Omalenga omakulunhu aSalomo
1 Osho ngaha hano ohamba Salomo ya li ohamba yOvaisraeli aveshe. 2 Nomalenga ayo aa: Asaria yaSadok okwa li omupristeli. 3 Elihoref naAhia, ovana vaSisa, ova li ovashangi. Josafat yaAhilud okwa li elenga ekulunhu. 4 Ndele Benaja yaJehoiada okwa li ondjai yovakwaita. Sadok naAbjatar va li ovapristeli. 5 Asaria yaNatan okwa li omukulunhu woovene vomikunda. Ndele Sabud yaNatan, omupristeli, okwa li kaume kohamba. 6 Ndele Ahisar okwa li omukeleli weumbo lohamba. Ndele Adoniram yaAbda okwa li omupashukili woilonga yoshilongo.
7 Natango muIsrael ashishe Salomo okwa li e nomalenga omulongo naavali. Oo a li e nokukalela ohamba neumbo layo noshisho sheendja. Keshe limwe la li li nokweeta eendja dohani imwe yomomudo. 8 Nomadina avo aa: Ben-Hur keemhunda daEfraim; 9 Ben-Deker muMakas nomuSaalbim nomuBet-Semes nomuElon-Bet-Hanan. 10 Ben-Hesed muArubbot. Ye okwa li e na Sogo nedu alishe laHefer. 11 Ben-Abinadab oshikandjo ashishe shomutumbo shaDor. Omwalikadi waye okwa li Tafat, omona okakadona kaSalomo. 12 Baana yaAhilud okwa li e na: Taanak naMegido naBetshan ashishe, osho sha li kombinga yaSareta yokuJisreel, okudja kuBetshan fiyo okuAbel-Mehola, fiyo sha koya Jokmeam. 13 Ben-Geber okwa li muRamot shomuGilead. Ye okwa li e nomikunda daJair yaManasse, odo da li muGilead. Nokwa li yo e nonhele yoshikandjo shaArgob shi li muBasan: oilando omilongo hamano inene neehotekuma noiidilifo yoshikushu. 14 Ahinadab yaIddo okwa li muMahanaim. 15 Ahimas muNaftali. Naye yo okwa li e nomona okakadona Basmat yaSalomo omwalikadi. 16 Baana yaHusai okwa li muAsser nomuAlot. 17 Josafat yaParuah muIsaskar. 18 Simei yaEla muBenjamin. 19 Geber yaUri moshikandjo shaGilead, mouhamba waSihon, ohamba yOvaamori, noshaOg, ohamba yaBasan. Ndele ye okwa li elenga limwe alike moshilongo tuu osho.
20 Ovajuda nOvaisraeli va li vahapu ngaashi eheke li li komunghulo wefuta. Ova lya, va nwa ndele va hafa. 21 Ndele Salomo okwa pangela oilongo aishe okudja komulonga waEufrat fiyo okedu lOvafilisti nookongaba yaEgipiti. Ova eta eeshali ndele va longela Salomo, fimbo ye a kala nomwenyo.
22 Neendja daSalomo defiku keshe: Oufila utoka eelita omayovi atano, ndele oufila umwe eelita omayovi omulongo. 23 Eengobe omulongo da ondolwa neengobe omilongo mbali domoulifilo, needi efele limwe. Eefine neemenye noipuluvi neembaka da ondolwa. 24 Osheshi ye okwa li ha pangele oilongo aishe ya li kombinga ei yomulonga waEufrat, okudja kuTifsak fiyo okuGasa, eehamba adishe da li kouninginino waEufrat, nokwa li e nombili keembinga adishe. 25 Onghee hano Ovajuda nOvaisraeli va kala nawa, vehe na mbudi. Keshe umwe a kala pomuviinyu waye nopomukwiyu waye, okudja kuDan fiyo okuBerseba, omafiku aeshe aSalomo.
26 Navali, Salomo okwa li e noyuunda yeenghambe daye domatemba omayovi omilongo nhee, neenghambe omayovi omulongo naavali dokulonda.
27 Nomalenga, keshe limwe mohani yalo la kalela ohamba Salomo naashishe shomoshililo shohamba Salomo noshisho. Enya a tala paha kale nande shimwe sha pumba. 28 Nosho a eta oilya nomwiidi weenghambe dokushila omatemba neenghambe dokulondwa, heeno, keshe limwe la eta palufo lalo konhele oko ohamba ya kala.
Eendunge daSalomo
29 Ndele Kalunga okwa pa Salomo nounongo neendunge dihapu nomayele mahapu e fike peheke lopefuta, 30 onghee ounongo waSalomo wa li unene u dule ounongo wovanhu aveshe vokoushilo nounongo aushe womuEgipiti. 31 Heeno, ye okwa li e nounongo u dule ounongo wovanhu aveshe ngaashi Etan, Omuesrahi, naHeman naKalkol naDarda, ovana ovamati vaMahol, onghee hano ye okwa li a tumbalekwa mokati koiwana aishe yomoushiinda. 32 Ndele ye okwa tota omayeletumbulo omayovi atatu nomaimbilo aye oku li eyovi limwe naatano. 33 Nokwa tonga yo omiti okudja komuti wasederi wokuLibanon fiyo okuisopi, tai mene mekuma. Nokwa tonga yo oinamwenyo needila noyaalangati noikwameva. 34 Novanhu vomoiwana aishe ve uya okupwilikina ounongo waSalomo, neehamba adishe domounyuni do da uda ounongo waye.
