Omanyono ovakulunhu nokutokolwa kwavo
1 Ame nda tile: Udeni ko, nye ovakulunhu vomuJakob nomalenga omeumbo laIsrael! Hanye tuu mu nokushiiva ouyuki hamba? 2 Ovatondadi vouwa nye, novaholi vowii, ava hamu yuvu oshipa shovanhu, ndele hamu tenge ombelela yavo komakipa avo, 3 ava tava li ombelela yoshiwana shange ndele tava yuvu ko oshipa shasho. Tava nyanyaula omakipa asho, ndele tava shashaula nokuteta ngaashi ombelela yomombiya nongaashi ombelela yomokapana.
4 Opo nee vo otava ka kuwila Omwene, ndelenee Ye ite ke va nyamukula. Ndelenee Ye ote ke va holeka oshipala shaye mefimbo tuu olo, molwaashi vo ova ninga eshi inashi yuka.
5 Omwene osho ta ti mokupopya ovaxunganeki, hava pukifa oshiwana shange, ava hava udifa: “Ombili!” ngeenge ve na sha momayoo avo shokutaafina, ndelenee ou ite va pakele po sha momakanya avo, vo otave mu shiivifile olwoodi.
6 Onghee hano otaku uya kunye oufiku uhe nemoniko, nomilaulu otadi uya kunye dihe nexunganeko. Heeno, etango otali ka ninginina ovaxunganeki nomutenya otau va laulile. 7 Ndele ovamonikokule otava ka kala nohoni, noipala yovaxunganeki tai ka pemba. Ndele vo aveshe otava ka futika eendjedi, osheshi kape na nande enyamukulo laKalunga.
Ehanauno laJerusalem tali xunganekwa
8 Ndelenee ame ondi yadi eenghono nOmhepo yOmwene nouyuki nonyati okuhololela Jakob etauluko laye naIsrael omatimba aye. 9 Shi udeni tuu, nye ovakulunhu vomeumbo laJakob nomalenga omeumbo laIsrael! Onye ava tamu dini ouyuki, ndele tamu endameke ashishe eshi sha yuka. 10 Onye ava tamu tungifa Sion nohonde naJerusalem nowii. 11 Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.” 12 Onghee hano Sion tashi ka pululwa epya molweni naJerusalem tashi ka ninga onduba yomamanya, nomhunda yotembeli otai ka shituka oshikulundudu shi noixwa.
Omanyono ovakulunhu nokutokolwa kwavo
1 Ame nda tile: Udeni ko, nye ovakulunhu vomuJakob nomalenga omeumbo laIsrael! Hanye tuu mu nokushiiva ouyuki hamba? 2 Ovatondadi vouwa nye, novaholi vowii, ava hamu yuvu oshipa shovanhu, ndele hamu tenge ombelela yavo komakipa avo, 3 ava tava li ombelela yoshiwana shange ndele tava yuvu ko oshipa shasho. Tava nyanyaula omakipa asho, ndele tava shashaula nokuteta ngaashi ombelela yomombiya nongaashi ombelela yomokapana.
4 Opo nee vo otava ka kuwila Omwene, ndelenee Ye ite ke va nyamukula. Ndelenee Ye ote ke va holeka oshipala shaye mefimbo tuu olo, molwaashi vo ova ninga eshi inashi yuka.
5 Omwene osho ta ti mokupopya ovaxunganeki, hava pukifa oshiwana shange, ava hava udifa: “Ombili!” ngeenge ve na sha momayoo avo shokutaafina, ndelenee ou ite va pakele po sha momakanya avo, vo otave mu shiivifile olwoodi.
6 Onghee hano otaku uya kunye oufiku uhe nemoniko, nomilaulu otadi uya kunye dihe nexunganeko. Heeno, etango otali ka ninginina ovaxunganeki nomutenya otau va laulile. 7 Ndele ovamonikokule otava ka kala nohoni, noipala yovaxunganeki tai ka pemba. Ndele vo aveshe otava ka futika eendjedi, osheshi kape na nande enyamukulo laKalunga.
Ehanauno laJerusalem tali xunganekwa
8 Ndelenee ame ondi yadi eenghono nOmhepo yOmwene nouyuki nonyati okuhololela Jakob etauluko laye naIsrael omatimba aye. 9 Shi udeni tuu, nye ovakulunhu vomeumbo laJakob nomalenga omeumbo laIsrael! Onye ava tamu dini ouyuki, ndele tamu endameke ashishe eshi sha yuka. 10 Onye ava tamu tungifa Sion nohonde naJerusalem nowii. 11 Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.” 12 Onghee hano Sion tashi ka pululwa epya molweni naJerusalem tashi ka ninga onduba yomamanya, nomhunda yotembeli otai ka shituka oshikulundudu shi noixwa.
