Eongalo limwe alike, nande oilonga yalo oi lili
1 Hano aame omupandekwa mOmwene, ohandi mu kumaida, mu kale nokweenda ngaashi sha wapalela eifano leni mwa ifanwa nalo, 2 mu kale mu nelininipiko nombili nonheni nokulididimikilafana mohole, 3 ndele nye mu hale shili okudiinina oukumwe mOmhepo omekwamo lombili lokumanga kumwe: 4 olutu limwe nOmhepo imwe, ngaashi mwa ifanenwa meteelelo limwe mwe li pewa, eshi mwa ifanwa; 5 Omwene umwe, eitavelo limwe, eshasho limwe, 6 Kalunga umwe Xe yaaveshe, Oye ou ha kala kombada yaaveshe ndele ta longifa aveshe nota kala munye amushe.
7 Ndelenee keshe tuu ou womufye okwa pewa onghenda pashiyelekifo shoshali yaKristus. 8 Onghee hano ta ti:
“Mokulonda kwaye kombada okwa ya neenghwate,
odo oshihakanwa shaye,
nokwa yandja eeshali kovanhu.”
9 Ndelenee okulonda oku okushike ngeno, ngeenge hasheshi, a kulukila tete meembwili domedu? 10 Hano ou a kuluka, Oye tuu ou a londa yo, a ya pombada langhele kwinya a koya omaulu aeshe, opo a wanife ashishe. 11 Ndele Ye okwa yandja vamwe va ninge ovayapostoli navamwe ovaxunganeki navamwe ovaevaengeliste navamwe ovafita navamwe ovalongindjovo 12 opo a longekide ovayapuki va kale va wana va pwa moshilonga sheyakulo, okutunga olutu laKristus, 13 fiyo fye atushe ohatu hange oukumwe womeitavelo nomeshiivo okushiiva Omona waKalunga, tu ninge ovakulunhu, twa kula, twa fika kewano louyadi waKristus, 14 tuha kale vali ouhanana hava telaanifwa nohava fungafungifwa keemhepo adishe delongo nomomanyanekelodanauko ovanhu nomomakonda omalungameno, omapukifo, 15 ndelenee mokudiinina oshili mohole, tu kule moinima aishe mwaau a ninga omutwe, omuKristus, 16 mwaau olutu alishe ngaashi la tulwa kumwe notali kwatelwa kumwe komufipa keshe, otali kulu li tungikike mohole, keshe tuu oshinhimbu shi fike pashiyelekifo shasho.
Inamu enda vali ngaashi ovapaani
Djaleni omunhu mupe
17 Hano eshi ohandi shi mu lombwele noku mu kumaida mOmwene: Inamu kala vali nokweenda ngaashi ovapaani hava ende moulai womadiladilo avo, 18 ovo va laula meendunge davo ndele ve li kokule nomwenyo womuKalunga omolwokuhashiiva kwomuvo nomolwelikukutiko lomitima davo, 19 ndele ovo va fifa omaliudo avo nove liefela mouhalu okuwanifa ashishe osho sha nyata molwisho. 20 Ndelenee hasho mwa longwa okushiiva Kristus, 21 ngeenge mwe mu uda nomwe mu longwa oshili ngaashi ya kala muJesus: 22 nokutya, mu nokulidula omunhu mukulu, ou mwe mu shikula nale, ndele ohe linyono po mokushikula ouhalu u nekonda. 23 Ndele mu shituke vape momhepo yomadiladilo eni, 24 ndele nye mu djale omunhu mupe a shitwa a fa Kalunga omouyuki nomouyapuki woshili.
25 Onghee hano efeni oipupulu, popyeni oshili keshe tuu namukwao, osheshi mokukalafana ofye oinhimbu yaKristus. 26 Handukeni, ndelenee inamu nyona. Inamu efa etango li ningine mu nehandu. 27 Ndele inamu pa Satana onhele. 28 Omulunga aha vake vali, ndelenee na longe nokulongifa omake aye ouwa, opo a kale e na sha okuyandjela eehepele. 29 Momakanya eni muha pite nande ondjovo ya nyata, ndelenee odedi diwa dokutungafana, da wapala okupwilikina. 30 Ndele Omhepo Iyapuki yaKalunga inamu mu nyikifa oluhodi, osheshi Oye e mu tulwa oshilimbo fiyo okefiku lekulilo. 31 Onya keshe, ekeshuko nehandu, efulakato netukano, owii keshe nau kale kokule nanye. 32 Ndelenee kalafaneni mu noukaume nokufilafana onghenda nokudiminafana po omatimba, ngaashi Kalunga e mu dimina po muKristus.
