Omwene Oye ekwafo
1 Omwene ta ti: “Woo, ounona ovanandubo, ava tava pangele omhangela, ndelenee inai dja mwaame; tava hangakene, ndele inashi dja mOmhepo yange, opo va ndubile omatimba komatimba, 2 ovo tava i kuEgipiti, ndele vo inava pula nge, tave liameke keameno laFarao ndele tava kongo ehondamo momudile waEgipiti. 3 Ndelenee eameno laFarao otali mu fifa ohoni, nehondamo lomomudile waEgipiti otali mu lengaifa. 4 Ovakulunhu vaye nande ve li muSoan, novatumwa vaye nande va fika muHanes, 5 aveshe otava fifwa ohoni omolwoshiwana shihe na eshi tashi va kwafa, kashi na ekwafo, kashi na oshilonga, ndelenee elengwa nelengaifo.”
6 “Oifitukuti yomedu lokoumbuwanhu tai xunganekwa. Ovo tava pitile medu letumaukifo lomaxwilili nolidjuu, medu longhoshi yonghadi noyondume, medu lomayoka noleengadu hadi tuka, otava humbatifa keembuda doimbulu emona lavo, tava kuminike oipako yavo meembuda deengamelo, tave i twala koshiwana shihe na osho tashi va kwafa. 7 Ndele ekwafo laEgipiti olongaho, onghee handi mu luku: Rahab, tali ti: ‘Kala omutumba, mwena filu.’ ” 8 Inda mo paife ove u di shangele moshipelende moipafi yavo, ove u di shangele membo, opo di kale mo omafiku okomesho, alushe fiyo alushe. 9 Osheshi ovo oshiwana sha lundakana, ovana voipupulu, ounona inava hala okuuda omhango yOmwene; 10 ovovo tava lombwele ovamoni vomamoniko: “Inamu mona! Novaxunganeki: Inamu tu xunganekela eshi sha yuka. Tu lombweleni eshi fye twa hala; xunganekeni oipupulu; 11 fiyei po ondjila, yapukeni melila, Omuyapuki waIsrael na dje mo moipafi yetu!”
12 Onghee hano Omuyapuki waIsrael ota popi, ta ti: “Osheshi onye mwa dina ondjovo ei yange, ndele otamu lineekele oukolokoshi nounongo woipupulu nomwa ama kuyo, 13 onghee hano etimba eli leni otali ka kala ngaashi etendo lekuma, li li pokuwa ko, tali endjelela mohotekuma ile. Eweko lalo tali uya ohaluka, inali teelelwa. 14 Heeno, otali ka teka po, tali teka po ngaashi oshitoo shomuhongi woitoo, tashi tatulwa po, pehe na nande onghenda, paha monike nande oikangwa yasho, nande oshikangwakangwa shoku ka tala omundilo mediko, ile shoku ka tekifa omeva mediva.”
15 Osheshi Omwene Kalunga, Omuyapuki waIsrael ota ti ngaha: “Elidilululo nelimweneno olo exupifo leni, nokulimwenenena nomokulineekela omo tamu di eenghono deni,” ndelenee nye inamu hala, 16 ndele omwa tya: Ahowe! Ndelenee fye hatu ka faduka po neenghambe, heeno, omu na okufaduka po shili! Otwa hala okulonda onghambe yonhapo ihapu, onghee ovataatai veni ove nonhapo ihapu! 17 Ovanhu veni eyovi limwe, otava ka ya onhapo konghuwo yomunhu umwe, otamu twala onhapo konghuwo yovanhu vatano, fiyo oshixupe sheni tashi kala ngaashi edidilikoshiti la dikwa komhunda nongaashi oshiti shepandela shi li petunda.
Ovanelao ava have lineekele eenghono dOmwene
18 Ndele Omwene ota teelele a shiive oku mu fila onghenda, opo nee ota fikama e mu file olukeno, osheshi Omwene Oye Kalunga kouyuki. Ovanelao aveshe ava have mu teelele!
