Etokolo lounyuni
1 Tala, Omwene ota kombo mo medu, te li yeleke, ndele ta pilula oshipala shalo, ndele ta halakanifa ovanhu valo. 2 Ngaashi oshiwana tashi ningwa, osho yo omupristeli, omupika ota ningwa ngaashi omwene waye, omupika omukainhu ongaashi ina yomeumbo, omulandi ongaashi omulandifi, omweheli ongaashi omwehelwa, ou ta li oshikolo ongaashi ou ta lilwa oshikolo. 3 Edu otali yelekwa filufilu, ndele tali ka tinhwa po osheshi Omwene Oye a popya ondjovo ei. 4 Edu tali kala lakukuta nolatenha; ominghulo dounyuni tadi kala da notelwa noda kata, eulu nedu tali kashangala. 5 Osheshi edu ola nyatekwa koulunde koshi yovanhu valo: osheshi ova tauluka omhango nova lundulula eenghedimhango, ndele ove liteeka ehangano laalushe. 6 Opo nee efingo otali li edu noonakukala mulo otava hepekelwa oushima wavo; onghee oonakukala kombada yedu otava kukutikwa komutenya, ndele tapa ka kala ovanhu vanini.
7 Omaviinyu taa nyika oufiye, nomuviinyu owa fyoluteni, ovahafimwenyo aveshe ohava nyemata. 8 Ehafo longoma la dja po, neweelelo lovahafi ola mwena, nenyaku louxumbafeta ola xula po. 9 Ihava nu vali omaviinyu nokwiimba; oikunwa yeenghono otai ningi ilula momakanya ovanwi vayo. 10 Oshilando shihe na ovanhu, osha tewa po, nomaumbo aeshe okwa idilwa, ihamu iwa vali. 11 Momapandavanda omu na elilaano omolwomaviinyu, ehafo ola mwena noudano owa tembuka mo moshilongo. 12 Moshilando omwa kala ehanauno alike, noshivelo osha tetaulwa po. 13 Osheshi osho tashi ka kala ngaho kombada yedu nomoilongo aishe, ngaashi olumono tali kupulwa, nongaashi pokupupudulula omaviinyu, ngeenge a pwa okukola.
14 Venya ve li kwinya otava kuwilile nokuhafa pombada; ndele tava nyakukifwa pombada oshingepangelo shOmwene, lwokefuta: 15 Onghee hano, onye vokoushilo, fimanekeni Omwene nanye ovanailongo vokominghulo defuta, edina lOmwene Kalunga kaIsrael!
16 Okominghulo dedu otwa uda omaimbilo ehambelelo: “Oshitukulilwa shomuyuki oshiwa! Ndelenee ame ohandi ti: Ohandi pwinine, ohandi pwinine fiyo handi xulu po. Woo aame! Ovanyeki otava nyeka, ovatinhi otava tinhi nokutinhinina!” 17 Etilifo nelambo nomwiyo otau ku kwata; akutu oove onakukala kombada yedu! 18 Ndele ou ta faduka po onghuwo yoixuna, ota wile moshilambo, naau ta di mo moshilambo, ota yulwa komwiyo. Osheshi oivelo yopombada otai yeuluka neengudi dedu otadi kakama. 19 Edu otali tende omifya, notali pambauka oupambu, edu otali tengauka ndele tali lishikashika. 20 Edu otali pungauka ngaashi ongholwe, ndele tali endama ngaashi etwali. Noudjuu womatauluko otau li pondo unene, tali wile po ndele itali fikama po vali.
21 Ndele mefiku tuu olo Omwene ota tokola omatanga ovakwaita opombada meulu, neehamba dedu okombada yedu; 22 ndele otava ka mangwa, tava ongelwa melambo leenghwate, ndele tava idililwa modolongo, nongeenge pwa pita omafiku mahapu, otava ka kongwa. 23 Ndele ohani otai ka tilyana netango otali ka fyohoni, osheshi Omwene womatanga ovakwaita, Oye ohamba yokupangela komhunda yaSion nomuJerusalem, nomoipafi yovakulunhu vaye oshinge shaye tashi ka vema.
