David ta findi Ovaammoni
1 Konima yoinima ei Nahas, ohamba yOvaammoni, okwa fya, nomona waye omumati Hanun okwa ninga ohamba ponhele yaxe. 2 Opo nee David ta ti: “Ame nda hala okufila Hanun yaNahas onghenda, ngaashi xe a fila nge onghenda.” Onghee hano David a tuma ovatumwa kuye oku mu pendula omolwefyo laxe. Ovatumwa vaDavid eshi ve uya moshilongo shOvaammoni, kuHanun, ve mu pendule, 3 omalenga Ovaammoni a lombwela Hanun: “David ota fimaneke ngaho mbela xo momesho oye, eshi e ku tumina ovapenduli? Ovapiya vaye pamwe ve uya okupanapana oshilongo noku shi lava e shi hanaune po.” 4 Opo nee Hanun a kwata ovatumwa vaDavid nokwa kululifa eendjedi davo ndele ta tete oikutu yavo pokati fiyo moshiya, nokwe va lekela va ye. 5 Ndele David eshi a shiivifilwa ovalumenhu nhumbi va ningwa, okwa tuma ovatumwa oku va shakeneka, osheshi ovalumenhu va li va fya ohoni unene. Nohamba tai ti: “Kaleni muJeriko fiyo eendjedi deni tadi kulu. Opo nee tamu aluka.” 6 Ovana vaAmmoni eshi va mona nokutya, ve litondifa kuDavid, Hanun novana vaAmmoni va tuma eekilograma omayovi omilongo nhatu nomayovi ane doshisiliveli va itavelwe va longife omatemba oita novalondi veenghambe dokuMesopotamia nokuAram-Maaka nokuSoba. 7 Ndele vo ove likongela omatemba omayovi omilongo nhatu naavali nohamba yaMaaka nomatanga aye ovakwaita. Ndele ve uya ndele tava ongo onhanda komesho yaMedeba. Novana vaAmmoni yo va ongala, va dja moilando yavo va ka lwe. 8 Ndele David okwe shi uda nokwa tuma Joab nomatanga aeshe ovakwaita, ovaladi. 9 Novana vaAmmoni va fikama ndele va tanda ombinga poshivelo shoshilando, fimbo eehamba odo de uya, da li moluhaela neengudu da tongoka. 10 Joab eshi a mona nokutya, ta ka ponokelwa komesho nokonima, okwa hoolola mo movahoololwa aveshe vOvaisraeli nokwe va tula moipafi yOvaarami va tanda ombinga. 11 Ndelenee omatanga ovakwaita aa a xupa po e a tula mepangelo lomumwaina Abisai ndele vo e va tandifa ombinga kOvaammoni. 12 Nokwa tya: “Ovaarami ngeenge tava dulu nge eenghono, ove u nokuuya u kwafe nge, ndele Ovaammoni ngeenge tave ku dulu eenghono, ame ohandi uya ndi ku kwafe. 13 Kala wa pama, ndele atushe tu kaleni twa nyatipala omolwoshiwana shetu nomolwoilando yaKalunga ketu. Omwene na ninge osho tashi mu wapalele momesho aye.” 14 Opo nee Joab nomatanga ovakwaita ava va li puye va tota va lwife Ovaarami, ndele venya ova faduka po. 15 NOvaammoni eshi va mona kutya Ovaarami va faduka po, navo yo va ya onhapo omumwaina Abisai, ndele va ya moshilando. Ndele Joab okwe uya kuJerusalem. 16 Ovaarami eshi va mona va tewa kOvaisraeli, ova tuma ovatumwa kOvaarami venya va li kombada yaEufrat, ve uye pamwe naSofak, ondjai yoita yaHadadeser, ye va pitila komesho. 17 David eshi e shi shiivifilwa, okwa ongela omatanga aeshe ovakwaita Ovaisraeli ndele ta tauluka Jordan. Ye eshi e uya kuvo, okwe va tandela ombinga. Ndele David eshi a tandela Ovaarami ombinga, venya ove mu lwifa. 18 Ndelenee Ovaarami va ya onhapo Ovaisraeli. Ndele David okwa dipaa ovashingi vomatemba omayovi aheyali novakwaita vokolupadi omayovi omilongo nhee. NaSofak yo, ondjai yoita, okwe i dipaa. 19 Novapiya vaHadadeser, eshi va mona nokutya, va tewa komesho yOvaisraeli, ova panga ombili naDavid ndele ve mu longela. NOvaarami inava popila vali ovana vaAmmoni.