19 Osheshi oshiwana tashi ka kala muSion muJerusalem. Ove ito ka lila vali! Ote ku file onghenda shili molweifano loye ekwafo; moku li uda, ote ku nyamukula. 20 Omwene nande ote mu pe omungome woluhepo nomeva oudjuu, omulongi woye ita ka hondama, ndelenee omesho oye otaa kala nokutala omulongi woye, 21 ndele fiku mwa hala okwaama kolulyo ile kolumosho, omatwi eni otaa ka uda ondjovo ei tai di konima yeni, tai ti: “Apa ondjila, ei mu nokweenda nayo!” 22 Opo nee otamu ka mona nokutya, oihongwafano yeni ya vaekwa noshisiliveli noshingoldo, oya nyatekwa, ndele ove to ke i nyonyodola noku i ekelashi, ove to ke i lombwela: “Djeni po, indeni!” 23 Opo nee eembuto doye we di kuna mepya loye ote ke di lokifila odula, ndele edu tali ku menifile oilya yomungome munyenye tau kutifa. Mefiku tuu olo oimuna yoye otai ka wandjela moulifilo wa mbwalangadja, 24 ndele eehove noimbulu hai longo mepya otai ka lya oilya ya fingala omongwa, ya fifwa noya yelwa noshiyelifo nolukoolo. 25 Ndele tapa kala omatondokelo omeva nomilonga okeemhunda adishe dile nokoikulundudu aishe ei ye litumba, mefiku olo lomadipao manene, neeshungohote eshi tadi wile po. 26 Ndele ouyelele wohani otau ka kala ngaashi ouyelele wetango, nouyelele wetango otau hapupala luheyali, ngaashi ouyelele womafiku aheyali, mefiku tuu olo Omwene eshi ta mange omadidimika oshiwana shaye, ndele ta velula oipute yasho.
Asiria tashi hanaunwa po
27 Tala, edina lOmwene otali uya tali di kokule, ehandu laye ola xwama noilemo ilaula yomwifi otai yeluka pombada; omilungu daye oda yada oupyuhandu nelaka laye ngaashi omundilo hau lungwinifa, 28 ndele omufudo waye ngaashi omulonga wa fuluka tau fiki pofingo, a fife oiwana noshifififo shehanauno, ye a tule oshitomo shepukifo meehamama doiwana. 29 Nye otamu ka kala nokwiimba omaimbilo, ngaashi oufiku woshivilo shiyapuki eshi tashi danwa, ndele omitima deni tadi ka nyakukwa ngaashi ou ta ende meshiko leenyalilo ta i komhunda yomwene kEmanya laIsrael. 30 Ndele Omwene ota udikifa ondaka yaye i yadi oshingepangelo, ta monikifa okwooko kwaye taku kuluka noupyuhandu nomutemo womundilo tau xwike po pamwe nokafudaela noshikungulu sheemhawe. 31 Osheshi Asiria ota halukifwa kondaka yOmwene. Ye ota ka denga noshiti. 32 Ndele edengo keshe le mu sheyelwa, eshi Omwene te mu denge, eengoma doivela nouxumbafeta otava shikwa, ndele Ye ote mu lwifa, ta lwifa nokudungadunga okwooko. 33 Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.
Omwene Oye ekwafo
1 Omwene ta ti: “Woo, ounona ovanandubo, ava tava pangele omhangela, ndelenee inai dja mwaame; tava hangakene, ndele inashi dja mOmhepo yange, opo va ndubile omatimba komatimba, 2 ovo tava i kuEgipiti, ndele vo inava pula nge, tave liameke keameno laFarao ndele tava kongo ehondamo momudile waEgipiti. 3 Ndelenee eameno laFarao otali mu fifa ohoni, nehondamo lomomudile waEgipiti otali mu lengaifa. 4 Ovakulunhu vaye nande ve li muSoan, novatumwa vaye nande va fika muHanes, 5 aveshe otava fifwa ohoni omolwoshiwana shihe na eshi tashi va kwafa, kashi na ekwafo, kashi na oshilonga, ndelenee elengwa nelengaifo.”
6 “Oifitukuti yomedu lokoumbuwanhu tai xunganekwa. Ovo tava pitile medu letumaukifo lomaxwilili nolidjuu, medu longhoshi yonghadi noyondume, medu lomayoka noleengadu hadi tuka, otava humbatifa keembuda doimbulu emona lavo, tava kuminike oipako yavo meembuda deengamelo, tave i twala koshiwana shihe na osho tashi va kwafa. 7 Ndele ekwafo laEgipiti olongaho, onghee handi mu luku: Rahab, tali ti: ‘Kala omutumba, mwena filu.’ ” 8 Inda mo paife ove u di shangele moshipelende moipafi yavo, ove u di shangele membo, opo di kale mo omafiku okomesho, alushe fiyo alushe. 9 Osheshi ovo oshiwana sha lundakana, ovana voipupulu, ounona inava hala okuuda omhango yOmwene; 10 ovovo tava lombwele ovamoni vomamoniko: “Inamu mona! Novaxunganeki: Inamu tu xunganekela eshi sha yuka. Tu lombweleni eshi fye twa hala; xunganekeni oipupulu; 11 fiyei po ondjila, yapukeni melila, Omuyapuki waIsrael na dje mo moipafi yetu!”
