Omalombwelo axuuninwa aDavid kuSalomo molwetungo lotembeli
1 Opo nee David a ongela muJerusalem ovakulunhu aveshe vaIsrael, ovakulunhu vomapata, ovakulunhu vomatanga, ava va li moshilonga shohamba, novaneyovi novanefele, novakulunhu vomamona noveengobe novovana vaye pamwe nomalenga omouhamba novaladi nomulumenhu keshe omuladi. 2 Nohamba David oya kala ofika ndele tai ti: “Ovakwetu, novanhu vange, pwilikinei nge! Ame nda li nda diladila okutungila oshikefa shehangano lOmwene ongulu yetulumuko noshipundi sheemhadi daKalunga ketu, ndele nda kongela etungo oitungifo. 3 Ndelenee Kalunga okwa lombwela nge: ‘Ove ito tungile edina lange ongulu, osheshi oove omulumenhu wolwoodi, ndele wa tilashi ohonde.’ 4 Ndelenee Omwene, Kalunga kaIsrael okwa hoolola nge mepata letu alishe, ndi ninge ohamba yOvaisraeli fiyo alushe. Osheshi a hoolola Juda a ninge omukulunhu ndele mepata laJuda okwa hoolola eumbo letu. Ndele movana ovalumenhu vatate okwa hokwa nge, opo a ninge nge ohamba yOvaisraeli aveshe. 5 Ndele movana vange ovalumenhu, osheshi Omwene a pa nge ovana vahapu vovamati, okwa hoolola mo Salomo, a kale omutumba kolukalwapangelo louhamba wOmwene okupangela Ovaisraeli aveshe. 6 Nokwa lombwela nge: ‘Omumwoye Salomo ota ka tunga ongulu yange nomahale ange, osheshi Ame nde mu hoolola, a ninge omumwange ndele Ame ohandi ka kala xe. 7 Ndele Ame ohandi ka pameka ouhamba waye fiyo alushe, ngeenge ta kala omudiinini mokuwanifa oipango yange, ngaashi nena.’ 8 Hano paife, moipafi yOvaisraeli aveshe noyoshiongalele shOmwene nomomatwi aKalunga ketu: Diinineni ndele kongeni oipango aishe yOmwene, Kalunga keni, opo mu kale moshilongo eshi shiwa novana veni konima yeni fiyo alushe ve shi fyuulule. 9 Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe. 10 Tala hano, Omwene e ku hoolola, u tunge ongulu yotembeli. Kala wa pama, u i xulife.”
11 Ndele David okwa pa omona waye Salomo oshiyelekifofano shehale lotembeli noshomatungo asho, noshomalimba omamona nosheendjuwo dopombada nosheendjuwo domeni noshondjuwo muyo tamu ka kala oshituviko shekwatakanifo; 12 noshiyelekifofano shaaishe ya li momadiladilo aye: efano lomahale ongulu yOmwene noleendjuwo adishe tadi i dingilile nomalimba omamona ongulu yaKalunga nomalimba omamona eeshali diyapuki, 13 nosho yo lomatanga ovapristeli nOvalevi, noilonga aishe yomongulu yOmwene noilongifo aishe yomoilonga yomongulu yOmwene; 14 noshingoldo pashiyelekifo shoinima yomoshilonga keshe. Noinima aishe yoisiliveli pashiyelekifo shoinima aishe yomoshilonga keshe; 15 noshingoldo pashiyelekifo shoshikwatelwalamba keshe shoshingoldo neelamba dasho. Nosho yo oshiyelekifo shoshisiliveli shoikwatelwamhadi yeelamba, noshiyelekifo shoshikwatelwamhadi keshe nosholamba keshe pashiyelekifo shoshikwatelwamhadi keshe; 16 navali oshiyelekifo shoshingoldo shoitaafula yomingome detaliko, noshitaafula keshe, nosho yo shoshisiliveli shoitaafula tai ka ningwa noshisiliveli. 17 Noshoshiyelekifo shoshingoldo sha yela sheenyala nomatiti nomaholo noshomakopi oingoldo oshiyelekifo shoshingoldo shekopi keshe, noshiyelekifo shoshisiliveli shomakopi, oshiyelekifo shekopi keshe. 18 Nosho yo oshiyelekifo shoshingoldo sha yela shoaltari yokutwimina, nomafano oweendifotemba, ovakerubi voshingoldo ava ve nokutandavelifa omavava avo nokuuvika oshikefa shehangano lOmwene. 19 Ashishe eshi shi li momushangwa wa dja meke lOmwene, nokwe shi longa nge pashiyelekifofano. 20 Ndele David okwa lombwela omona waye Salomo: “Kala wa pama wa nyatipala, ndele shi xulifa. Ino tila, ino mbadapala! Osheshi Omwene Kalunga, Kalunga kange ta ka kala naave. Ye ite ku efa ndele ite ku ekeleshi, fiyo wa xulifa oilonga aishe yongulu yOmwene. 21 Nomatanga ovapristeli nOvalevi omo e li mongulu yaKalunga, va longe oshilonga keshe. Natango pwoove ope novanongo voilonga i lili nai lili, ve lilongekidila oshilonga keshe. Novakulunhu novanhu aveshe koilonga aishe yoye.”
