Ehengo
(Mat. 19:1-12Luk. 16:18)1 Ndele Ye okwa dja ko oko, ndele okwa ya keengaba daJudea ta ende kombinga inya yomulonga waJordan. Ndele ovanhu vahapu ove uya vali kuye, ndele Ye okwe va longa, ngaashi ha ningi shito.
2 Opo nee okwa dja Ovafarisai, ve uya kuye, ve mu pula ve mu yeleke, ngeenge osha itavelwa tuu omulumenhu ta henge po omukainhu waye. 3 Ye okwa nyamukula ta ti kuvo: “Moses okwe mu lombwela ngahelipi?” 4 Ndele ova tya: “Moses okwa itavela okushanga ombapila yehengano noku mu henga.” 5 Jesus okwa tya kuvo: “Omolwoukukutu womitima deni e mu shangela oshipango eshi. 6 Ndele pehovelo leshito ‘Kalunga okwe va shita omulumenhu nomukainhu.’ 7 ‘Onghee hano omulumenhu e nokufiya po xe naina nokulimangeleka komukainhu waye. 8 Naava vavali otava ningi omunhu umwe.’ Hano kave fi vali vavali, ndelenee omunhu umwe. 9 Hano eshi Kalunga e shi tula kumwe, inashi kufwa kumwe komunhu.”
10 Ndele eshi va ya keumbo, ovalongwa ove mu pula vali oshinima eshi. 11 Ndele Ye okwe va lombwela: “Ou ta henge po omukainhu waye, ndele ta hombola umwe, oye ta nyono ohombo kuye. 12 Nomukainhu ngeenge ta henge po omulumenhu waye, ndele ta hombolwa kuumwe, ye ota nyono ohombo.”
Ounona tava nangekwa noupuna kuJesus
(Mat. 19:13-15Luk. 18:15-17)13 Ndele ova eta ounona kuye e va kume, ndele ovalongwa vaye va hanyena ava ve va eta. 14 Ndele Jesus eshi e shi mona, okwa umana, ndele ta ti kuvo: “Efeni ounona ve uye kwaame nye inamu va kelela ko, osheshi ouhamba waKalunga owaava ve li ngaashi ava. 15 Oshili ohandi mu lombwele: Ou ita tambula ouhamba waKalunga ngaashi okaana ita i mo muwo.” 16 Ndele Ye okwe va ukata momake aye, ndele okwe va nangeka noupuna nokutenheka omake aye kuvo.
Omunyasha oshipuna nelungameno loupuna
(Mat. 19:16-30Luk. 18:18-30)17 Ndele eshi a dja mo, ta i kondjila, omulumenhu umwe a tondoka e uye kuye, ndele ta tu eengolo koshipala shaye, ndele ta ti kuye: “Omuhongi muwa, ondi nokulonga shike ndi mone omwenyo waalushe?” 18 Jesus okwa tya kuye: “Oshike to tile nge ndimuwa? Kaku na umwe muwa, oKalunga aeke. 19 Oipango ou i shii: ‘Ino dipaa. Ino nyona ohombo. Ino vaka. Ino lundila. Ino nyeka omunhu. Fimaneka xo nanyoko.’ ” 20 Ye okwe mu nyamukula: “Omuhongi, aishe ei ohandi i wanifa nghee nda dja mounyashele wange.” 21 Jesus okwe mu tala noku mu hokwa, ndele ta ti kuye: “Shimwe she ku pumbwa: Inda u ka landife po oinima yoye aishe ei u na, ove u i yandje keehepele, ndele to kala u nemona meulu, ove u uye u shikule nge.” 22 Ndelenee eendjovo odo de mu ningifa okamutima kanini, ndele ta di po a nyika oluhodi, osheshi ye okwa li e noinima ihapu.
23 Ndele Jesus okwa keuka keembinga neembinga, ndele ta ti kovalongwa vaye: “Oipuna oi noudjuu u fike peni okuya mouhamba waKalunga.” 24 Ovalongwa ova halukila eendjovo daye. Ndele Jesus okwa hovela vali okupopya, ndele ta ti kuvo: “Ovamwange, ava ve lineekela emona lavo, ove noudjuu u fike peni okuya mouhamba waKalunga. 25 Okupita kwongamelo meyulu longwiya, xwepo ku dule okuya kwoshipuna mouhamba waKalunga.” 26 Ndele vo ova haluka unene, ndele tava lombwelafana tava ti: “Olyelye hano ta dulu okuxupifwa?” 27 Jesus okwe va tala ndele ta ti: “Otashi nyenge ovanhu, ndele haKalunga, osheshi Kalunga iha nyengwa kusha.”
