Evelulo lomufimbada
1 Ndele Petrus naJohannes ova ya motembeli pefimbo leilikano potundi onhimugoi. 2 Ndele mefimbo tuu olo opa etwa omulumenhu a humbatwa, ye okwa li e noudu wombada nghee a dalwa, keshe efiku ohave mu tula poshivelo osho shotembeli, sha lukwa Shawapala, a ehele oikwafa kwaava, hava i motembeli. 3 Opo nee eshi a mona Petrus naJohannes va hala okuya motembeli, okwe va pula ekwafo. 4 Ndelenee Petrus pamwe naJohannes ove mu tala, ndele tava ti: “Tala kufye!” 5 Ndele ye e va dakamena omesho, a teelela a pewe sha kuvo. 6 Ndelenee Petrus okwa tya: “Oshisiliveli noshingoldo nghi shi kwete, ndele eshi ndi shi kwete, ohandi shi ku pe: Omedina laJesus Kristus Omunasareti, fikama u ende!” 7 Ndele okwe mu kwata keke lokolulyo nokwe mu kaleka ofika, opo tuu opo eemhadi daye neemhando daye oda pama. 8 Ndele ye okwa nhuka po, ta kala ofika, ta ende ndele ta i pamwe navo motembeli, ta ende nokunhukauka ndele ta hambelele Kalunga. 9 Ndele ovanhu aveshe ove mu tala, eshi ta ende ta hambelele Kalunga. 10 Ndele vo ove mu dimbulukwa oye tuu ou ha kala omutumba poshivelo shinya shotembeli sha lukwa Shawapala, a pewe oikwafa, ndele ova haluka va kuminwa eshi she mu ningilwa.
11 Ndele ye eshi a li pamwe naPetrus naJohannes, ovanhu aveshe ova kwatwa konghumwe inene, nova endelela okwoongalela puvo molukala olo la lukwa laSalomo.
Petrus ta udifile motembeli
12 Ndele Petrus eshi e va tala, okwa tya kovanhu: “Ovalumenhu nye Ovaisraeli, eshi omwe shi kuminwa shike, ndele tamu tu tale shike, twa fa twe shi ninga keenghono detu vene ile kouyuki wetu, ou eshi ta ende? 13 Kalunga kaAbraham naIsak naJakob, Kalunga kootate, Oye a fimanekifa Omona Jesus, Oye tuu ou nye mwe mu yandja, nomwe mu lidimbika koshipala shaPilatus, ye eshi kwa li a pangela oku mu efa. 14 Ndele nye mwe lidimbika Omuyapuki nOmuyuki, nomwe lihalela omudipai. 15 Ndele Omwene womwenyo mwe mu dipaifa, Oye ou Kalunga e mu nyumuna koufi nafye otu li eendobwedi dasho. 16 Ndele kokwiitavela edina laye, eitavelo eli ola pameka omulumenhu ou mu mu wete nomu mu shii, neitavelo olo e li pewa kuJesus, ola velula oinhimbu yaye moipafi yeni amushe.
17 “Ndelenee paife, ovamwatate, ondi shi shii nye omwe shi ninga mokuhashiiva sha kweni, onye ngaashi novakulunhu veni yo. 18 Ndelenee osho ngaha Kalunga okwa wanifa osho e shi popifa nale omakanya ovaxunganeki aveshe, Kristus e nokuhepekwa. 19 Hano lidilululeni, nye mu lialuluke, omatimba eni opo a dimwe po, 20 opo nee koshipala shOmwene ku dje omafimbo omahekeleko, Ye e mu tumine Kristus Jesus, Oye ou mwe mu nuninwa nale. 21 Oye ou eulu la li li noku mu tambululula noku mu kwatela mo fiyo omafimbo enya, oinima aishe tai shunwa ponhele yayo, ngaashi Kalunga e shi popifa nale omakanya ovaxunganeki vaye ovayapuki. 22 Osheshi naMoses okwa tile: ‘Omwene Kalunga ote mu pendulile omuxunganeki omoovakweni, ongaashi ame, ye omu noku mu uda moinima aishe te i mu lombwele. 23 Ndele keshe omwenyo ou itau udu omuxunganeki ou, otau dimwa mo movanhu.’ 24 Novaxunganeki aveshe, okudja kuSamuel, novapopi aveshe ve mu shikula, kwa li va popya va xunganeka omafiku aa. 25 Ndele onye ovana vovaxunganeki novehangano, Kalunga e li ninga nootate, eshi a tonga kuAbraham: ‘Moludalo loye omapata aeshe omounyuni otaa nangekwa noupuna.’ 26 Onye ava Kalunga e mu nyumunina tete Omona Jesus nokwe mu tuma oku mu nangeka noupuna, ngeenge mwe lidilulula keshe umwe kowii waye.”
