Eyakulo leehepele muJerusalem
1 Ndelenee ovamwatate, ohatu mu shiivifile efilonghenda laKalunga osho le shi yandjela omaongalo omuMakedonia, 2 nande ova li momayeleko manene nomadjuu, molwouyadi wehafo lavo, nomoluhepo lavo linene ova yandja nomwenyo muwa eeshali dihapu. 3 Osheshi paenghono davo, heeno, aame ondobwedi yoshinima eshi, mokuyandja kwavo kehalo lavo ova koya nokuli eenghono davo, 4 nokwiindila kuhapu ove tu indila neenghono va pewe okukala pamwe nafye meyakulo lovayapuki; 5 ndele vo inava yandja ngaashi twa teelela, ndelenee ove liyandja voovene tetetete okOmwene, ndele nokufye yo okehalo laKalunga, 6 ndele osho twa kumaida Titus, oye ngaashi a hovela nale, a wanife mokati keni oshilonga eshi yo shohole. 7 Ndele ngaashi mu na aishe ihapu: meitavelo, mondjovo, mokushiiva, mouladi u lili nau lili, mohole yeni ya dja mufye, osho kaleni mwa wana moshilonga eshi yo shohole.
8 Eshi ihandi shi mu lombwele ngaashi oshipango, ndelenee moku mu ulikila ouladi wavakweni onda hala okuyeleka ohole yeni ngeenge oyoshili. 9 Osheshi efilonghenda lOmwene weni Jesus Kristus omu li shii Oye nande okwa li oshipuna, a ninga ohepele omolweni, opo mu punapale koluhepo laye. 10 Ndelenee ohandi mu lombwele omayele ange moshinima eshi, osheshi otashi mu kwafa, onye ava mwa li votete oudwaali, hamokuwanifa akuke, ndelenee nomokuhala yo. 11 Ndelenee paife wanifeni oshilonga eshi yo, opo ngaashi mwa hangika mwe shi hala, onye mu shi shakenife yo paenghono deni. 12 Osheshi ehalo liwa lokuyandja ngeenge li li po, ola wapalela osho omunhu e shi kwete hasheshi ehe shi kwete. 13 Hakutya ngeno ovakweni va pupalifwe, nye mu lololwe, 14 ndelenee napa kale efaafano, oupuna weni u kwafe oluhepo lavo, ndelenee opo oupuna wavo u yakule oluhepo leni, pu kale ngaha efaafano, 15 ongaashi pa shangwa: “Oye ou a ongela shihapu, ina xupifa po, naau a ongela shinini, ina hepa sha.”
16 Ndele Kalunga na pandulwe, Oye ou a pendula momutima waTitus ouladi omolweni, 17 osheshi a tambula ekumaido lange, a nyatipala nokuli okuya kunye okehalo laye mwene. 18 Ndele fye otwa tuma naye omumwatate a shiivika momaongalo aeshe omolwoshilonga shevaengeli. 19 Hasho ashike eshi, ndele okwa hoololelwa yo komaongalo, a ninge omufindikili wetu okutwala eeshali edi twe di ongelela efimano lomwene nedidiliko lehalo letu liwa
20 Ohatu ningi ngaha, puha kale nande oumwe ta mono omhito oku tu pa oushima omolwekwafo eli linenenene hatu pashukile. 21 Osheshi ohatu diinine eshi shiwa hakoshipala shOmwene ashike, ndelenee nokoshipala shovanhu yo.
22 Pamwe naava ohatu tumu vali omumwatate umwe, ou twe mu tala moinima ihapu oye omuladi, ndele paife ouladi waye ou dule wonale, osheshi ye okwe mu lineekela neenghono. 23 Mokutonga Titus, oye omukwetu, nomulongi mukwetu molweni, ile ovamwatate ovo ovatumwa vomaongalo, ovo efimano laKristus. 24 Hano eshi tamu va hololele ohole yeni, ndele tamu holola elitango letu omolweni ola twa, otamu shi ningi moipafi yomaongalo.
