Saul ta vaekwa ta ningi ohamba
1 Ndele muBenjamin mwa li omulumenhu, oshipuna shinene, edina laye la li Kis yaAbiel yaSeror yaBegorat yaAfia, Omubenjamin. 2 Ndele ye okwa li e nomona omumati, edina laye Saul, omulumenhu omunyasha, muwa kolutu, heeno, mokati kovana vaIsrael inamu monika nande umwe e mu dule mouwa. Oule waye okudja komapepe aye, wa li u dule ovanhu aveshe.
3 Eendongi eedidi daKis, xe yaSaul, eshi da kana, Kis okwa lombwela omona waye Saul: “Kufa umwe womovapiya pamwe naave ndele lilongekida u ye u ka konge eendongi.” 4 Ye okwa taulula keemhunda daEfraim noshikandjo shaSalisa, ndelenee ine di mona. Ndele va taulula moshikandjo shaSaalim, ndelenee naakwinya kada li ko. Ndele okwa taulula medu laBenjamin, ndelenee ine di mona. 5 Vo eshi ve uya moshikandjo shaSuf, Saul ta lombwele omupiya ou a li puye: “Ila, tu shune. Osheshi tate oku na oshisho nafye ndele ta dimbwa eendongi.” 6 Ndele ye okwe mu nyamukula: “Ndelenee tala, moshilando eshi omu nomulumenhu waKalunga, omulumenhu a fimanekwa. Keshe eshi te shi popi, tashi wanifwa. Natu ye ko ashike paife. Kashiimba ota dulu okuholola sha molwondjila ei tu li mo.” 7 Opo nee Saul ta pula komupiya waye: “Heeno, ngeenge hatu i ko, omulumenhu ohatu mu twalele shike? Osheshi omungome wa pwa mo momakutu etu ndele katu na omulongelo tu u twale komulumenhu waKalunga. Otu na shike?” 8 Nomupiya okwa nyamukula vali Saul, ndele ta ti: “Tala, ame ndi na natango oshisiliveli shoshitine shasekeli. Osho handi ka pa omulumenhu waKalunga, opo a shiive oku tu hololela sha molwondjila.” 9 Ovanhu vomuIsrael eshi va ya nale okupula kuKalunga tava ti: “Ila, tu ye komumonikokule. Osheshi ou ta ifanwa paife omuxunganeki, a ifanwa shito omumonikokule.” 10 Ndele Saul okwa nyamukula omupiya waye: “Ondjovo yoye oiwa. Tu ye.” Opo nee vo va ya koshilando musho mwa li omulumenhu waKalunga. 11 Fimbo tava i koshilando ndele tava londo komutune, va shakena noukadona ava ve uya okuteka, ndele va pula kuvo: “Omumonikokule opo e li?” 12 Ndele ve va nyamukula tava ti: “Oko e li komesho yeni. Endeleleni paife, osheshi ye e uya nena moshilando, shaashi ovanhu ve neyambo nena koshikulundu. 13 Ngeenge tamu uya koshilando, otamu mu hange fimbo ina ya koshikulundu a ka lye. Osheshi ovanhu itava li fimbo ye ine uya, shaashi oye ta nangeke eyambo noupuna. Opo nee ovaifanwa va lye. Indeni ko hano paife, osheshi tamu ke mu hanga paife eshi.” 14 Ndele va ya koshilando. Ndele naanaa eshi ve uya moshilando, opo tuu opo Samuel okwa pita mo te va shakeneke mokuya kwaye koshikulundu.
