Eweelelo molwoukolokoshi woshiwana shOmwene
1 Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku. 2 Ngeno onda li ndi nonduda yovaendanandjila mofuka, ngeno onda fiya po ovanhu vange, ndi dje po puvo! Osheshi vo aveshe ovatei vohombo, ongudu yovalunga. 3 Ndele ohava lukile omalaka avo noipupulu, ngaashi omauta, ndele eenghono domoshilongo ihave di longifa pashili, osheshi ohava twikile mowii, ndelenee inava shiiva nge, Omwene osho ta ti. 4 Kaleni mwa lungama, keshe umwe okaume kaye, ndele inamu lineekela omukweni nande umwe, osheshi omumwanyoko ote ku kengelele nokeshe omukweni ota ende nomalundilo. 5 Ndele hava kengelele keshe umwe okaume kaye noihava popi doshili; omalaka avo ve a ikililifa okupopya oipupulu, ndele fiyo okokuloloka ova ninga eshi inashi yuka. 6 Ou li mokati koipupulu, nomoipupulu yavo inava hala okushiiva nge, Omwene osho ta ti. 7 Onghee hano Omwene womatanga ovakwaita ota ti: Tala, Ame onda hala oku va hemuna ndi va tale; osheshi molwomona okakadona koshiwana shange ondi va ninge shike vali? 8 Omalaka avo oshikuti shefyo, otaa popi ekonda. Nomakanya avo hava popifa ombili nomukwao, ndelenee momitima davo ohave va nangele. 9 Ame ondi kale ngeno inandi va handukila molwoshinima eshi, Omwene osho ta ti, ile omwenyo wange uha kale nokuhandukila oshiwana sha tya ngaha?
10 Ame ohandi ka kwena nokukema pombada omolweemhunda, nomolweehambo domofuka ohandi lili eenghali. Osheshi odo da pya komundilo nokape nomunhu ta ende ko, nongaashi ihamu udika oshikuta shoimuna. Eedila dokeulu noifitukuti oya tembuka mo, ya ya onhapo. 11 Ndele Jerusalem ohandi shi ningi onduba yomamanya shi ninge onhele yeembadje, noilando yaJuda ohandi i ningi omaputu.
12 Olyelye omulumenhu omunaendunge, ou a shiiva eshi? Nolyelye ou okanya kOmwene ke mu hepaululila opo e shi hololele? Edu ola hanauninwa po shike nola pya ngaashi ombuwa itai endwa vali komunhu? 13 Ndele Omwene okwa tya: Osheshi va ekelashi omhango yange, nde i va pele, vo inava pwilikina ondaka yange, ve i shikule, 14 ndelenee ova li hava ende moukukutu womitima davo nova shikula ooBaal, ooxe ngaashi ve va honga. 15 Onghee hano, Omwene womatanga ovakwaita, Kalunga kaIsrael ota ti ngaha: Ovanhu ava onda hala oku va lifa oshimbodi shilula nohandi va nwefa omeva oudiyo. 16 Ndele handi va halakanifile moiwana inai shiivika kuvo noya li inai shiivika kooxekulu, ndele handi va shikulifile ko eongamukonda fiyo handi va mane po sheke.
17 Omwene womatanga ovakwaita ota ti ngaha: Taleni, ifaneni ovalikadi ve shii kulila eenghali, ve uye, heeno, tumeni ko mu ifane ovalikadi ve nounongo opo ve uye, 18 va endelele ve tu lilile eenghali, opo omesho etu a tondoke omahodi, neemhafu detu di tondoke omeva. 19 Osheshi muSion omwa udika elilaano: “Otwa hanaunwa po filufilu! Fye otwa fifwa ohoni shili, osheshi fye otu nokudja mo moshilongo, osheshi omaumbo etu a hanaunwa po.” 20 Pwilikineni hano onye ovalikadi, ondjovo yOmwene, omatwi eni naa tambule ondjovo yomokanya kaye; ovana veni oukadona va longeni okulila eenghali, longafaneni omaimbilo oufiye. 21 Osheshi efyo ola londa nokupitila mo momakende etu, le uya mo meengulu detu doupuna, li lye ounona momapandavanda novanyasha moilandelo.
22 Popya, u tye: Omwene osho ta ti: Oimhu yovanhu tai ka nangala kombada yedu ngaashi oushosho mepya nongaashi eenhumbulu di li konima yomukashuli, ndele pehe nomunhu te i ongele.
23 Omwene osho ta ti: Omunaendunge ine litangela eendunge daye, omunaenghono ine litangela eenghono daye, oshipuna shiha kale nokulitangela oupuna washo, 24 ndelenee ou te litangele, ne litangele ondunge yokushiiva nge kutya, Aame Omwene, handi wanifa onghenda nouyuki nouwa kombada yedu, osheshi oinima ei onde i hokwa, Omwene ta ti. 25 Tala, omafiku otae uya, Omwene osho ta ti, Ame ohandi ka handukila aveshe va pita etanda, ndelenee ve li ngaashi inava pita etanda: 26 Egipiti naJuda muEdom nOvaammoni, naMoab naaveshe ve likulula omitwe davo omixungo, ava va kala mofuka. Osheshi oiwana aishe yovapaani inava pita etanda, ndelenee epata alishe laIsrael inava pitifwa etanda komutima.
Elelo lyaJuda
1 Omutse gwandje andola gwa li omuthima gwomeya,
nomeho gandje othithiya yomahodhi,
ando te lili uusiku nomutenya
omolwaantu yandje mboka ya dhipagwa po.
