Elipopilo laPetrus
1 Ndele ovayapostoli novamwatate vomuJudea ashishe ova uda kutya ovapaani yo va tambula eendjovo daKalunga. 2 Opo nee Petrus eshi e uya muJerusalem, ava vometanda ove mu vela ombedi, 3 ndele tava ti: “Ove owa ile kovalumenhu inava pita etanda, nowa lya pamwe navo.” 4 Ndele Petrus okwa hovela oku va hepaululila oinima aishe ngaashi ya shikulafana ndele ta ti: 5 “Ame eshi nda li moshilando shaJoppa nda li nda ilikana, nonda fya ombabanghukuta nonda mona emoniko: oshikwatelwa ngaashi elakana linene litoka la mangwa keembinga dalo nhee, la dja meulu, ndele la kulukifilwa poshi, le uya kwaame. 6 Ndele ame eshi nde li mona nonde li tala onda mona mo oinamwenyo yomaulu ane yokombada yedu, noilyani naai hai lipweda, needila dokeulu, 7 ndele nda uda yo ondaka tai ti kwaame: ‘Fikama Petrus, dipaa ove u lye.’ 8 Ndele ame onda tya: ‘Alala Omwene, osheshi pehovelo nofiyo onena mokanya kange inamu ya nande osha inashi yapulwa nosha nyata.’ 9 Ndele ondaka yomeulu oya popya lutivali: ‘Eshi Kalunga e shi yelifa, ove ino tya osha nyata.’ 10 Ndele eshi osha ningwa lutatu, ndele ashishe sha shililwa vali meulu. 11 Ndele tala, opo tuu opo ovalumenhu vatatu va fikama poshivelo sheumbo olo twa li, va dja kuKesarea, va tumwa nge. 12 Ndele Omhepo ya lombwela nge, ndi ye pamwe navo, ndiha limbililwe, ongaashi vakwetu ava vahamano va enda pamwe naame, notwa ya mo meumbo lomulumenhu winya. 13 Ndele ye okwe tu hepaululila nhumbi a mona omweengeli, e li ofika meumbo laye ta ti: ‘Tuma ko kuJoppa, ove u ka ifane Simon, ou a ifanwa yo Petrus, 14 Ye ote ku hepaululile eendjovo odo tadi ku xupifa, oove mwene neumbo loye alishe.’ 15 Ndele ame eshi nda hovela okupopya, Omhepo Iyapuki okwa kulukila muvo, ngaashi mufye yo pehovelo. 16 Ndele ame nda dimbulukwa eendjovo dOmwene, eshi e di tile: ‘Johannes a shasha nomeva, ndele nye otamu ka shashwa nOmhepo Iyapuki,’ 17 opo nee paife Kalunga eshi e va pa oshali i fike pwaai twa pewa yo eshi twa itavela Omwene Jesus Kristus, hano aame omushike ngeno okwaanya Kalunga?” 18 Ndele vo eshi ve shi uda, ove limwenenena, tava hambelele Kalunga tava ti: “Osho ngaha Kalunga okwa yandja nokovapaani yo elidilululo lokumona omwenyo.”
Eongalo tali totwa muAntiokia
19 Hano venya va li va halakanifwa komahaulo enya a hovela muStefanus, vo ova endaenda fiyo okuFoinikia nokuKipro nokuAntiokia, ndele vo inava hepaululila vamwe eendjovo odo, Ovajuda aveke. 20 Ndele mokati kavo omwa li mu na yo ovalumenhu vamwe Ovakipro nOvakireni, vo eshi ve uya kuAntiokia, ova hepaululila nOvaheleni yo, ndele ve va udifila evaengeli lOmwene Jesus Kristus. 21 Ndele eke lOmwene la kala pamwe navo ndele omuvalu waava va itavela nove liameka kOmwene owa li munene.
22 Ndele eudifo lavo ola fika momatwi eongalo lomuJerusalem, nova tuma Barnabas fiyo okuAntiokia. 23 Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo. 24 Osheshi oye omulumenhu muwa, e yadi Omhepo Iyapuki neitavelo, nomuvalu wovanhu vOmwene owa hapupala neenghono. 25 Ndele Barnabas okwa ya kuTarso, a ka tale Saulus, naashi e mu mona, okwe mu eta muAntiokia. 26 Ndele omo va kala pamwe meongalo eli omudo aushe, novanhu vahapu va longwa kuvo; muAntiokia omo ovalongwa va ifanwa lwotete Ovakriste.
Ovaantiokia tava kwafa Ovajuda mondjala
27 Ndele momafiku enya muJerusalem omwa dja ovaxunganeki ve uya kuAntiokia. 28 Ndele umwe womuvo, edina laye Agabus, okwa fikama ndele ta xunganeke mOmhepo Iyapuki, ondjala idjuu tai ke uya kombada yedu alishe; osho ye uya yo mounyuni womukesari Klaudius. 29 Opo nee ovalongwa aveshe va pangela omhangela okuyandja oikwafa, keshe ou shi fike peenghono daye, i tuminwe ovamwatate venya ve li muJudea. 30 Nove shi ninga yo ndele ve i tuma kovakulunhu momake aBarnabas naSaulus.
