Olweendo laava va enda pamwe naEsra
1 Ovakulunhu vomapata neshikulafano laava va enda pamwe naame mefimbo lepangelo lohamba Artasasta, va dja muBabilon: 2 vomovana vaPinehas: Gersom. Vomovana vaItamar: Daniel. Vomovana vaDavid: Hattus, 3 vomovana vaSekanja; vomoludalo laParos: Sakaria, ndele pamwe naye ovalumenhu efele nomilongo nhano va shangelwa meshikulafano. 4 Vomovana vaPahat-Moab: Eljehoenai yaSerahia, ndele pamwe naye ovalumenhu omafele avali; 5 vomovana vaSattu: Sekanja yaJahasiel, ndele pamwe naye ovalumenhu omafele atatu; 6 ndele vomovana vaAdin: Ebed yaJonatan, ndele pamwe naye ovalumenhu omilongo nhano; 7 ndele vomovana vaElam: Jesaja yaAtalia, ndele pamwe naye ovalumenhu omilongo heyali; 8 ndele vomovana vaSefatja: Sebadja yaMikael, ndelenee pamwe naye ovalumenhu omilongo hetatu; 9 ndele vomovana vaJoab: Obadja, omona waJehiel, ndele pamwe naye ovalumenhu omafele avali nomulongo navahetatu; 10 ndele vomovana vaBani: Selomit yaJosifiya, ndele pamwe naye ovalumenhu efele nomilongo hamano; 11 ndele vomovana vaBebai: Sakaria yaBebai, ndele pamwe naye ovalumenhu omilongo mbali navahetatu; 12 ndele vomovana vaAsgad: Johanan yaHakkatan, ndele pamwe naye ovalumenhu efele nomulongo; 13 ndele vomovana vaAdonikam, ou e uya konima, nomadina avo oyaa: Elifelet, Jehuel naShemaia, ndele pamwe navo ovalumenhu omilongo hamano; 14 ndele vomovana vaBigvai: Utai naSakkur, ndele pamwe navo ovalumenhu omilongo heyali.
Ovalevi tava yongolwa
15 Ndele ame nde va ongela pomulonga tau kungulukile kuAhava, ndele oko twa kala monhanda omafiku atatu. Ndele eshi nda tala ovanhu novapristeli, inandi mona mo Omulevi nande umwe. 16 Onghee hano nda tuma ovakulunhu Elieser, Ariel, Shemaia naElnatan naJarib naElnatan naNatan naSakaria naMesullam novalongi Jojarib naElnatan, 17 ndele nde va lombwela va ye komukulunhu Iddo momukunda Kasifja. Ndele nda paka eendjovo momakanya avo, odo ve noku di lombwela Iddo novayakuli ovakwao votembeli momukunda Kasifja, opo ve tu tumine ovayakuli vongulu yaKalunga ketu. 18 Ndele shaashi eke liwa laKalunga la li kombada yetu, ove tu tumina ovalumenhu ovanaendunge vomovana vaMahli yaLevi yaIsrael nokutya, Serebja pamwe novana vaye novamwaina ovalumenhu omulongo navahetatu; 19 naHasabja, ndele pamwe naye Jesaja womovana vaMerari novamwaina novana ovamati omilongo mbali. 20 Ndele movayakuli votembeli, ovo David novakulunhu va yandja kOvalevi, va yakule, mwa dja ovayakuli votembeli omafele avali nomilongo mbali, vo aveshe va tumbulwa omadina.
Elidiliko neeshali dotembeli
21 Opo nee nda shiivifa efimbo lelidiliko pomulonga waAhava, opo tu lininipike koshipala shaKalunga ketu, tu mu indile tu mone elao molweendo letu fye vene novanhu vetu noinima yetu aishe. 22 Osheshi nda li nda fya ohoni okupula kohamba etanga lovakwaita novalondi veenghambe, ve tu kwafe okulwifa ovatondadi mondjila, shaashi twa lombwela ohamba, twa tya: Eke laKalunga oli li kombada yaaveshe ovo have mu kongo, ndelenee eenghono daye nehandu laye li li kombada yaaveshe tave mu liteeka. 23 Osho ngaha hano twe lidilika ndele twa indila Kalunga ketu. Ndele Ye okwe tu uda.
