Egipiti tashi xunganekwa
1 Okuxunganekwa kwaEgipiti. Tala, Omwene ota ende koshilemo shi nonhapo ndele te uya kuEgipiti. Noikalunga yomuEgipiti otai kakama koshipala shaye, nomutima waEgipiti tau diluka monhulo yasho. 2 Ndele Ame ohandi ka hongaifa Ovaegipiti nOvaegipiti, ndele otava ka lwifafana, keshe umwe ta lwifa omumwaxe, nakeshe umwe ota lwifa omushiinda waye; oshilando noshilando, ouhamba nouhamba. 3 Omhepo yOvaegipiti otai ka laipala monhulo yavo, neemhangela davo ohandi ke di halakanifa; opo nee vo otava ka ama koikalunga nokeemhule deemhepo nokeemhepo doonakufya nokeemhepo dokumonakokule. 4 Ndele Ame handi ka yandja Egipiti meke lomwene mukukutu, nohamba idjuu otai ke va pangela, Omwene Kalunga komatanga ovakwaita osho ta popi.
5 Ndele omeva aNil otaa ka pwinina mo metale lakula nomulonga otau ka pwinina filu, tau ka kala wa kukuta. 6 Ndele omilonga otadi ka nyika, noumhomolonga vaNil muEgipiti otava ka kanifa omeva ndele tava ka pwinina; eembungu nomanenge otaa ka kukuta. 7 Omaulifilo omominghulo daNil nopokanya kaNil, nepya keshe lopuNil otali ka lemba, ndele tali ka kukuta, nokae po vali. 8 Ndele ovayuli veeshi otava ka kala nokukema, naaveshe ava hava ekele ondjolo momulonga waNil, naava tava lukile oiyulifo yavo momeva otava ka fya ounye. 9 Ndele ava tava tungu oikutu iwa yoliina noikutu itoka, otava ka fifwa ohoni. 10 Ndele eengudi doshilongo otadi hanaunwa po, novalongeli voimaliwa otava ka kala va polimana.
11 Ovakulunhu vaSoan omalai ongaho, ovanongo vomomalenga aFarao ve dule vakwao, omayele avo oo oulai wongaho. Otamu dulu ngahelipi okulombwela Farao kutya: Aame omona womunongo, omona weehamba donale? 12 Ovanaendunge voye ove li peni! Nave ku hololele, osheshi ovo ve shi shii, Omwene womatanga ovakwaita osho ta ningile Egipiti. 13 Ovakulunhu vaSoan ova ninga omalai, nomalenga aMemfis okwa limbililwa, Ovaegipiti otava pukifwa kwaava va kala eengudi domapata. 14 Omwene okwe va tilila omhepo yepilalalo, opo va pukife Egipiti noilonga yasho aishe, ngaashi ongholwe tai alangatele monghungo yayo. 15 Egipiti itali wapaleke vali nande oshilongo shimwe, shi longwe kutya nee okomutwe ile okomushila, okoshivale shomulunga ile okolumbungu.
Egipiti naAsiria naIsrael oyo oiwana yaKalunga
16 Mefiku tuu olo Egipiti otashi ka kala ngaashi ovalikadi, otashi kala nokutila nokukakama eyedelo leke lOmwene womatanga ovakwaita, ngeenge te va yedele. 17 Nedu laJuda otali ningi ehalwifo laEgipiti, efiku keshe tave li tumbulilwa, otava halukile eendjovo odo Omwene womatanga ovakwaita e di pangelela Ovaegipiti.
18 Mefiku tuu olo oilando itano yomuEgipiti otai popi Oshikaanan, ndele tai ane pOmwene womatanga ovakwaita. Oshilando shimwe otashi ka lukwa edina lasho Iir-Heres.
19 Mefiku tuu olo mokati koshilongo shaEgipiti otapa ka kala oaltari yOmwene nopongaba edimbulukifomanya lOmwene. 20 Ndele olo tali ka kala edidiliko lOmwene womatanga ovakwaita, medu laEgipiti, osheshi ovo tava ifana pombada Omwene omolwovahepeki vavo, ndele Ye ote va tumine omukulili nomupopili, ou te ke va xupifa. 21 Ndele Omwene ote ke lihoololela Ovaegipiti, nomefiku tuu olo Ovaegipiti otava ka shiiva Omwene, ndele tave ke mu longela nomatomenoyambo neendjayambo, ndele tava udanekele Omwene omaudaneko, ndele tave a wanifa yo. 22 Ndele Omwene ota ka denga Ovaegipiti, okudenga nokuvelula, ndele vo otave lialuka kOmwene, ndele ote ke va uda, ndele te va velula.
23 Mefiku tuu olo otapa ka kala elila lakula la longekeka, ola dja muEgipiti la yuka kuAsiria, nOvaasiria otava ka ya kOvaegipiti, nOvaegipiti otava ka ya kOvaassur, ndele vo, Egipiti pamwe naAsiria, otava ka kalela Omwene.
24 Mefiku tuu olo Israel ota ningi omutitatu, ote litula ponho yaEgipiti naAsiria, ndele ta ningi enangeko noupuna pokatielela kedu, 25 osheshi Omwene womatanga ovakwaita ote va nangeke noupuna ndele ta ti: “Nangekwa noupuna oove oshiwana shange Egipiti, noshilonga shomake ange Asiria, nefyuululo lange Israel.”