Petrus ta hokololele egongalo lyomuJerusalem
1 Aayapostoli nooitaali yomuJudea alihe oyu uvu kutya naapagani wo oyi itaale oohapu dhaKalunga. 2 Ano Petrus sho a galukile kuJerusalem, aantu mboka ya li ya hala, aapagani ya fukalekwe, oye mu pe uusama ya ti: 3 “Ngoye owa yile kaalumentu inaa fukala nowa kala ho li pamwe nayo.” 4 Petrus okwe ya hokololele ehokololo lyaashihe shoka sha ningwa po okuza petameko a ti:
5 “Sho nda li moshilando shaJoppa te galikana, onda mono memoniko, ndi wete oshinima tashi zi megulu sha fa onguwo onene yi na oonkotso ne nosha kulukithilwa pevi e tashi ya sigo opungame. 6 Sho nda tala nawa meni lyasho, onda mono mo iikwamagulugane, iilikama, iihono noondhila. 7 Opo ihe ondu uvu ewi tali popitha ndje tali ti: ‘Petrus, thikama, u dhipage iinamwenyo mbyoka e to li.’ 8 Ihe ngame onda ti: ‘Itashi vulika, Omuwa! Oshoka noshitonale inandi lya nando iikulya mbyoka yi na oshidhila nenge ya nyata.’ 9 Ewi lyomegulu olya yamukula ndje lutiyali lya ti: ‘Shaa shoka Kalunga e shi yapula, ito vulu oku shi tala kutya inashi yela.’ 10 Shika oshe endululwa lutatu, opo ihe lwahugunina oshinima ashihe osha hililwa ishewe megulu.
11 “Pethimbo olyo tuu ndyoka aalumentu yatatu mboka ya zi kuKesarea ya tumwa ndje, oya thiki pegumbo moka nda li. 12 Ombepo okwa lombwele ndje, ndi ye mbala pamwe nayo. Aalumentu mbaka yahamano oya yi wo pamwe nangame kuKesarea, otse notwa yi nayo megumbo lyaKornelius. 13 Oye okwe tu hokololele, nkene a mono omuyengeli a thikama megumbo lye te mu lombwele ta ti: ‘Tuma aantu kuJoppa, ya ka tale ko omulumentu e na edhina Simon Petrus. 14 Oye ote ya, e ku lombwele oohapu ndhoka tadhi ku hupitha pamwe naanegumbo lyoye.’
15 “Ano ngame sho nda tameke okupopya, Ombepo Ondjapuki okwa kulukile muyo, naanaa ngaashi e ya mutse petameko. 16 Nena onda dhimbulukwa oohapu ndhoka Omuwa e dhi tu lombwele, sho a tile: ‘Johannes okwa shasha nomeya, ihe ne otamu ka shashwa nOmbepo Ondjapuki.’ 17 Osha yela kutya Kalunga okwa pe aapagani mbeyaka omagano gOmbepo Ondjapuki, naanaa ngaashi e ge tu pe, uuna ndoka twi itaale Omuwa Jesus Kristus. Ngame ondi na tuu oonkondo okukeelela Kalunga, a gwanithe ehalo lye?”
18 Oyo sho yu uvu oohapu ndhika, oya hulitha okupa Petrus uusama noya hambelele Kalunga ya ti: “Osho ngeyi Kalunga okwa pe aapagani ompito yokwiitedhulula, opo ya kale ye na omwenyo.”
Egongalo lyomuAntiokia
19 Omahepeko ngeyaka ga tameke, uuna Stefanus a dhipagwa, oga halakanitha ooitaali. Yamwe yomuyo oya yi sigo okuFoinikia, kuKipro nokuAntiokia, ihe oyo oya hokololele Aajuda ayeke elaka etoye. 20 Ihe mokati kawo omwa li aalumentu yamwe ooitaali ya za kuKipro nokuKireni, mboka ya yi kuAntiokia noya hokololele naapagani wo elaka etoye tali hokolola Omuwa Jesus. 21 Oonkondo dhOmuwa nodhe ya longitha, onkee ongundu onene yaantu oyi itedhulula noyi itaale Omuwa.
22 Ooitaali yomegongalo lyomuJerusalem oyu uvu shoka sha ningwa po noya tumu Barnabas kuAntiokia. 23 Oye sho a thiki ko, okwa dhimbulula, nkene esilohenda lyaKalunga tali longo mokati kaantu. Onkee okwa nyanyukwa noonkondo nokwe ya kumagidha ayehe, ya ninge etokolo moomwenyo dhawo okukalela Omuwa. 24 Barnabas okwa li omulumentu omwaanawa u udha Ombepo Ondjapuki neitaalo. Aantu oyendji oya taamba Omuwa.
25 Opo ihe Barnabas okwa yi kuTarsus, a ka konge Saulus. 26 Oye sho e mu mono, okwa zi ko naye nokwe mu eta kuAntiokia. Oyo ayehe yaali oya longo pamwe megongalo ndiyaka uule womumvo gumwe noya longo aantu oyendji. Nokuli muAntiokia omo moka aalongwa ya lukwa lwotango aakriste.
27 Pethimbo olyo tuu ndyoka aahunganeki yamwe oya zi kuJerusalem e taye ya kuAntiokia. 28 Gumwe gwawo, edhina lye Agabus, okwa thikama nokwa hunganeke koonkondo dhOmbepo Ondjapuki kutya ondjala onene oyi li pokuya muuyuni. Osho ye ke ya pethimbo ndyoka Klaudius a li omupangeli muRoma. 29 Nena ooitaali oya tokola kutya kehe gumwe gwomuyo na gandje iikwatha ngaashi ta vulu, opo yi tuminwe aamwayina meitaalo mbeyaka ya kala muJudea. 30 Oyo oye shi ningi, niimaliwa mbyoka ya gongelwa ngeyi, oye yi pe Barnabas naSaulus, ye yi faalele aakuluntu yegongalo kuJerusalem.
