Oudjuu womuyapostoli omoshilonga shaKristus
1 Ngeno omu lididimikile kanini oulai wange! Heeno, tamu tale nge tuu onheni. 2 Osheshi ohandi mu kondjele nouladi waKalunga, osheshi onde mu valekela omulumenhu umwe, ndi etele Kristus okakadona ka koshoka. 3 Ndelenee onda tila, ngaashi Eva a hongaulwa kekotokelo leyoka, osho omadilongo eni taa nyonauka notaa efa ouyuki noukoshoki mokukala kweni naKristus. 4 Osheshi ngeenge ope na ou te uya ndele te mu udifile Jesus umwe, ou inatu mu udifa, ile tamu tambula omhepo imwe oyo inamu i tambula, ile evaengeli limwe olo inamu li tambula, otamu liefele mo naanaa. 5 Osheshi ame inandi litala ndi dulike nande omoshinima shimwe kovayapostoli venya vanene. 6 Ndele ngeenge ame ondimushima mokupopya, kandi fi omushima mokushiiva; otwe shi holola nokuli punye okeenghedi adishe moinima aishe.
7 Ile onda tula etimba, ame eshi nde lininipika onye mu nenepekifwe evaengeli laKalunga eshi nde li mu udifila oshali? 8 Omaongalo amwe onde a nyeka, eshi nda tambula kuo ondjabi, opo ndi mu yakule. Ame eshi nda kala punye onda fya oluhepo, inandi lolokifa nande olyelye. 9 Ndelenee ovamwatate ovo va dja kuMakedonia, ova kwafa nge eshi nda li nde shi pumbwa; nomoinima aishe onde livangeka ndihe mu lolole, osho handi ningi nokomesho. 10 Oshili, ngaashi oshili yaKristus i li mwaame, elitango eli ihandi li nyekwa momikunda daAkaia. 11 Oshike hano? Osheshi ame nghi mu hole mbela? Kalunga e shi shii.
12 Ndelenee eshi handi shi ningi, ohandi shi ningi nokomesho, opo ndi kufe onhele kwaava tava kongo onhele yokumonika ve tu fa mwaashi tave shi litangele. 13 Osheshi ovanhu vamwe va tya ngaha ovo ovayapostoli ovanaipupulu, ovalongi ovanamakoto, ovo tave liningi ovayapostoli vaKristus. 14 Ndelenee kashi fi oshikumwifa! Osheshi naSatana mwene ote lifefa omweengeli wouyelele. 15 Kashi fi hano oshinima shinene, ngeenge ovapiya vaye tave liningi ovayakuli vouyuki, ndele exulilo lavo otali ningi li fike poilonga yavo.
16 Navali ohandi ti: Ndelenee ngeenge ame elai, tambulei nge ongaashi elai, opo naame yo ndi litange kanini. 17 Eshi ohandi shi popi paife, eshi handi litange nelineekelo li fike apa, itandi shi popi pahokwe yOmwene, ndelenee opaulai. 18 Hano vahapu eshi have litange pambelela, naame yo ohandi litange. 19 Onye ohamu lididimikile omalai, osheshi onye vene ovanaendunge. 20 Ohamu itavele nge tamu pikwa ovapika, ngeenge tamu nyekwa, nge tamu yulwa, nge pe na ou te linenepeke, nge pe na ou te mu denge moshipala. 21 Okulififa ohoni ohandi ti: Okuninga ngaha ofye oingone.