Okugandja kwaakriste
1 Aamwameme, tse otwa hala, mu tseye shoka sha longwa kesilohenda lyaKalunga momagongalo gomuMakedonia. 2 Ooyitaali oya li ya piti momayeleko omadhigu, ihe nando ongawo, enyanyu lyawo olya li enene. Onkee ano oya gandja nomwenyo omwaanawa, nonando oya li ye na oluhepo olunene. 3 Ngame onzapo yawo, nkene ya gandja, ngaashi taye shi vulu. Nokuli kehalo lyawo yene oya gandja shi vulithe po. 4 Oye tu indile noya pula, ya pewe ompito yokukwatha aantu yaKalunga yomuJudea. 5 Oya gandja shi vulithe pushoka twa li twa tegelela. Tango oyi igandja yo yene kOmuwa noyi igandja ihe kutse pahalo lyaKalunga. 6 Onkee ano otwa kumagidha Titus, ngoka a tameke oshilonga shika mokati keni, e shi tsikile ye e mu kwathe, mu wape okutsakanitha eyakulo ndika lyohole. 7 One aayamba miinima ayihe mbyoka mu na; meitaalo, mokupopya nomokutseya, muuladhi weni wokukwatha nomohole yeni yoku tu hola. Osho ano otwa hala, mu kale mwaa na uuluya nomeyakulo ndika lyohole.
8 Ngame itandi gandja nando oshipango shasha. Ihe moku mu ulukila yakweni yalwe nkene ya ladhipala okukwatha, onda hala okutala ohole yeni ngele oyashili tuu. 9 Oshoka omwa tseya shoka Omuwa gwetu Jesus Kristus e mu ningile. Nando oye okwa li omuyamba, okwi iningi ohepele molweni, opo mu ninge aayamba molwoluhepo lwe.
10 Ngame otandi dhiladhila moshinima shika kutya otashi kala oshiwanawa kune, ngele tamu tsakanitha ngashingeyi shoka mwe shi tameke omumvo gwa piti. One omwa li yotango, hamiilonga ashike, ihe nomehalo wo lyokulonga. 11 Tsikileni ano oshilonga shika, mu shi hulithe. Kaleni mu na uulaadhi oku shi hulitha, ngaashi mwa li mwa hala. Shi ningeni naashoka mu na. 12 Oshoka ngele omu na ehalo ewanawa lyokugandja, nena Kalunga ota taamba omagano ngoka tamu gandja pamuthika mpoka mu thike, haampoka mwaa thike. 13 Ngame inandi hala ando okupupalekela yalwe e tandi mu tsike omutenge. Ihe sho mu na oshindji ngashingeyi, onawa ngele tamu kwatha mboka ye li moluhepo. 14 Nena uuna tamu ka adhika koluhepo yo ye na oshindji, otaa ke mu kwatha wo. Pamukalo nguka otamu ningilwa amuhe shi thike pamwe. 15 Ngashika enyolo tali ti:
“Oongoka a gongele oshindji,
ina kala e na oshindji.
Naangoka a gongele oshishona,
ina kala a hepa.”
16 Kalunga na hambelelwe, sho a pe Titus uupenda woku mu kwatha ngaashi tse. 17 Nokuli ina taamba owala ekumagidho lyetu, ihe okwa li wo a sa uulaadhi okukwatha. Onkee okwa tokola okuya kune kehalo lye mwene. 18 Otatu tumu wo pamwe naye omumwameme omulumentu, ngoka a simanekwa unene momagongalo agehe omolwoshilonga she shokuuvitha evaangeli. 19 Kakele kaashika, omumwameme nguka okwa hogololwa noku uthwa komagongalo, a kale he ende pamwe natse, uuna tatu ende molweyakulo ndika lyohole okusimanekitha Omuwa nokuulika kutya tse otwa hala okukwatha.
20 Tse otwa hala okuyanda, twaa pewe uusama komuntu omolwomukalo ngoka tatu longitha kombinga yiikwatha mbika. 21 Elalakano lyetu olyo okuninga shoka shu uka, hakoshipala shOmuwa awike, ihe nokoshipala shaantu wo.
22 Pamwe naambaka otatu tumu omumwameme omulumentu gulwe ishewe, ngoka twa mono opendji nomiinima oyindji kutya ye ependa nokwa sa uulaadhi okukwatha. Unene ngashingeyi sho e mu inekela, oku na ehalo okukwatha. 23 Titus oye omuyakuli gwandje ngoka ta longo pamwe nangame oku mu kwatha. Aamwameme ooyakwawo mboka taye ya pamwe naye, oyo aakalelipo yomagongalo notaa simanekitha Kristus. 24 Ya ulukileni ohole yeni, opo omagongalo agehe ga dhimbulule noga tseye wo kutya eitango lyetu lyoku mu itangela oli li mondjila.
