaa pumbwa eitedhululo.”
Eyele lyoshimaliwa sha kana
8 “Natu tye, omukiintu oku na iimaliwa iisiliveli omulongo e ta kanitha po shimwe. Ita hwameke ando olamba e ta kombo egumbo noku shi konga nuupenda, sigo te shi mono? 9 Ngele e shi mono, oti ithana ihe ookuume ke naashiinda she ta ti: ‘Nyanyukweni pamwe nangame, oshoka oshimaliwa shandje shoka sha li sha kana, nde shi mono!’ 10 Otandi mu lombwele: osho wo aayengeli yaKalunga otaa nyanyukilwa omulunde gumwe ngoka i itedhulula.”
Eyele lyomumati a kana
11 Jesus okwa ti ishewe: “Okwa li ku na omusamane e na aamati yaali. 12 Ngoka omushona kumukwawo okwa ti kuhe: ‘Tate, pe ndje ombinga yomeliko ndjoka ndi na oku yi pewa.’ Nena he okwa topolele oyana yaali eliko ndyoka.
13 “Inapa pita omasiku ogendji, omwana nguka omushona okwa gongele iinima ye ayihe e ta yi koshilongo shokokule. Oye okwa hanagula po eliko lye nkoka nokukala muuholume. 14 Ihe sho a mana po ashiheshihe, oshilongo shiyaka osha adhika ihe kondjala ondhigu, oye nokwa tameke okuhepa. 15 Oye okwa yi, a ka longe pomuntu gumwe gwomoshilongo shoka, nguka okwe mu tumu kohambo ye yiingulu. 16 Okwa li e shi, ota vulu okwiipalutha nomakunde ngoka haga liwa kiingulu, ihe ine ga pewa. 17 Lwahugunina sho a dhimbulula okukala kwe, okwa ti: ‘Aaniilonga ayehe ya tate oye na iikulya ya gwana, manga ngame te si ondjala! 18 Otandi thikama, ndi ye kutate, e tandi mu lombwele te ti: Tate, onda yono kuKalunga nokungoye. 19 Inandi gwana we, ndi ithanwe omumwoye, taamba ndje ongagumwe gwomaalumentu mboka taye ku longele.’ 20 Oye okwa thikama nokwe ya kuhe.
“Ano manga a li kokule, he okwe mu mono nokwe mu uvitile olukeno e ta matuka, e ke mu tsakaneke, okwe mu papatele e te mu thipi komilungu. 21 Omwana okwe mu lombwele a ti: ‘Tate onda yono kuKalunga nokungoye. Inandi gwana we, ndi ithanwe omumwoye.’ 22 Nena he okwa lombwele ihe aapiya ye: ‘Endeleleni, mu ete onguwo ndjiyaka ombwanawa, mu yi mu zaleke. Mu zalekeni okalinga komunwe gwe noongaku koompadhi dhe. 23 Indeni, mu ka tale wo ontana ndjiyaka yo ondoka, yi dhipageni, tu lyeni tse tu nyanyukweni. 24 Oshoka omumwandje nguka a li a sa, ngashingeyi oku na omwenyo; okwa li a kana, ihe ngashingeyi okwa monika.’ Oyo oya tameke ihe okudhana oshituthi ya nyanyukwa.
25 “Ihe omwana omukuluntu okwa adhika e li kepya. Sho e ya, a thiki popepi negumbo, oku uvu ehiko lyuuhumba nomatanto. 26 Oye okwi ithana gumwe gwomaapiya e te mu pula: ‘Oshike shi li megumbo?’ 27 Oye okwe mu yamukula a ti: ‘Omumwanyoko okwe ya, ho e te mu dhipagele ontana ndjiyaka yo ondoka, sho e mu mono e na omwenyo.’
28 “Omwana omukuluntu okwa geye ihe nokwa tindi okuya megumbo. Nena he okwe ya pondje nokwe mu popitha nombili, a ye meni. 29 Oye okwa ti kuhe: ‘Tala tate, oomvula odhindji onde ku longele ongomupika noinandi yona oshipango shoye nando oshimwe. Owa pe ndje shike? Ino pa ndje nando oshikombo sho sheneshene, opo ndi nyanyukwe pamwe nookuume kandje. 30 Ihe omumwoye ngono a hanagula po eliko lyoye moohonda, sho e ya, owe mu dhipagele ontana ndjiyaka yo ondoka!’ 31 He okwa ti kuye: ‘Mumwandje, ngoye ou li aluhe pungame, ayihe yandje oyoye. 32 Ihe osho opala, tu ningeni oshituthi e tatu nyanyukwa, oshoka omumwanyoko ngoka a li a sa, ngashingeyi oku na omwenyo; okwa li a kana, ihe ngashingeyi okwa monika.’ ”