15 Osheshi Omwene a hololela Samuel mefiku la tetekela euyo laSaul ndee ta ti: 16 “Mefimbo tuu eli mongula Ame ohandi ke ku tumina omulumenhu umwe womoshilongo shaBenjamin, ou u noku mu vaeka a ninge ohamba yovanhu vange Ovaisraeli. Ndele ye ota ka xupifa ovanhu vange momake Ovafilisti. Osheshi Ame nda dimbulukwa ovanhu vange, shaashi onghuwo yavo ya fika kwaame.” 17 Samuel eshi a mona Saul, Omwene okwe mu lombwela: “Omulumenhu oye ou nde ku lombwelele. Ye ota ka pangela ovanhu vange.” 18 Ndele Saul okwa ehena kuSamuel moshivelo ndele ta ti: “Ulikile nge ongulu ei yomumonikokule.” 19 Opo nee Samuel a nyamukula Saul ndee ta ti: Aame omumonikokule! Tetekele nge u ye koshikulundu, opo nee nye tamu li pamwe naame nena. Ndele handi mu lekele ongula inene. Naashishe u shi kwete momwenyo, ame ohandi ke shi ku hololela. 20 Ndele ino kala noshisho sheendongi, odo da li de ku kana omafiku atatu, shaashi do oda monika. Noinima aishe oyo i holike muIsrael oyalyelye? Ndishi oyoye noyeumbo leni? 21 Ndele Saul okwa nyamukula ndele ta ti: Haame Omukwabenjamin womepata lininielela lomomapata aIsrael, noludi letu lixupielela momaludi omepata laBenjamin? Oshike to lombwele nge ngaha? 22 Ndelenee Samuel okwa kufa Saul nomupiya waye nokwe va twala molupale, ndele e va pa oipundi yokomesho yovaifanwa, ve fike povalumenhu omilongo nhatu. 23 Ndelenee Samuel okwa li a lombwela omuteleki: “Eta onhumba inya nde i ku pele, ndele nde ku lombwelele: ‘I tuvikila.’ ” 24 Nomuteleki okwa eta oshilama naasho sha endjelela ko, ndele te shi tula pomesho yaSaul. Ndele Samuel ta ti: “Oshoye, eshi sha xupa po, osho sha tulwa pomesho yoye. Lya, osheshi sho she ku tuvikililwa okafimbo tuu aka, ka ufwa, opo u shi lye novanhu nde va ifana.” Osho ngaha hano Saul okwa lya pamwe naSamuel. 25 Opo nee vo va dja koshikulundu va ya moshilando, Saul okwa yalelwa konhala yongulu, oye okwa ka nangala nokwa kofa.…Saul okwa yalwa konhala yongulu… 26 Ndele vo va penduka ongula inene. Eluwa eshi tali tende, Samuel okwa ifana Saul kombada yonduda ndele ta ti: “Penduka, ame ohandi ku findikile.” Ndele Saul okwa penduka, ndele vo aveshe vavali, ye naSamuel, va ya pondje. 27 Vo eshi ve uya komunghulo woshilando, Samuel ta ti kuSaul: “Lombwela omupiya, na pite komesho yetu.” Ndele omupiya a pita komesho, nopo nee Samuel a twikila: “Ove kanghama manga, opo ndi ku shiivifile ondjovo yaKalunga.”
Saul ta tsakaneke Samuel
1 Okwa li ku na omunenentu omuyamba edhina lye Kish gwomezimo lyaBenjamin; okwa li omuna gwaAbiel nomutekulu gwaZeror gwomegumbo lyaBekorat, ondhikwa yoludhi lwaAfiak. 2 Okwa li e na omwana a shitika edhina lye Saul. Saul okwa li metifa lyonkalamwenyo ye. Okwa li omule, omutse gwe gwa lunda aantu yalwe, noku na ondjelo yi vule yayalwe.
3 Uusino umwe waKish owa kana, nokwa lombwele Saul ta ti: “Kutha omumati gumwe, mu ka konge uusino.” 4 Oye ende oshilongo shokoondundu dhaEfraim noshitopolwa shaShalisha, ihe inaye u mona. Onkee oyu uka kuShaalim, ihe uusino kawa li ko nando. Nena oya kongo moshitopolwa shaBenjamin, ihe naankoka inaye u mona ko. 5 Sho ye ya moshitopolwa shaZuf, Saul okwa ti komumati: “Natu shune kegumbo, oshoka tate pamwe ita dhiladhila we uusino, ihe otse e na oshimpwiyu natse.”
6 Omumati okwa yamukula a ti: “Ihe tala! Moshilando shika omu na omulumentu omuyapuki, ngoka a simana unene, oshoka shaa shoka ta popi, otashi ningi shoshili. Natu ye kuye, otashi vulika te tu lombwele mpoka tatu ka adha uusino.”
7 Saul okwa yamukula a ti: “Ngele otatu yi kuye, otatu ke mu pa shike? Moompunda dhetu kamu na we nando oshikwiila, nokatu na sha shoku mu pa, nenge otu na ngaa sha?”
8 Omumati okwa yamukula a ti: “Ondi na po ngaa okamaliwa koshisiliveli. Otandi vulu oku ke mu pa, nonena ote ke tu lombwela mpoka tatu vulu oku u mona.”
