Jeremia ta ilikanene oshiwana oshimha
1 Ondjovo yOmwene oya hanga Jeremia omolwoluteni lidjuu. 2 Juda osha nyika oluhodi, noivelo yomusho otai teka po. Vo ohava kala omutumba poshi, va nyika oufiye, nomalilaano aJerusalem taa i pombada. 3 Oidale yavo ohai tumu ovapiya vavo okuteka omeva. Vo otave uya komifima, ndelenee itava hange ko omeva, ndele tava shuna noitoo yavo ihe na sha. Ova lengaifwa nova fya ohoni, va tuvika oipala yavo. 4 Omolwomapya a tenda omifya, osheshi edu inali lokwa, ovanamapya ova haluka ashike ndele tave lituvike koipala yavo. 5 Noholongo yonghadi yo tai dalele moixwa, tai fii po okaholongwena kayo, osheshi inapa mena omwiidi. 6 Neengolo tadi kala koikulundudu ndele tadi shili omhepo ngaashi eembadje, omesho ado a twiyala, osheshi pehe nomwiidi. 7 Oilonga yetu ii nande tai tu tomhele oulunde, wanifa oshilonga shoye, Omwene, omolwedina loye, osheshi omaliteeko etu omahapu, fye twa nyona kwoove. 8 Oove eteelelo laIsrael nomuxupifi washo mefimbo loudjuu, oshike hano u li moshilongo ngaashi omunailongo nongaashi omweendanandjila, te uya meumbo a nangale ashike. 9 Oshike Ove u li ngaashi omulumenhu a haluka, ngaashi omuladi ou ita dulu okukwafa? Ndelenee Ove tuu ou li mokati ketu, Omwene, nafye otwe ku lukilwa. Ino tu efa ngaho.
10 Ovanhu ava, Omwene ote va tongo ta ti ngaha: Osho ve li ve hole okweelaela, ihava kelele eemhadi davo, onghee hano Omwene ine va hokwa; paife ota dimbulukwa oilonga yavo ii, ndele ta handukile omatimba avo. 11 Ndele Omwene okwa lombwela nge vali: “Ino ilikanena ovanhu ava va xupifwe. 12 Nande hava kala nokulidilika, itandi udu onghuwo yavo nonande have yambe omaxwikiloyambo neendjayambo, Ame itandi va hokwa ndelenee Ame ohandi va mane po neongamukonda nondjala noudu wolutapo.” 13 Opo nee ame onda tya: Akutu Omwene, Kalunga! Tala ovaxunganeki tave va lombwele: eongamukonda itamu ke li mona nondjala itai mu hange vali ndelenee ombili ya pama ohandi i mu pe monhele ei. 14 Ndelenee Omwene okwa lombwela nge, ta ti: Ovaxunganeki otava xunganeke oipupulu medina lange; Ame inandi va tuma nongaashi inandi va lombwela noinandi va popifa. Otave mu xunganekele omamoniko oipupulu nomaxunganeko oipupulu nomakoto omitima davo vene. 15 Onghee Omwene ota tongo ngaha: ovaxunganeki ava, tava xunganeke medina lange, nande Ame inandi va tuma, ndele tava ti oshilongo eshi itashi hangika keongamukonda ile kondjala, ovaxunganeki ava otava ka fya keongamukonda nokondjala. 16 Noshiwana osho sha xunganekelwa kuvo otashi ka nangala momapandavanda aJerusalem, sha fya kondjala nokeongamukonda, nopehe na ou te va pake, voovene novalikadi vavo novana vavo ovamati noukadona. Osho ngaha owii wavo vene ohandi u tile kombada yavo.
17 Ndele va lombwela ondjovo ei: “Omesho ange otaa tondokifa omahodi oufiku nomutenya, itaa kofa, osheshi okakadona, omona woshiwana shange okwa toshaulwa oipute, ihe shii kukumwa. 18 Ngeenge handi i moixwa, tala, ope noonakudipawa keongamukonda ngeenge handi uya moshilando, tala, omo omu noonakudinda ondjala. Heeno, novaxunganeki novapristeli vovene otava kala nokweelaela moshilongo inava shiiva sha.” 19 Ove owa ekelashi tuu shili Juda nowa loloka tuu shili Sion? Owe tu dengela shike ngaha, eshi itatu dulu okuveluka? Twa teelela ombili, ndelenee kape nouwa. Twa teelela efimbo leveluko, ndelenee tala, etilifo li li po. 20 Omwene, oudinikalunga wetu otwe u dimbulukwa nomanyonauno ootatekelu, osheshi kwoove twa nyona. 21 Ino tu ekelashi omolwedina loye! Ino fifa olukalwapangelo loshinge shoye ohoni. Dimbulukwa, ino teya ehangano loye nafye. 22 Oikalunga yongaho yoiwana otai shiiva mbela okulokifa odula, ile omu shii eulu loovene otali lokifa odula? Haave Omwene, Kalunga ketu? Ove hatu teelele! Osheshi aishe ei Ove we i ninga.
