Exulilo lounyuni
1 Onhumwafo ei oyo onhivali nokuli nde i mu shangela, ovaholike, nomwaadishe edi handi pendula omadiladilo eni a yela noku mu dimbulukifa, 2 opo mu dimbulukwe eendjovo edi da popiwa nale kovaxunganeki ovayapuki, noshipango shOmwene noshOmukulili mwe shi pewa kovayapostoli veni. 3 Ndele kaleni mu shi shii tetetete nokutya, momafiku axuuninwa otamu ka holoka ovasheki tava shekaula, vo otava endifwa kouhalu wavo vene, 4 ndele tava ti: “Eudaneko lealuko laye oli li peni? Osheshi nghee tuu ootatekulu va fya, oinima aishe oi li ngaashi ya kala pehovelo leshito.” 5 Osheshi otave lipwililike owina va fa inava shiiva nokutya, eulu nedu ola dja momeva nola tungwa nomeva, kwa li a kala nonalenale taa kwatelelwa keenghono dondjovo yaKalunga, 6 ndele muo ounyuni winya wonale owa nyonaukila meyelu lao. 7 Ndelenee eulu lopaife nedu eli ola tuvikililwa omundilo okeendjovo tuu odo fiyo okefiku letokolo nolekano lovanhu vehe na Kalunga.
8 Ndele ovaholike nye, eshi shimwe shiha kale she mu holekwa nokutya, efiku limwe alike pOmwene li li ngaashi omido eyovi, nomido eyovi ongaashi efiku limwe alike. 9 Omwene ina fya ounye okuwanifa eudaneko laye, ngaashi vamwe hava diladila nokutya, okwa fya ounye, vati, ndelenee ohe mu tale onheni, osheshi ina hala pa kane nande umwe, ndelenee aveshe ve lialulukile melidilululo. 10 Ndelenee efiku lOmwene otali ke uya ngaashi omulunga, opo tuu eulu tali nyonauka po nomipwalakato dinene noihovelitungifo otai dilukifwa komundjene, nedu noilongwanima otai lungwinine mo.
Elilongekido
11 Hano oinima ei aishe ngeenge tai hanauka ngaha, omu nokuhangika mwa tya ngahelipi moweenda uyapuki nometilokalunga 12 mokuteelela nokweendelelifa euyo lefiku laKalunga, efiku tuu olo tali lungwinifa po eulu ndele tali hengumukifa oihovelitungifo komundjene woupyu. 13 Ndelenee paudaneko laye fye ohatu teelele eulu lipe nedu lipe omo tamu ka kala ouyuki.
14 Onghee hano, ovaholike, mokuteelela oinima ei kendabaleni shili, mu monike puye muhe nonyata nomuhe noshipo mombili; 15 nonhalanheni yOmwene wetu i taleni oyo exupifo leni, ongaashi omumwatate omuholike, Paulus, e mu shangela yo mounongondunge e u pewa, 16 nongaashi meenhumwafo daye adishe, eshi ha tongo oinima ei, nande mu na dimwe da hala okunyenga eendunge hadi pilikwa kovashima nokwaava inava pama nongaashi omishangwa dimwe yo have di pilikile enyonauko lavo vene. 17 Hano nye ovaholike, eshi mwe shi shiiva fimbo inashi uya, kaleni mwa londoka, muha twalwatwalwe komapukifo eembwada, nye muha we mo mekanghameno leni la pama. 18 Kaleni nokukula mefilonghenda nomokushiiva Omwene Omukulili wetu Jesus Kristus. Efimano olaye nonena nofiyo okefiku loukwaalushe. Amen.
