Jefta ta taataa Ovaefraim
1 Ndelenee ovalumenhu vomuEfraim va ongalekwa ndele va tauluka omulonga waJordan ya yuka kuSafon, nde tava pula Jefta, tava ti: “Omolwashike wa ya u ka lwife ovana vaAmmoni ndele ino tu ifana tu yeni pamwe? Fye ohatu ka tomeka nomundilo eumbo loye.” 2 Ndelenee Jefta okwe va lombwela: “Fye novanhu vange va li ve nolwoodi linene novana vaAmmoni, ndele ame nde mu ifana, ndelenee nye inamu tu kwafa tu xupifwe momake avo 3 Naame eshi nda mona kutya nye itamu kwafa ame nde liekelela, ndele nda ya kovana vaAmmoni. NOmwene okwe va yandja meke lange. Omolwashike hano nye mwa homona nge paife mu lwife nge?” 4 Opo nee Jefta okwa shiva ovalumenhu aveshe vomuGilead a lwe naEfraim. Novalumenhu Ovagilead va taataa Efraim shaashi vo va tile: “Ovagilead nye ovainhapo vomuEfraim mu li mokati kaEfraim nomeni laManasse.” 5 NOvagilead va nangala peeshau daJordan. Novainhapo Ovaefraim, eshi tava ti: Ame nda hala okutauluka, ovalumenhu Ovagilead tava pula: “Ove Omuefraim?” Oye ngeenge ta ti: “Ahowe.” 6 Opo nee tave mu pula: “Tya Shibbolet.” Ndele okwa tya: “Sibbolet”, shaashi ina lungama e shi tumbule nawa; opo nee ve mu kwata ndele ve mu dipaa peeshau daJordan. Osho ngaha hano mefimbo linya ovalumenhu Ovaefraim ve fike pomayovi omilongo nhee naavali va dipawa. 7 Ndele Jefta okwa pangela Israel omido hamano. Ndele Jefta, Omugilead, okwa fya nokwa pakwa moshilando shimwe shomoilando yomuGilead.
Ovatokolipangeli Ibsan, Elon naAbdon
8 Ndele konima yaye Ibsan wokuBetlehem a pangela Israel. 9 Ye okwa li e novana ovamati omilongo nhatu ndele a hombolifa ovana vaye oukadona koilongo omilongo nhatu, nokwa kongela ovana vaye ovamati oukadona omilongo nhatu koilongo. Ndele a pangela Israel omido heyali. 10 Ndele Ibsan okwa fya nokwa pakwa mu Betlehem. 11 Ndele konima yaye Elon wokuSebulon okwa pangela Israel. Ndele ye okwa pangela Israel omido omulongo.
12 Ndele Elon wokuSebulon okwa fya nokwa pakwa muAijalon, moshilongo shaSebulon. 13 Ndele konima yaye Abdon yaHillel, Omupiratoni, okwa pangela Israel. 14 Nokwa li e novana ovamati omilongo nhee novatekulu omilongo nhatu, ava va londa keendongi omilongo heyali. Ndele ye okwa pangela Israel omido hetatu. 15 Ndele Abdon yaHillel, Omupiratoni, okwa fya nokwa pakwa muPiraton moshilongo shaEfraim, keemhunda dOvaamaleki.
Jefta nAaefraim
1 Aantu yaEfraim oyi ilongekidhile olugodhi. Oya tokola omulonga Jordan yu uka kuZafon noya ti kuJefta: “Omolwashike wa kondo oongamba wa ka kondja nAayammoni, nando ino tu lombwela, tu yeni nangoye? Otatu fike po egumbo lyoye.”
2 Ihe Jefta okwa ti kuyo: “Tse noshigwana shandje otwa li tu na oontamanana dha kwata miiti nAayammoni. Onde mu ithana, ihe ne inamu ya, mu hupithe ndje miikaha yawo. 3 Sho nda mono kutya inamu shi ninga, onda hupula omwenyo gwandje nonda tokola oongamba, ndi ke ya kondjithe, Omuwa nokwa pe ndje ompolo yoku ya sinda. Omolwashike mwa hala okukondjitha ndje ngashingeyi?” 4 Nena Jefta okwa gongele aalumentu ayehe yaGilead, a matukile Aaefraim, e te ya dhenge. (Aaefraim oya tile: “Ne Aagilead mu li muEfraim naManasse, one oontauki mwa za kuEfraim.”) 5 Aagilead oya kala poonkondo dhaJordan apehe mpoka hapu tokolwa, opo ya keelele Aaefraim, yaa taaguluke omulonga, yaa ye ondapo. Omuefraim kehe ngoka a hala okutaaguluka omulonga ta yi ondapo, sho a pula eziminino, nena Aagilead oya pula: “Ngoye Omuefraim?” Ngele ota ti: “Aawe”, 6 nena otaye mu lombwele e taa ti: “Tya ‘Shibbolet.’ ” Ngele ota ti: “Sibbolet”, oshoka ita vulu oku shi tumbula nawa, nena otaye mu kwata e taye mu dhipaga ponkondo ndjoka yaJordan. Pethimbo ndyoka Aaefraim omayuvi omilongo ne nagaali oya dhipagwa.
7 Jefta okwa wilike Israel omimvo hamano. Nena okwa mana oondjenda nokwa fumvikwa moshilando shaandjawo muGilead.
Ibzan, Elon naAbdon
8 Jefta sho a si, Ibzan Omubetlehem okwa wilike Israel. 9 Okwa li e na oyanamati omilongo ndatu naakadhona omilongo ndatu. Okwa hokanitha oyana aakadhona kaayeni nokwa tenyitha oyana aamati kaayeni. Ibzan okwa wilike Israel omimvo heyali. 10 Okwa si nduno nokwa fumvikwa puBetlehem.
11 Konima yaIbzan Elon Omusebulon okwa wilike Israel omimvo omulongo. 12 Oye a si nduno nokwa fumvikwa puAjalon moshilongo shaSebulon.
13 Elon okwa landulwa kuAbdon yaHillel gwokuPiraton. 14 Okwa li e na oyanamati omilongo ne naatekulumati omilongo ndatu, mboka ya li haa londo kuundoongi omilongo heyali. Abdon okwa wilike Israel omimvo hetatu. 15 Okwa si nokwa fumvikwa puPiraton moshitopolwa shaEfraim omevi lyoondundu lyAayamaleki.