28 Opo nee Petrus okwa hovela oku mu lombwela: “Tala, fye otwa fiya po ashishe, ndele otwe ku shikula.” 29 Jesus okwa tya: “Oshili handi mu lombwele: Kape na ou a fiya po molwange nomolwevaengeli eumbo ile ovamwaxe ile ina ile xe ile ounona ile omapya, 30 ndele ye ita mono ngeno lwefele, paife mounyuni ou mokati komahepeko omaumbo novamwaina ovalumenhu novamwaxe ovakainhu nooina nounona nomapya nomounyuni tau uya omwenyo waalushe. 31 Ndele vahapu vokomesho otava ningi vokonima naavo vokonima otava ka ninga vokomesho.”
Ehololo lokuhepekwa
(Mat. 20:17-19Luk. 18:31-33)32 Ndele ova li mondjila tava i kuJerusalem, ndele Jesus okwe va kwatela komesho, ndele vo ova hangika kehaluko, naava ve va shikula ova tila. Ye okwa kufa vali ovo omulongo navavali nokwa hovela oku va lombwela eshi tashi ke mu hanga: 33 “Tala, ohatu i kuJerusalem, nOmona wOmunhu ota ka yandjwa momake ovapristeli ovakulunhu novanongo vomishangwa, ovo otave mu pe etimba lokufya, ndele otave mu yandje kovapaani, 34 vo otave mu sheke, ndele tave mu fiile omate, ndele tave mu denge neeshokoto, ndele tave mu dipaa, ndele eshi pa pita omafiku atatu, ota nyumuka koufi.”
Ovana vaSebedeus
(Mat. 20:20-28)35 Ndele Jakob naJohannes, ovana vaSebedeus, ova ya kuye ndele tava ti kuye: “Omuhongi, otwa hala u tu ningile eshi hatu ku indile.” 36 Ye okwa tya kuvo: “Omwa hala ndi mu ningile shike?” 37 Ndele vo ova tya kuye: “Tu itavela fye tu kale omutumba umwe okolulyo loye nomukwao okolumosho loye mefimano loye.” 38 Ndele Jesus okwa tya kuvo: “Kamu shi shii eshi tamu shi indile. Otamu dulu tuu okunwa eholo linya ndi noku ke li nwa, ile okushashwa neshasho linya ndi noku ke li shashwa?” 39 Vo ova tya: “Heeno, ohatu shi dulu.” Jesus okwa tya kuvo: “Heeno, eholo linya handi ke li nwa, otamu ke li nwa neshasho linya ndi noku li shashwa, omu na oku ke li shashwa.” 40 Ndele okukala omutumba kolulyo lange ile kolumosho, haame handi ku yandje, otaku ningi kwaava ve ku longekidilwa.
41 Hano ovo omulongo eshi ve di uda, ova hovela okuumanena Jakob naJohannes. 42 Ndele Jesus okwe va ifana kuye, ndele okwe va lombwela: “Nye omu shi shii, ovo haku tiwa ovapangeli voiwana, otave i pangele ngoovene vayo novanene vayo tava longififa eenghonopangelo davo muyo. 43 Ndele eshi hasho nashi kale mokati keni. Ndelenee ou a hala a ninge munene mokati keni, ye na kale omukalele weni. 44 Naau womokati keni a hala a kale wokomesho, ye na kale omupiya waaveshe. 45 Osheshi nOmona wOmunhu ine uya okukalelwa, ndelenee okukalela tuu nokuyandja omwenyo waye oikulila yavahapu.”
Bartimeus ta twikululwa
(Mat. 20:29-34Luk. 18:35-43)46 Ndele vo ove uya kuJeriko. Ndele Ye ta ti kuJeriko novalongwa vaye novanhu vahapu, Bartimeus yaTimeus, omweeheli omupofi, okwa li omutumba pondjila. 47 Naashi a uda kutya, Jesus Omunasareti Oye ou, okwa hovela okwiingida ta ti: “Jesus Omona waDavid, file nge onghenda.” 48 Vahapu ove mu hanyena a mwene, ndele okwa ingida mokule unene: “Omona waDavid, file nge onghenda.” 49 Opo Jesus okwa kanghama, ndele ta ti: “Mu ifaneni oku.” Ova ifana omupofi ndele tava ti kuye: “Kala nomwenyo muwa, fikama, Ye ote ku ifana.” 50 Ndele ye okwe lidula elwakani laye, ndele ta fikama diva, ndele te uya kuJesus. 51 Jesus okwe mu popifa ta ti: “Owa hala ndi ku ningile shike?” Omupofi okwa tya kuye: “Rabbi, ndi mone ko.” 52 Jesus okwa tya kuye: “Inda, eitavelo loye ole ku velula.” Opo tuu opo a pashuka, ndele okwe mu shikula mondjila.
