Omahombolo
(Mark. 10:1-12)1 Ndelenee Jesus eshi a mana okupopya eendjovo odo, okwa dja ko kuGalilea ta ende langhele kwinya yaJordan, ndele okwa ya komikunda daJudea. 2 Ndele eengudu dinene de mu shikula, nokwe va velulila ko.
3 Opo Ovafarisai ove uya kuye oku mu yeleka ndele tava ti: “Osha wapala tuu omulumenhu ta henge po omukainhu waye omolwondjovo keshe?” 4 Ndele ye okwa nyamukula ta ti: “Inamu lesha hamba, Omushiti okwe va shita pehovelo omulumenhu nomukainhu, 5 ndele ta ti: onghee hano omulumenhu e nokufiya po xe naina nokulimangeleka komukainhu waye, ndele ava vavali otava ningi omunhu umwe? 6 Osho hano kave fi vali vavali, ndelenee ombelela imwe. Hano osho Kalunga e shi tula kumwe, inashi kufwa kumwe komunhu.” 7 Ovo tava ti kuye: “Moses okwa yandjela shike oufemba wokuyandja ombapila yehengano, noku mu henga?” 8 Oye ta ti kuvo: “Moses okwe mu itavelela oukukutu womitima deni, okuhenga ovakainhu veni, ndele kasha li ngaha pehovelo. 9 Ndelenee Ame ohandi mu lombwele: Ou ta henge po omukainhu waye omolwoshinima shimwe shihe fi oluhaelo, ndele ta hombola umwe, ye ta haele; naau ta hombola po omuhengwa, ye ota haele.”
10 Ovalongwa tava ti kuye: “Ngeenge okukala kwomulumenhu nomukainhu waye okwa tya ngaha, okuhombola inaku wapala.” 11 Ndelenee ye okwa tya kuvo: “Haaveshe ve udite eendjovo odo, ndelenee ovo tuu aveke ve shi pewa. 12 Osheshi ope na ovalutulwa ava ve shi dalwa, nghee va dja medimo laina, ndele ope na vali ovalutulwa, ava ve shi ningwa kovanhu, ndele ope na vali ovalutulwa, ve shi lininga voovene omolwOuhamba wokeulu. Ou ta dulu oku shi tambula, ne shi tambule.”
Okupunikwa kwounona
(Mark. 10:13-16Luk. 18:15-17)13 Opo nee ounona va etwa kuye, e va tenheke omake aye, ye a ilikane; ndele ovalongwa ova hanyena ava ve va eta. 14 Ndele Jesus ta ti: “Efeni ounona, inamu va kelela okuuya kwaame, osheshi Ouhamba wokeulu owaava va li ngaashi ovo.” 15 Opo okwe va tenheka omake aye, ndele okwa dja po opo.
Omunyasha oshipuna
(Mark. 10:17-31Luk. 18:18-30)16 Ndele tala, omulumenhu umwe okwe uya ndele ta ti kuye: “Omuhongi muwa, nandi longe ouwa washike, ndi mone omwenyo waalushe?” 17 Oye ta ti kuye: “Oshike to ula nge ndimuwa? Umwe aeke muwa. Ndele ngeenge wa hala okuya momwenyo, wanifa oipango.” 18 Oye ta ti kuye: “Oilipipo?” Jesus ta ti: “Oyo ei: ‘Ino dipaa,’ ‘Ino nyona ohombo,’ ‘Ino vaka’, ‘Ino lundila.’ 19 ‘Fimaneka xo nanyoko’, ‘Hola mukweni ngaashi ove u lihole mwene.’ ” 20 Omunyasha ta ti kuye: “Aishe ei onde i diinina; oshike nda pumbwa vali?” 21 Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.” 22 Ndele omunyasha eshi a uda ondjovo ei, okwa dja po a nyika oluhodi, osheshi ye okwa li e noinima ihapu.
23 Jesus ta ti kovalongwa vaye, Oshili handi mu lombwele: “Oshipuna oshi noudjuu okuya mouhamba wokeulu. 24 Ndele vali handi mu lombwele: okupitila kwongamelo meyulu longwiya hixwe, ku dule okuya kwoshipuna mouhamba wokeulu.” 25 Ovalongwa eshi ve di uda, ova haluka neenghono ndele tava ti: “Olyelye ta dulu okuxupifwa?” 26 Ndele Jesus okwe va tala ndele ta ti kuvo: “Heeno, ovanhu ohava nyengwa, ndele Kalunga iha nyengwa kusha.”
Ondjabi yovashikuli vaJesus
27 Opo nee Petrus okwe mu nyamukula ndele ta ti: “Tala, fye otwa fiya ko oinima aishe, notwe ku shikula; ohatu mono shike?” 28 Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali. 29 Ndele keshe ou a fiya ko, omolwedina lange, omaumbo ile ovamwaxe ovalumenhu ile ovamwaina ovakainhu ile xe ile ina ile ovana ile omapya, oye te ke i mona ko ihapu i dule ei, nomwenyo waalushe ote u fyuulula. 30 Ndele votete vahapu otava ningi vaxuuninwa novahauxuuninwa vahapu otava ningi votete.