24 Opo nee nda hoolola mo movakulunhu vovapristeli omulongo navavali: Serebja, Hasabja nomulongo vomovamwaina pamwe navo. 25 Ndele ame nde va yelekela oisiliveli noingoldo noinima nokutya, eeshaliyambo dongulu yaKalunga ketu, odo da yandjwa kohamba nokovapukululi vayo nokomalenga ayo nokOvaisraeli aveshe venya va li ko. 26 Ndele momake avo nda yelekela mo eekilograma eetona omilongo mbali nambali doisiliveli neekilograma omilongo heyali doinima oisiliveli, eekilograma omayovi atatu nomafele ane doshingoldo, 27 noiyaxa omilongo mbali oingoldo, ondado yao oimaliwa eyovi limwe, noiyaxa yoshikushu, iwaelela ya fefengwa nawa, ondado yayo ngaashi oshingoldo. 28 Ndele nde va lombwela: Nye mwa yapulilwa Omwene, noinima ya yapulwa, noisiliveli noingoldo oyo eeshali dehalo liwa dOmwene Kalunga kooxo. 29 I pashukileni hano noku i diinina fiyo tamu i yeleke moipafi yovakulunhu vovapristeli novOvalevi nomoipafi yovakulunhu vomapata Ovaisraeli muJerusalem momalimba ongulu yOmwene. 30 Opo nee ovapristeli nOvalevi va tambula oisiliveli noingoldo noinima oyo ya yelekwa, ve i twale kuJerusalem, mongulu yaKalunga ketu.
Olweendo tali fiki kuJerusalem
31 Opo nee twa dja po pomulonga Ahava mefiku etimulongo netivali mohani yotete, tu ye kuJerusalem. Neke laKalunga ketu la li kombada yetu, onghee Ye e tu xupifa mo meke lomutondadi nomomahanyeno mondjila. 32 Ndele fye twa fika kuJerusalem ndele twa kala ko twa mwena omafiku atatu. 33 Ndele mefiku etine oisiliveli noingoldo noinima ya yelekwa mongulu yaKalunga ketu noya yandjwa momake omupristeli Meremot yaUria, ndele puye pwa li Eliaser yaPinehas, ndele puvo pwa li Josabad yaJosua naNoadja yaBinnui, Ovalevi. 34 Ashishe sha yelekwa pauhapu nopaudjuu washo, noudjuu aushe wa shangwa. 35 Eenghwate odo da dja moukwatwa, oda yambela Kalunga kaIsrael omaxwikiloyambo: eengobe omulongo nambali deemhedi molwOvaisraeli aveshe needi deemhedi omilongo omugoi, noudjona omilongo heyali navaheyali, oikombo omulongo naivali etimbayambo, oyo aishe exwikiloyambo kOmwene. 36 Ndele va yandja onhumwafo omo mwa shangwa oshipango shohamba kovapangeli vohamba nokomalenga ombinga yokouninginino waEufrat, ndele vo ova kwafa ovanhu nongulu yaKalunga.
Olweendo laava va enda pamwe naEsra
1 Ovakulunhu vomapata neshikulafano laava va enda pamwe naame mefimbo lepangelo lohamba Artasasta, va dja muBabilon: 2 vomovana vaPinehas: Gersom. Vomovana vaItamar: Daniel. Vomovana vaDavid: Hattus, 3 vomovana vaSekanja; vomoludalo laParos: Sakaria, ndele pamwe naye ovalumenhu efele nomilongo nhano va shangelwa meshikulafano. 4 Vomovana vaPahat-Moab: Eljehoenai yaSerahia, ndele pamwe naye ovalumenhu omafele avali; 5 vomovana vaSattu: Sekanja yaJahasiel, ndele pamwe naye ovalumenhu omafele atatu; 6 ndele vomovana vaAdin: Ebed yaJonatan, ndele pamwe naye ovalumenhu omilongo nhano; 7 ndele vomovana vaElam: Jesaja yaAtalia, ndele pamwe naye ovalumenhu omilongo heyali; 8 ndele vomovana vaSefatja: Sebadja yaMikael, ndelenee pamwe naye ovalumenhu omilongo hetatu; 9 ndele vomovana vaJoab: Obadja, omona waJehiel, ndele pamwe naye ovalumenhu omafele avali nomulongo navahetatu; 10 ndele vomovana vaBani: Selomit yaJosifiya, ndele pamwe naye ovalumenhu efele nomilongo hamano; 11 ndele vomovana vaBebai: Sakaria yaBebai, ndele pamwe naye ovalumenhu omilongo mbali navahetatu; 12 ndele vomovana vaAsgad: Johanan yaHakkatan, ndele pamwe naye ovalumenhu efele nomulongo; 13 ndele vomovana vaAdonikam, ou e uya konima, nomadina avo oyaa: Elifelet, Jehuel naShemaia, ndele pamwe navo ovalumenhu omilongo hamano; 14 ndele vomovana vaBigvai: Utai naSakkur, ndele pamwe navo ovalumenhu omilongo heyali.