Ehengo
(Mat. 19:1-12Luk. 16:18)1 Ndele Ye okwa dja ko oko, ndele okwa ya keengaba daJudea ta ende kombinga inya yomulonga waJordan. Ndele ovanhu vahapu ove uya vali kuye, ndele Ye okwe va longa, ngaashi ha ningi shito.
2 Opo nee okwa dja Ovafarisai, ve uya kuye, ve mu pula ve mu yeleke, ngeenge osha itavelwa tuu omulumenhu ta henge po omukainhu waye. 3 Ye okwa nyamukula ta ti kuvo: “Moses okwe mu lombwela ngahelipi?” 4 Ndele ova tya: “Moses okwa itavela okushanga ombapila yehengano noku mu henga.” 5 Jesus okwa tya kuvo: “Omolwoukukutu womitima deni e mu shangela oshipango eshi. 6 Ndele pehovelo leshito ‘Kalunga okwe va shita omulumenhu nomukainhu.’ 7 ‘Onghee hano omulumenhu e nokufiya po xe naina nokulimangeleka komukainhu waye. 8 Naava vavali otava ningi omunhu umwe.’ Hano kave fi vali vavali, ndelenee omunhu umwe. 9 Hano eshi Kalunga e shi tula kumwe, inashi kufwa kumwe komunhu.”
10 Ndele eshi va ya keumbo, ovalongwa ove mu pula vali oshinima eshi. 11 Ndele Ye okwe va lombwela: “Ou ta henge po omukainhu waye, ndele ta hombola umwe, oye ta nyono ohombo kuye. 12 Nomukainhu ngeenge ta henge po omulumenhu waye, ndele ta hombolwa kuumwe, ye ota nyono ohombo.”
Ounona tava nangekwa noupuna kuJesus
(Mat. 19:13-15Luk. 18:15-17)13 Ndele ova eta ounona kuye e va kume, ndele ovalongwa vaye va hanyena ava ve va eta. 14 Ndele Jesus eshi e shi mona, okwa umana, ndele ta ti kuvo: “Efeni ounona ve uye kwaame nye inamu va kelela ko, osheshi ouhamba waKalunga owaava ve li ngaashi ava. 15 Oshili ohandi mu lombwele: Ou ita tambula ouhamba waKalunga ngaashi okaana ita i mo muwo.” 16 Ndele Ye okwe va ukata momake aye, ndele okwe va nangeka noupuna nokutenheka omake aye kuvo.
Omunyasha oshipuna nelungameno loupuna
(Mat. 19:16-30Luk. 18:18-30)17 Ndele eshi a dja mo, ta i kondjila, omulumenhu umwe a tondoka e uye kuye, ndele ta tu eengolo koshipala shaye, ndele ta ti kuye: “Omuhongi muwa, ondi nokulonga shike ndi mone omwenyo waalushe?” 18 Jesus okwa tya kuye: “Oshike to tile nge ndimuwa? Kaku na umwe muwa, oKalunga aeke. 19 Oipango ou i shii: ‘Ino dipaa. Ino nyona ohombo. Ino vaka. Ino lundila. Ino nyeka omunhu. Fimaneka xo nanyoko.’ ” 20 Ye okwe mu nyamukula: “Omuhongi, aishe ei ohandi i wanifa nghee nda dja mounyashele wange.” 21 Jesus okwe mu tala noku mu hokwa, ndele ta ti kuye: “Shimwe she ku pumbwa: Inda u ka landife po oinima yoye aishe ei u na, ove u i yandje keehepele, ndele to kala u nemona meulu, ove u uye u shikule nge.” 22 Ndelenee eendjovo odo de mu ningifa okamutima kanini, ndele ta di po a nyika oluhodi, osheshi ye okwa li e noinima ihapu.
23 Ndele Jesus okwa keuka keembinga neembinga, ndele ta ti kovalongwa vaye: “Oipuna oi noudjuu u fike peni okuya mouhamba waKalunga.” 24 Ovalongwa ova halukila eendjovo daye. Ndele Jesus okwa hovela vali okupopya, ndele ta ti kuvo: “Ovamwange, ava ve lineekela emona lavo, ove noudjuu u fike peni okuya mouhamba waKalunga. 25 Okupita kwongamelo meyulu longwiya, xwepo ku dule okuya kwoshipuna mouhamba waKalunga.” 26 Ndele vo ova haluka unene, ndele tava lombwelafana tava ti: “Olyelye hano ta dulu okuxupifwa?” 27 Jesus okwe va tala ndele ta ti: “Otashi nyenge ovanhu, ndele haKalunga, osheshi Kalunga iha nyengwa kusha.”