Omulumentu oshilema ta aludhwa
1 Esiku limwe Petrus naJohannes oya yi motempeli pethimbo lyegalikano, opotundi ontintatu yokomatango. 2 Ano pomweelo gwotempeli ngoka hagu ithanwa “Omweelo gwo opala”, opwa li pu na omulumentu gumwe oshilema nkene a valwa. Omulumentu nguka ohe etwa po kehe esiku a humbatwa nohi indile mboka taa yi motempeli. 3 Oye sho a mono Petrus naJohannes yu uka motempeli, okwe ya indile, ye mu pe sha. 4 Oyo oye mu tala nokutongolola, Petrus nokwe mu lombwele a ti: “Tu tala!” 5 Oye okwe ya tala a tegelela, ye mu pe sha.
6 Nena Petrus okwe mu lombwele a ti: “Ngame kandi na nando iimaliwa, ihe shoka ndi shi na, otandi shi ku pe. Medhina lyaJesus Kristus Omunasareti otandi ku lombwele: thikama, ngu u ende!” 7 Petrus okwe mu kwata ihe koshikaha shokolulyo nokwe mu ambidhidha, a thikame. Mbalambala oompadhi noompando dhomulumentu odha kolo; 8 oye okwa nuka po a thikama komagulu ge nokwa tameke okweendaenda. Oye okwa yi pamwe naayapostoli motempeli te ende ta tanta nokuhambelela Kalunga. 9 Aantu ayehe mboka ya adhika motempeli, oye mu mono, sho te ende nokuhambelela Kalunga. 10 Oyo sho ye mu dhimbulula kutya oye ngoka ha kala ta hehela pOmweelo gwo opala, oya li ya kuminwa shoka sha ningilwa omulumentu nguka oshilema.
Euvitho lyaPetrus motempeli
11 Ano omwaaludhwa sho a li ta landula Petrus naJohannes, aantu ayehe oya kwatwa konkumwe noye endelele okugongalela puye pondunda hayi ithanwa Ondunda yaSalomo. 12 Petrus sho e ya, okwe ya tsakaneke noohapu ndhika:
“Aaisraeli ne, omolwashike mwa kuminwa oshinima shika? Omolwashike tamu tu tala mwe tu tongolola? Otamu dhiladhila ando kutya okoonkondo dhetu nenge kokusimaneka Kalunga ketu twa aludha omulumentu nguka, a vule okweenda? 13 Kalunga kaAbraham, kaIsak nokaJakob, oye a gandja esimano lyuukalunga komuntu gwe Jesus. One mwe mu gandja miikaha yaapangeli nomwe mu idhimbike koshipala shaPilatus, nonando Pilatus okwa li a tokola oku mu mangulula. 14 Oye okwa li omuyapuki nomuyuuki, ihe ne omwe mu ekelehi nomwi indile Pilatus, e mu mangululile omudhipagi peha lye. 15 Osho ngeyi omwa dhipagitha omugandji gwomwenyo. Ihe Kalunga okwe mu yumudha kuusi — natse oonzapo dhoshinima shika. 16 Koonkondo dhedhina lyaJesus omulumentu nguka, mu mu wete nomu mu shi, okwa mono uukolele. Okwiitaala Jesus okwo kwe mu aludha ngaaka montaneho yeni amuhe.
17 “Ano ngashingeyi, aamwameme, ondi shi shi kutya shoka ne naawiliki yeni mwe shi ningile Jesus, omwe shi ningithwa kokwaashisha kweni. 18 Ihe pamukalo gwa tya ngaaka Kalunga okwa tsakanitha shoka e shi hunganekitha nale aahunganeki ayehe kutya Omugwayekwa gwe oku na okuhepekwa. 19 Onkee ano itedhululeni, ne mu galukile kuKalunga, opo a dhime po oondjo dheni, 20 opo okukala po kwOmuwa ku mu etele omathimbo goonkondo oompe, ye e mu tumine Jesus nokutya Kristus, oye tuu ngoka mwe mu uthilwa nale. 21 Oye oku na okukala megulu, sigo iinima ayihe ya ningwa iipe, ngashika Kalunga e shi hunganekitha nale nomakana gaahunganeki ye aayapuki. 22 Oshoka Moses okwa tile: ‘Omuwa Kalunga keni ote ke mu tumina omuhunganeki ta ka za mokati keni, ngashika naanaa a li a tumu ndje. One omu na okuvulika mushaa shoka te mu lombwele. 23 Shaa ngoka itaa vulika koohapu dhomuhunganeki ngoka, oye ota yoololwa mo maantu yaKalunga e ta hanagulwa po.’ 24 Osho wo Samuel naahunganeki ayehe mboka ye mu landula, oya popi nokuhunganeka omasiku ngaka gongashingeyi. 25 One oonakupewa omauvaneko ngoka Kalunga e ga uvanekitha aahunganeki nomu na oshitopolwa mehangano ndyoka Kalunga e li dhike noohokulu yonale, uuna ndoka a lombwele Abraham a ti: ‘Moluvalo lwoye otandi ka yambeka aantu ayehe yokombanda yevi.’ 26 Osho ngeyi Kalunga okwa hogolola Omuntu gwe e te mu tumu tango kune oku mu yambeka, sho te mu galula moondjila dheni oombwinayi.”
