1 Opo nee Elisa ta ti: “Uda ondjovo yOmwene. Omwene ta ti ngaha: Mongula pefimbo tuu eli eekilograma nhatu doufila wa nakwa tadi ka landwa nosekeli imwe, neekilograma hamano doilya osekeli imwe poshivelo shaSamaria.” 2 Ndelenee elenga, kokwooko kwalo ohamba tai likolelele, la nyamukula omulumenhu waKalunga, ndele tali ti: “Omwene nande a ninge eembululu domakende meulu, otashi ka dulika ngahelipi?” Ndele Elisa ta ti: “Tala, ove mwene oto ke shi mona, ndelenee ito ka lya kuyo.”
3 Ndelenee poshivelo pa li ovalumenhu vane ovanashilundu. Vo ova popyafana tava ti: “Omolwashike hatu kala apa fiyo hatu fi?” 4 Ngeenge hatu ti: “Tu yeni moshilando, moshilando omu nondjala, ohatu ka fila mo nongeenge ohatu kala omutumba apa, ohatu ka fila mo: Tu yeni hano konhanda yOvaarami. Vo ngeenge tave tu efa tu kale nomwenyo, ohatu ka kala nomwenyo. Ndelenee ngeenge tave tu dipaa, fye hatu fi.” 5 Vo ova fikama onguloshi yoshiwiwili va ye monhanda yOvaarami. Ndelenee eshi ve uya popepi nonhanda yOvaarami, inava mona mo nande umwe. 6 Osheshi Omwene a udififa omatanga Ovaarami embuyaano lomatemba oita, nembuyaano leenghambe nembuyaano lomatanga ovakwaita vahapu. Onghee hano venya va lombwelafana, tava ti: “Taleni, ohamba yaIsrael ya futa eehamba dOvaheti neehamba dOvaegipiti di tu homone noku tu kwata.” 7 Onghee hano va fikama onguloshi yoshiwiwili ndele tava i onhapo, ndelenee omatwali avo neenghambe neendongi nonhanda ngaashi ya li, ve i fiya po. Ndele va ya onhapo va xupife eemwenyo davo. 8 Novalumenhu venya ovanashilundu eshi ve uya popepi nonhanda, ova ya mo metwali limwe, va lya ndele va nwa, ndele tava kufa mo oshisiliveli noshingoldo noikutu ndele ve i holeka. Konima va ya metwali likwao, ndele mulo yo va kufa mo ndele tave i holeke. 9 Opo nee va lombwelafana: “Inatu ninga osho sha yuka. Efiku eli olo efiku londaka iwa, ndele fye twa mwena! Fye ngeenge hatu ongaonga fiyo etango tali piti, ohatu ka pewa oushima. Tu yeni hano, tu ka shiivifileni eumbo lohamba.” 10 Ndele ve uya ndele tava ingida kovanangeli voposhivelo shoshilando ndele ve va hepaululila tava ti: “Fye twa ile konhanda yOvaarami, ndelenee taleni, kakwa li nande umwe, nande ondaka yomunhu. Ndelenee eenghambe da mangwa, neendongi da mangwa, omatwali a li ko ngaashi a kala.” 11 Novanangeli voposhivelo ova ingida ndele ve shi hepaulula meumbo lohamba. 12 Opo nee ohamba ya penduka oufiku ndele tai lombwele ovapiya vayo: “Ame ohandi mu lombwele, Ovaarami eshi ve tu ningila. Vo ove shi shii nokutya, fye otu nondjala, onghee hano va dja mo monhanda, opo fye tu ye koluhaela ndele tava ti: ‘Venya eshi va dja moshilando, fye ohatu va kwata ve nomwenyo, ndele hatu i mo moshilando.’ ” 13 Ndelenee umwe womovapiya vayo okwa nyamukula ndele ta ti: “Naku kufwe eenghambe nhano domeenghambe da xupa po, osheshi odo tadi ka kala, otadi ka fya, ngaashi yo ongudu aishe yOvaisraeli oyo ya fya nale; hano, natu di tume ko, va ka tale.” 14 Opo nee va kufa omatemba avali oita neenghambe. Nohamba oye di tuma di ka shikule omatanga Ovaarami, ndele tai ti: “Indeni mu ka tale.” 15 Ndele va ya ve va shikula fiyo okuJordan. Ndele tala, ondjila aishe i yadi oikutu noilwifo, ei ya ekelwashi kOvaarami mokuya kwavo onhapo nokweendelela. Onghee hano ovatumwa va aluka ko ndele ve shi hepaululila ohamba. 16 Opo nee ovanhu va pita mo va ya va ka tinhe onhanda yOvaarami. Neekilograma nhatu doufila wa nakwa wa landwa nosekeli imwe, neekilograma hamano doilya ya landwa nosekeli imwe paendjovo dOmwene. 17 Nohamba oya li ya tula poshivelo elenga olo kokwooko kwalo yo ye likolelela. Ndelenee ovanhu ve li lyataula moshivelo, onghee lo la fya paendjovo domulumenhu waKalunga, ye e di popya ohamba eshi ya ile kuye. 18 Osheshi omulumenhu waKalunga eshi a lombwela ohamba ndele ta ti: “Mongula pefimbo tuu eli poshivelo shaSamaria eekilograma nhatu doilya tadi landwa nosekeli imwe neekilograma hamano oufila wa nakwa tadi landwa nosekeli imwe.” 19 Elenga la nyamukula omulumenhu waKalunga ndele tali ti: “Omwene nande a ninge eembuluvelo meulu, osho tashi ka ningwa ngahelipi?” Ndele ye ta ti: “Tala, ove oto ke shi mona nomesho oye, ndelenee ito ka lya kuyo.” 20 Nosho la ningwa. Ovanhu ve li lyataula moshivelo, onghee ola fya.
1 Elisa okwa yamukula a ti: “Pulakeneni shoka Omuwa ta ti. Pethimbo ngaandika ngula yanakwasha otamu ka vula okulanda muSamaria ookilograma ndatu dhuusila wosiimela nenge ookilograma hamano dhuusila wiishokelya tau gu oshimaliwa shimwe oshisiliveli.”
2 Elenga lyomekolo lyomukwaniilwa olya ti kuElisa: “Itashi vulika okuningwa sho — nando Omuwa mwene a lokithe omvula polumwe!”
Elisa okwa yamukula a ti: “Oto shi mono sho tashi ningwa, ihe iikulya mbyoka ito ke yi lola nando.”
Etangakwiita lyaSiria tali yi ontuku
3 Aalumentu yane mboka ya li taya alukwa oshilundu, oya li pondje yosheelo shaSamaria noya lombwelathana ya ti: “Omolwashike tatu kala mpaka, sigo tatu si? 4 Itashi tu kwatha, tu ye moshilando, oshoka otatu ka sa kondjala; ihe ngele otatu kala owala mpano, otatu ka sa ishewe. Natu yeni kontanda yAasiria. Otaa vulu oku tu dhipaga, ihe otashi vulika wo, ye tu hupithe tu kale tu na omwenyo.” 5 Etango sho li li pokuningina, oya yi kontanda yAasiria, ihe sho ya thiki ko, oyi iyadhaadha ko. 6 Omuwa okwa li u uvitha Aasiria oshihomo shaakwiita oyendjiyendji taa hedha ko ye na uukambe nomatembakwiita, nAasiria oya dhiladhila kutya omukwaniilwa gwaIsrael okwa li a hiya aakwaniilwa yAaheti noyAayegipiti nomatangakwiita gawo, ye ya ponokele. 7 Ongulohi ndjoka Aasiria oya adhika ya fadhuka po, ya ka hupithe oomwenyo dhawo. Oya thigi po ootenda dhawo, uukambe nuusino, noye etha ontanda yi li ngaashi ya li.
