1 Ovanhu vaJerusalem, ongeleni omatanga eni. Otwa kondekwa! Otava ponhokele omwiiliki waIsrael.
Messias ta ka dalelwa muBetlehem
2 Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.Betlehem…mwoove tamu ka dja ou, ta ka ninga Omupangeli muIsrael. 3 Onghee hano Omwene te va efa fiyo okefimbo olo omudali a dala. Opo nee oshixupe shomovamwaxe otashi ka alukila kOvaisraeli. 4 Ndele Ye ota ka holoka ndele te va lifa meenghono dOmwene, nomounene wedina lOmwene Kalunga kaye. Ndele vo tava ka kala netulumuko, osheshi paife Ye ota ka kala munene fiyo okominghulo dedu. 5 Ndele Ye ota ka kala nombili. Asiria ngeenge te uya moshilongo shetu, ndele a hala okuuya mo meengulu detu doupuna, fye ohatu tula po ovafita vaheyali novakulunhu vahetatu vomovanhu.
6 Ndele edu laAsiria vo otave li lifa neongamukonda, nedu laNimrod poivelo yalo. Osho ngaha ote ke tu mangulula muAsiria, ngeenge te ke uya moshilongo shetu ndele ta lyata edu letu.
Elidilululo nefimano laIsrael
7 Opo nee oshixupe shaJakob tashi ka kala mokati koiwana ihapu ngaashi omume hai di kOmwene, heeno, ngaashi oihomo yodula tai loko omwiidi; ihai teelele omunhu noihai dulika kovana vovanhu.
8 Ndele ava va xupa muJakob mokati koiwana, tava ka kala mokati kovanhu vahapu ngaashi onghoshi mokati koifitukuti, ngaashi onghoshi onyasha mongudu yeedi. Ngeenge tai pumine mo, tai hakana notai nyanyaula, ndele kape na ou ta xupifa. 9 Eke loye nali kale la yeluka kombada yovatondi voye, ndele ovatondadi voye aveshe tava ka kombwa po. 10 Ndele mefiku tuu olo, Omwene ta ti, ohandi ka mana po eenghambe doye di li mokati keni, ndele handi ka nyonauna po omatemba oye oita.
11 Oilando yomoshilongo shoye ohandi ke i komba po yo neehotengulu doye adishe ohandi di ngumauna po. 12 Natango ohandi ka komba po oulodi meke loye, ndele pwoove itapa fyaala vali eendudu. 13 Ndele Ame ohandi ka tuta po omiti doye domalupwelele aAsera neengudi doye, ndele handi hanauna po oilando yoye. 14 Ndele Ame ohandi ka duda mo omiti doye diyapuki domalupwelele, ndele handi ningi oilando yoye omaputu. 15 Ndele oiwana ei inai pwilikina, Ame ohandi ke i handukila nehandu noupyuhandu.
1 Ovanhu vaJerusalem, ongeleni omatanga eni. Otwa kondekwa! Otava ponhokele omwiiliki waIsrael.
Messias ta ka dalelwa muBetlehem
2 Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.Betlehem…mwoove tamu ka dja ou, ta ka ninga Omupangeli muIsrael. 3 Onghee hano Omwene te va efa fiyo okefimbo olo omudali a dala. Opo nee oshixupe shomovamwaxe otashi ka alukila kOvaisraeli. 4 Ndele Ye ota ka holoka ndele te va lifa meenghono dOmwene, nomounene wedina lOmwene Kalunga kaye. Ndele vo tava ka kala netulumuko, osheshi paife Ye ota ka kala munene fiyo okominghulo dedu. 5 Ndele Ye ota ka kala nombili. Asiria ngeenge te uya moshilongo shetu, ndele a hala okuuya mo meengulu detu doupuna, fye ohatu tula po ovafita vaheyali novakulunhu vahetatu vomovanhu.
6 Ndele edu laAsiria vo otave li lifa neongamukonda, nedu laNimrod poivelo yalo. Osho ngaha ote ke tu mangulula muAsiria, ngeenge te ke uya moshilongo shetu ndele ta lyata edu letu.
Elidilululo nefimano laIsrael
7 Opo nee oshixupe shaJakob tashi ka kala mokati koiwana ihapu ngaashi omume hai di kOmwene, heeno, ngaashi oihomo yodula tai loko omwiidi; ihai teelele omunhu noihai dulika kovana vovanhu.
8 Ndele ava va xupa muJakob mokati koiwana, tava ka kala mokati kovanhu vahapu ngaashi onghoshi mokati koifitukuti, ngaashi onghoshi onyasha mongudu yeedi. Ngeenge tai pumine mo, tai hakana notai nyanyaula, ndele kape na ou ta xupifa. 9 Eke loye nali kale la yeluka kombada yovatondi voye, ndele ovatondadi voye aveshe tava ka kombwa po. 10 Ndele mefiku tuu olo, Omwene ta ti, ohandi ka mana po eenghambe doye di li mokati keni, ndele handi ka nyonauna po omatemba oye oita.
11 Oilando yomoshilongo shoye ohandi ke i komba po yo neehotengulu doye adishe ohandi di ngumauna po. 12 Natango ohandi ka komba po oulodi meke loye, ndele pwoove itapa fyaala vali eendudu. 13 Ndele Ame ohandi ka tuta po omiti doye domalupwelele aAsera neengudi doye, ndele handi hanauna po oilando yoye. 14 Ndele Ame ohandi ka duda mo omiti doye diyapuki domalupwelele, ndele handi ningi oilando yoye omaputu. 15 Ndele oiwana ei inai pwilikina, Ame ohandi ke i handukila nehandu noupyuhandu.
