Ouhenanghenda woipuna tau tanguninwa
1 Paife hano oipuna nye, pwilikineni, lileni nokuli lilila omaluhepo oo tae uya kombada yeni. 2 Eliko leni la tukwa, noikutu yeni oya lika keenhwishi, 3 oshingoldo noshisiliveli sheni osha ninga oilemo, noilemo yayo otai ningi ondobwedi yoku mu pa oushima ndele tai li ombelela yeni ngaashi omundilo. Omwe lindubalekela omaliko momafiku axuuninwa. 4 Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita. 5 Mwa kala mounyenye weni kombada yedu nomwa wanifa omauhalu eni; omitima deni omwe di ondolela efiku lokutomwa. 6 Omwa tokola nomwa dipaa omuyuki, ye ine mu kondjifa.
Elididimiko metimaumbwile
7 Onghee hano ovamwatate nye, kaleni nokulididimika fiyo Omwene ota aluka. Taleni, omunepya oha teelele oiimati iwa yedu ndele he li lididimikile fiyo ta pewa odula yonhemuna noyokomusheko. 8 Nanye yo teeleleni nokulididimika, pamekeni omitima deni, osheshi ealuko lOmwene oli li popepi. 9 Ovamwatate, inamu ngongotelafana, muha tokolwe; taleni, omutokoli oku li ofika ponhu. 10 Ovamwatate, hopaeleleni ovaxunganeki ovo va popya medina lOmwene mokuhumbata oudjuu nomokulididimika. 11 Taleni, ovo ve lididimika, ohatu va tale ovanelao. Elididimiko laJob olo mwe li uda, nomwa mona exulilo e li pewa kOmwene, osheshi Omwene Oye omunalukeno nomunamutimanghenda.
12 Ndelenee komesho yaaishe, ovamwatate, inamu ana, nge keulu ile kedu, nosho yo eano keshe; “heeno” yeni nai kale “heeno,” na “ahowe” yeni nai kale “ahowe,” opo muha wile metokolo.
Ilikanenafaneni nye mu pukululafane
13 Mokati keni ngeenge ope na ou e noudjuu, na ilikane, naau e nehafo, na imbe epandulo. 14 Ope na tuu umwe mokati keni ta vele? Oye na ifane ovakulunhu veongalo, ndele vo nave mu ilikanene ndele nave mu vaeke omaadi medina lOmwene. 15 Neilikano leitavelo otali xupifa omunaudu, Omwene note mu yambukifa po, ndele ngeenge okwa hangika a tula etimba, otae mu kufilwa po. 16 Hepaululilafaneni omatimba eni, nye mu ilikanenafane, opo mu velulwe; eilikano lashili lomuyuki otali dulu shihapu. 17 Elia okwa li ngaha omunhu ngaashi fye, ndele ye okwa ilikana, odula iha loke, ndele yo inai loka ko kombada yedu omido itatu neehani 6. 18 Ndele ye okwa ilikanununa vali, eulu ola yandja odula, nedu ola menifa oimeno yalo.
19 Ovamwatate, ngeenge ope na umwe mokati keni a puka moshili, ndele umwe te mu alula, 20 kaleni mu shi shii kutya, ou ta alula omulunde mondjila yaye yepuko, ota xupifa omwenyo mefyo ndele ta fufile onduba yomatimba mahapu.
Ouhenanghenda woipuna tau tanguninwa
1 Paife hano oipuna nye, pwilikineni, lileni nokuli lilila omaluhepo oo tae uya kombada yeni. 2 Eliko leni la tukwa, noikutu yeni oya lika keenhwishi, 3 oshingoldo noshisiliveli sheni osha ninga oilemo, noilemo yayo otai ningi ondobwedi yoku mu pa oushima ndele tai li ombelela yeni ngaashi omundilo. Omwe lindubalekela omaliko momafiku axuuninwa. 4 Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita. 5 Mwa kala mounyenye weni kombada yedu nomwa wanifa omauhalu eni; omitima deni omwe di ondolela efiku lokutomwa. 6 Omwa tokola nomwa dipaa omuyuki, ye ine mu kondjifa.
Elididimiko metimaumbwile
7 Onghee hano ovamwatate nye, kaleni nokulididimika fiyo Omwene ota aluka. Taleni, omunepya oha teelele oiimati iwa yedu ndele he li lididimikile fiyo ta pewa odula yonhemuna noyokomusheko. 8 Nanye yo teeleleni nokulididimika, pamekeni omitima deni, osheshi ealuko lOmwene oli li popepi. 9 Ovamwatate, inamu ngongotelafana, muha tokolwe; taleni, omutokoli oku li ofika ponhu. 10 Ovamwatate, hopaeleleni ovaxunganeki ovo va popya medina lOmwene mokuhumbata oudjuu nomokulididimika. 11 Taleni, ovo ve lididimika, ohatu va tale ovanelao. Elididimiko laJob olo mwe li uda, nomwa mona exulilo e li pewa kOmwene, osheshi Omwene Oye omunalukeno nomunamutimanghenda.
12 Ndelenee komesho yaaishe, ovamwatate, inamu ana, nge keulu ile kedu, nosho yo eano keshe; “heeno” yeni nai kale “heeno,” na “ahowe” yeni nai kale “ahowe,” opo muha wile metokolo.
Ilikanenafaneni nye mu pukululafane
13 Mokati keni ngeenge ope na ou e noudjuu, na ilikane, naau e nehafo, na imbe epandulo. 14 Ope na tuu umwe mokati keni ta vele? Oye na ifane ovakulunhu veongalo, ndele vo nave mu ilikanene ndele nave mu vaeke omaadi medina lOmwene. 15 Neilikano leitavelo otali xupifa omunaudu, Omwene note mu yambukifa po, ndele ngeenge okwa hangika a tula etimba, otae mu kufilwa po. 16 Hepaululilafaneni omatimba eni, nye mu ilikanenafane, opo mu velulwe; eilikano lashili lomuyuki otali dulu shihapu. 17 Elia okwa li ngaha omunhu ngaashi fye, ndele ye okwa ilikana, odula iha loke, ndele yo inai loka ko kombada yedu omido itatu neehani 6. 18 Ndele ye okwa ilikanununa vali, eulu ola yandja odula, nedu ola menifa oimeno yalo.
19 Ovamwatate, ngeenge ope na umwe mokati keni a puka moshili, ndele umwe te mu alula, 20 kaleni mu shi shii kutya, ou ta alula omulunde mondjila yaye yepuko, ota xupifa omwenyo mefyo ndele ta fufile onduba yomatimba mahapu.