9-11 Saul okwa yamukula: “Edhiladhilo ewanawa! Natu ye!” Osho ngaaka ya yi koshilando nkoka kwa kala omulumentu omuyapuki. Manga taa londo kondundu yu uka koshilando, oya tsakaneke po aakadhona yamwe ya zi moshilando taa ka teka omeya. Oya pula aakadhona: “Moshilando omu na Omumoni?”
(Pethimbo ndiyaka omuhunganeki okwa li hi ithanwa omumoni, onkee shaa ngoka a li a hala okupula sha kuKalunga, okwa ti: “Natu yeni komumoni.”)
12-13 Aakadhona oya yamukula ya ti: “Eeno, omo e li. Oku li naanaa ho mu uka. Ngele otamu endelele, otamu ke mu adha. Shampa tuu mwa yi moshilando, otamu mu mono. Okwe ya mo nena moshilando, oshoka aantu otaa ka yamba omatselelandjambo koshiyambelo shokondundu. Aantu mboka ya hiywa, itaa tameke okulya, manga omumoni inaa ya ko, oshoka oku na okugalikanena omatselelandjambo tango. Ngele otamu yi ngashingeyi, otamu ke mu adha, manga inaa ya kondundu, a ka lye.” 14 Osho ngaaka Saul nomumati gwe oya yi koshilando, nomanga taa yi mo, oya mono Samuel ta zi komeho gawo e li mondjila u uka kehala lyelongelokalunga.
15 Ihe mesiku lya tetekela Omuwa okwa adhika a ti kuSamuel: 16 “Ngula pethimbo ngaandika otandi ke ku tumina omulumentu a za mezimo lyaBenjamin. Mu gwayeka, a ninge omuleli gwaantu yandje Aaisraeli. Oye te ke ya mangulula miikaha yAafilisti. Onda mono okuhepekwa kwaantu yandje nondu uvu onkugo yawo.”
17 Samuel sho a mono Saul, Omuwa okwe mu lombwele a ti: “Omulumentu oye naanaa nguka nde ku lombwelele. Ota ka lela aantu yandje.” 18 Nena Saul okwa yi u ukilila kuSamuel, ngoka a li popepi nosheelo, e te mu pula ta ti: “Lombwela ndje, omumoni oku li peni?”
19 Samuel okwa yamukula: “Ongame omumoni. Tetekeleni kehala lyelongelokalunga. Amuhe yaali otamu ka lya pamwe nangame nena. Ngula mokupenduka otandi ka yamukula omapulo geni agehe notandi mu laleke, mu tsikile ondjila yeni. 20 Ngele okombinga yuusino mbu wa kanene konima yomasiku gatatu, inamu ipyakidhila nawo; owa monika nale nokuli. Ihe oshike shoka sha hokiwa unene kAaisraeli? Ongoye mwene negumbo lyaho.”
21 Saul okwa yamukula a ti: “Ngame ogwomezimo lyaBenjamin, ezimo eshonashona muIsrael, negumbo lyetu kali na simano lyasha. Omolwashike to lombwele ndje oohapu dha tya ngawo?”
22 Nena Samuel okwa fala Saul nomumati gwe mongulu onene e te ya pe ehala lyokomeho poshitaafula, moka mwa li konyala aayenda omilongo ndatu ya kuutumba. 23 Samuel okwa ti komuteleki: “Eta ontumba yonyama ndjiyaka nde ku lombwelele, u yi itulile.” 24 Nena omuteleki okwe eta ontumba ombwanawa yokoshilama e te yi tula mekolo lyaSaul. Samuel okwa ti: “Tala, mpaka ope na ontumba ndjoka wa li wa pungulilwa. Onde yi ku hupithile, u yi lye pethimbo ndika pamwe naantu mbaka nda hiya.”
Osho ngaaka Saul naSamuel ya lile pamwe esiku ndyoka. 25 Sho ya zi ko kehala lyelongelokalunga ya yi koshilando, oya yalele Saul kontala yongulu 26 nokwa lala nkoka.…oya yalele Saul kontala yongulu…
Samuel ta gwayeke Saul, a ninge omukwaniilwa
Pokupita kwetango Samuel okwi ithana Saul kontala a ti: “Penduka. Otandi ku thindikile, ndi ku laleke.” Saul okwa penduka nokwa thindikilwa kuSamuel. 27 Sho ya thiki pooha dhoshilando, Samuel okwa ti kuSaul: “Lombwela omumati, a tetekele komeho getu.” Omumati okwa yi, naSamuel okwa tsikile a ti: “Kala mpaka okathimbo, notandi ku lombwele shoka Kalunga a ti.”
