Epangelo lohamba Jehoiakim nefyo layo
1 Pomafiku aJehoiakim, Nebukadnesar, ohamba yaBabilon, ya fikama i lwe, ndele Jehoiakim okwa ninga omupiya wayo omido nhatu. Eshi da pita, ye okwe i liteeka. 2 Opo nee Omwene ta tumu eemwiila dOvakaldea neemwiila dOvaarami neemwiila dOvamoab neemwiila dOvaammoni, di mu lwife Ye okwe di tuma okulwifa Juda, di shi hanaune po pandjovo yOmwene e i popififa ovapiya vaye ovaxunganeki. 3 Oshili osho sha ningilwa Juda palombwelo lOmwene, e va ekeleshi koshipala shaye omolwomatimba aManasse, molwoilonga aishe e i longa, 4 nomolwohonde ihe netimba, ye e i tilashi, eshi a yadifa Jerusalem nohonde ihe netimba. Onghee hano Omwene ina hala oku a dima po. 5 Noinima imwe tai hepaulula Jehoiakim naaishe e i ninga, inai shangelwa mbela membo lomafimbo eehamba daJuda? 6 Ndele Jehoiakim okwa ka nangala pooxe, nomona waye Jehoiakin a ninga ohamba ponhele yaye. 7 Nohamba yaEgipiti inai fikama vali i dje moshilongo shayo, osheshi ohamba yaBabilon ya nangala ashishe eshi sha li shohamba yaEgipiti, okudja kokamulonga kaEgipiti fiyo okomulonga waEufrat.
Ohamba Jehoiakin
8 Omido daJehoiakin da li omulongo nahetatu, ye eshi a ninga ohamba, nokwa pangela eehani nhatu muJerusalem. Nedina laina la li Nehusta, omona okakadona kaElnatan womuJerusalem. 9 Nokwa ninga osho inashi yuka momesho Omwene, ngaashi ooxe va ninga.
Jerusalem tashi homonwa ndele tashi tewa kuNebukadnesar
10 Pefimbo tuu olo ovapiya vaNebukadnesar, ohamba yaBabilon, va homona Jerusalem, ndele va kondeka oshilando. 11 Ndele Nebukadnesar, ohamba yaBabel, eshi ye uya koshilando, fimbo ovapiya vayo tave shi kondeke, 12 Jehoiakin, ohamba yaJuda, okwa pita mo. Okwa ya kohamba yaBabilon, ye, naina novapiya novakulunhu vaye nomalenga aye. Nohamba yaBabilon ye mu kwata onghwate momudo omutihetatu wepangelo laye. 13 Ndele yo oya kufa mo omamona aeshe omotembeli yOmwene nomamona omongulu yohamba. Ndele ya teta oingoldo yomoinima ya ningwa kuSalomo, ohamba yaIsrael, motembeli yOmwene, ngaashi Omwene a tongele. 14 Ndele yo oya twala oonakukalamo aveshe vomuJerusalem novakulunhu aveshe, noipuna aishe, eenghwate omayovi omulongo novahambwidi aveshe novapangeli voipatifo. Inapa fyaala nande umwe ponho yomapongo omoshilongo. 15 Ndele yo oya twala Jehoiakin moukwatwa kuBabilon, nosho yo ina yohamba novambada vohamba nomalenga ayo. Novanenenhu vomoshilongo ye va kufa muJerusalem, ye va twala moukwatwa kuBabilon. 16 Noipuna aishe i fike pomayovi aheyali, novahambwidi novapangeli voipatifo ve fike peyovi, aveshe ovaladi va ika okulwa, ovo ohamba yaBabilon ye va twala moukwatwa kuBabilon.
Sedekia ohamba yaxuuninwa yaJuda
17 Nohamba yaBabilon ya ninga Mattanja, xekulu yaJehoiakin, ohamba ponhele yaJehoiakin, ndele ya lundulula edina laye: Sedekia.
18 Omido daSedekia da li omilongo mbali nomudo umwe, ye eshi a ninga ohamba, ndele a pangela omido omulongo naumwe muJerusalem. Nedina laina la li Hamutal, omona okakadona kaJeremia womuLibna. 19 Nokwa ninga osho inashi yuka momesho Omwene, ngaashi Jehoiakim a ninga. 20 Osheshi omolwehandu lOmwene, eshi sha hanga Jerusalem naJuda, fiyo Ye e va ekelashi koshipala shaye. Ndele Sedekia okwe liteeka ohamba yaBabilon.