Ndele umwe ngeenge a nyatipala oku shi ninga, ohandi popi moulai, naame yo nda nyatipala. 22 Vo Ovaheberi naame yo. Vo Ovaisraeli, naame yo. Vo oludalo laAbraham, naame yo. 23 Vo ovapiya vaKristus, ohandi popi ngaashi elai, ame ndi va dule. Ame ndi va dule moilonga nomokwiidililwa modolongo, luhapu, onda dengwa nokudengelelwa unene, luhapu onda li hanga ndi fye. 24 OkOvajuda onda dengwa lutano omadengo omilongo ine, limwe kali po; 25 lutatu onda dengwa noikumbwati, lumwe nda dengwa nomamanya, lutatu nda hangika moskepa ya teka, onda telaanifwa mefuta omutenya aushe noufiku; 26 luhapu nda kala meengeda, omoudjuu nomilonga, omoudjuu mokati kovakolokoshi, omoudjuu koshiwana shetu, omoudjuu kovapaani, omoudjuu womoilando, omoudjuu womombuwa, omoudjuu womefuta, omoudjuu womokati kovamwatate ovanaihelele, 27 omoilonga nomoudjuu, omokukala oupafi luhapu oufiku, omondjala nomenota, omokulidilika oikulya luhapu, omoutalala nomonghai. 28 Nokuikwao aishe opa wedelwa oupyakadi molwovanhu vahapu efiku keshe, noshisho shomomaongalo aeshe. 29 Olyelye oshingone, naame ndiha kale oshingone? Olyelye ta punduka, naame ndiha pye?
30 Nge ndi nokulitanga, ohandi litangele oungone wange. 31 Kalunga Xe yOmwene wetu Jesus Kristus, ou a hambelelwa alushelushe, Oye e shi shii ihandi fufya. 32 OmuDamaskus elenga lohamba Aretas okwa li a nangela oshilando shOvadamaskus, a kwate nge, 33 ndele ame onda pitifwa mekende lohotekuma yoshilando ndi li moshimbaba, ndele nda kulukifwa ndele handi henuka mo momake aye.
Paulus naayapostoli aafundja
1 Onda hala, mu idhidhimikile ndje nuuna ndoka wo nda fa nda nika uugoya. Alikana, idhidhimikilii ndje! 2 Ngame onde mu sila efupa, ndele naKalunga osho e li. Oshoka ne omwa fa omukadhona omuyelele, ngoka nda kongela omulumentu gumwe awike, oKristus. 3 Ngame onda tila kutya pamwe oondunge dheni otadhi yonuka e tamu ke etha po okukala aantu yaKristus, ngaashi Eva a pukithwa koondunge dhomakoto geyoka. 4 Oshoka ohamu idhidhimikile nenyanyu shaa ngoka te ya kune tu uvitha Jesus gulwe i ili kee shi ngoka twa uvitha. Omwa taamba wo ombepo nevaangeli lilwe, ndyoka inaali fa ombepo nevaangeli ndyoka mwe li taamba kutse.
5 Ngame itandi dhiladhila ando kutya ondi vulike kaayapostoli yeni mboka aanene. 6 Otashi vulika ndaa shi enyakwa mokupopya, ihe ondi na ngaa oondunge. Shika otwe shi mu tseyithile aluhe pamikalo odhindji.
7 Ngame sho nde mu uvithile elaka etoye lya za kuKalunga, inandi mu pula nando osha. Ngame ondi ifupipike, opo ndi mu nenepeke. Nenge onda puka? 8 Manga nda li tandi longo mokati keni, onda li tandi futwa komagongalo galwe. Nandi tye, onde ga yugu, opo ndi mu kwathe. 9 Ethimbo ndyoka nda kala pune, inandi mu pula iimaliwa, nonando onda li nde yi pumbwa, oshoka aamwameme mboka ya zi kuMakedonia, oye etele ndje ashihe shoka nda li nda pumbwa. Ngashika sha kala methimbo lya piti, osho wo tashi ka kala nokomeho kutya ngame inandi hala oku mu etela uudhigu nando owasha. 10 Omolwoshili yaKristus, ndjoka yi li mungame? Otandi uvaneke kutya eitango ndika lyandje kali na nando mpoka tali ka mwenekwa mevi alihe lyAagreka. 11 Omolwashike tandi popi ngeyi? Omolwaasho ando ndaa mu hole? Kalunga oku shi shi kutya ondi mu hole.
