Omuviinyu washili noitai yao
1 “Aame omuviinyu washili, Tate Oye omulongi wepya lomiviinyu. 2 Oshitai keshe shi li mwaame eshi itashi imi, Oye ote shi tete po, nakeshe tuu eshi tashi imi ote shi yeleke, shi ime shili. 3 Onye omwa yela nokuli molweendjovo edi nde di mu lombwela. 4 Kaleni mwaame naame ohandi kala munye. Ngaashi oshitai itashi dulu okwiima musho vene, ngeenge itashi kala momuviinyu, osho nanye yo, ngeenge itamu kala mwaame.
5 “Aame omuviinyu, onye oitai. Ou ta kala mwaame naame muye, oye ta imi shihapu; osheshi ngeenge kamu kwete nge, itamu dulu okulonga sha. 6 Ou ita kala mwaame, oye ota ekelwashi ngaashi oshitai, ndele tashi kukuta; oyo tai ongelwa ndele tai ekelwa momundilo ndele tai pile mo. 7 Ngeenge tamu kala mwaame, neendjovo dange tadi kala munye, indileni keshe tuu eshi mwa hala, ndele tamu shi pewa. 8 Opo tuu opo Tate ta fimanekwa ngeenge tamu imi shihapu, ndele tamu ningi ovalongwa vange. 9 Tate ngaashi a kala e hole nge, osho yo Ame nda kala ndi mu hole; kaleni mohole yange. 10 Ngeenge tamu diinine oipango yange, opo nee tamu kala mohole yange, ngaashi Ame nda diinina oipango yaTate ndele handi kala mohole yaye. 11 Ei onde i mu lombwela, ehafo lange li kale munye, nehafo leni li kale la wanenena.
12 “Oshipango shange osheshi: Mu kale mu holafane, ngaashi Ame nda kala ndi mu hole. 13 Kape na ou e nohole i dule yaau ta yandjele ookaume kaye omwenyo waye. 14 Onye ookaume kange, ngeenge tamu ningi eshi handi shi mu lombwele. 15 Itandi mu ifana ovapiya, osheshi omupiya ke shii eshi omwene waye ta ningi; ndelenee onde mu ifana ookaume, osheshi ashishe eshi nde shi uda muTate, onde shi mu shiivifila. 16 Nye, hanye mwa hoolola nge, Aame nde mu hoolola, nonde mu tula po mu ye ko, nye mu ka ime oiimati, noiimati yeni i kalelele, opo nee keshe tuu eshi tamu shi indile Tate medina lange, Oye te shi mu pe. 17 Eshi handi shi mu lombwele mu kale mu holafane.
Outondwe wounyuni nOmupopili
18 “Ounyuni ngeenge tau mu tondo, kaleni mu shi shii, oo wa tonda nge tete. 19 Ngeno onye vomounyuni, ngeno ounyuni u hole vakwao, ndelenee eshi muhe fi vomounyuni, Ame eshi nde mu hoolola mo mounyuni, onghee ounyuni tau mu tondo. 20 Dimbulukweni eendjovo odo nde di mu lombwela: ‘Omupiya ke dule Omwene waye.’ Ngeenge va taataa nge, otave mu taataa yo. Ngeenge va diinina eendjovo dange, nodeni otave di diinine yo. 21 Ndelenee eshi ashishe tave shi mu ningile omolwedina lange, osheshi vo inava shiiva ou a tuma nge. 22 Ngeno Ame nda li inandi uya, ndele inandi va lombwela, ngeno vo kave nomatimba, ndelenee paife kave na sha shokulipopila oulunde wavo. 23 Ou ta tondo nge, oye ha tondo yo Tate. 24 Ngeno onda li inandi longa mokati kavo oilonga ei, inai longwa komunhu umwe, ngeno kave netimba. Ndelenee paife ove shi mona, ndele ove tu tonda ofye naTate. 25 Ndelenee, ondjovo ei ya shangwa momhango yavo oi nokuwanifwa: ‘Ovo va tonda nge ongaho.’
26 “Nge Omupopili te uya, Omhepo yashili ou ta di kuTate. Ou handi mu tumu ta di kuTate, Oye ta hepaulula nge. 27 Nanye yo tamu hepaulula, osheshi omwa kala naame okehovelo.
