Hiskia ohamba yaJuda
1 Omido daHiskia da li omilongo mbali nanhano, ye eshi a ninga ohamba nokwa pangela omido omilongo mbali nomugoi muJerusalem. Nedina laina la li Abia, omona waSakaria. 2 Nokwa ninga osho sha yuka moipafi yOmwene ngaashi xe David a ninga.
3 Momudo wotete wepangelo laye, mohani yotete ye okwa vikulula oivelo yongulu yOmwene nokwe i wapeka, 4 nokwa ifana ovapristeli nOvalevi ndele te va ongele mOnhele yokoushilo, 5 ndele ta ti kuvo: “Ovalevi nye! Pwilikinei nge! Liyapuleni paife, ndele yapuleni ongulu yOmwene Kalunga kooxo, ndele kufeni mo ekako motembeli. 6 Osheshi ootate va nyona ndele va ninga osho inashi yuka moipafi yOmwene Kalunga ketu, ndele ve mu efa ndele va pilamena otembeli yOmwene ndele ve i pa ombuda. 7 Ova idila po yo oivelo yolupale lokomesho ndele va dima po eelamba ndele inava twimina oitwiminifo ndelenee inava yambela Kalunga kaIsrael omaxwikiloyambo motembeli. 8 Onghee hano ehandu lOmwene le uya kombada yaJuda noyaJerusalem nokwe va ninga etilifo noshikumwifa nesheko ngaashi mu shi wete nomesho eni vene.
9 “Ndele taleni, omolwoshinima eshi ootate va fya keongamukonda novana vetu ovamati noukadona, novalikadi vetu ve li moukwatwa. 10 Paife ndi nediladilo momutima wange: okuninga ehangano nOmwene, Kalunga kaIsrael, opo ehandu laye li kanduke po pufye. 11 Ovana vange ovalumenhu, paife inamu ongaonga vali. Osheshi Omwene e mu hoolola mu kale ofika koshipala shaye, mu mu longele, mu kale ovapiya vaye nokutwimina oitwiminifo.”
12 Opo nee Ovalevi va fikama: Mahat yaAmasai naJoel yaAsaria womovana vaKohat. Ndele movana vaMerari: Kis yaAbdi naAsaria yaJehallelel. Nomovana vaGerson: Joah yaSimma naEden yaJoah. 13 Nomovana vaElisafan: Simri naJehuel. Nomovana vaAsaf: Sakaria naMattanja. 14 Nomovana vaHeman: Jehiel naSimei. Nomovana vaJedutun: Shemaia naUsiel. 15 Ndele va ongela ovamwaina ndele ve liyapula ndele ve uya va ka wapeke ongulu yOmwene palombwelo lohamba, paendjovo dOmwene. 16 Novapristeli va ya meni lotembeli yOmwene ve i wapeke nekako alishe ve li hanga motembeli yOmwene, ve li twala pondje molupale lokomesho yongulu yOmwene. NOvalevi ve li kufa po ndele tave li twala pondje, kokamulonga Kidron. 17 Ndele va hovela okuyapula mefiku lotete mohani yotete ndele mefiku etihetatu lomohani va fika koshivelo shotete shOmwene ndele va yapula ongulu yOmwene momafiku ahetatu. Ndele mefiku etimulongo nahamano mohani yotete va xulifa oshilonga. 18 Opo nee va ya kohamba Hiskia ndele tava ti: “Fye otwa yapula ongulu aishe yOmwene, oaltari yomaxwikiloyambo noinima yayo noshitaafula shomingome detaliko noinima aishe yasho. 19 Noinima aishe oyo yo ohamba Ahas mefimbo lokupangela kwayo e i nyateka molwokunyona kwayo, fye twe i wapeka noku i yapula, ndele tala, oi li komesho yoaltari yOmwene.”
20 Opo nee ohamba Hiskia ya fikama ongula inene ndele tai ongele ovakulunhu voshilando, ndele va ya kongulu yOmwene. 21 Ndele va eta eengobe heyali deemhedi needi heyali deemhedi noudjona vaheyali noikombo iheyali ngaashi etimbayambo molwohamba nomolwotembeli nomolwaJuda. Ndele va lombwela oludalo laAron, ovapristeli, li di yambele koaltari yOmwene. 22 Opo nee va toma eengobe deemhedi, novapristeli va kufa ohonde ndele tave i tile koaltari, ndele va dipaa eedi, nohonde ve i tila koaltari, ndele va dipaa oudjona, nohonde ve i tila koaltari. 23 Opo nee va ehenifa po oikombo yetimbayambo koshipala shohamba nomoipafi yeongalo, ndele va tenheka omake avo kuyo. 24 Novapristeli ve i dipaa, nohonde yayo ngaashi etimbayambo ve i tila koaltari va kwatakanife Ovaisraeli aveshe. Osheshi ohamba ye va lombwela va yambele Israel ashishe exwikiloyambo netimbayambo.