28 Opo nee Petrus okwa hovela oku mu lombwela: “Tala, fye otwa fiya po ashishe, ndele otwe ku shikula.” 29 Jesus okwa tya: “Oshili handi mu lombwele: Kape na ou a fiya po molwange nomolwevaengeli eumbo ile ovamwaxe ile ina ile xe ile ounona ile omapya, 30 ndele ye ita mono ngeno lwefele, paife mounyuni ou mokati komahepeko omaumbo novamwaina ovalumenhu novamwaxe ovakainhu nooina nounona nomapya nomounyuni tau uya omwenyo waalushe. 31 Ndele vahapu vokomesho otava ningi vokonima naavo vokonima otava ka ninga vokomesho.”
Ehololo lokuhepekwa
(Mat. 20:17-19Luk. 18:31-33)32 Ndele ova li mondjila tava i kuJerusalem, ndele Jesus okwe va kwatela komesho, ndele vo ova hangika kehaluko, naava ve va shikula ova tila. Ye okwa kufa vali ovo omulongo navavali nokwa hovela oku va lombwela eshi tashi ke mu hanga: 33 “Tala, ohatu i kuJerusalem, nOmona wOmunhu ota ka yandjwa momake ovapristeli ovakulunhu novanongo vomishangwa, ovo otave mu pe etimba lokufya, ndele otave mu yandje kovapaani, 34 vo otave mu sheke, ndele tave mu fiile omate, ndele tave mu denge neeshokoto, ndele tave mu dipaa, ndele eshi pa pita omafiku atatu, ota nyumuka koufi.”
Ovana vaSebedeus
(Mat. 20:20-28)35 Ndele Jakob naJohannes, ovana vaSebedeus, ova ya kuye ndele tava ti kuye: “Omuhongi, otwa hala u tu ningile eshi hatu ku indile.” 36 Ye okwa tya kuvo: “Omwa hala ndi mu ningile shike?” 37 Ndele vo ova tya kuye: “Tu itavela fye tu kale omutumba umwe okolulyo loye nomukwao okolumosho loye mefimano loye.” 38 Ndele Jesus okwa tya kuvo: “Kamu shi shii eshi tamu shi indile. Otamu dulu tuu okunwa eholo linya ndi noku ke li nwa, ile okushashwa neshasho linya ndi noku ke li shashwa?” 39 Vo ova tya: “Heeno, ohatu shi dulu.” Jesus okwa tya kuvo: “Heeno, eholo linya handi ke li nwa, otamu ke li nwa neshasho linya ndi noku li shashwa, omu na oku ke li shashwa.” 40 Ndele okukala omutumba kolulyo lange ile kolumosho, haame handi ku yandje, otaku ningi kwaava ve ku longekidilwa.
41 Hano ovo omulongo eshi ve di uda, ova hovela okuumanena Jakob naJohannes. 42 Ndele Jesus okwe va ifana kuye, ndele okwe va lombwela: “Nye omu shi shii, ovo haku tiwa ovapangeli voiwana, otave i pangele ngoovene vayo novanene vayo tava longififa eenghonopangelo davo muyo. 43 Ndele eshi hasho nashi kale mokati keni. Ndelenee ou a hala a ninge munene mokati keni, ye na kale omukalele weni. 44 Naau womokati keni a hala a kale wokomesho, ye na kale omupiya waaveshe. 45 Osheshi nOmona wOmunhu ine uya okukalelwa, ndelenee okukalela tuu nokuyandja omwenyo waye oikulila yavahapu.”
Bartimeus ta twikululwa
(Mat. 20:29-34Luk. 18:35-43)46 Ndele vo ove uya kuJeriko. Ndele Ye ta ti kuJeriko novalongwa vaye novanhu vahapu, Bartimeus yaTimeus, omweeheli omupofi, okwa li omutumba pondjila. 47 Naashi a uda kutya, Jesus Omunasareti Oye ou, okwa hovela okwiingida ta ti: “Jesus Omona waDavid, file nge onghenda.” 48 Vahapu ove mu hanyena a mwene, ndele okwa ingida mokule unene: “Omona waDavid, file nge onghenda.” 49 Opo Jesus okwa kanghama, ndele ta ti: “Mu ifaneni oku.” Ova ifana omupofi ndele tava ti kuye: “Kala nomwenyo muwa, fikama, Ye ote ku ifana.” 50 Ndele ye okwe lidula elwakani laye, ndele ta fikama diva, ndele te uya kuJesus. 51 Jesus okwe mu popifa ta ti: “Owa hala ndi ku ningile shike?” Omupofi okwa tya kuye: “Rabbi, ndi mone ko.” 52 Jesus okwa tya kuye: “Inda, eitavelo loye ole ku velula.” Opo tuu opo a pashuka, ndele okwe mu shikula mondjila.