Epangelo lohamba Jehoiakim nefyo layo
1 Pomafiku aJehoiakim, Nebukadnesar, ohamba yaBabilon, ya fikama i lwe, ndele Jehoiakim okwa ninga omupiya wayo omido nhatu. Eshi da pita, ye okwe i liteeka. 2 Opo nee Omwene ta tumu eemwiila dOvakaldea neemwiila dOvaarami neemwiila dOvamoab neemwiila dOvaammoni, di mu lwife Ye okwe di tuma okulwifa Juda, di shi hanaune po pandjovo yOmwene e i popififa ovapiya vaye ovaxunganeki. 3 Oshili osho sha ningilwa Juda palombwelo lOmwene, e va ekeleshi koshipala shaye omolwomatimba aManasse, molwoilonga aishe e i longa, 4 nomolwohonde ihe netimba, ye e i tilashi, eshi a yadifa Jerusalem nohonde ihe netimba. Onghee hano Omwene ina hala oku a dima po. 5 Noinima imwe tai hepaulula Jehoiakim naaishe e i ninga, inai shangelwa mbela membo lomafimbo eehamba daJuda? 6 Ndele Jehoiakim okwa ka nangala pooxe, nomona waye Jehoiakin a ninga ohamba ponhele yaye. 7 Nohamba yaEgipiti inai fikama vali i dje moshilongo shayo, osheshi ohamba yaBabilon ya nangala ashishe eshi sha li shohamba yaEgipiti, okudja kokamulonga kaEgipiti fiyo okomulonga waEufrat.
Ohamba Jehoiakin
8 Omido daJehoiakin da li omulongo nahetatu, ye eshi a ninga ohamba, nokwa pangela eehani nhatu muJerusalem. Nedina laina la li Nehusta, omona okakadona kaElnatan womuJerusalem. 9 Nokwa ninga osho inashi yuka momesho Omwene, ngaashi ooxe va ninga.
Jerusalem tashi homonwa ndele tashi tewa kuNebukadnesar
10 Pefimbo tuu olo ovapiya vaNebukadnesar, ohamba yaBabilon, va homona Jerusalem, ndele va kondeka oshilando. 11 Ndele Nebukadnesar, ohamba yaBabel, eshi ye uya koshilando, fimbo ovapiya vayo tave shi kondeke, 12 Jehoiakin, ohamba yaJuda, okwa pita mo. Okwa ya kohamba yaBabilon, ye, naina novapiya novakulunhu vaye nomalenga aye. Nohamba yaBabilon ye mu kwata onghwate momudo omutihetatu wepangelo laye. 13 Ndele yo oya kufa mo omamona aeshe omotembeli yOmwene nomamona omongulu yohamba. Ndele ya teta oingoldo yomoinima ya ningwa kuSalomo, ohamba yaIsrael, motembeli yOmwene, ngaashi Omwene a tongele. 14 Ndele yo oya twala oonakukalamo aveshe vomuJerusalem novakulunhu aveshe, noipuna aishe, eenghwate omayovi omulongo novahambwidi aveshe novapangeli voipatifo. Inapa fyaala nande umwe ponho yomapongo omoshilongo. 15 Ndele yo oya twala Jehoiakin moukwatwa kuBabilon, nosho yo ina yohamba novambada vohamba nomalenga ayo. Novanenenhu vomoshilongo ye va kufa muJerusalem, ye va twala moukwatwa kuBabilon. 16 Noipuna aishe i fike pomayovi aheyali, novahambwidi novapangeli voipatifo ve fike peyovi, aveshe ovaladi va ika okulwa, ovo ohamba yaBabilon ye va twala moukwatwa kuBabilon.
Sedekia ohamba yaxuuninwa yaJuda
17 Nohamba yaBabilon ya ninga Mattanja, xekulu yaJehoiakin, ohamba ponhele yaJehoiakin, ndele ya lundulula edina laye: Sedekia.
18 Omido daSedekia da li omilongo mbali nomudo umwe, ye eshi a ninga ohamba, ndele a pangela omido omulongo naumwe muJerusalem. Nedina laina la li Hamutal, omona okakadona kaJeremia womuLibna. 19 Nokwa ninga osho inashi yuka momesho Omwene, ngaashi Jehoiakim a ninga. 20 Osheshi omolwehandu lOmwene, eshi sha hanga Jerusalem naJuda, fiyo Ye e va ekelashi koshipala shaye. Ndele Sedekia okwe liteeka ohamba yaBabilon.
