Oiyaxahandu yaKalunga tai tililwa kombada yedu
1 Ndele nda uda ondaka inene ya dja motembeli, ya lombwela ovaengeli venya vaheyali: “Indeni mu ka tileshi oiyaxa ei iheyali yehandu laKalunga kombada yedu.”
2 Hano omweengeli wotete okwa ya ndele ta tileshi oshiyaxa shaye kombada yedu, omwa holoka oitumba ii tai yehama unene movanhu ava va li ve nedidiliko loshilyani naava ve linyongamena koshiyelekela shasho
3 Nomutivali okwa tilashi oshiyaxa shaye mefuta, olo la shituka ohonde ya fa yomufi, ndele keshe eshi sha li shi nomwenyo mefuta osha fila mo.
4 Nomutitatu okwa tilashi oshiyaxa shaye momilonga nomeedjo domeva ndele do oda shituka ohonde. 5 Ndele nda uda omweengeli ou womeva ta ti:
“Oove Omuyuki ou u li ko, nowa li ko,
Oove Omuyapuki,
eshi wa tokola ngaha;
6 osheshi ovo kwa li
va tilashi ohonde yovayapuki noyovaxunganeki,
Ove owe va pa okunwa ohonde,
osheshi ve shi lilongela!”
7 Ndele onda uda oaltari tai ti:
“Heeno, Omwene Kalunga Omunaenghono adishe,
omatokolo oye oo oshili nokwa yuka.”
8 Nomutine okwa tilashi oshiyaxa shaye ketango, ndele la pewa okuvava ovanhu nomundilo; 9 Novanhu ova vavwa koupyu unene, ndele va sheka edina laKalunga, ou e nepangelo lomahepeko aa, ndele vo inave lidilulula, ve mu fimaneke.
10 Nomutitano okwa tilashi oshiyaxa shaye kolukalwapangelo loshilyani, noshilongo shasho osha laula, ndele ove lilumata omalaka avo mouyehame wavo, 11 ndele va sheka Kalunga komeulu, ve mu sheka molwouyehame wavo nomolwoitumba yavo, ndele vo inave lidilulula koilonga yavo.
12 Nomutihamano okwa tilashi oshiyaxa shaye kombada yomulonga munene waEufrat, nomeva ao a pwiinina mo, opo pa longekidwe ondjila yeehamba dokoushilo. 13 Ndele nda mona mokanya kongadu nomokanya koshilyani nomokanya komuxunganeki omunaipupulu mwa dja eemhepo nhatu da nyata, da fa omafuma; 14 osheshi odo eemhepo deendemoni hadi ningi omadidiliko, ndele tadi i keehamba dounyuni aushe oku di shivila oita mefiku linene laKalunga omunamapangelo aeshe. 15 “Tala, Ame ohandi uya ngaashi omulunga. Omunelao oyou ha kala oupafi noha diinine oikutu yaye, aha ende hamunghele, ohoni yaye iha monike.” 16 Ndele do ode di ongaleka ponhele hai ifanwa mOshiheberi Harmagedon.
17 Nomweengeli omutiheyali okwa tilashi oshiyaxa shaye kombada yomhepo, opo ondaka inene ya dja motembeli molukalwapangelo, tai ti: “Sha ningwa, sha pwa!” 18 Ndele opa holoka omaluvadi nomangungumo neendaka, ndele opa ningwa ekakamo linene lidjuu ledu, ngaashi inapa kala limwe li fike pulo nghee ovanhu va kala kombada yedu, olo ekakamo lidjuu unene ledu. 19 Noshilando shinene osho osha tukulwa oitukulwa itatu, noilando yoiwana oya ngumauka po, Babilon shinene sha dimbulukiwa kuKalunga shi pewe eholo lomaviinyu ehandu laye linene. 20 Neenhunhu adishe da faduka po, neemhunda inadi monika vali. 21 Neemhawe dinene, keshe imwe oi na oudjuu u fike peekilograma omilongo nhano, da wa meulu da wila kombada yovanhu, ndele ovanhu ova sheka Kalunga omolwehepeko leemhawe, osheshi ehepeko ola li linene unene.
