Jesus moshivilo shomatwali
1 Ndele konima yoinima ei Jesus okwa li ha endaenda muGalilea, osheshi okwa li ina hala okweenda muJudea, shaashi Ovajuda ve mu nangela ve mu dipae. 2 Ndele oshivilo shOvajuda, eshi shomatwali, osha li popepi. 3 Opo ovamwaina ove mu lombwela: “Fikama, u dje po apa, u ye kuJudea, opo ovalongwa voye va mone oilonga ei ho longo, 4 osheshi kape na ou a hala a monike, ta longo sha meholeko. Hano ngeenge to longo oilonga ei, lihololela ounyuni.” 5 Osheshi novamwaina ova li yo inave mu itavela. 6 Opo nee Jesus okwe va lombwela: “Efimbo lange inali fika manga. Ndele efimbo leni opo li li alushe. 7 Ounyuni itau dulu oku mu tonda; Ame otau tondo nge, shaashi handi hepaulula nokutya, oilonga yao oii. 8 Nye indeni koshivilo, Ame itandi i manga koshivilo eshi, osheshi efimbo lange inali fika manga.” 9 Ndele eshi okwe shi va lombwela, ndele ta fyaala muGalilea.
10 Ndele ovamwaina eshi va ya koshivilo, opo Jesus okwa ya ko yo, hamoipafi, ndele omeholeko. 11 Ndele Ovajuda ova li tave mu kongo moshivilo, ndele tava ti: “Ye oku li peni?” 12 Ndele Ye okwa li ta tongwa unene mokati kovanhu, tava ti: “Ye omuwa;” vamwe va tya: “Ahowe, Ye ota pukifa ovanhu.” 13 Ndele kape na ou e mu tonga povanhu, shaashi va tila Ovajuda.
14 Ndele mokati koshivilo Jesus okwa ya kotembeli, ndele ta longo ovanhu. 15 Ndele Ovajuda va kumwa, ndele tava ti: “Ou, omishangwa oku di shii ngahelipi, nande ina longwa?” 16 Jesus okwe va nyamukula ta ti: “Elongo lange kali fi lange, ndele olaau a tuma nge. 17 Ngeenge pe na ou a hala okulonga ehalo laye, ota ka shiiva elongo, ngeenge ola dja muKalunga, ile handi popi mwaame mwene. 18 Ou ta tongo muye mwene, ota kongo efimano laye mwene, ndele ou ta kongo efimano laau e mu tuma, oye omunashili, noipupulu kai mo muye. 19 Moses haye e mu pa omhango hamba, ndele nande umwe mokati keni ite i wanifa. Oshike mwa hala okudipaa nge?” 20 Ndele eengudu dovanhu da nyamukula: “Ove u nondemoni, olyelye a hala oku ku dipaa?”
21 Opo nee Jesus okwe va nyamukula ta ti: “Oshilonga shimwe onde shi longa, ndele nye amushe omwa kumwa. 22 Moses okwe mu pa epito letanda (hakutya, la dja muMoses, ndelenee okooxo) nomEshabata hamu pitifa omunhu etanda. 23 Hano omunhu ngeenge ta pitifwa etanda mEshabata, opo omhango yaMoses iha lundululwe, nye otamu handukilile nge shike, eshi nda velula omunhu aushe mEshabata? 24 Inamu tokola pashipala, tokoleni etokolo la yuka.”
25 Ndelenee vamwe vomuJerusalem va tya: “Ou haye ve mu konga ve mu dipae? 26 Ndele tala, nhumbi ta tongo moipafi yavo, ndele vo itava ti sha kuye. Mbela ovakulunhu ve shi koneka shili kutya, Oye Kristus? 27 Ndelenee ou otu mu shii apa a dja, ndelenee Kristus ngeenge te uya, kape na ou e shii apa a dja.”