Jesus omuviinu gwashili
1 “Ongame omuviinu gwashili. Tate oye omuneyana lyomiviinu. 2 Oye ota keke po oshitayi kehe shomungame shoka itaashi imi iiyimati, ihe kehe oshitayi shoka tashi imi, ote shi opaleke, shi ime iiyimati oyindji. 3 Ne omwa yelithwa nokuli koohapu ndhoka nde dhi mu lombwele. 4 Kaleni muukumwe nangame, nangame otandi kala muukumwe nane. Ne itamu vulu okwiima iiyimati, ngele itamu kala mungame, ngashi naanaa oshitayi itaashi vulu okwiima iiyimati, ngele kashi li momuviinu.
5 “Ongame omuviinu, ne iitayi. Oongoka ta kala mungame, ngame wo otandi kala muye. Oye noti imi iiyimati oyindji, oshoka mwaa na ndje kamu vulu okulonga nando osha. 6 Kehe ngoka ita kala mungame, ote ekelwahi e ta kukuta ngashi oshitayi. Iitayi ya tya ngaaka otayi gongelwa ondumba e tayi umbilwa momulilo moka tayi pile mo. 7 Ngele tamu kala mungame noohapu dhandje e tadhi kala mune, nena indileni shaa shoka mwa hala, ne notamu ke shi mona. 8 Osho ngeyi Tate ota simanekithwa, ne ngele tamu imi iiyimati oyindji; nopamukalo nguka ne otamu ningi aalongwa yandje. 9 Ngashi naanaa Tate e hole ndje, osho wo nangame ndi mu hole. Kaleni ano mohole yandje. 10 Ngele otamu vulika komalombwelo gandje, otamu kala mohole yandje naanaa, ngashi ngame he vulika komalombwelo gaTate nonda kala mohole ye.”
11 “Shika onde shi mu lombwele, opo enyanyu lyandje li kale mune, nenyanyu lyeni li kale lya gwanenena. 12 Oshipango shandje osho shika: Holathaneni, ngashi naanaa ngame ndi mu hole. 13 Ohole onenenene omuntu ta vulu okukala e yi na yokuhola ookuume ke, oyo okugandja omwenyo gwe molwawo. 14 One ookuume kandje, ngele tamu ningi shoka tandi mu lombwele. 15 Itandi mu ithana we aayakuli, oshoka omuyakuli ita tseya shoka mwene gwe te shi longo. Onkee ano ngame otandi mu ithana ookuume kandje, oshoka iinima ayihe mbyoka nde yi uva kuTate, onde yi mu lombwela. 16 Hane mwa hogolola ndje, ongame nde mu hogolola nonde mu tumu, mu ye ko, ne mu imike iiyimati oyindji, iiyimati mbyoka tayi kalelele. Nena shaa shoka tamu shi indile Tate medhina lyandje, ote shi mu pe. 17 Shoka tandi mu lombwele, osho shika: Holathaneni.”
Uutondwe wuuyuni
18 “Uuyuni ngele tau mu tondo, dhimbulukweni kutya ongame wa tondo tango. 19 Ando mwa li yomuuyuni, nena ando uuyuni ou hole aantu yawo. Ihe ngame onde mu yoolola mo muuyuni; omolwaasho uuyuni u na oku mu tonda. 20 Dhimbulukweni shoka nde mu lombwele: ‘Omuyakuli ke shi omunene e vule mwene gwe.’ Ngele aantu oya tidhagana ndje, nena otaa ke mu tidhagana wo. Ngele ya vulika koohapu dhandje, otaa ka vulika wo nokudheni. 21 Iinima mbika ayihe oyo otaye ke yi mu ningila molwashoka one aalongwa yandje, oshoka inaa tseya ngoka a tuma ndje. 22 Ando nda li inaandi ya noinaandi ya lombwela, ando kaye na oondjo. Ihe ngashingeyi oyo kaye na nando osha shokupopila oondjo dhawo. 23 Oongoka e tonde ndje, oku tonde wo naTate. 24 Ando onda li inaandi longa mokati kawo iilonga mbyoka inaayi longwa nando okomuntu, nena ando yo kaye na oondjo. Ihe ngashingeyi sho ya mono shoka nda longa, oye tu tonde atuhe naTate. 25 Shika oshi na okukala ngeyi, opo shoka sha nyolwa mompango yawo shi gwanithwe: ‘Oyo oya tondo ndje owala pwaa na nando etompelo.’
26 “Ihe Omupopili, Ombepo yoshili, ngoka ta zi kuTate, ote ke ya. Ngame otandi ke mu tuma ta zi kuTate. Oye nota ka hokolola ndje. 27 Nane wo otamu ka hokolola ndje, oshoka omwa kala pamwe nangame okuza ketameko.