8 Aalumentu mbeyaka yane sho ya thiki kooha dhontanda, oya yi motenda yimwe, ya li e taa nu shoka sha li mo, oya hakana iisiliveli niingoli noonguwo ndhoka ya mono mo, e taa zi mo e taye dhi holeke. Nena oya galuka e taa yi ishewe motenda onkwawo e taa ningi, ngaashi ya ningile. 9 Ihe oya lombwelathana ya ti: “Otatu ningi nayi. Otu na onkundana ombwanawa nokatu vulu oku yi mwenena. Ngele otatu tegelele, sigo ongula taku shi, otatu ka geelwa. Tu yeni mbala, tu ka lombweleni omalenga gomukwaniilwa!” 10 Oya thigi po ontanda yAasiria e taa shuna kuSamaria yo tayi igidha aalangeli yopiiyelo taa ti: “Sho twa yile kontanda yAasiria, inatu ya adha ko; uukambe nuusino auke twa adha ko wa mangwa, nootenda odha li, ngaashi Aasiria ye dhi thigile po.”
11 Aalangeli oyi igidha, noonkundana odha tseyithwa muuwa. 12 Ethimbo olya li lyuusiku, ihe omukwaniilwa okwa penduka a piti mo e ta ti komalenga ge: “Nandi mu lombwele shoka Aasiria ya dhiladhila! Oya tseya kutya otu na ondjala muka, omolwashoka ya thigi po ontanda yawo noya ka holama melundu. Otaa dhiladhila kutya otatu ka za mo moshilando, tu ka konge iikulya. Nena otaye ke tu kwata tu na omwenyo e taa yugu po oshilando.”
13 Limwe lyomomalenga ge olya ti: “Aantu mbaka yomoshilando kaye na we etegameno, oya fa naanaa mboka ya sa nokuli. Natu tumeni ano aantu yamwe ye na uukambe utano mboka wa hupu ko, opo tu dhimbulule shoka sha ningwa po.” 14 Oya hogolola aantu yamwe, nomukwaniilwa okwe ya tumu momatembakwiita gaali, ya ka tale shoka etangakwiita lyAasiria lya ningilwa. 15 Aantu oya yi sigo okuJordan nomondjila ayihe oya mono oonguwo nomatati ngoka Aasiria ya gwithile pevi, sho taa yi ontuku. Nena oya shuna noye ke shi hokololela omukwaniilwa. 16 Nena Aasamaria oya piti mo moshilando e taa hakana iihakanwa montanda yAasiria. Nodha tsa ndhoka dha popiwa kOmuwa, sho a ti kutya ookilograma ndatu dhuusila wosiimela nenge ookilograma hamano dhuusila wiishokelya owa landithwa po oshimaliwa shimwe oshisiliveli.
17 Omukwaniilwa gwaIsrael okwa adhika a tula elenga lye enene posheelo shoshilando okutonatela elandulathano. Ihe olya nyankulilwa pevi kaantu, sho ya li taa thindakana, e tali si, ngaashi Elisa a tile, sho omukwaniilwa a li e ke mu talela po. 18 Elisa okwa lombwelele omukwaniilwa kutya pethimbo ndyoka esiku tali landula ookilograma ndatu dhuusila wosiimela nenge ookilograma hamano dhuusila wiishokelya otau ka landithwa muSamaria oshimaliwa shimwe oshisiliveli; 19 nelenga ndyoka lya yamukulile tali ti: “Shika itashi vulika okuningwa — nonando Omuwa a lokithe omvula polumwe!” NaElisa okwa yamukulile a tile: “Oto ka mona tashi ningwa, ihe ito ka lola sha miikulya mbyoka.” 20 Nosho shoka she mu ningilwa naanaa — okwa nyankulilwa pevi kethindakano lyaantu pomweelo gwoshilando e ta si.
