Ovayakuli tava hoololwa
1 Ndele momafiku enya omuvalu wovalongwa eshi wa hapupala, Ovaheleni nokutya, ovakwaneongalo velaka lOshigreka, ova ngongotela Ovaheberi, osheshi oipalwifa eshi ya tukulwa keshe efiku, ovafiyekadi vavo ova lumbulwa. 2 Opo naava omulongo navavali ova shiva ongudu yovalongwa, ndele tava ti kuvo: “Inashi wapala, fye tu efe eendjovo daKalunga tu yakule poililo. 3 Hano ovamwatate, hoololeni mokati keni ovalumenhu vaheyali ve shii okulineekelwa, ve yadi Omhepo Iyapuki neendunge, ovo hatu va tula moshilonga eshi. 4 Ndele fye vene otwa hala okukala meilikano nomeyakulo leendjovo.” 5 Ndele eendjovo edi oda wapalela oshiongalele ashishe, nova hoolola mo Stefanus, omulumenhu ou e yadi eitavelo nOmhepo Iyapuki, naFilippus naProkorus naNikanor naTimon naParmena naNikolaus, Omuantiokia omupaani e lipitififa etanda. 6 Ovo tuu ovo ove va tula koshipala shovayapostoli, ava ova ilikana nove va tenheka omake.
7 Ndele eendjovo daKalunga da tandavela, nomuvalu wovalongwa vomuJerusalem owa hapupala neenghono, nongudu inene yomovapristeli oya dulika keitavelo.
Stefanus ta hokololifwa
8 Ndele Stefanus a yada onghenda neenghono, okwa longa oinyengandunge inene noilongadidiliko mokati kovanhu. 9 Opo nee opa holoka vamwe vomoinagoga oyo ya lukwa yOvamangululwa noyOvakireni noyOvaaleksandria navamwe vomuKilikia novomuAsia, ndele tava twifa Stefanus eemhata, 10 ndelenee ova nyengwa okutomha eendunge odo Omhepo oyo ye mu popifa. 11 Vo ova konga meholeko ovalumenhu va tye: “Fye otwe mu uda ta popi eendjovo domasheko dokusheka Moses naKalunga.” 12 Ndele vo ova piyaaneka ovanhu novakulunhu novanongo vomishangwa, ovo ve uya po, ve mu kwata ndele tave mu shilile moshiongalele shovakulunhu. 13 Ndele vo ova eta po eendobwedi doipupulu edi tadi ti: “Omulumenhu ou ita efa okupopyaana nokusheka onhele ei iyapuki nomhango 14 osheshi fye otwe mu uda eshi ta ti: Jesus ou Omunasareti, ota hanauna po onhele ei, neenghedi odo twe di pelwe kuMoses ote di lundulula.” 15 Ndele aveshe ovo va kala omutumba moshiongalele shovakulunhu ove mu tala, noshipala shaye osha li sha foshipala shomweengeli.
Ovayakuli tava hoololwa
1 Ndele momafiku enya omuvalu wovalongwa eshi wa hapupala, Ovaheleni nokutya, ovakwaneongalo velaka lOshigreka, ova ngongotela Ovaheberi, osheshi oipalwifa eshi ya tukulwa keshe efiku, ovafiyekadi vavo ova lumbulwa. 2 Opo naava omulongo navavali ova shiva ongudu yovalongwa, ndele tava ti kuvo: “Inashi wapala, fye tu efe eendjovo daKalunga tu yakule poililo. 3 Hano ovamwatate, hoololeni mokati keni ovalumenhu vaheyali ve shii okulineekelwa, ve yadi Omhepo Iyapuki neendunge, ovo hatu va tula moshilonga eshi. 4 Ndele fye vene otwa hala okukala meilikano nomeyakulo leendjovo.” 5 Ndele eendjovo edi oda wapalela oshiongalele ashishe, nova hoolola mo Stefanus, omulumenhu ou e yadi eitavelo nOmhepo Iyapuki, naFilippus naProkorus naNikanor naTimon naParmena naNikolaus, Omuantiokia omupaani e lipitififa etanda. 6 Ovo tuu ovo ove va tula koshipala shovayapostoli, ava ova ilikana nove va tenheka omake.
7 Ndele eendjovo daKalunga da tandavela, nomuvalu wovalongwa vomuJerusalem owa hapupala neenghono, nongudu inene yomovapristeli oya dulika keitavelo.
Stefanus ta hokololifwa
8 Ndele Stefanus a yada onghenda neenghono, okwa longa oinyengandunge inene noilongadidiliko mokati kovanhu. 9 Opo nee opa holoka vamwe vomoinagoga oyo ya lukwa yOvamangululwa noyOvakireni noyOvaaleksandria navamwe vomuKilikia novomuAsia, ndele tava twifa Stefanus eemhata, 10 ndelenee ova nyengwa okutomha eendunge odo Omhepo oyo ye mu popifa. 11 Vo ova konga meholeko ovalumenhu va tye: “Fye otwe mu uda ta popi eendjovo domasheko dokusheka Moses naKalunga.” 12 Ndele vo ova piyaaneka ovanhu novakulunhu novanongo vomishangwa, ovo ve uya po, ve mu kwata ndele tave mu shilile moshiongalele shovakulunhu. 13 Ndele vo ova eta po eendobwedi doipupulu edi tadi ti: “Omulumenhu ou ita efa okupopyaana nokusheka onhele ei iyapuki nomhango 14 osheshi fye otwe mu uda eshi ta ti: Jesus ou Omunasareti, ota hanauna po onhele ei, neenghedi odo twe di pelwe kuMoses ote di lundulula.” 15 Ndele aveshe ovo va kala omutumba moshiongalele shovakulunhu ove mu tala, noshipala shaye osha li sha foshipala shomweengeli.
