Eyambo lotete laAron
1 Ndele mefiku etihetatu Moses okwa ifana Aron novana vaye ovamati novakulunhu vOvaisraeli, 2 ndele ta lombwele Aron: “Likufila onhana yondume inai lutulwa ngaashi etimbayambo, nodi yondume ngaashi exwikiloyambo, adishe mbali dihe noshipo. Di eta koshipala shOmwene. 3 Ndele lombwela ovana vaIsrael u tye: ‘Kufeni oshikombo oshindume etimbayambo nonhana nodjona, aishe ivali yomudo umwe, ihe noshipo, exwikiloyambo, 4 nosho yo ohove nodi epanduloyambo di yambwe koshipala shOmwene, neendjayambo da lungilwa omaadi, osheshi nena eli Omwene te mu holokele.’ ”
5 Opo nee vo va eta komesho yetwali leongalo oyo va lombwelwa kuMoses. Neongalo alishe la ehena popepi nola kala ofika koshipala shOmwene. 6 Ndele Moses okwe va lombwela ta ti: “Oshinima osho tuu eshi Omwene e mu lombwela shi ningwe, opo efimano lOmwene tali dulu oku mu holokela.” 7 Ndele Moses okwa lombwela Aron ta ti: “Ehena po poaltari, u yambe etimbayambo loye, nexwikiloyambo loye, u likwatakanife nokukwatakanifa ovanhu, ndele yambela ovanhu eyambo lavo noku va kwatakanifa ngaashi Omwene a tonga.”
8 Opo nee Aron okwa ehena poaltari nokwa toma onhana yetimbayambo laye, 9 novana ovamati vaAron va eta ohonde kuye, ndele ye okwa twa omunwe waye mohonde nokwe i polola keembinga doaltari. Nohonde ya xupa po ye e i tila koshi yoaltari. 10 Ndelenee omakaadi neefiyo nokaxulixuli kexuli letimbayambo okwe i xwika po koaltari, Omwene ngaashi a lombwela Moses. 11 Ndele ombelela nekungha okwe i xwika po nomundilo pondje yonhanda. 12 Opo nee ye okwa toma exwikiloyambo, novana ovamati vaAron va eta kuye ohonde, ndele ye okwe i tila keembinga adishe doaltari. 13 Vo ove mu pa yo oinhimbu yexwikiloyambo ya shikulafana, pamwe nomutwe, ndele ye e i xwika po koaltari. 14 Ndele ye okwa kosha omandjadja nomakondo, nokwe a xwika po koaltari kombada yexwikiloyambo.
15 Opo nee ye okwa eta eyambo lovanhu. Ye okwa kufa oshikombo shetimbayambo lovanhu nokwe shi dipaa nokwe shi yamba etimbayambo, ngaashi linya lotete. 16 Nokwa eta vali exwikiloyambo nokwe li yamba ngaashi sha pangelwa. 17 Ndele ye okwa eta eendjayambo nokwa kufa mo eke li yadi nokwe di xwika po koaltari nande va yamba exwikiloyambo longula. 18 Opo nee ye okwa toma ohove nodi epanduloyambo lovanhu. Novana ovamati vaAron ve mu pa ohonde, ye okwe i tila keembinga adishe doaltari 19 noipambu yomakaadi ohove, nomakaadi omushila wodi, neefiyo nokaxulixuli; 20 ndele vo va tula oinhimbu kombadja, nokwa xwika po oinhimbu koaltari. 21 Ndelenee ombadja noshilama shokolulyo Aron okwe i dungadungifa koshipala shOmwene edungadungifwayambo, Moses ngaashi e shi tonga.
22 Opo nee Aron okwa yelula omake kovanhu nokwe va nangeka noupuna. Nokwa londoloka ko, ye eshi a yamba etimbayambo nexwikiloyambo nepanduloyambo. 23 Opo nee Moses naAron va ya metwali leongalo. Ndele vo eshi va dja mo, ova nangeka noupuna ovanhu. Nefimano lOmwene ola holokela ovanhu aveshe, 24 omundilo wa dja koshipala shOmwene, nowa xwika po exwikiloyambo noipambu yomakaadi koaltari. Ovanhu aveshe, eshi ve shi mona, eemwenyo davo da shambukwa nova wila eombe.