25 Nokwa tula po Ovalevi mongulu yOmwene ve noosimbale nouxumbafeta neenyalilo pashipango shaDavid noshaGad, omumonikokule wohamba noshomuxunganeki Natan, osheshi Omwene e shi lombwela ovaxunganeki. 26 NOvalevi va kala ofika noishikomwa yaDavid, novapristeli ve nomanghuma oshikushu. 27 Ndele Hiskia okwa lombwela va yambe exwikiloyambo koaltari. Ndele eshi va hovela okuyamba exwikiloyambo, eimbilo lokuhambelela Omwene, nokushika omanghuma kwa hovela pawiliko loishikomwa yaDavid, ohamba yaIsrael. 28 Noshiongalele ashishe she linyongamena, eimbilo la udika, nomanghuma a shikwa, fiyo exwikiloyambo la pwa. 29 Ndele vo eshi va mana okuyamba, ohamba naaveshe ava va li puyo, ova twa eengolo ndele tave linyongamene. 30 Opo nee ohamba Hiskia novakulunhu va lombwela Ovalevi va hambelele Omwene neendjovo daDavid nodaAsaf, omumonikokule. Ndele va hovela nehafo eimbilo lehambelelo ndele ve linyongamena ndele tava ilikana.
31 Ndele Hiskia ta ti: “Paife mwe liyapulila Omwene. Ileni hano ndele eteleni ongulu yOmwene omatomenoyambo nomapanduloyambo.” Opo nee oshiongalele sha eta omatomenoyambo nomapanduloyambo, keshe umwe, ou a li e nehalo liwa, a eta exwikiloyambo. 32 Nomuvalu womaxwikiloyambo, a etwa koshiongalele, wa li eengobe omilongo heyali, eedi efele deemhedi, oudjona omafele avali; aishe oyo exwikiloyambo lOmwene. 33 Neeshali diyapuki oda li: eengobe deemhedi omafele ahamano needi omayovi atatu. 34 Ovapristeli ovo aveke va li vanini, va nyengwa okutoma omaxwikiloyambo aeshe. Ndelenee ovamwaina Ovalevi ve va kwafa, fiyo oshilonga sha pwa nofiyo ovapristeli ve liyapula voovene. Osheshi Ovalevi va li ve dule ovapristeli mouyuki wokomwenyo mokuliyapula. 35 Nomaxwikiloyambo yo kwa li mahapu pamwe nomakaadi omapanduloyambo noikunwayambo omaxwikiloyambo. Osho ngaha hano oilonga yomongulu yaKalunga ya pangelwa pamhangela yayo. 36 Ndele Hiskia noshiwana ashishe sha hafela osho Kalunga e shi ningila oshiwana shaye, osheshi sha ningwa moduduluka.
Hiskia ohamba yaJuda
1 Omido daHiskia da li omilongo mbali nanhano, ye eshi a ninga ohamba nokwa pangela omido omilongo mbali nomugoi muJerusalem. Nedina laina la li Abia, omona waSakaria. 2 Nokwa ninga osho sha yuka moipafi yOmwene ngaashi xe David a ninga.
3 Momudo wotete wepangelo laye, mohani yotete ye okwa vikulula oivelo yongulu yOmwene nokwe i wapeka, 4 nokwa ifana ovapristeli nOvalevi ndele te va ongele mOnhele yokoushilo, 5 ndele ta ti kuvo: “Ovalevi nye! Pwilikinei nge! Liyapuleni paife, ndele yapuleni ongulu yOmwene Kalunga kooxo, ndele kufeni mo ekako motembeli. 6 Osheshi ootate va nyona ndele va ninga osho inashi yuka moipafi yOmwene Kalunga ketu, ndele ve mu efa ndele va pilamena otembeli yOmwene ndele ve i pa ombuda. 7 Ova idila po yo oivelo yolupale lokomesho ndele va dima po eelamba ndele inava twimina oitwiminifo ndelenee inava yambela Kalunga kaIsrael omaxwikiloyambo motembeli. 8 Onghee hano ehandu lOmwene le uya kombada yaJuda noyaJerusalem nokwe va ninga etilifo noshikumwifa nesheko ngaashi mu shi wete nomesho eni vene.
9 “Ndele taleni, omolwoshinima eshi ootate va fya keongamukonda novana vetu ovamati noukadona, novalikadi vetu ve li moukwatwa. 10 Paife ndi nediladilo momutima wange: okuninga ehangano nOmwene, Kalunga kaIsrael, opo ehandu laye li kanduke po pufye. 11 Ovana vange ovalumenhu, paife inamu ongaonga vali. Osheshi Omwene e mu hoolola mu kale ofika koshipala shaye, mu mu longele, mu kale ovapiya vaye nokutwimina oitwiminifo.”