28 Ndelenee Jesus okwa popya mokule motembeli omo kwa li ta longo ovanhu, ta ti: “Nye omu shii nge, ndele mu shii apa nda dja. Inandi dja mwaame mwene, ndele ou a tuma nge, Oye omunashili, ndele nye kamu mu shii. 29 Ndelenee Ame ondi mu shii, osheshi onda dja kuye, ndele Ye okwa tuma nge.” 30 Ndele vo va hala ve mu kwate, ndele kapa li nande umwe e mu kuma, osheshi efimbo laye la li inali fika manga. 31 Ndele vahapu vomongudu yovanhu ve mu itavela, ndele tava ti: “Kristus ngeenge te uya ota ka longa oikumwifalonga ihapu e dule ou?”
32 Ndele Ovafarisai va uda ovanhu tave mu popi ngaha nokunongofola, ndele ovapristeli ovakulunhu nOvafarisai va tuma ko ovapiya ve mu kwate. 33 Ndele Jesus okwa tya: “Okafimbo kaxupi natango ondi li punye, opo nee handi i kwaau a tuma nge; 34 Ndele nye otamu ka kala nokukonga nge, ndele itamu mono nge, apa Ame ndi li itamu dulu okuya po.” 35 Ndele Ovajuda va tongafana: “Ou okwa hala okuya peni, eshi itatu mu mono? Ota i mbela kwaava va halakana mokati kOvagreka nokulonga Ovagreka? 36 Eendjovo edi oda tya ngahelipi, eshi ta ti: Otamu kala nokukonga nge, ndele itamu mono nge, apa Ame ndi li, itamu dulu okuya po?”
Jesus ta ifana ava va fya enota
37 Ndele mefiku linene, laxuuninwa loshivilo, Jesus a kala ofika nota ingida mokule ta ti: “Ngeenge pe na ou a fya enota, ne uye kwaame ye a nwe. 38 ‘Oye ou ta itavele nge, ngaashi omishangwa tadi ti, meni laye otamu ka tondoka omilonga domeva e nomwenyo.’ ” 39 Ndele eshi e shi tongela Omhepo tai pewa ava ve mu itavela, osheshi Omhepo Iyapuki kwa li inai uya manga, shaashi Jesus okwa li ina yelulwa natango.
40 Ndele vahapu vomovanhu eshi va uda eendjovo edi, ova tya: “Oshili ou omuxunganeki winya.” 41 Ndele vamwe tava ti: “Ou oKristus,” ndele vamwe vali tava ti: “Kristus ota di tuu kuGalilea? 42 Omushangwa itau ti: Kristus ota di moludalo laDavid nomoshilando shaBetlehem, oku kwa li David?” 43 Ndele mokati kovanhu mwa tukuluka olutandu molwaye. 44 Ndele vamwe vomuvo va hala ve mu kwate; ndele kapa li nande umwe e mu kuma.
Jesus ta popilwa
45 Opo nee ovapiya va shuna kovapristeli ovakulunhu nokOvafarisai. Ndele venya va tya kuvo: “Oshike hano inamu mu eta oku?” 46 Ovapiya va nyamukula: “Kapa li omunhu noshito, a popya ngaashi winya ta popi.” 47 Opo Ovafarisai va tya kuvo: “Nanye yo omwa pukifwa mbela? 48 Ope na tuu mbela nande umwe womovakulunhu e mu itavela, ile umwe womOvafarisai? 49 Ndele ovanhu ava, inava shiiva omhango, ova fingwa.” 50 Opo nee umwe womuvo, Nikodemus, ou a ile kuJesus oufiku, ta ti kuvo: 51 “Omhango yetu otai pe tuu omunhu etimba mbela fimbo ina pwilikinwa, ye a udike eshi a ninga?” 52 Ndele vo ve mu nyamukula tava ti: “Naave yo owomuGalilea, hamba? Konakona u tale, muGalilea ihamu di nande omuxunganeki.” 53 Ndele va ya, keshe tuu keumbo lavo.
Jesus naamwayina aalumentu
1 Konima yaambika Jesus okwe ende muGalilea. Oye okwa li inaa hala okweenda muJudea, oshoka Aajuda yaankoka oya li ya hala oku mu dhipaga. 2 Oshituthi shAajuda, oshituthi shomatsali giihwali, osha li popepi. 3 Aamwayina yaJesus aalumentu oye mu lombwele ihe ya ti: “Za po mpaka, u ye kuJudea, aalongwa yoye opo ya mone iilonga mbyoka yi longo. 4 Oshoka kape na ando omuntu ta longo sha meholamo, ngele okwa hala a tseyike. Onkee ano i ihololela uuyuni.” 5 Oshoka naamwayina aalumentu wo oya li inaaye mu itaala.
