Tirus
1 Ndele momudo omutimulongo nowotete mefiku lotete lohani, ondjovo yOmwene ye uya kwaame, ndele tai ti: 2 “Kaana komunhu, Tirus a popya mokusheka Jerusalem, eshi a tile: ‘Hambaa! Hambaa! Oshivelo shoshiwana sha teyaulwa po, osha yeululilwa langhele kwaame. Ame ohandi ke shi yada, eshi sha tokekwa.’ 3 Onghee hano Omwene Kalunga ta ti ngaha: Akutu Tirus, tala, Ame ohandi ku vele ombedi ndele Ame ohandi ke ku shivila oiwana ihapu ngaashi efuta tali undula omakufikufi alo. 4 Vo otava ka ngumauna po eehotekuma domuTirus nokuteyaula po eeshungo domusho. Heeno, Ame ohandi ka komba po ondwi yasho ndele handi ke shi ninga ngaashi emanya lihe na sha. 5 Sho otashi ka ninga onhele yokweendjelelifa oiyulifo mokati kefuta. Osheshi Ame nda popya, Omwene Kalunga ta ti. Ndele sho tashi ka ninga oshihakanwa shoiwana. 6 Oukadona vasho ava ve li poukukutu, otava ka dipawa keongamukonda, ndele vo otava ka shiiva nokutya, Aame Omwene.”
7 Osheshi Omwene Kalunga ta ti ngaha: “Tala, Ame ohandi ka undilila Tirus, Nebukadnesar, ohamba yaBabilon, ohamba yeehamba, ta di koumbangalanhu pamwe neenghambe nomatemba oita novalondi veenghambe nomatanga ovakwaita novanhu vahapu. 8 Ye ota ka dipaa neongamukonda oukadona voye ve li poukukutu nokutunga omahondamenohote nokufa ekuma ledu nokudika oikelelifonduda oku ku lwifa. 9 Ndele ye ota ka undwila oingumunifolwifo keehotekuma doye, neeshungo doye te di teyaula noiteyaulifovela. 10 Molwouhapu weenghambe daye ove to fufilwa ondwi. Eehotekuma doye tadi ka kakamifwa kekolokoto lovalondi veenghambe nolomaulu nolomatemba oita, eshi ye te liundulile moivelo yoye, ngaashi omunhu te liundulile moshilando sha teka. 11 Ye ota ka lyataula omapandavanda oye aeshe nomakondo eenghambe. Ovanhu voye otava dipawa keongamukonda laye, neengudimanya doye dinene tadi ka ngumuninwa poshi. 12 Ndele vo otava ka hakana oupuna woye nokutinha oinima yoye yoipindi nokuteyaula po eehotekuma doye nomadilaumbo oye ote a hanauna po, ndele vo otava ka ekela momeva omamanya oye nomiti doye nondwi yoye. 13 Ndele Ame ohandi ka mweneka oshihomo shomaimbilo oye, neshiko louxumbafeta voye itali ka udika vali. 14 Heeno, Ame ohandi ke ku shitukifa emanya lihe na sha, to ka ninga onhele yokweendjelelifa oiyulifo ndele ito ka tungululwa vali. Osheshi Ame Omwene nde shi tya, Omwene Kalunga ta ti.”
15 Omwene Kalunga ta ti ngaha kuTirus: “ ‘Oilongo yopomunghulo wefuta itai ka kakamifwa kondaka yehanauno loye, eendjashe eshi tadi keme, venya eshi tava dipaa.’ 16 Opo nee eehamba adishe dopefuta tadi kulumuka ko komalukalwapangelo ado, ndele tadi lidula oikutu yado youhamba nokulidula oikutu yado youtotone nokukakama otadi ka djala ehaluko, do otadi ka kala omutumba poshi nokukakama efimbo keshe ndele da haluka molwoye. 17 Ndele vo otava ka imba eimbilokemo molwoye, ndele tava ti kwoove:
‘Ove wa li u novanhu, owa xula po ngahelipi mefuta,
oove oshilando sha tumbalekwa.
Wa li omunaenghono omolwefuta,
oove mwene noonakukalamo,
va tandavelifa okutilika kwavo
mokati koonakukala pomunghulo wefuta.
18 Paife oilongo yopomunghulo wefuta tai kakama
mefiku lokuhanaunwa po kwoye.
Noilongo yopomunghulo wefuta
tai ka tumhaukifa omaxwilili omolwexulilo loye.’ ”
19 Osheshi Omwene Kalunga ta ti ngaha: “Ame ngeenge handi ku ningi oshilando sha tokekwa, ngaashi oilando ihe novanhu vali, nongeenge Ame handi ku undulile eyelu lomeva manene tae ku tuvike 20 opo nee Ame ohandi ku kulukifile pamwe naava va kulukila mombwili, osho hano kovanhu vomounyuni wonale. Ove oto ka kala monhele yoposhielela yomedu, meenhele da hanaunwa po nale, pamwe naava va kulukila mo nale, osho hano ito ka tungululwa vali, ndelenee Ame ouwa ohandi ke u yandja medu lovanamwenyo. 21 Ndelenee Ame ohandi ke ku ninga oshihopaenenwa shokutumhaukifa omaxwilili, ndele ove ito ka kala po vali. Ove to ka kongwa, ndelenee ito ka monika fiyo alushe, Omwene Kalunga ta ti.”
