Emona lopamhepo moiyuma yelova
1 Onghee hano eshi tu neyakulolonga eli pafilonghenda olo twe li pewa, ihatu fi ounye, 2 ndelenee otwa efa oinima aishe yohoni yomeholeko, ndele fye ihatu ende nekoto, ihatu endameke eendjovo daKalunga, ndelenee mokuholola oshili otu nelipopilo keliudo keshe lomunhu koshipala shaKalunga. 3 Ndele evaengeli letu ngeenge la tuvikwa, ola tuvikwa mwaava tava ka kanifwa, 4 mwaava vehe neitavelo, eendunge davo da twikifwa kukalunga kefimbo lounyuni eli, vo itava minikilwa kouyelele wevaengeli loshinge shaKristus, Oye ou efano laKalunga. 5 Osheshi ihatu liudifa fye vene, ndelenee Jesus Kristus nokutya, Oye Omwene, nafye ovapiya veni molwaJesus, 6 osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus. 7 Ndelenee emona tuu eli ohatu li kwatele moitoo yedu, opo ouyadi weenghono u kale waKalunga, ndele uha monike tau di mufye vene. 8 Mwaaishe otu li po twa fininikwa, ndele inatu patekena po, ofye twa limbililwa, ndele inatu kanifa eteelelo, 9 ohatu tewatewa, ndele inatu ekelwashi, twa natwa poshi, ndele inatu nyonwa po. 10 Ohatu ende nokuhumbata alushe efyo laJesus molutu letu, opo omwenyo waJesus u holoke yo molutu letu. 11 Osheshi ofye ava tu nomwenyo ohatu yandjwa efimbo keshe mefyo molwaJesus, opo omwenyo waJesus u holoke yo mombelela yetu ya nyika efyo. 12 Osho ngaha hano efyo tali longo mufye, ndelenee omwenyo omunye.
13 Ndelenee eshi fye tu na omhepo tuu oyo imwe yeitavelo, ngaashi pa shangwa: “Onda itavela, onghee ohandi popi,” osho nafye yo otwa itavela, nonghee ohatu popi yo, 14 eshi tu shi shii nokutya, ou a nyumuna Omwene Jesus, Oye te tu nyumuna yo pamwe naJesus, ndele ote ke tu kaleka ofika pamwe nanye. 15 Osheshi aishe otai ningwa omolweni, opo efilonghenda eli tali hapupala alushe, li pendule muvahapu ve dule voshito epandulo tali hapupala okufimaneka Kalunga.
16 Onghee hano itatu kanifa ouladi, osheshi nande omunhu wetu wokombada ta nyonauka po, ou womeni ota shituka mupe efiku nefiku. 17 Osheshi oudjuu ou wetu owopakafimbo, notau ke tu etela efimano linene la wana olo laalushe, 18 ofye ava ihatu tale ei i wetike, osheshi ei i wetike otai xulu po, ndelenee inya ihe wetike otai kala po fiyo alushe.
Emona lopamhepo moiyuma yelova
1 Onghee hano eshi tu neyakulolonga eli pafilonghenda olo twe li pewa, ihatu fi ounye, 2 ndelenee otwa efa oinima aishe yohoni yomeholeko, ndele fye ihatu ende nekoto, ihatu endameke eendjovo daKalunga, ndelenee mokuholola oshili otu nelipopilo keliudo keshe lomunhu koshipala shaKalunga. 3 Ndele evaengeli letu ngeenge la tuvikwa, ola tuvikwa mwaava tava ka kanifwa, 4 mwaava vehe neitavelo, eendunge davo da twikifwa kukalunga kefimbo lounyuni eli, vo itava minikilwa kouyelele wevaengeli loshinge shaKristus, Oye ou efano laKalunga. 5 Osheshi ihatu liudifa fye vene, ndelenee Jesus Kristus nokutya, Oye Omwene, nafye ovapiya veni molwaJesus, 6 osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus. 7 Ndelenee emona tuu eli ohatu li kwatele moitoo yedu, opo ouyadi weenghono u kale waKalunga, ndele uha monike tau di mufye vene. 8 Mwaaishe otu li po twa fininikwa, ndele inatu patekena po, ofye twa limbililwa, ndele inatu kanifa eteelelo, 9 ohatu tewatewa, ndele inatu ekelwashi, twa natwa poshi, ndele inatu nyonwa po. 10 Ohatu ende nokuhumbata alushe efyo laJesus molutu letu, opo omwenyo waJesus u holoke yo molutu letu. 11 Osheshi ofye ava tu nomwenyo ohatu yandjwa efimbo keshe mefyo molwaJesus, opo omwenyo waJesus u holoke yo mombelela yetu ya nyika efyo. 12 Osho ngaha hano efyo tali longo mufye, ndelenee omwenyo omunye.
13 Ndelenee eshi fye tu na omhepo tuu oyo imwe yeitavelo, ngaashi pa shangwa: “Onda itavela, onghee ohandi popi,” osho nafye yo otwa itavela, nonghee ohatu popi yo, 14 eshi tu shi shii nokutya, ou a nyumuna Omwene Jesus, Oye te tu nyumuna yo pamwe naJesus, ndele ote ke tu kaleka ofika pamwe nanye. 15 Osheshi aishe otai ningwa omolweni, opo efilonghenda eli tali hapupala alushe, li pendule muvahapu ve dule voshito epandulo tali hapupala okufimaneka Kalunga.
16 Onghee hano itatu kanifa ouladi, osheshi nande omunhu wetu wokombada ta nyonauka po, ou womeni ota shituka mupe efiku nefiku. 17 Osheshi oudjuu ou wetu owopakafimbo, notau ke tu etela efimano linene la wana olo laalushe, 18 ofye ava ihatu tale ei i wetike, osheshi ei i wetike otai xulu po, ndelenee inya ihe wetike otai kala po fiyo alushe.