12 Opo nee Ovalevi va fikama: Mahat yaAmasai naJoel yaAsaria womovana vaKohat. Ndele movana vaMerari: Kis yaAbdi naAsaria yaJehallelel. Nomovana vaGerson: Joah yaSimma naEden yaJoah. 13 Nomovana vaElisafan: Simri naJehuel. Nomovana vaAsaf: Sakaria naMattanja. 14 Nomovana vaHeman: Jehiel naSimei. Nomovana vaJedutun: Shemaia naUsiel. 15 Ndele va ongela ovamwaina ndele ve liyapula ndele ve uya va ka wapeke ongulu yOmwene palombwelo lohamba, paendjovo dOmwene. 16 Novapristeli va ya meni lotembeli yOmwene ve i wapeke nekako alishe ve li hanga motembeli yOmwene, ve li twala pondje molupale lokomesho yongulu yOmwene. NOvalevi ve li kufa po ndele tave li twala pondje, kokamulonga Kidron. 17 Ndele va hovela okuyapula mefiku lotete mohani yotete ndele mefiku etihetatu lomohani va fika koshivelo shotete shOmwene ndele va yapula ongulu yOmwene momafiku ahetatu. Ndele mefiku etimulongo nahamano mohani yotete va xulifa oshilonga. 18 Opo nee va ya kohamba Hiskia ndele tava ti: “Fye otwa yapula ongulu aishe yOmwene, oaltari yomaxwikiloyambo noinima yayo noshitaafula shomingome detaliko noinima aishe yasho. 19 Noinima aishe oyo yo ohamba Ahas mefimbo lokupangela kwayo e i nyateka molwokunyona kwayo, fye twe i wapeka noku i yapula, ndele tala, oi li komesho yoaltari yOmwene.”
20 Opo nee ohamba Hiskia ya fikama ongula inene ndele tai ongele ovakulunhu voshilando, ndele va ya kongulu yOmwene. 21 Ndele va eta eengobe heyali deemhedi needi heyali deemhedi noudjona vaheyali noikombo iheyali ngaashi etimbayambo molwohamba nomolwotembeli nomolwaJuda. Ndele va lombwela oludalo laAron, ovapristeli, li di yambele koaltari yOmwene. 22 Opo nee va toma eengobe deemhedi, novapristeli va kufa ohonde ndele tave i tile koaltari, ndele va dipaa eedi, nohonde ve i tila koaltari, ndele va dipaa oudjona, nohonde ve i tila koaltari. 23 Opo nee va ehenifa po oikombo yetimbayambo koshipala shohamba nomoipafi yeongalo, ndele va tenheka omake avo kuyo. 24 Novapristeli ve i dipaa, nohonde yayo ngaashi etimbayambo ve i tila koaltari va kwatakanife Ovaisraeli aveshe. Osheshi ohamba ye va lombwela va yambele Israel ashishe exwikiloyambo netimbayambo.
25 Nokwa tula po Ovalevi mongulu yOmwene ve noosimbale nouxumbafeta neenyalilo pashipango shaDavid noshaGad, omumonikokule wohamba noshomuxunganeki Natan, osheshi Omwene e shi lombwela ovaxunganeki. 26 NOvalevi va kala ofika noishikomwa yaDavid, novapristeli ve nomanghuma oshikushu. 27 Ndele Hiskia okwa lombwela va yambe exwikiloyambo koaltari. Ndele eshi va hovela okuyamba exwikiloyambo, eimbilo lokuhambelela Omwene, nokushika omanghuma kwa hovela pawiliko loishikomwa yaDavid, ohamba yaIsrael. 28 Noshiongalele ashishe she linyongamena, eimbilo la udika, nomanghuma a shikwa, fiyo exwikiloyambo la pwa. 29 Ndele vo eshi va mana okuyamba, ohamba naaveshe ava va li puyo, ova twa eengolo ndele tave linyongamene. 30 Opo nee ohamba Hiskia novakulunhu va lombwela Ovalevi va hambelele Omwene neendjovo daDavid nodaAsaf, omumonikokule. Ndele va hovela nehafo eimbilo lehambelelo ndele ve linyongamena ndele tava ilikana.
31 Ndele Hiskia ta ti: “Paife mwe liyapulila Omwene. Ileni hano ndele eteleni ongulu yOmwene omatomenoyambo nomapanduloyambo.” Opo nee oshiongalele sha eta omatomenoyambo nomapanduloyambo, keshe umwe, ou a li e nehalo liwa, a eta exwikiloyambo. 32 Nomuvalu womaxwikiloyambo, a etwa koshiongalele, wa li eengobe omilongo heyali, eedi efele deemhedi, oudjona omafele avali; aishe oyo exwikiloyambo lOmwene. 33 Neeshali diyapuki oda li: eengobe deemhedi omafele ahamano needi omayovi atatu. 34 Ovapristeli ovo aveke va li vanini, va nyengwa okutoma omaxwikiloyambo aeshe. Ndelenee ovamwaina Ovalevi ve va kwafa, fiyo oshilonga sha pwa nofiyo ovapristeli ve liyapula voovene. Osheshi Ovalevi va li ve dule ovapristeli mouyuki wokomwenyo mokuliyapula. 35 Nomaxwikiloyambo yo kwa li mahapu pamwe nomakaadi omapanduloyambo noikunwayambo omaxwikiloyambo. Osho ngaha hano oilonga yomongulu yaKalunga ya pangelwa pamhangela yayo. 36 Ndele Hiskia noshiwana ashishe sha hafela osho Kalunga e shi ningila oshiwana shaye, osheshi sha ningwa moduduluka.