Omalombwelo axuuninwa aDavid kuSalomo molwetungo lotembeli
1 Opo nee David a ongela muJerusalem ovakulunhu aveshe vaIsrael, ovakulunhu vomapata, ovakulunhu vomatanga, ava va li moshilonga shohamba, novaneyovi novanefele, novakulunhu vomamona noveengobe novovana vaye pamwe nomalenga omouhamba novaladi nomulumenhu keshe omuladi. 2 Nohamba David oya kala ofika ndele tai ti: “Ovakwetu, novanhu vange, pwilikinei nge! Ame nda li nda diladila okutungila oshikefa shehangano lOmwene ongulu yetulumuko noshipundi sheemhadi daKalunga ketu, ndele nda kongela etungo oitungifo. 3 Ndelenee Kalunga okwa lombwela nge: ‘Ove ito tungile edina lange ongulu, osheshi oove omulumenhu wolwoodi, ndele wa tilashi ohonde.’ 4 Ndelenee Omwene, Kalunga kaIsrael okwa hoolola nge mepata letu alishe, ndi ninge ohamba yOvaisraeli fiyo alushe. Osheshi a hoolola Juda a ninge omukulunhu ndele mepata laJuda okwa hoolola eumbo letu. Ndele movana ovalumenhu vatate okwa hokwa nge, opo a ninge nge ohamba yOvaisraeli aveshe. 5 Ndele movana vange ovalumenhu, osheshi Omwene a pa nge ovana vahapu vovamati, okwa hoolola mo Salomo, a kale omutumba kolukalwapangelo louhamba wOmwene okupangela Ovaisraeli aveshe. 6 Nokwa lombwela nge: ‘Omumwoye Salomo ota ka tunga ongulu yange nomahale ange, osheshi Ame nde mu hoolola, a ninge omumwange ndele Ame ohandi ka kala xe. 7 Ndele Ame ohandi ka pameka ouhamba waye fiyo alushe, ngeenge ta kala omudiinini mokuwanifa oipango yange, ngaashi nena.’ 8 Hano paife, moipafi yOvaisraeli aveshe noyoshiongalele shOmwene nomomatwi aKalunga ketu: Diinineni ndele kongeni oipango aishe yOmwene, Kalunga keni, opo mu kale moshilongo eshi shiwa novana veni konima yeni fiyo alushe ve shi fyuulule. 9 Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe. 10 Tala hano, Omwene e ku hoolola, u tunge ongulu yotembeli. Kala wa pama, u i xulife.”
11 Ndele David okwa pa omona waye Salomo oshiyelekifofano shehale lotembeli noshomatungo asho, noshomalimba omamona nosheendjuwo dopombada nosheendjuwo domeni noshondjuwo muyo tamu ka kala oshituviko shekwatakanifo; 12 noshiyelekifofano shaaishe ya li momadiladilo aye: efano lomahale ongulu yOmwene noleendjuwo adishe tadi i dingilile nomalimba omamona ongulu yaKalunga nomalimba omamona eeshali diyapuki, 13 nosho yo lomatanga ovapristeli nOvalevi, noilonga aishe yomongulu yOmwene noilongifo aishe yomoilonga yomongulu yOmwene; 14 noshingoldo pashiyelekifo shoinima yomoshilonga keshe. Noinima aishe yoisiliveli pashiyelekifo shoinima aishe yomoshilonga keshe; 15 noshingoldo pashiyelekifo shoshikwatelwalamba keshe shoshingoldo neelamba dasho. Nosho yo oshiyelekifo shoshisiliveli shoikwatelwamhadi yeelamba, noshiyelekifo shoshikwatelwamhadi keshe nosholamba keshe pashiyelekifo shoshikwatelwamhadi keshe; 16 navali oshiyelekifo shoshingoldo shoitaafula yomingome detaliko, noshitaafula keshe, nosho yo shoshisiliveli shoitaafula tai ka ningwa noshisiliveli. 17 Noshoshiyelekifo shoshingoldo sha yela sheenyala nomatiti nomaholo noshomakopi oingoldo oshiyelekifo shoshingoldo shekopi keshe, noshiyelekifo shoshisiliveli shomakopi, oshiyelekifo shekopi keshe. 18 Nosho yo oshiyelekifo shoshingoldo sha yela shoaltari yokutwimina, nomafano oweendifotemba, ovakerubi voshingoldo ava ve nokutandavelifa omavava avo nokuuvika oshikefa shehangano lOmwene. 19 Ashishe eshi shi li momushangwa wa dja meke lOmwene, nokwe shi longa nge pashiyelekifofano. 20 Ndele David okwa lombwela omona waye Salomo: “Kala wa pama wa nyatipala, ndele shi xulifa. Ino tila, ino mbadapala! Osheshi Omwene Kalunga, Kalunga kange ta ka kala naave. Ye ite ku efa ndele ite ku ekeleshi, fiyo wa xulifa oilonga aishe yongulu yOmwene. 21 Nomatanga ovapristeli nOvalevi omo e li mongulu yaKalunga, va longe oshilonga keshe. Natango pwoove ope novanongo voilonga i lili nai lili, ve lilongekidila oshilonga keshe. Novakulunhu novanhu aveshe koilonga aishe yoye.”