2 Ando onda li ndi na ehala mombuga,
moka te vulu okukala kokule naantu yandje.
Oyo ayehe aahasha, ongundu yaakengeleli.
3 Aluhe oyi ilongekidha okufundja;
oshili ihayi pangele moshilongo.
Omuwa ota popi ta ti:
“Aantu yandje otaa ningi nayi aluhe, yo inaa tseya ndje.”
4 Shaa ngoka ni iyageke kuume ke,
nokape na ngoka ti inekele mumwayina.
Oshoka omumwayina kehe omunamakoto a fa Jakob,
nokehe ngoka ota lundile ookuume ke.
5 Kuume ta kotokele kuume,
nokaku na ngoka ta popi oshili.
Oya longo omalaka gawo okufundja;
ohaa ivulitha muulunde.
6 Oye li mokati komakoto;
momakoto gawo otaa tindi okutseya ndje.
7 Molwaashika Omuwa Omunankondoawike ota ti:
“Otandi ka yelitha aantu yandje ngashika iiwengendje
notandi ke ya yeleka.
Aantu yandje ya ningi nayi —
otandi ya ningi ishewe shike?
8 Omalaka gawo ogo iikuti hayi lyana;
aluhe taa fundju.
Shaa ngoka ota popi oohapu oontalala komushiinda gwe,
ihe ote mu tegele etavu.
9 Itandi ke ya geelela andola iihuna mbika?
Itandi ka galulila andola oshigwana uuwinayi wa fa mbuka?
Ongame Omuwa nda popi.”
10 “Otandi lilile oondundu
notandi takumine omaunapelo.
Oshoka oga kukuta po,
nokape na ngoka te ende mokati kago.
Ekololoko lyoongombe itali uvika we;
oondhila niithitukuti oya yi ontuku.
11 “Jerusalem otandi shi ningi ondumba yomakulukuma,
otandi shi ningi ehala lyokukala oombandje;
iilando yomuJuda otayi ka mbugala,
ehala itaali kalwa nando okulye.”
12 Onda pula nda ti: “Omuwa, omolwashike oshilongo sha hanagulwa po nosha kukuta sha fa ombuga, nokaku na nando oongoka te yi tokola? Olye e na oondunge e shi uve ko? Owe shi fatululile lye, opo a vule okulombwela yalwe?”
13 Omuwa okwa yamukula a ti: “Osha ningwa, oshoka aantu yandje oye etha elongo ndyoka nde li ya pele. Inaa vulika kungame nenge ya ninge, ngaashi nde ya lombwele. 14 Oya kala ya tangalala noya longele iimenka yaBaal, ngaashi ya longwa koohekulu, ye shi ninge. 15 Onkee ano pulakeneni shoka ngame, Omuwa Omunankondoawike, Kalunga kaIsrael, tandi ti: Otandi ka pa aantu yandje oshigwanga oshilulu ya lye, notandi ya nwetha omeya guuzigo. 16 Otandi ke ya halakanithila mokati kiigwana mbyoka noohekulu nayo wo inaaye yi kundana nale, notandi ka tuma iita yi ya kondjithe, sigo nde ya yono po naanaa.”
Aajerusalem taa kugile ekwatho
17 Omuwa Omunankondoawike ota ti:
“Shi kuthii mo nduno!
Hiyeni aakiintu ye shi kulila,
tumeni koonkulungu dhokulila oosa.”
18 Oshigwana osha ti:
“Ya lombweleni, ya matuke ye tu lilile ko oosa,
sigo omeho getu taga udha omahodhi,
noombafu dhetu dha hipa kokulila.”
19 Oshihomo shoondila otashi uvika muSion:
“Otwa hanagulwa po ngiini!
Ohoni yetu onene ngiini!
Otatu thigi po oshilongo shetu,
oshoka omagumbo getu oga kumunwa po.”
20 Onda ti:
“Ne aakiintu, pulakeneni oohapu dhOmuwa,
mu ndhindhilike shoka ta popi.
Longeni aana yeni aakadhona okulila,
nookuume keni uunkulungu wokulila oosa.
21 Eso olye ya lya pitile momakende getu
nolya ningine moombala dhetu.
Momapandaanda olya kanyata aanona,
naagundjuka opomahala guundingosho.
22 Omidhimba odha langathana akuhe,
odha fa oondumba dhuuhoho momapya,
odha fa iilya ya teywa ya thigwa po kaateyi,
iilya mbyoka itaayi gongelwa.
Shika osho shoka Omuwa a lombwele ndje, ndi shi popye.”
23 Omuwa ota ti:
“Omunandunge ke na okwiitangela uunongo we,
omunankondo iti itangele oonkondo dhe,
nomuyamba iti itangele uuyamba we.
24 Ngoka ti itanga,
ni itangele okuuva ko nokutseya ndje,
oshoka ohole yandje kayi na ondjele,
nohandi longo shoka oshiwanawa noshu uka.
Iinima mbika otayi opalele ndje.
Ongame Omuwa nda popi.”
25-26 Omuwa ota ti: “Esiku otali ya, uuna tandi ka pangula Aayegipiti, Aajuda, Aaedom, Aayammoni, Aamoabi naantu yomombuga mboka haa ikulula omapalu. Aantu mbaka ayehe oya pita etanda, ihe inaa dhiginina ehangano; oye na owala endhindhiliko lyalyo. Kaku na nando ogumwe gwomaantu mbaka nomAaisraeli a dhiginina ehangano lyandje.”