12 Onghee hano Omuyapuki waIsrael ota popi, ta ti: “Osheshi onye mwa dina ondjovo ei yange, ndele otamu lineekele oukolokoshi nounongo woipupulu nomwa ama kuyo, 13 onghee hano etimba eli leni otali ka kala ngaashi etendo lekuma, li li pokuwa ko, tali endjelela mohotekuma ile. Eweko lalo tali uya ohaluka, inali teelelwa. 14 Heeno, otali ka teka po, tali teka po ngaashi oshitoo shomuhongi woitoo, tashi tatulwa po, pehe na nande onghenda, paha monike nande oikangwa yasho, nande oshikangwakangwa shoku ka tala omundilo mediko, ile shoku ka tekifa omeva mediva.”
15 Osheshi Omwene Kalunga, Omuyapuki waIsrael ota ti ngaha: “Elidilululo nelimweneno olo exupifo leni, nokulimwenenena nomokulineekela omo tamu di eenghono deni,” ndelenee nye inamu hala, 16 ndele omwa tya: Ahowe! Ndelenee fye hatu ka faduka po neenghambe, heeno, omu na okufaduka po shili! Otwa hala okulonda onghambe yonhapo ihapu, onghee ovataatai veni ove nonhapo ihapu! 17 Ovanhu veni eyovi limwe, otava ka ya onhapo konghuwo yomunhu umwe, otamu twala onhapo konghuwo yovanhu vatano, fiyo oshixupe sheni tashi kala ngaashi edidilikoshiti la dikwa komhunda nongaashi oshiti shepandela shi li petunda.
Ovanelao ava have lineekele eenghono dOmwene
18 Ndele Omwene ota teelele a shiive oku mu fila onghenda, opo nee ota fikama e mu file olukeno, osheshi Omwene Oye Kalunga kouyuki. Ovanelao aveshe ava have mu teelele!
19 Osheshi oshiwana tashi ka kala muSion muJerusalem. Ove ito ka lila vali! Ote ku file onghenda shili molweifano loye ekwafo; moku li uda, ote ku nyamukula. 20 Omwene nande ote mu pe omungome woluhepo nomeva oudjuu, omulongi woye ita ka hondama, ndelenee omesho oye otaa kala nokutala omulongi woye, 21 ndele fiku mwa hala okwaama kolulyo ile kolumosho, omatwi eni otaa ka uda ondjovo ei tai di konima yeni, tai ti: “Apa ondjila, ei mu nokweenda nayo!” 22 Opo nee otamu ka mona nokutya, oihongwafano yeni ya vaekwa noshisiliveli noshingoldo, oya nyatekwa, ndele ove to ke i nyonyodola noku i ekelashi, ove to ke i lombwela: “Djeni po, indeni!” 23 Opo nee eembuto doye we di kuna mepya loye ote ke di lokifila odula, ndele edu tali ku menifile oilya yomungome munyenye tau kutifa. Mefiku tuu olo oimuna yoye otai ka wandjela moulifilo wa mbwalangadja, 24 ndele eehove noimbulu hai longo mepya otai ka lya oilya ya fingala omongwa, ya fifwa noya yelwa noshiyelifo nolukoolo. 25 Ndele tapa kala omatondokelo omeva nomilonga okeemhunda adishe dile nokoikulundudu aishe ei ye litumba, mefiku olo lomadipao manene, neeshungohote eshi tadi wile po. 26 Ndele ouyelele wohani otau ka kala ngaashi ouyelele wetango, nouyelele wetango otau hapupala luheyali, ngaashi ouyelele womafiku aheyali, mefiku tuu olo Omwene eshi ta mange omadidimika oshiwana shaye, ndele ta velula oipute yasho.
Asiria tashi hanaunwa po
27 Tala, edina lOmwene otali uya tali di kokule, ehandu laye ola xwama noilemo ilaula yomwifi otai yeluka pombada; omilungu daye oda yada oupyuhandu nelaka laye ngaashi omundilo hau lungwinifa, 28 ndele omufudo waye ngaashi omulonga wa fuluka tau fiki pofingo, a fife oiwana noshifififo shehanauno, ye a tule oshitomo shepukifo meehamama doiwana. 29 Nye otamu ka kala nokwiimba omaimbilo, ngaashi oufiku woshivilo shiyapuki eshi tashi danwa, ndele omitima deni tadi ka nyakukwa ngaashi ou ta ende meshiko leenyalilo ta i komhunda yomwene kEmanya laIsrael. 30 Ndele Omwene ota udikifa ondaka yaye i yadi oshingepangelo, ta monikifa okwooko kwaye taku kuluka noupyuhandu nomutemo womundilo tau xwike po pamwe nokafudaela noshikungulu sheemhawe. 31 Osheshi Asiria ota halukifwa kondaka yOmwene. Ye ota ka denga noshiti. 32 Ndele edengo keshe le mu sheyelwa, eshi Omwene te mu denge, eengoma doivela nouxumbafeta otava shikwa, ndele Ye ote mu lwifa, ta lwifa nokudungadunga okwooko. 33 Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.