12 Ngashingeyi otandi tsikile owala naashoka tandi shi longo, opo aayapostoli mboka yalwe yaa vule okumona etompelo lyokwiitanga kutya otaa longo pamukalo ngaangoka tatu longo. 13 Aalumentu ya tya ngaaka kaye shi aayapostoli yashili, ihe oyo aafundja. Oyo otaa longitha iifundja miilonga yawo notayi iningi ya kale ya fa aayapostoli yaKristus. 14 Eeno, shika itashi kumitha! Oshoka naSatana ota vulu okwiishitukitha, a kale a fa omuyengeli guuyelele. 15 Onkee ano itashi kumitha, ngele aayakuli yaSatana otayi ishitukitha, ya kale ongaayakuli aawanawa. Ihe hugunina otaa ka pewa shoka yi ilongela.
Omahepeko gomuyapostoli Paulus
16 Otandi shi endulula natango: Inaku kala nando ogumwe ta tala ndje kutya ngame egoya. Ihe ngele otamu shi ningi, nena taambii ndje ano ongegoya. Osho ngeyi otandi vulu ihe okwiitanga. 17 Eeno, shoka tandi popi ngashingeyi, hasho shoka Omuwa a hala, ndi popye. Moshinima shika shokwiitanga ote popi lela ongegoya. 18 Ihe sho pe na aantu oyendji mboka hayi itanga paantu, nangame wo otandi shi ningi. 19 Ne yene omu li po aanandunge, onkee ohamu idhidhimikile omagoya. 20 Ohamu idhidhimikile kehe ngoka te mu ningilile mo nenge te mu yulu moohapu nenge te mu tala nondhino nenge te mu nyekele. 21 Ngame onda sa ohoni oku shi zimina kutya otwa li twa tila okuninga ngaaka. Otandi popi ongegoya kutya, ngele ope na ngoka ta vulu okwiitangela oshinima shontumba, nena nangame wo ote vulu oku shi ninga. 22 Oyo Aahebeli? Ngame wo Omuhebeli. Oyo Aaisraeli? Ngame wo Omwiisraeli. Oyo oluvalo lwaAbraham? Ngame wo ogwomoluvalo lwaAbraham. 23 Oyo aayakuli yaKristus? Ote popi ongomulumentu egoya kutya ondi ya vule ayehe. Onda longo noonkondo ndi ya vule. Onda kala mondholongo omathimbo ogendji, onda dhengwa olwindji, onda kala olwindji popepi neso. 24 Onda dhengwa lutano kAajuda omadhengo omilongo ndatu nomugoyi. 25 Onda dhengwa noongola lutatu kAaroma, nalumwe onda dhengwa nomamanya. Onda kala lutatu moshiponga sheteko lyosikepa. Ethimbo limwe onda kala ootundi omilongo mbali nane momeya. 26 Momalweendo gandje ogendji onda adhika kiiponga yomafundja noyaayugi, iiponga tayi zile ndje mAajuda ooyakwetu nomaapagani. Opwa kala iiponga miilando, iiponga moombuga, iiponga yomomafuta omanene nomiiponga tayi zi mookuume aafundja. 27 Opwa li pwa kala iilonga nuupyakadhi. Olwindji onda lala inee kotha nonda si ondjala nenota. Olwindji onda kala ndaa na iikulya nonda hepekwa unene kuutalala nokonkayi. 28 Kakele kiinima mbika, esiku kehe otandi thiminikwa meni lyandje koshimpwiyu shomagongalo agehe. 29 Olye ngoka omunkundi, ngame ndaa kale ando omunkundi pamwe naye? Olye ngoka ta pundukile muulunde, ndaa lulumikwe kusho?
30 Ngele ondi na okwiitanga, otandi itangele iinima mbyoka tayi ulike, nkene ngame ndi li po omunkundi. 31 Edhina lyaKalunga, He yOmuwa gwetu Jesus, nali simanekwe, oshoka oku shi shi kutya ite fundju. 32 Manga nda li muDamaskus, elenga lyomukwaniilwa Aretas olya tula aalangeli piiyelo yoshilando, li kwate ndje. 33 Ihe ngame onda kulukithwa ndi li montungwa nonda pitithwa mombululu yi li mekuma e tandi hunuka mo miikaha ye.