David ta sindi Aayammoni nAasiria
(2 Sam. 10:1-19)1 Konima yaambika omukwaniilwa gwAayammoni Nahash okwa si, nomwana Hanun okwa ningi omukwaniilwa. 2 Omukwaniilwa David okwa ti: “Onda hala okuninga nawa Hanun, ngaashi he Nahash a ningile ndje.” Onkee David a tumu aatumwa, a holole olukeno lwe.
Aatumwa sho ya thiki kuAmmon, ya hupuluthe Hanun, 3 aawiliki Aayammoni oya ti komukwaniilwa: “Oto dhiladhila kutya David okwa tumu aatumwa mbaka mokusimaneka ho, e ku hololele olukeno lwe? Hasho nando! Okwe ya tumu huka oondaadhi, dhi shilile oshilongo, opo e shi sinde!”
4 Hanun okwa kwatitha aatumwa yaDavid e te ya kululitha omapalu koombenzi nokutetitha oonguwo dhawo poombwetelo e te ya shunitha. 5 Oya li ya sa ohoni okushuna kaandjawo. David sho u uvu shoka sha ningwa po, okwe ya tumine elaka, ya kale muJeriko yo yaa ze mo, sigo oombenzi dhawo dha koko ishewe.
6 Omukwaniilwa Hanun nAayammoni sho ya dhimbulula kutya oya geyitha nayi David, oya futu oshisiliveli shondjundo yoograma 34,000 opo ya hehele omatembakwiita naanamatembakwiita muMesopotamia shokuumbangalantu muAram-Maaka nomuZoba. 7 Omatembakwiita omayuvi omilongo ndatu nagaali ngoka ya hehela netangakwiita lyomukwaniilwa gwaMaaka olye ya e tali yungu ontanda popepi naMedeba. Aayammoni oye ya wo ya zi kiilando yawo noya kala ya langela komauta.
8 David sho u uvu shoka tashi ningwa po, okwa tumu Joab netangakwiita alihe. 9 Aayammoni oya pupumuka ko e taa yungu ontanda ya langela komauta pompitilo yoshilandopangelo shawo Rabba, naakwaniilwa mboka ye ya oku ya kwatha, oya li melundu.
10 Joab okwa mono kutya omatanga gaatondi otaga vulu oku mu matukila taga zi komeho nokonima. Omolwasho a hogolola aakwiitalela Aaisraeli nokwe ya langeke ya taalela Aasiria. 11 Oshihupe shetangakwiita lye okwe shi tula mewiliko lyamumwayina Abisai, ngoka e ya tula mehala ya taalela Aayammoni. 12 Joab okwa ti kuye: “Ngele wa mono Aasiria taa gwililile ndje po, ila u kwathe ndje, nongele Aayammoni taa ku gwililile po, otandi ya ndi ku kwathe. 13 Kaleni mu na omukumo ne mwi ikolelela! Natu kondjeleni aantu yetu oshilumentu nomolwiilando yaKalunga ketu. Ehalo lyOmuwa nali gwanithwe!”
14 Joab naantu ye oya humu ko, ya ka homone, nAasiria oya fadhuka po. 15 Aayammoni sho ya mono Aasiria taa yi ontuku, oya fadhuka po Abisai e taa shuna moshilando. Nena Joab okwa galuka kolugodhi nAayammoni e ta shuna kuJerusalem.
16 Aasiria oya dhimbulula kutya oya dhengwa kAaisraeli, onkee oya ka hiya omatanga gokiilongo yaSiria kombinga yokuuzilo womulonga Eufrat e taye ga tula mewiliko lyondjayi Shobak, ondjayi yetangakwiita lyomukwaniilwa gwaZoba Hadadeser. 17 David sho e shi uvu, okwa gongele omatanga gAaisraeli nokwa tokola omulonga Jordan e te ga tula ga taalela Aasiria. Olugodhi olwa tameke, 18 nAaisraeli oya tidha po etangakwiita lyAasiria. David naantu ye oya dhipaga aahingi yomatembakwiita Aasiria omayuvi gaheyali naakwiita yokolupadhi omayuvi omilongo ne. Oya dhipaga wo ondjayi yiita yAasiria Shobak. 19 Aakwaniilwa mboka ya li mepangelo lyaHadadeser, sho ya dhimbulula kutya oya dhengwa kuIsrael, oya panga ombili naDavid e taa ningi aapangelwa ye. Aasiria inaa hala we nando olumwe okukwatha Aayammoni.