Tirus
1 Ndele momudo omutimulongo nowotete mefiku lotete lohani, ondjovo yOmwene ye uya kwaame, ndele tai ti: 2 “Kaana komunhu, Tirus a popya mokusheka Jerusalem, eshi a tile: ‘Hambaa! Hambaa! Oshivelo shoshiwana sha teyaulwa po, osha yeululilwa langhele kwaame. Ame ohandi ke shi yada, eshi sha tokekwa.’ 3 Onghee hano Omwene Kalunga ta ti ngaha: Akutu Tirus, tala, Ame ohandi ku vele ombedi ndele Ame ohandi ke ku shivila oiwana ihapu ngaashi efuta tali undula omakufikufi alo. 4 Vo otava ka ngumauna po eehotekuma domuTirus nokuteyaula po eeshungo domusho. Heeno, Ame ohandi ka komba po ondwi yasho ndele handi ke shi ninga ngaashi emanya lihe na sha. 5 Sho otashi ka ninga onhele yokweendjelelifa oiyulifo mokati kefuta. Osheshi Ame nda popya, Omwene Kalunga ta ti. Ndele sho tashi ka ninga oshihakanwa shoiwana. 6 Oukadona vasho ava ve li poukukutu, otava ka dipawa keongamukonda, ndele vo otava ka shiiva nokutya, Aame Omwene.”
7 Osheshi Omwene Kalunga ta ti ngaha: “Tala, Ame ohandi ka undilila Tirus, Nebukadnesar, ohamba yaBabilon, ohamba yeehamba, ta di koumbangalanhu pamwe neenghambe nomatemba oita novalondi veenghambe nomatanga ovakwaita novanhu vahapu. 8 Ye ota ka dipaa neongamukonda oukadona voye ve li poukukutu nokutunga omahondamenohote nokufa ekuma ledu nokudika oikelelifonduda oku ku lwifa. 9 Ndele ye ota ka undwila oingumunifolwifo keehotekuma doye, neeshungo doye te di teyaula noiteyaulifovela. 10 Molwouhapu weenghambe daye ove to fufilwa ondwi. Eehotekuma doye tadi ka kakamifwa kekolokoto lovalondi veenghambe nolomaulu nolomatemba oita, eshi ye te liundulile moivelo yoye, ngaashi omunhu te liundulile moshilando sha teka. 11 Ye ota ka lyataula omapandavanda oye aeshe nomakondo eenghambe. Ovanhu voye otava dipawa keongamukonda laye, neengudimanya doye dinene tadi ka ngumuninwa poshi. 12 Ndele vo otava ka hakana oupuna woye nokutinha oinima yoye yoipindi nokuteyaula po eehotekuma doye nomadilaumbo oye ote a hanauna po, ndele vo otava ka ekela momeva omamanya oye nomiti doye nondwi yoye. 13 Ndele Ame ohandi ka mweneka oshihomo shomaimbilo oye, neshiko louxumbafeta voye itali ka udika vali. 14 Heeno, Ame ohandi ke ku shitukifa emanya lihe na sha, to ka ninga onhele yokweendjelelifa oiyulifo ndele ito ka tungululwa vali. Osheshi Ame Omwene nde shi tya, Omwene Kalunga ta ti.”
15 Omwene Kalunga ta ti ngaha kuTirus: “ ‘Oilongo yopomunghulo wefuta itai ka kakamifwa kondaka yehanauno loye, eendjashe eshi tadi keme, venya eshi tava dipaa.’ 16 Opo nee eehamba adishe dopefuta tadi kulumuka ko komalukalwapangelo ado, ndele tadi lidula oikutu yado youhamba nokulidula oikutu yado youtotone nokukakama otadi ka djala ehaluko, do otadi ka kala omutumba poshi nokukakama efimbo keshe ndele da haluka molwoye. 17 Ndele vo otava ka imba eimbilokemo molwoye, ndele tava ti kwoove:
‘Ove wa li u novanhu, owa xula po ngahelipi mefuta,
oove oshilando sha tumbalekwa.
Wa li omunaenghono omolwefuta,
oove mwene noonakukalamo,
va tandavelifa okutilika kwavo
mokati koonakukala pomunghulo wefuta.
18 Paife oilongo yopomunghulo wefuta tai kakama
mefiku lokuhanaunwa po kwoye.
Noilongo yopomunghulo wefuta
tai ka tumhaukifa omaxwilili omolwexulilo loye.’ ”
19 Osheshi Omwene Kalunga ta ti ngaha: “Ame ngeenge handi ku ningi oshilando sha tokekwa, ngaashi oilando ihe novanhu vali, nongeenge Ame handi ku undulile eyelu lomeva manene tae ku tuvike 20 opo nee Ame ohandi ku kulukifile pamwe naava va kulukila mombwili, osho hano kovanhu vomounyuni wonale. Ove oto ka kala monhele yoposhielela yomedu, meenhele da hanaunwa po nale, pamwe naava va kulukila mo nale, osho hano ito ka tungululwa vali, ndelenee Ame ouwa ohandi ke u yandja medu lovanamwenyo. 21 Ndelenee Ame ohandi ke ku ninga oshihopaenenwa shokutumhaukifa omaxwilili, ndele ove ito ka kala po vali. Ove to ka kongwa, ndelenee ito ka monika fiyo alushe, Omwene Kalunga ta ti.”