Omahombolo
(Mark. 10:1-12)1 Ndelenee Jesus eshi a mana okupopya eendjovo odo, okwa dja ko kuGalilea ta ende langhele kwinya yaJordan, ndele okwa ya komikunda daJudea. 2 Ndele eengudu dinene de mu shikula, nokwe va velulila ko.
3 Opo Ovafarisai ove uya kuye oku mu yeleka ndele tava ti: “Osha wapala tuu omulumenhu ta henge po omukainhu waye omolwondjovo keshe?” 4 Ndele ye okwa nyamukula ta ti: “Inamu lesha hamba, Omushiti okwe va shita pehovelo omulumenhu nomukainhu, 5 ndele ta ti: onghee hano omulumenhu e nokufiya po xe naina nokulimangeleka komukainhu waye, ndele ava vavali otava ningi omunhu umwe? 6 Osho hano kave fi vali vavali, ndelenee ombelela imwe. Hano osho Kalunga e shi tula kumwe, inashi kufwa kumwe komunhu.” 7 Ovo tava ti kuye: “Moses okwa yandjela shike oufemba wokuyandja ombapila yehengano, noku mu henga?” 8 Oye ta ti kuvo: “Moses okwe mu itavelela oukukutu womitima deni, okuhenga ovakainhu veni, ndele kasha li ngaha pehovelo. 9 Ndelenee Ame ohandi mu lombwele: Ou ta henge po omukainhu waye omolwoshinima shimwe shihe fi oluhaelo, ndele ta hombola umwe, ye ta haele; naau ta hombola po omuhengwa, ye ota haele.”
10 Ovalongwa tava ti kuye: “Ngeenge okukala kwomulumenhu nomukainhu waye okwa tya ngaha, okuhombola inaku wapala.” 11 Ndelenee ye okwa tya kuvo: “Haaveshe ve udite eendjovo odo, ndelenee ovo tuu aveke ve shi pewa. 12 Osheshi ope na ovalutulwa ava ve shi dalwa, nghee va dja medimo laina, ndele ope na vali ovalutulwa, ava ve shi ningwa kovanhu, ndele ope na vali ovalutulwa, ve shi lininga voovene omolwOuhamba wokeulu. Ou ta dulu oku shi tambula, ne shi tambule.”
Okupunikwa kwounona
(Mark. 10:13-16Luk. 18:15-17)13 Opo nee ounona va etwa kuye, e va tenheke omake aye, ye a ilikane; ndele ovalongwa ova hanyena ava ve va eta. 14 Ndele Jesus ta ti: “Efeni ounona, inamu va kelela okuuya kwaame, osheshi Ouhamba wokeulu owaava va li ngaashi ovo.” 15 Opo okwe va tenheka omake aye, ndele okwa dja po opo.
Omunyasha oshipuna
(Mark. 10:17-31Luk. 18:18-30)16 Ndele tala, omulumenhu umwe okwe uya ndele ta ti kuye: “Omuhongi muwa, nandi longe ouwa washike, ndi mone omwenyo waalushe?” 17 Oye ta ti kuye: “Oshike to ula nge ndimuwa? Umwe aeke muwa. Ndele ngeenge wa hala okuya momwenyo, wanifa oipango.” 18 Oye ta ti kuye: “Oilipipo?” Jesus ta ti: “Oyo ei: ‘Ino dipaa,’ ‘Ino nyona ohombo,’ ‘Ino vaka’, ‘Ino lundila.’ 19 ‘Fimaneka xo nanyoko’, ‘Hola mukweni ngaashi ove u lihole mwene.’ ” 20 Omunyasha ta ti kuye: “Aishe ei onde i diinina; oshike nda pumbwa vali?” 21 Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.” 22 Ndele omunyasha eshi a uda ondjovo ei, okwa dja po a nyika oluhodi, osheshi ye okwa li e noinima ihapu.
23 Jesus ta ti kovalongwa vaye, Oshili handi mu lombwele: “Oshipuna oshi noudjuu okuya mouhamba wokeulu. 24 Ndele vali handi mu lombwele: okupitila kwongamelo meyulu longwiya hixwe, ku dule okuya kwoshipuna mouhamba wokeulu.” 25 Ovalongwa eshi ve di uda, ova haluka neenghono ndele tava ti: “Olyelye ta dulu okuxupifwa?” 26 Ndele Jesus okwe va tala ndele ta ti kuvo: “Heeno, ovanhu ohava nyengwa, ndele Kalunga iha nyengwa kusha.”
Ondjabi yovashikuli vaJesus
27 Opo nee Petrus okwe mu nyamukula ndele ta ti: “Tala, fye otwa fiya ko oinima aishe, notwe ku shikula; ohatu mono shike?” 28 Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali. 29 Ndele keshe ou a fiya ko, omolwedina lange, omaumbo ile ovamwaxe ovalumenhu ile ovamwaina ovakainhu ile xe ile ina ile ovana ile omapya, oye te ke i mona ko ihapu i dule ei, nomwenyo waalushe ote u fyuulula. 30 Ndele votete vahapu otava ningi vaxuuninwa novahauxuuninwa vahapu otava ningi votete.