Oiyaxahandu yaKalunga tai tililwa kombada yedu
1 Ndele nda uda ondaka inene ya dja motembeli, ya lombwela ovaengeli venya vaheyali: “Indeni mu ka tileshi oiyaxa ei iheyali yehandu laKalunga kombada yedu.”
2 Hano omweengeli wotete okwa ya ndele ta tileshi oshiyaxa shaye kombada yedu, omwa holoka oitumba ii tai yehama unene movanhu ava va li ve nedidiliko loshilyani naava ve linyongamena koshiyelekela shasho
3 Nomutivali okwa tilashi oshiyaxa shaye mefuta, olo la shituka ohonde ya fa yomufi, ndele keshe eshi sha li shi nomwenyo mefuta osha fila mo.
4 Nomutitatu okwa tilashi oshiyaxa shaye momilonga nomeedjo domeva ndele do oda shituka ohonde. 5 Ndele nda uda omweengeli ou womeva ta ti:
“Oove Omuyuki ou u li ko, nowa li ko,
Oove Omuyapuki,
eshi wa tokola ngaha;
6 osheshi ovo kwa li
va tilashi ohonde yovayapuki noyovaxunganeki,
Ove owe va pa okunwa ohonde,
osheshi ve shi lilongela!”
7 Ndele onda uda oaltari tai ti:
“Heeno, Omwene Kalunga Omunaenghono adishe,
omatokolo oye oo oshili nokwa yuka.”
8 Nomutine okwa tilashi oshiyaxa shaye ketango, ndele la pewa okuvava ovanhu nomundilo; 9 Novanhu ova vavwa koupyu unene, ndele va sheka edina laKalunga, ou e nepangelo lomahepeko aa, ndele vo inave lidilulula, ve mu fimaneke.
10 Nomutitano okwa tilashi oshiyaxa shaye kolukalwapangelo loshilyani, noshilongo shasho osha laula, ndele ove lilumata omalaka avo mouyehame wavo, 11 ndele va sheka Kalunga komeulu, ve mu sheka molwouyehame wavo nomolwoitumba yavo, ndele vo inave lidilulula koilonga yavo.
12 Nomutihamano okwa tilashi oshiyaxa shaye kombada yomulonga munene waEufrat, nomeva ao a pwiinina mo, opo pa longekidwe ondjila yeehamba dokoushilo. 13 Ndele nda mona mokanya kongadu nomokanya koshilyani nomokanya komuxunganeki omunaipupulu mwa dja eemhepo nhatu da nyata, da fa omafuma; 14 osheshi odo eemhepo deendemoni hadi ningi omadidiliko, ndele tadi i keehamba dounyuni aushe oku di shivila oita mefiku linene laKalunga omunamapangelo aeshe. 15 “Tala, Ame ohandi uya ngaashi omulunga. Omunelao oyou ha kala oupafi noha diinine oikutu yaye, aha ende hamunghele, ohoni yaye iha monike.” 16 Ndele do ode di ongaleka ponhele hai ifanwa mOshiheberi Harmagedon.
17 Nomweengeli omutiheyali okwa tilashi oshiyaxa shaye kombada yomhepo, opo ondaka inene ya dja motembeli molukalwapangelo, tai ti: “Sha ningwa, sha pwa!” 18 Ndele opa holoka omaluvadi nomangungumo neendaka, ndele opa ningwa ekakamo linene lidjuu ledu, ngaashi inapa kala limwe li fike pulo nghee ovanhu va kala kombada yedu, olo ekakamo lidjuu unene ledu. 19 Noshilando shinene osho osha tukulwa oitukulwa itatu, noilando yoiwana oya ngumauka po, Babilon shinene sha dimbulukiwa kuKalunga shi pewe eholo lomaviinyu ehandu laye linene. 20 Neenhunhu adishe da faduka po, neemhunda inadi monika vali. 21 Neemhawe dinene, keshe imwe oi na oudjuu u fike peekilograma omilongo nhano, da wa meulu da wila kombada yovanhu, ndele ovanhu ova sheka Kalunga omolwehepeko leemhawe, osheshi ehepeko ola li linene unene.