Oluteni olululu
1 Oohapu ndhika dhOmuwa dha lombwelwa Jeremia, otadhi popi oluteni:
2 “Juda ota lilagana;
iilando ye oya shunduka,
aantu ye oya mbwata pevi moluhodhi,
naJerusalem ta kugu onkugo.
3 Aanamadhina taa tumu aapiya ya ka teke omeya.
Otaa yi kiitentemba, ihe itaa mono ko omeya.
Otaa galuka niiyuma yi li owala.
Oya tyololoka yo ya ngwangwana,
otaa holeke iipala yawo.
4 Evi olya kalanda, oshoka oshilongo inashi lokwa.
Aanamapya naaniimuna oya haluka
notaa holeke iipala yawo.
5 Oholongo onyali otayi thigi po okanimona kayo
molwoluhepo lwomwiidhi.
6 Uusinokuti owa lontomana koondungu dhoondundu
tau fudhagana wa fa oombandje.
Owa tsika oshitanana, oshoka kau na uunapelo.
7 Aantu yandje otaa kugile ndje taa ti:
‘Nando uulunde wetu u tu tompe,
Omuwa, tu kwatha, ngaashi wa uvaneka.
Otwe ku pilamene olwindji;
otwa yono kungoye.
8 Omuwa, ongoye etegameno lyaIsrael;
ongoye omuhupithi gwetu methimbo lyiiponga.
Omolwashike wa fa omukwiilongo mevi lyetu,
wa fa omweendanandjila ngoka to penduka mo esiku limwe?
9 Omolwashike wa fa omuntu a haluka,
wa fa omukwiita kee na oonkondo dhokukwatha?
Oshili, ongoye Omuwa to kala pamwe natse!
Otse aantu yoye;
ino tu thiga po nando.’ ”
10 Aantu mbaka Omuwa ote ya popi ta ti: “Oye hole okunyekuka po pungame notaa nyengwa okwiipangela. Onkee ano inandi ya hokwa. Otandi dhimbulukwa omayono gawo notandi ya geele moluulunde wawo.”
11 Omuwa okwa lombwele ndje a ti: “Ino galikana ndje nando, ndi kwathe aantu mbaka. 12 Nokuli nando naa idhilike iikulya, itandi ka pulakena onkugo yawo, nonando ya yambele ndje omafikilondjambo noondjambo dhiikulya, itandi ya hokwa nando. Otandi ke ya dhipagela miita, mondjala nomelega.”
13 Ngame onda ti: “Omuwa Omupangelinkondoawike, owa tseya aahunganeki mboka taa lombwele aantu kutya itaku kala iita nenge ondjala, oshoka owu uvaneke kutya moshilongo otamu ka kala ombili.”
14 Omuwa okwa yamukula a ti: “Aahunganeki mboka otaa popi iifundja medhina lyandje; ngame inandi ya tuma, inandi ya lombwela nenge ndi popye nayo. Omamoniko gawo inaga za kungame. Omahunganeko gawo kage na oshilonga, ogo omafafaeko gawo yene. 15 Ongame Omuwa tandi ku lombwele shoka tandi ka ninga aahunganeki mboka inaandi ya tuma, ihe otaa hunganeke medhina lyandje kutya iita nondjala itayi ke ya mo moshilongo shika — otandi ke ya dhipagela miita nomondjala. 16 Aantu mboka ye ya lombwele iinima mbika, otaa dhipagwa pahedhi ya faathana. Omidhimba dhawo otadhi ka umbilwa momapandaanda gaJerusalem, noitaku ka kala mboka taye dhi fumvike. Ayehe osho taa ka ningilwa ngaaka — aakiintu yawo, oyana aamati naakadhona. Otandi ke ya futithitha uulunde wawo.”
17 Omuwa okwa lombwele ndje, ndi hokololele aantu oluhodhi lwandje ndi tye:
“Omeho gandje otaga pononoka omahodhi uusiku nomutenya.
Itandi etha okulila, oshoka aantu yandje oya tosholwa nayi
noya hendagulwa nayi.
18 Nge te piti mo, ndi ye komalundu,
ote tala omidhimba dhaantu ya sile miita.
Nge tandi ya miilando, ote tala aantu ya sa kondjala.
Aahunganeki naayambi otaa yi koshilongo kaaye shi ko.”
Aantu taa galikana Omuwa
19 Omuwa, owe ekelahi shilishili Juda?
Owa tonda nduno Aasioni?
Omolwashike we tu hende nayinayi ngeyi,
notatu nyengathana okupangwa?
Otwa tegelele ombili, ihe inatu yi mona;
otwa tegelele ealudho, ihe uumbanda wowala we ya po.
20 Omuwa, tse otwa yona kungoye,
otatu hempulula oondjo dhetu nomayono gootatekulu.
21 Molwedhina lyoye ino tu etha.
Ino sitha Jerusalem ohoni;
osho oshipangelapundi shoye shesimano.
Ino teya po ehangano we li hangana natse.
22 Kaku na oshikalunga shaapagani
tashi vulu okulokitha omvula;
newangandjo lyo lyene ihali lokitha nando oshihomo shimwe.
Otwe ku inekela, Omuwa Kalunga ketu,
oshoka ongoye awike to longo mbika.