Eongalo limwe alike, nande oilonga yalo oi lili
1 Hano aame omupandekwa mOmwene, ohandi mu kumaida, mu kale nokweenda ngaashi sha wapalela eifano leni mwa ifanwa nalo, 2 mu kale mu nelininipiko nombili nonheni nokulididimikilafana mohole, 3 ndele nye mu hale shili okudiinina oukumwe mOmhepo omekwamo lombili lokumanga kumwe: 4 olutu limwe nOmhepo imwe, ngaashi mwa ifanenwa meteelelo limwe mwe li pewa, eshi mwa ifanwa; 5 Omwene umwe, eitavelo limwe, eshasho limwe, 6 Kalunga umwe Xe yaaveshe, Oye ou ha kala kombada yaaveshe ndele ta longifa aveshe nota kala munye amushe.
7 Ndelenee keshe tuu ou womufye okwa pewa onghenda pashiyelekifo shoshali yaKristus. 8 Onghee hano ta ti:
“Mokulonda kwaye kombada okwa ya neenghwate,
odo oshihakanwa shaye,
nokwa yandja eeshali kovanhu.”
9 Ndelenee okulonda oku okushike ngeno, ngeenge hasheshi, a kulukila tete meembwili domedu? 10 Hano ou a kuluka, Oye tuu ou a londa yo, a ya pombada langhele kwinya a koya omaulu aeshe, opo a wanife ashishe. 11 Ndele Ye okwa yandja vamwe va ninge ovayapostoli navamwe ovaxunganeki navamwe ovaevaengeliste navamwe ovafita navamwe ovalongindjovo 12 opo a longekide ovayapuki va kale va wana va pwa moshilonga sheyakulo, okutunga olutu laKristus, 13 fiyo fye atushe ohatu hange oukumwe womeitavelo nomeshiivo okushiiva Omona waKalunga, tu ninge ovakulunhu, twa kula, twa fika kewano louyadi waKristus, 14 tuha kale vali ouhanana hava telaanifwa nohava fungafungifwa keemhepo adishe delongo nomomanyanekelodanauko ovanhu nomomakonda omalungameno, omapukifo, 15 ndelenee mokudiinina oshili mohole, tu kule moinima aishe mwaau a ninga omutwe, omuKristus, 16 mwaau olutu alishe ngaashi la tulwa kumwe notali kwatelwa kumwe komufipa keshe, otali kulu li tungikike mohole, keshe tuu oshinhimbu shi fike pashiyelekifo shasho.
Inamu enda vali ngaashi ovapaani
Djaleni omunhu mupe
17 Hano eshi ohandi shi mu lombwele noku mu kumaida mOmwene: Inamu kala vali nokweenda ngaashi ovapaani hava ende moulai womadiladilo avo, 18 ovo va laula meendunge davo ndele ve li kokule nomwenyo womuKalunga omolwokuhashiiva kwomuvo nomolwelikukutiko lomitima davo, 19 ndele ovo va fifa omaliudo avo nove liefela mouhalu okuwanifa ashishe osho sha nyata molwisho. 20 Ndelenee hasho mwa longwa okushiiva Kristus, 21 ngeenge mwe mu uda nomwe mu longwa oshili ngaashi ya kala muJesus: 22 nokutya, mu nokulidula omunhu mukulu, ou mwe mu shikula nale, ndele ohe linyono po mokushikula ouhalu u nekonda. 23 Ndele mu shituke vape momhepo yomadiladilo eni, 24 ndele nye mu djale omunhu mupe a shitwa a fa Kalunga omouyuki nomouyapuki woshili.
25 Onghee hano efeni oipupulu, popyeni oshili keshe tuu namukwao, osheshi mokukalafana ofye oinhimbu yaKristus. 26 Handukeni, ndelenee inamu nyona. Inamu efa etango li ningine mu nehandu. 27 Ndele inamu pa Satana onhele. 28 Omulunga aha vake vali, ndelenee na longe nokulongifa omake aye ouwa, opo a kale e na sha okuyandjela eehepele. 29 Momakanya eni muha pite nande ondjovo ya nyata, ndelenee odedi diwa dokutungafana, da wapala okupwilikina. 30 Ndele Omhepo Iyapuki yaKalunga inamu mu nyikifa oluhodi, osheshi Oye e mu tulwa oshilimbo fiyo okefiku lekulilo. 31 Onya keshe, ekeshuko nehandu, efulakato netukano, owii keshe nau kale kokule nanye. 32 Ndelenee kalafaneni mu noukaume nokufilafana onghenda nokudiminafana po omatimba, ngaashi Kalunga e mu dimina po muKristus.