Aaron ta yamba omafikilondjambo
1 Esiku limwe sho lya piti po, omisindilo dheyapulo sho dha tsakanithwa, Moses okwi ithana Aaron noyana naawiliki yAaisraeli. 2 Okwa ti kuAaron: “Ikuthila ongombe ondumentu yomutanda nonzi ondumentu yaa na oshipo, u yi yambele Omuwa, ongombe oyeyonondjambo nonzi oyefikilondjambo. 3 Nena lombwela Aaisraeli ya kuthe oshikombo oshilumentu shi ninge eyonondjambo, ontana yomumvo gumwe nonzigona yomumvo gumwe yaa na oshipo yi ninge efikilondjambo, 4 nongombe ondumentu nonzi ondumentu yi ninge ekwatathanondjambo. Naa yi yambele Omuwa pamwe nondjambo yiikulya mwa tulwa omagadhi. Naye shi ninge, oshoka Omuwa ote ya ihololele nena.”
5 Oye eta kosheelo shetsalihangano ashihe shoka Moses e ya lombwele, negongalo alihe olya gongala li simaneke Omuwa. 6 Moses okwa ti: “Osho Omuwa e mu lombwele mu shi ninge, opo eadhimo lyOmuwa li mu holokele.” 7 Nena okwa lombwele Aaron e ta ti: “Inda koshiyambelo u ka yambe eyonondjambo nefikilondjambo gokukutha po oondjo dhoye noondjo dhoshigwana. Yamba oondjambo ndhika, dhi kuthe po oondjo dhoshigwana, ngashika Omuwa a popi.”
8 Aaron okwa yi koshiyambelo e ta tsele ongombe ondumentu yomutanda omolwokuyambela oondjo dhe mwene. 9 Oyana oye mu etele ombinzi. Okwa yaya mo omunwe gwe e ta gwayeke ombinzi kooniga dhoshiyambelo. Ombinzi onkwawo okwe yi tile pekota lyoshiyambelo. 10 Nena okwa lungunithile koshiyambelo oofu, iitiyanathigo nekalokwa lyokehuli, naanaa ngaashi Omuwa a lombwele Moses. 11 Ihe onyama nekunka okwe yi lungunithile pondje yontanda.
12 Okwa dhipaga oshimuna shefikilondjambo. Oyana oye mu etele ombinzi, oye nokwe yi shashamine koombinga adhihe dhoshiyambelo. 13 Oye mu pe omutse niintimbu iikwawo yoshimuna nokwe yi lungunithile koshiyambelo. 14 Nena okwa yogo iikwamela nomakondo nokwe yi lungunithile koshiyambelo kombanda yefikilondjambo.
15 Konima yaambika okwa yambele oshigwana. Okwa kutha oshikombo shoka tashi yambelwa oondjo dhoshigwana, okwe shi dhipaga e te shi yamba, ngaashi a yambele oondjo dhe mwene. 16 Okwe eta po wo oshimuna shefikilondjambo e te shi yamba pamautho. 17 Okwe eta po ondjambo yiikulya e ta kutha eke lyu udha uusila womunziya e te u lungunithile koshiyambelo. (Shika ohashi gwedhwa pefikilondjambo lyesiku kehe.) 18 Okwa tsele ongombe ondumentu nonzi ondumentu, yi ninge ekwatathanondjambo lyoshigwana. Oyana oye mu etele ombinzi nokwe yi shashamine koombinga adhihe dhoshiyambelo. 19 Aaron okwa tula oofu dhongombe ondumentu nodhonzi ondumentu 20 kombanda yoondete dhiimuna e te dhi fala koshiyambelo 21 e ta dhugadhuga oondete niilama yokomalulyo koshipala shOmuwa, ngaashi Omuwa a utha.
22 Aaron sho a mana okuyamba oondjambo adhihe, okwa yelutha omaako ge kombanda yoshigwana e te shi laleke nuuyamba e ta zi ko. 23 Moses naAaron oya yi metsalihangano, naasho ya zi mo, oya laleke oshigwana nuuyamba, neadhimo lyOmuwa olya holokele oshigwana ashihe. 24 Ohaluka Omuwa a tumu omulilo, nogwa lungunitha po efikilondjambo noofu koshiyambelo. Aantu sho ye shi mono, oya ligola e taa tsu iipala yawo mevi.
