Omulunde e lidilulula na tambulwe nohole
1 Ndelenee ame nda li nda tokola shili, inandi hala okuuya kunye ndi mu etele vali oluhodi. 2 Osheshi ame ngee ohandi mu nyikifa oluhodi, olyelye hano ta hafifa nge vali, ngee haye winya ngeno nde mu nyikifa oluhodi? 3 Ndele osho tuu eshi nde shi mu shangela, opo mokuuya kunye muha nyikifwe oluhodi kwaava va li ve nokuhafifa nge, osheshi onde mu lineekela nye amushe, nokutya ehafo lange oleni yo amushe. 4 Osheshi moudjuu unene nomouyehame womomutima onde mu shangela nomahodi mahapu, haku mu nyikifa oluhodi, ndelenee onda hala mu shiive ohole ei inene ndi i na yoku mu hola.
5 Ndele ngeenge umwe a eta oluhodi, haame a nyikifa oluhodi, ndelenee onye tuu amushe, ndiha popye dihapu unene. 6 Ehandukilo olo e li mona kuvahapu, ola wana; 7 osho hano kombinga ikwao mu noku mu dimina po vali noku mu hekeleka, opo aha ningine moluhodi unene. 8 Onghee ohandi mu kumaida mu hovele oku mu hola; 9 osheshi onde shi mu shangela ndi shiive nhumbi mu li mokuyelekwa kweni, ngeenge omu neduliko moinima aishe. 10 Ndelenee ou tamu mu dimine po sha, naame yo ohandi dimi po; osheshi osho nde shi dima po, ngeenge onda li ndi na sha okudima po, onde shi dima po omolweni koshipala shaKristus, 11 opo tuha findwe kuSatana, osheshi omakoto aye otu a shii.
Evaengeli tali tandavele
12 Ndelenee ame eshi nde uya kuTroas okuudifa evaengeli laKristus, onda yeululilwa oshivelo mOmwene, 13 ndelenee inandi mona etulumuko momhepo yange, osheshi inandi mona mo omumwatate Titus. Onghee nde va lekela, ndele nda ya kuMakedonia.
14 Ndelenee Kalunga na pandulwe, ou te tu wilike alushe molweendo lwefindano muKristus, ou te tu hololifa apeshe edimba liwa lokushiiva kwaye! 15 Osheshi ofye edimba liwa laKristus kuKalunga mokati kaava tava xupifwa nomwaava tava ka kana; 16 kwaava edimba lefyo okefyo, ndele kwaavenya edimba lomwenyo olokuyandja omwenyo. Ndele olyelye ou a wanena eshi? 17 Inatu fa venya vahapu hava shingifa eendjovo daKalunga, ndelenee onomadiladilo a yela, ngaashi ava hava longifwa kuKalunga, omoipafi yaKalunga ohatu popi muKristus.
1 Ngashingeyi onda lundulula edhiladhilo lyandje moshinima shika: Itandi ya ko we kune, opo ndaaye mu nikithe oluhodhi. 2 Oshoka ngame ngele onde mu nikitha oluhodhi, olye we ta hupu ko, a nyanyudhe ndje, kee shi ne mboka nda nikitha oluhodhi? 3 Onkee ano tandi mu nyolele ontumwafo ndjika. Kanda li nda hala okuya kune, ndi nikithwe oluhodhi kaantu mboka ya li ye na okunyanyudha ndje. Oshoka ngame ondi inekela kutya uuna nda nyanyukwa, nena nane wo omwa nyanyukwa. 4 Otandi mu nyolele ndi na oluhodhi olunene nuuwehame momwenyo gwandje. Onda lili omahodhi ogendji, haku mu nikitha oluhodhi, ihe oku mu ulukila kutya ondi mu hole.
Okudhimina po omuyoni
5 Ihe gumwe gwomune ngoka a nikitha mukwawo oluhodhi, hangame e shi ningile, ihe one amuhe. Nenge ndi tye oyendji yomune, oshoka inandi hala ndi mu ehameke. 6 Osha gwana omuntu ngoka, sho a geelwa koyendji yomune pamukalo ngoka. 7 Ngashingeyi omu na oku mu dhimina po noku mu hekeleka, opo kaa thindilwe pevi koluhodhi lwe e ti iyekelele. 8 Onkee ano otandi mu kumagidha, mu kale noku mu hola. 9 Oshoka sho nde mu nyolele ontumwafo ndjiyaka, onda li nda hala okutseya, nkene mwa sindi omamakelo nongele omwi ilongekidha aluhe okugwanitha omalombwelo gandje. 10 Nongele mwa dhimine po omuntu a tya ngaaka uuwinayi mboka e u ningi, nena nangame wo otandi mu dhimine po. Shono otandi shi ningi omolweni amuhe koshipala shaKristus, ngele ondi na sha shokudhimina po kombinga yandje, 11 Satana opo kaa mone oonkondo oku tu pangela, oshoka omakoto ge otu ga shi.
Uudhigu waPaulus muTroas
12 Ngame sho nda thiki muTroas okuuvitha elaka etoye tali hokolola Kristus, onda dhimbulula kutya Omuwa okwe egululile ndje osheelo, ndi longe mpeyaka. 13 Ihe onda li ndu uvite uudhigu, oshoka omumwameme Titus inandi mu adha ko. Onkee onda laleke aantu yaahoka e te yi kuMakedonia.
Esindano oli li muKristus
14 Ihe Kalunga na hambelelwe, oshoka ohe tu enditha aluhe mosheendo shaKristus shesindano! Ongaashi ezimba ewanawa tali taandele koombinga adhihe, osho Kalunga te tu longitha okutseyithila aantu ayehe Kristus. 15 Mokati kaamboka taa hupithwa nokaamboka ye li mondjila ndjoka yu uka mekano, otwa fa ezimba lyeyambo lya nika nawa, ndyoka Kristus te li yambele Kalunga. 16 Kwaamboka ye li mondjila ndjoka yu uka mekano, ezimba ndika otali ningi omuku tagu dhipaga, ihe mboka taa ka hupithwa, oyu uvite mulyo ezimba tali eta omwenyo. Olye ano ngoka a opalela oshilonga shika? 17 Tse inatu fa yalwe oyendji mboka haa halitha oohapu dhaKalunga ongoshinima shombiliha. Tse aamati yaKristus Kalunga e tu tumu, onkee otatu popi oohapu dha yela montaneho ye.