6 Jesus okwa ti kuyo: “Ethimbo ndyoka lyo opalela ndje inali thika natango. Ihe ne omu na aluhe ethimbo ndyoka lye mu opalela. 7 Ne uuyuni itau mu tondo, ihe ngame ou tonde ndje, oshoka otandi u hololele kutya iilonga yawo iiwinayi. 8 Ne indeni mpeyaka koshituthi. Ngame itandi yi ko koshituthi shika, oshoka ethimbo lyandje inali thika natango.” 9 Oye okwe ya lombwele oohapu ndhika nokwa kala natango muGalilea.
Jesus koshituthi shomatsali giihwali
10 Hugunina aamwayina aalumentu sho ya yi koshituthi, Jesus naye wo okwa yi ko. Ye ina ya ko puuyelele, ihe okwa yi ko meholamo. 11 Aajuda oya kala taye mu kongo moshituthi noya pulathana ya ti: “Oye oku li peni?”
12 Mongundu yaantu omwa kala enongono olindji omolwe. Aantu yamwe oya ti: “Oye omulumentu omwaanawa.” Ihe yamwe oya ti: “Aawe, ota pukitha aantu.” 13 Ihe kakwa li nando omuntu ngoka e mu popi puuyelele, oshoka oya li ya tila Aajuda.
14 Metifa lyoshituthi Jesus okwa yi motempeli nokwa tameke okulonga aantu. 15 Aajuda oya kumwa noonkondo noya ti: “Omulumentu nguka okwa tseya ngiini Omanyolo, nando ina longwa?”
16 Jesus okwe ya yamukula a ti: “Elongo ndika tandi li longo, kali shi lyandje mwene, ihe olya za kuKalunga, ngoka a tuma ndje. 17 Kehe ngoka a hala okuvulika kehalo lyaKalunga, ota ka dhimbulula elongo ndika tandi longo, ngele olya zi kuKalunga, nenge ote popi ashike mungame mwene. 18 Omuntu ngoka ta popi muye mwene, ota kambadhala okwiikongela esimano. Ihe ngoka ta kongo esimano lyaanguka e mu tuma, oye omunashili ye ke na nando iifundja yasha meni lye. 19 Moses ine mu pa ompango? Ihe kape na nando ogumwe gwomune ta vulika kompango. Omolwashike mwa hala okudhipaga ndje?”
20 Aantu oye mu yamukula ya ti: “Shila ou niwe kompwidhuli. Olye a hala oku ku dhipaga?”
21 Jesus okwe ya yamukula a ti: “Oshilonga shimwe ashike nda longo, ne amuhe nomwa kumwa. 22 Molwaashoka Moses okwe mu pe oshipango, mu fukaleke aana yeni aamati, (nonando haMoses e shi gandja, ihe ooho oyo ye shi tameke), ne ohamu ya fukaleke nomEsabati.
23 “Ngele okufukaleka omuntu mEsabati itaku yono ompango yaMoses, omolwashike mwa geele ndje, sho nda aludha omuntu mEsabati? 24 Inamu pangula ngaashi tamu tala nomeho, ihe panguleni epangulo lyu uka.”
Nguka oye tuu Kristus?
25 Nena aantu yamwe yomuJerusalem oya ti: “Nguka haye nani ngoka aakuluntu yetu Aajuda ya hala oku mu dhipaga? 26 Tala, ota popi montaneho yawo, ihe kape na nando ngoka ta ti sha kuye. Nenge aakuluntu oya dhimbulula kutya omulumentu nguka oye Kristus? 27 Tse otwa tseya omulumentu nguka nkoka a za, ihe Kristus ngele te ya, kape na ngoka e shi nkoka ta zi.”
28 Jesus okwa popi mokule motempeli ta longo aantu e ta ti: “Omu shi ndje tuu nomu shi ko tuu nkoka nda za? Ngame inandi ya molwandje mwene. Ngoka a tumu ndje, oye omunashili. Ne nokamu mu shi. 29 Ngame ondi mu shi, oshoka onda zi kuye, noye a tuma ndje.”