Euvaneko tali popi okugaluka kwOmuwa
1 Ookuume kandje aaholike! Ndjika oyo ontumwafo ontiyali nde yi mu nyolele. Moontumwafo adhihe mbali onda kambadhala okupendutha mune omadhiladhilo ga yela, sho nde mu dhimbulutha iinima mbika. 2 Onda hala oku mu dhimbulutha oohapu ndhoka dha popiwa nalenale kaahunganeki aayapuki. Onda hala wo oku mu dhimbulutha oshipango sha zi kOmuwa nOmukulili, shoka mwe shi pewa kaayapostoli yeni. 3 Tangotango omu na oku shi tseya kutya pomasiku gopehulilo otaku ka holoka aantu mboka taa endithwa kuuhalu wawo. Oyo otaye ke mu fundjaleka 4 taa ti: “Oye oku uvaneke tuu, ta ka galuka? Oku li peni? Ootate oya sa nale, ihe iinima ayihe oyi li, ngaashi ya kala shito okuza keshito lyuuyuni.” 5 Otaa ipwililike owina, ongoinaa tseya oshinima shika kutya nalenale Kalunga okwa li a popi, omagulu nevi e tayi shitwa. Evi olyu umbwa momeya nolyu umbwa nomeya, 6 nokomeya geyelu wo uuyuni owa hanagulwa po. 7 Ihe omagulu nevi sho yi li ko sigo onena, oya gamenenwa po kohapu tuu ndjoka yaKalunga, yi ka hanagulwe po nomulilo. Oya pungulilwa esiku, uuna aakeenakonashanakalunga taa ka pangulwa notaa ka yonagulwa po.
8 Ihe ne, ookuume kandje aaholike, inamu dhimbwa oshinima shika. Ano pOmuwa kapu na eyooloko pokati kesiku limwe noomvula eyuvi. Mbika ayihe iyali oya faathana momeho ge. 9 Omuwa ina tokelwa okutsakanitha shoka e shi uvaneke, ngaashi aantu yamwe taa dhiladhila. Oye okwe mu idhidhimikile owala, oshoka ina hala, ku kale nando ogumwe ta geelwa, ihe okwa hala, aantu ayehe ye ethe uulunde wawo.
10 Ihe esiku lyOmuwa otali ya lya fa omufuthi. Mesiku tuu ndyoka omagulu otaga ka kana po nomatopo omanene. Iikwakegulu otayi ka pya po e tayi yonuka po, nevi wo niinima ayihe yi li ko otayi ka lunguna po.
11 Ngele ano iinima ayihe otayi ka yonwa po pamukalo nguno, ne aantu omu na okwaadhika mwa tya ngiini? Omu na okwiiyapulila Kalunga noku mu igandjela, 12 sho mwa tegelela esiku lyaKalunga. Hwameni moku li te gelela, mu li endelelithe, esiku tuu ndyoka, uuna omagulu taga ka pya po e taga ka yonuka po, niikwakegulu tayi ka hemukithwa kuupyu. 13 Ihe tse otwa tegelela shoka Kalunga e shi uvaneka: egulu epe nevi epe, moka tamu ka kala uuyuuki.
14 Onkee ano, ne ookuume kandje, manga mwa tegelela esiku ndyoka, kambadhaleni okukala aayogoki nomwaa na oshipo koshipala shaKalunga, nomu na ombili naye. 15 Taleni kontalanteni yOmuwa gwetu. Oyo ompito yeni okuhupithwa, ongaashi wo omwiitaali mukwetu omuholike, Paulus, e mu nyolele nokulongitha uunongo mboka a pewa kuKalunga. 16 Shika osho te shi popi moontumwafo dhe adhihe. Mudho omu na iinima yimwe iidhigu, mbyoka tayi pilikwa kaantu mboka yaa na ontseyo nekankameno, ongaashi haa ningi wo omahala omakwawo gomOmanyolo. Osho ngeyi otaa iyetele eyonuuko.
17 Ihe ne, ookuume kandje, shika omu shi shi nale. Onkee ano kaleni mwa tonata, opo mwaa pukithwe komapukitho gaantu kaaye na ompango e tamu gu ko kekankameno lyeni lya kola. 18 Ihe kaleni tamu koko mesilohenda nomokutseya Omuwa gwetu nOmukulili Jesus Kristus. Oye na simanekwe nena nosigo aluhe.
Amen.