Kalunga ta teya po Egipiti
1 Ndika olyo elaka tali popi Egipiti.
Omuwa ote ya kuEgipiti a londa oshikogo shi na ontuku. Iimenka yaEgipiti tayi kakama koshipala she, nAayegipiti otaa tyololoka. 2 Omuwa ota popi ta ti: “MuEgipiti otandi tukuluthile mo iita yuukwashilongo, aantu naamwayina taa kondjithathana, omushiinda nomushiinda. Oshilando otashi kondjitha oshilando oshikwawo, oshikandjo noshikandjo oshikwawo. 3 Otandi ka ngwangwaneka ombepo yAayegipiti e tandi piyaganeke oompangela dhawo. Otaa ka pula omayele kiimenka yawo, kaayanekeli, kiihehelela nokoombepo dhuumpulile. 4 Aayegipiti otandi ke ya gandja miikaha yomutyakaleki, omukwaniilwa omudhudhu ngoka te ke ya pangela. Ongame, Omuwa Omunankondoawike, nde dhi popya.”
5 Omeya otaga ka pwina mo muNiili, nomulonga otagu ka kukuta. 6 Omikanka ndhoka tadhi zi momulonga, otadhi ka nika nayi, sho tadhi pwine. Oombungu nomanenge otaga ka ganya, 7 niimeno ayihe ya kunwa komunkulo gwaNiili, otayi ka lemba nokukukuta e tayi pepwa po. 8 Aayuli yoohi otaa ka nyenyeta nokuyemata. Oondjolo noonete dhawo kadhi na we oshilonga. 9 Aatekuli yiigwanga yoliina naatungi yoliina otaa ka kanitha omukumo. 10 Aayogohi yoongodhi noonakwiilongela oondjambi otaa ka sithwa uunye.
11 Aakuluntu yoshilando Zoan omagoya gowala! Aanandungelela yaEgipiti otaa ka gandja omayele guugoyalela. Otaa vulu ngiini okulombwela omukwaniilwa gwawo kutya yo aayilongi yuunongo naakwaniilwa? 12 Ngoye nduno omukwaniilwa gwaEgipiti, aagandjindunge yoye aanamayele oye li peni? Pamwe otaa vulu oku ku lombwela kutya oshike shoka Omuwa Omunankondoawike a dhiladhilila Egipiti. 13 Aawiliki yaZoan oya ningi omagoya, nomalenga gaMemfis oga lyalyakana. Oya li ndishi ye na okuwilika oshigwana? Ihe oye shi pukitha owala. 14 Omuwa okwe ya pilaaleke, ya gandje omayele ga goyoka. Pahedhi ndjika Egipiti otali puka miinima ayihe notali tantala lya fa onkolwe tayi gwile monkungo yayo. 15 MuEgipiti kamu na nando ogumwe, omuyamba nenge ohepele, omunenentu nenge omumbala, ngoka ta vulu okugandja ekwatho.
Egipiti otali ka simaneka Omuwa
16 Esiku otali ya uuna Aayegipiti taa ka tila ya fa omukulukadhi. Otaa ka kakama meshololo, shampa ya mono kutya Omuwa Omunankondoawike a tagananeka okwooko kwe e ya geele. 17 Aayegipiti otaa ka tila Juda. Shaa tuu taa uvu edhina Juda tali tumbulwa, otaa ka haluka molwaashoka Omuwa Omunankondoawike e shi ya dhiladhilile.
18 Mesiku ndyoka otaku ka kala iilando itano muEgipiti moka aantu taa popi elaka lyOshihebeli notaa gana kOmuwa Omunankondoawike. Oshilando shimwe shomuyo otashi ka lukwa Ir Heres.
19 Esiku ndyoka muEgipiti otamu ka kala oshiyambelo shOmuwa nongudhimanya ye mu yapulilwa kongamba yaEgipiti. 20 Otayi ka kala omandhindhiliko gOmuwa Omunankondoawike kutya oku li mokati kawo muEgipiti. Uuna oshigwana tashi hepekwa e tashi kugile Omuwa ekwatho, nena ota ka tuma ngoka te ya hupitha. 21 Omuwa oti ihololele ye mwene Aayegipiti, oyo notaye ke mu tseya noku mu longela. Otaye mu etele oontselelandjambo noondjambo dhiikulya. Otaye ke mu uvanekela omauvaneko nokugana notaye ke ga gwanitha. 22 Omuwa ota ka geela Aayegipiti, ihe ote ke ya aludha. Otaa ka galukila kuye, oye notu uvu omagalikano gawo noku ya aludha.
23 Esiku otali ya, uuna taku ka kala onenendjila pokati kaEgipiti naAssur. Aantu yomiilongo mbyoka iyali otaa ka enda mo mokweendathana kwawo, niigwana mbyoka iyali ayihe otayi ka longela Omuwa. 24 Esiku ndyoka Israel ota ka kala e thike pamwe naEgipiti naAssur, niigwana mbika itatu otayi ka ninga eyambeko lyuuyuni auhe. 25 Omuwa Omunankondoawike ote ke ya yambeka e ta ti: “Otandi mu yambeke, ne Aayegipiti aantu yandje, ne Aayassur oshilonga shiikaha yandje nane Aaisraeli oshigwana shandje sha hogololwa.”