30 Oyo oya li ya hala oku mu kwata, ihe molwaashoka ethimbo lye olya li inaali thika natango, kape na nando ogumwe e mu tula iikaha. 31 Ihe aantu oyendji yomongundu oye mu itaale noya ti: “Kristus nge te ya, ota ka longa tuu iikumithalonga iinene yi vule mbika tayi longwa komulumentu nguno?”
Aalangeli ya tumwa okukwata Jesus
32 Aafarisayi oyu uvu enongono lyongundu ndjoka yaantu taa popi iinima mbika kombinga yaJesus. Nena yo pamwe naayambi aakuluntu oya tumu aalangeli, ya ka kwate Jesus. 33 Jesus okwe ya lombwele: “Ngame ondi li pune okathimbo okafupi natango, opo ihe otandi yi kungoka a tuma ndje. 34 Ne otamu ka kala nokukonga ndje, ihe itamu ka mona ndje, oshoka nkoka tandi ka kala, kamu vulu okuya ko.”
35 Aajuda oya pulathana ya ti: “Omulumentu nguka ota yi peni ando, mpo itaatu mu mono we? Otayi kiilando yAagreka nkoka kwa kala Aajuda, a ka longe Aagreka? 36 Oye okwa hala okutya ngiini, sho a ti: Ne otamu kala nokukonga ndje ne itamu ka mona ndje; naankoka tandi yi, itamu vulu okuya ko.”
Omilonga dhomeya omanamwenyo
37 Esiku lyahugunina lyoshituthi olya li lya simana unene. Esiku olyo tuu ndyoka Jesus okwa thikama nokwiigidha a ti: “Kehe ngoka a sa enota, ne ye kungame, a nwe. 38 Ngaashi kwa nyolwa taku ti: ‘Kehe ngoka i itaala ndje, meni lye otamu ka tondoka omilonga dhomeya omanamwenyo.’ ” 39 Jesus okwa popi ta dhiladhila Ombepo ngoka ta ka pewa mboka ye mu itaala. Pethimbo ndyoka Ombepo okwa li inaa gandjwa natango, oshoka Jesus okwa li inaa adhimithwa natango.
Omaludhi mokati kaantu
40 Yamwe yomongundu sho yu uvu oohapu ndhika, oya ti: “Kapu na omalimbililo, omulumentu nguka oye omuhunganeki.”
41 Ooyakwawo oya ti: “Oye Kristus.”
Ihe yamwe ishewe oya ti: “Kristus ita zi ndishi muGalilea? 42 Enyolo otali ti kutya Kristus ota zi moluvalo lwaDavid nota valelwa muBetlehem, moshilando moka David a li a kala.” 43 Osho ngeyi omaludhi oga tameke mokati kaantu omolwe. 44 Yamwe oya li ya hala okukwata Jesus, ihe kapwa li nando ogumwe e mu gumu.
Okwaayitaala kwaawiliki yAajuda
45 Aalangeli oya shuna kaayambi aakuluntu nokaafarisayi, mboka ye ya pula: “Omolwashike inaamu mu eta huka?”
46 Aalangeli oye ya yamukula: “Noshitonale inaku monika omuntu ta popi ngashika omulumentu ngwiyaka.”
47 Aafarisayi oye ya pula ya ti: “Nane wo omwa hongololwa? 48 Ope na tuu nando ogumwe gwomaakuluntu yetu nenge gwomaafarisayi e mu itaala? 49 Aantu mbaka inaa tseya ompango yaMoses, onkee oye li kohi yethingo lyaKalunga.”
50 Nikodemus, ngoka a yile nale kuJesus uusiku, okwa li gumwe gwawo. Okwa ti: 51 “Pampango yetu tse itatu vulu okupangula nando omuntu, manga inaa pulakenwa tango, opo ku monike shoka a ningi.”
52 Yo oye mu yamukula ya ti: “Nangoye wo owa za kuGalilea nani? Konakona Omanyolo, nena oto ka dhimbulula kutya muGalilea inamu za nando onale omuhunganeki.”
[ 53 Nokonima kehe gumwe okwa yi kaandjawo.