Omuwa ta ka pangula evi
1 Omuwa ota ka hanagula po evi e tali ningi eputu lyowala. Ota ka gonyagula evi e ta halakanitha aantu yalyo. 2 Ayehe otaa ningilwa sha faathana: shomuyambi osho shomukwanegongalo, shomuhona osho shomupiya, shomulandithi osho shomulandi, shomulilwangunga osho shomulingunga, shomuyamba osho shohepele. 3 Evi otali ka kombwa po e tali ka yugwa po. Omuwa okwa popya notashi ka tsakanithwa.
4 Evi otali ka kaha notali ka kukuta; uuyuni auhe otau nongwa noonkondo; evi neyalelo otaga thithonoka po. 5 Aantu oya nyateke evi mokuyona iipango yaKalunga nokutaaguluka ehangano lyaaluhe ndyoka a hangana nayo. 6 Omolwashoka Omuwa okwa uthile evi etulomutima. Aantu yalyo otaa futilwa shoka ya longele. Aantu aashonashona mboka taa ka kala ye na omwenyo. 7 Omiviinu otadhi ganya nomaviinu taga kala ga pumba. Shaa ngoka a li nale nawa, ngashingeyi okwa nika uupongo. 8 Ehiko lyenyanyu lyuuharpa nolyoontunda dhawo olya mwena. 9 Aantu itaa nu we omaviinu nokwiimba; omalovu oga lulila aanwi. 10 Moshilando omu na evundakano, naantu momagumbo gawo otaa iyedhilile mo ya holame. 11 Aantu otaa lilagana momapandaanda, oshoka kape na we omaviinu. Enyanyu olya kana po; olya tidhwa mo mevi. 12 Oshilando osha kumunwa po nomiyelo dhasho odha teywa po. 13 Shika otashi ningilwa iigwana ayihe ya kala kombanda yevi. Otashi ka kala sha fa ehulilo pethimbo lyeshopolo lyooholivi komiolivi nongetoonono lyomandjembele komiviinu.
14 Mboka taa ka hupa ko, otaa ki imba kenyanyu. Mboka yokuuninginino otaa ka hempulula Omuwa omunene, 15 naamboka yokuuzilo otaa ke mu tanga. Aantu mboka ya kunkula nefuta, otaa ka hambelela Omuwa Kalunga kaIsrael. 16 Okuza kooha dhuuyuni otaku ka uvika omaimbilo taga tanga Israel, oshigwana oshiyuuki.
Ihe ngame onda ti: “Otandi thithonoka po, otandi thipuka po! Yaye ngame! Aagwaaleki taa tsikile okugwaaleka notaa vuka moku shi ninga.” 17 Omahalutho, omakelo noomwigo otadhi mu tegelele, ne aakali kombanda yevi. 18 Shaa ngoka ta kambadhala okufadhuka po ehalutho, ota gwile mekelo, naangoka ta zi mekelo, ota ka yulwa komwigo. Iikungulu yomvula otayi puuka kegulu, nomakankameno gevi otaga kakama. 19 Evi otali ka pambuka e tali nyanyulwa po nokumwahuka. 20 Evi lyo lyene otali ka tantala lya fa onkolwe notali pepwa po lya fa otenda yothayila moshikungulu. Uuyuni owa thindilwa pevi kuulunde wawo; otau ka gwila po, ihe itau ka yambuka po we.
21 Ethimbo otali ya, uuna Omuwa ta pangula aanankondo yomewangandjo naakwaniilwa yevi pohi. 22 Omuwa ota ka mbwinda mumwe aakwaniilwa ya fa oonkwatwa noku ya umbila melambo. Ote ya tula mondholongo, ya kale mo sigo ethimbo lyegeelo lyawo lya adha. 23 Omwedhi otagu ka luudha, netango itali ka minikila we, oshoka Omuwa Omunankondoawike oye ta ka kala omukwaniilwa. Ota ka pangela muJerusalem kondundu Sion, naawiliki yoshigwana otaa ka tala eadhimo lye.