Omalenga omakulunhu aSalomo
1 Osho ngaha hano ohamba Salomo ya li ohamba yOvaisraeli aveshe. 2 Nomalenga ayo aa: Asaria yaSadok okwa li omupristeli. 3 Elihoref naAhia, ovana vaSisa, ova li ovashangi. Josafat yaAhilud okwa li elenga ekulunhu. 4 Ndele Benaja yaJehoiada okwa li ondjai yovakwaita. Sadok naAbjatar va li ovapristeli. 5 Asaria yaNatan okwa li omukulunhu woovene vomikunda. Ndele Sabud yaNatan, omupristeli, okwa li kaume kohamba. 6 Ndele Ahisar okwa li omukeleli weumbo lohamba. Ndele Adoniram yaAbda okwa li omupashukili woilonga yoshilongo.
7 Natango muIsrael ashishe Salomo okwa li e nomalenga omulongo naavali. Oo a li e nokukalela ohamba neumbo layo noshisho sheendja. Keshe limwe la li li nokweeta eendja dohani imwe yomomudo. 8 Nomadina avo aa: Ben-Hur keemhunda daEfraim; 9 Ben-Deker muMakas nomuSaalbim nomuBet-Semes nomuElon-Bet-Hanan. 10 Ben-Hesed muArubbot. Ye okwa li e na Sogo nedu alishe laHefer. 11 Ben-Abinadab oshikandjo ashishe shomutumbo shaDor. Omwalikadi waye okwa li Tafat, omona okakadona kaSalomo. 12 Baana yaAhilud okwa li e na: Taanak naMegido naBetshan ashishe, osho sha li kombinga yaSareta yokuJisreel, okudja kuBetshan fiyo okuAbel-Mehola, fiyo sha koya Jokmeam. 13 Ben-Geber okwa li muRamot shomuGilead. Ye okwa li e nomikunda daJair yaManasse, odo da li muGilead. Nokwa li yo e nonhele yoshikandjo shaArgob shi li muBasan: oilando omilongo hamano inene neehotekuma noiidilifo yoshikushu. 14 Ahinadab yaIddo okwa li muMahanaim. 15 Ahimas muNaftali. Naye yo okwa li e nomona okakadona Basmat yaSalomo omwalikadi. 16 Baana yaHusai okwa li muAsser nomuAlot. 17 Josafat yaParuah muIsaskar. 18 Simei yaEla muBenjamin. 19 Geber yaUri moshikandjo shaGilead, mouhamba waSihon, ohamba yOvaamori, noshaOg, ohamba yaBasan. Ndele ye okwa li elenga limwe alike moshilongo tuu osho.
20 Ovajuda nOvaisraeli va li vahapu ngaashi eheke li li komunghulo wefuta. Ova lya, va nwa ndele va hafa. 21 Ndele Salomo okwa pangela oilongo aishe okudja komulonga waEufrat fiyo okedu lOvafilisti nookongaba yaEgipiti. Ova eta eeshali ndele va longela Salomo, fimbo ye a kala nomwenyo.
22 Neendja daSalomo defiku keshe: Oufila utoka eelita omayovi atano, ndele oufila umwe eelita omayovi omulongo. 23 Eengobe omulongo da ondolwa neengobe omilongo mbali domoulifilo, needi efele limwe. Eefine neemenye noipuluvi neembaka da ondolwa. 24 Osheshi ye okwa li ha pangele oilongo aishe ya li kombinga ei yomulonga waEufrat, okudja kuTifsak fiyo okuGasa, eehamba adishe da li kouninginino waEufrat, nokwa li e nombili keembinga adishe. 25 Onghee hano Ovajuda nOvaisraeli va kala nawa, vehe na mbudi. Keshe umwe a kala pomuviinyu waye nopomukwiyu waye, okudja kuDan fiyo okuBerseba, omafiku aeshe aSalomo.
26 Navali, Salomo okwa li e noyuunda yeenghambe daye domatemba omayovi omilongo nhee, neenghambe omayovi omulongo naavali dokulonda.
27 Nomalenga, keshe limwe mohani yalo la kalela ohamba Salomo naashishe shomoshililo shohamba Salomo noshisho. Enya a tala paha kale nande shimwe sha pumba. 28 Nosho a eta oilya nomwiidi weenghambe dokushila omatemba neenghambe dokulondwa, heeno, keshe limwe la eta palufo lalo konhele oko ohamba ya kala.
Eendunge daSalomo
29 Ndele Kalunga okwa pa Salomo nounongo neendunge dihapu nomayele mahapu e fike peheke lopefuta, 30 onghee ounongo waSalomo wa li unene u dule ounongo wovanhu aveshe vokoushilo nounongo aushe womuEgipiti. 31 Heeno, ye okwa li e nounongo u dule ounongo wovanhu aveshe ngaashi Etan, Omuesrahi, naHeman naKalkol naDarda, ovana ovamati vaMahol, onghee hano ye okwa li a tumbalekwa mokati koiwana aishe yomoushiinda. 32 Ndele ye okwa tota omayeletumbulo omayovi atatu nomaimbilo aye oku li eyovi limwe naatano. 33 Nokwa tonga yo omiti okudja komuti wasederi wokuLibanon fiyo okuisopi, tai mene mekuma. Nokwa tonga yo oinamwenyo needila noyaalangati noikwameva. 34 Novanhu vomoiwana aishe ve uya okupwilikina ounongo waSalomo, neehamba adishe domounyuni do da uda ounongo waye.