Ovalongi voilonga tava nangekwa moshilonga
1 Omwene okwa popya vali naMoses ndele ta ti: 2 “Tala, Ame nda ifana edina Besaleel, omona waUri yaHur womepata laJuda. 3 Ndele Ame nde mu yadifa Omhepo yaKalunga, nounongo neendunge nomayele nokushiiva oilonga i lili, 4 okudiladila omauko ounongo noku a wanifa moshingoldo nomoshisiliveli nomoshikushu, 5 okutatula omamanya taa tulwa moikwatelwa nokupangela oihongwamiti, nokuninga oilonga i lili nai lili. 6 Ndele tala, Ame nde mu pa Oholiab, omona waAhisama womepata laDan. Nomutima wakeshe e nounongo Ame nda yandja ounongo, opo va shiive okushakenifa aishe ei nde i ku lombwela: 7 nokutya, etwali leongalo noshikefa shoundobwedi noshituviko shekwatakanifo eshi shi nokukala kusho noinima aishe yetwali, 8 noshitaafula noilongifo yasho, noshikwatelwalamba shoshingoldoelela noilongifo yasho aishe noaltari okutwimina, 9 noaltari yexwikiloyambo yo noilongifo aishe yayo nelikoshelotemba noshikwatelwamhadi shalo, 10 noikutu ya wapekwa noikutu iyapuki yomupristeli Aron noikutu yovana vaye ovamati okudiinina oshilonga shoupristeli; 11 nosho yo omaadi okuvaeka noitwiminifo yoimbodi yedimba liwa ketwali liyapuki. Naanaa ngaashi nde ku lombwela vo ove noku i ninga.”
Okuyapula kwEshabata
12 Omwene okwa popya vali naMoses ndele ta ti: 13 “Lombwela ovana vaIsrael u tye: ‘Nye omu nokudiinina shili Omashabata ange, osheshi oo edidiliko pokati ketu nanye momaludalo okomaludalo, ovanhu opo va shiive nokutya, Aame Omwene, ou te mu yapula. 14 Diinineni hano Eshabata, osheshi lo oli nokuninga liyapuki kunye. Ye ou te li yapululula, e nokufya shili. Osheshi keshe umwe ta longo oilonga mulo, omwenyo tuu ou u nokudimwa mo muvakwao. 15 Oilonga nai longwe momafiku ahamano, ndelenee efiku etiheyali olo efiku letulumuko la wana, lo la yapulilwa Omwene. Keshe umwe ta longo oilonga mefiku lEshabata e nokufya shili. 16 Novana vaIsrael ve nokudiinina Eshabata va dane Eshabata momaludalo avo ngaashi ehangano laalushe. 17 Pokati ketu novana vaIsrael lo edidiliko laalushe. Osheshi momafiku ahamano Omwene okwa shita eulu nedu, ndelenee mefiku etiheyali Ye okwa tulumukwa koilonga yaye.’ ”
18 Ndele Ye eshi a mana okupopya naMoses komhunda yaSinai, okwe mu pa oipelende ivali youndobwedi, oipelende yomamanya ya shangwa nomunwe waKalunga.
Ovalongi voilonga tava nangekwa moshilonga
1 Omwene okwa popya vali naMoses ndele ta ti: 2 “Tala, Ame nda ifana edina Besaleel, omona waUri yaHur womepata laJuda. 3 Ndele Ame nde mu yadifa Omhepo yaKalunga, nounongo neendunge nomayele nokushiiva oilonga i lili, 4 okudiladila omauko ounongo noku a wanifa moshingoldo nomoshisiliveli nomoshikushu, 5 okutatula omamanya taa tulwa moikwatelwa nokupangela oihongwamiti, nokuninga oilonga i lili nai lili. 6 Ndele tala, Ame nde mu pa Oholiab, omona waAhisama womepata laDan. Nomutima wakeshe e nounongo Ame nda yandja ounongo, opo va shiive okushakenifa aishe ei nde i ku lombwela: 7 nokutya, etwali leongalo noshikefa shoundobwedi noshituviko shekwatakanifo eshi shi nokukala kusho noinima aishe yetwali, 8 noshitaafula noilongifo yasho, noshikwatelwalamba shoshingoldoelela noilongifo yasho aishe noaltari okutwimina, 9 noaltari yexwikiloyambo yo noilongifo aishe yayo nelikoshelotemba noshikwatelwamhadi shalo, 10 noikutu ya wapekwa noikutu iyapuki yomupristeli Aron noikutu yovana vaye ovamati okudiinina oshilonga shoupristeli; 11 nosho yo omaadi okuvaeka noitwiminifo yoimbodi yedimba liwa ketwali liyapuki. Naanaa ngaashi nde ku lombwela vo ove noku i ninga.”
Okuyapula kwEshabata
12 Omwene okwa popya vali naMoses ndele ta ti: 13 “Lombwela ovana vaIsrael u tye: ‘Nye omu nokudiinina shili Omashabata ange, osheshi oo edidiliko pokati ketu nanye momaludalo okomaludalo, ovanhu opo va shiive nokutya, Aame Omwene, ou te mu yapula. 14 Diinineni hano Eshabata, osheshi lo oli nokuninga liyapuki kunye. Ye ou te li yapululula, e nokufya shili. Osheshi keshe umwe ta longo oilonga mulo, omwenyo tuu ou u nokudimwa mo muvakwao. 15 Oilonga nai longwe momafiku ahamano, ndelenee efiku etiheyali olo efiku letulumuko la wana, lo la yapulilwa Omwene. Keshe umwe ta longo oilonga mefiku lEshabata e nokufya shili. 16 Novana vaIsrael ve nokudiinina Eshabata va dane Eshabata momaludalo avo ngaashi ehangano laalushe. 17 Pokati ketu novana vaIsrael lo edidiliko laalushe. Osheshi momafiku ahamano Omwene okwa shita eulu nedu, ndelenee mefiku etiheyali Ye okwa tulumukwa koilonga yaye.’ ”
18 Ndele Ye eshi a mana okupopya naMoses komhunda yaSinai, okwe mu pa oipelende ivali youndobwedi, oipelende yomamanya ya shangwa nomunwe waKalunga.
