Lungameni omanyono elaka
1 Ovamwatate, inamu hala mu ninge vahapu ovalongindjovo, osheshi omu shi shii kutya, fye ohatu ka mona etokolo lidjuu komesho yovakwetu; 2 osheshi fye atushe ohatu puka luhapu. Ngeenge ope na ou iha puka meendjovo, oye omulumenhu a wanenena, ta dulu yo okupangela olutu laye alishe. 3 Taleni, ohatu tula oitomo momakanya eenghambe, opo di dulike kufye, ndele hatu endifa olutu lado alishe. 4 Taleni yo eeskepa, nande odinene ndele hadi endifwa keemhepo didjuu, ohadi yukifwa kokayukifo kaningholi oku omushingi a hala.Taleni yo eeskepa, nande odo dinene…ohadi yukifwa kokayukifo kaningholi… 5 Osho yo tuu elaka olo oshinhimbu shinini ndele ohali litangele oinenenima. Taleni nhumbi ohandje hai xwike ofuka inene!
6 Nelaka olo yo omundilo, ounyuni woulunde; elaka moinhimbu yetu otali liholola olo tuu hali nyateke olutu alishe ndele tali xwameke olweendo lokukala kwetu, nalo vene ola xwamekwa koheli. 7 Osheshi oushitwe waaishe, woifitukuti noweedila nowoilikoki nongaashi yo woikwameva, ohai deuka noya deulwa nokuli koshitwe yomunhu, 8 ndelenee elaka kape na ou ta dulu oku li deula; olo owii uhe na nande etulumuko, li yadi oudiyo tau dipaa. 9 Nelaka ohatu hambelele Omwene Tate, ndele hatu tuku nalo ovanhu va shitwa oshifefa shaKalunga; 10 Mokanya tuu aka kamwe otamu piti enangeko noupuna nefingo. Ovamwatate, itashi dulika shi kale ngaha. 11 Ofifiya ohai fulukifa tuu modjo imwe aike omeva manyenye naa malula? 12 Ovamwatate, ndishi omukwiyu itau dulu okwiima eemono, ile omuviinyu ngeno eenghwiyu? Osho yo omufima ulula itau dulu okudidila omeva manyenye.
Shikuleni ounongo ou hau di kombada
13 Olyelye omunongo nomunandunge mokati keni? Oye na holole oilonga yaye monghalelo yaye iwa mengungumano lounongo. 14 Ndelenee momutima weni ngeenge omu nefupa lilula neenhamanana, inamu litanga, ndele inamu fufya nokukondjifa oshili. 15 Ounongo wa tya ngaha hayou hau di kombada, ndelenee owopaunyuni nowopanhu nowopandemoni. 16 Osheshi apa pe nefupa neenhamanana, opo pe na yo edongakano noilonga aishe yowii. 17 Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele. 18 Noiimati youyuki ohai kunwa mombili kwaava hava ningi ombili.
Lungameni omanyono elaka
1 Ovamwatate, inamu hala mu ninge vahapu ovalongindjovo, osheshi omu shi shii kutya, fye ohatu ka mona etokolo lidjuu komesho yovakwetu; 2 osheshi fye atushe ohatu puka luhapu. Ngeenge ope na ou iha puka meendjovo, oye omulumenhu a wanenena, ta dulu yo okupangela olutu laye alishe. 3 Taleni, ohatu tula oitomo momakanya eenghambe, opo di dulike kufye, ndele hatu endifa olutu lado alishe. 4 Taleni yo eeskepa, nande odinene ndele hadi endifwa keemhepo didjuu, ohadi yukifwa kokayukifo kaningholi oku omushingi a hala.Taleni yo eeskepa, nande odo dinene…ohadi yukifwa kokayukifo kaningholi… 5 Osho yo tuu elaka olo oshinhimbu shinini ndele ohali litangele oinenenima. Taleni nhumbi ohandje hai xwike ofuka inene!
6 Nelaka olo yo omundilo, ounyuni woulunde; elaka moinhimbu yetu otali liholola olo tuu hali nyateke olutu alishe ndele tali xwameke olweendo lokukala kwetu, nalo vene ola xwamekwa koheli. 7 Osheshi oushitwe waaishe, woifitukuti noweedila nowoilikoki nongaashi yo woikwameva, ohai deuka noya deulwa nokuli koshitwe yomunhu, 8 ndelenee elaka kape na ou ta dulu oku li deula; olo owii uhe na nande etulumuko, li yadi oudiyo tau dipaa. 9 Nelaka ohatu hambelele Omwene Tate, ndele hatu tuku nalo ovanhu va shitwa oshifefa shaKalunga; 10 Mokanya tuu aka kamwe otamu piti enangeko noupuna nefingo. Ovamwatate, itashi dulika shi kale ngaha. 11 Ofifiya ohai fulukifa tuu modjo imwe aike omeva manyenye naa malula? 12 Ovamwatate, ndishi omukwiyu itau dulu okwiima eemono, ile omuviinyu ngeno eenghwiyu? Osho yo omufima ulula itau dulu okudidila omeva manyenye.
Shikuleni ounongo ou hau di kombada
13 Olyelye omunongo nomunandunge mokati keni? Oye na holole oilonga yaye monghalelo yaye iwa mengungumano lounongo. 14 Ndelenee momutima weni ngeenge omu nefupa lilula neenhamanana, inamu litanga, ndele inamu fufya nokukondjifa oshili. 15 Ounongo wa tya ngaha hayou hau di kombada, ndelenee owopaunyuni nowopanhu nowopandemoni. 16 Osheshi apa pe nefupa neenhamanana, opo pe na yo edongakano noilonga aishe yowii. 17 Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele. 18 Noiimati youyuki ohai kunwa mombili kwaava hava ningi ombili.