Ovalevi tava yongolwa
15 Ndele ame nde va ongela pomulonga tau kungulukile kuAhava, ndele oko twa kala monhanda omafiku atatu. Ndele eshi nda tala ovanhu novapristeli, inandi mona mo Omulevi nande umwe. 16 Onghee hano nda tuma ovakulunhu Elieser, Ariel, Shemaia naElnatan naJarib naElnatan naNatan naSakaria naMesullam novalongi Jojarib naElnatan, 17 ndele nde va lombwela va ye komukulunhu Iddo momukunda Kasifja. Ndele nda paka eendjovo momakanya avo, odo ve noku di lombwela Iddo novayakuli ovakwao votembeli momukunda Kasifja, opo ve tu tumine ovayakuli vongulu yaKalunga ketu. 18 Ndele shaashi eke liwa laKalunga la li kombada yetu, ove tu tumina ovalumenhu ovanaendunge vomovana vaMahli yaLevi yaIsrael nokutya, Serebja pamwe novana vaye novamwaina ovalumenhu omulongo navahetatu; 19 naHasabja, ndele pamwe naye Jesaja womovana vaMerari novamwaina novana ovamati omilongo mbali. 20 Ndele movayakuli votembeli, ovo David novakulunhu va yandja kOvalevi, va yakule, mwa dja ovayakuli votembeli omafele avali nomilongo mbali, vo aveshe va tumbulwa omadina.
Elidiliko neeshali dotembeli
21 Opo nee nda shiivifa efimbo lelidiliko pomulonga waAhava, opo tu lininipike koshipala shaKalunga ketu, tu mu indile tu mone elao molweendo letu fye vene novanhu vetu noinima yetu aishe. 22 Osheshi nda li nda fya ohoni okupula kohamba etanga lovakwaita novalondi veenghambe, ve tu kwafe okulwifa ovatondadi mondjila, shaashi twa lombwela ohamba, twa tya: Eke laKalunga oli li kombada yaaveshe ovo have mu kongo, ndelenee eenghono daye nehandu laye li li kombada yaaveshe tave mu liteeka. 23 Osho ngaha hano twe lidilika ndele twa indila Kalunga ketu. Ndele Ye okwe tu uda.
24 Opo nee nda hoolola mo movakulunhu vovapristeli omulongo navavali: Serebja, Hasabja nomulongo vomovamwaina pamwe navo. 25 Ndele ame nde va yelekela oisiliveli noingoldo noinima nokutya, eeshaliyambo dongulu yaKalunga ketu, odo da yandjwa kohamba nokovapukululi vayo nokomalenga ayo nokOvaisraeli aveshe venya va li ko. 26 Ndele momake avo nda yelekela mo eekilograma eetona omilongo mbali nambali doisiliveli neekilograma omilongo heyali doinima oisiliveli, eekilograma omayovi atatu nomafele ane doshingoldo, 27 noiyaxa omilongo mbali oingoldo, ondado yao oimaliwa eyovi limwe, noiyaxa yoshikushu, iwaelela ya fefengwa nawa, ondado yayo ngaashi oshingoldo. 28 Ndele nde va lombwela: Nye mwa yapulilwa Omwene, noinima ya yapulwa, noisiliveli noingoldo oyo eeshali dehalo liwa dOmwene Kalunga kooxo. 29 I pashukileni hano noku i diinina fiyo tamu i yeleke moipafi yovakulunhu vovapristeli novOvalevi nomoipafi yovakulunhu vomapata Ovaisraeli muJerusalem momalimba ongulu yOmwene. 30 Opo nee ovapristeli nOvalevi va tambula oisiliveli noingoldo noinima oyo ya yelekwa, ve i twale kuJerusalem, mongulu yaKalunga ketu.
Olweendo tali fiki kuJerusalem
31 Opo nee twa dja po pomulonga Ahava mefiku etimulongo netivali mohani yotete, tu ye kuJerusalem. Neke laKalunga ketu la li kombada yetu, onghee Ye e tu xupifa mo meke lomutondadi nomomahanyeno mondjila. 32 Ndele fye twa fika kuJerusalem ndele twa kala ko twa mwena omafiku atatu. 33 Ndele mefiku etine oisiliveli noingoldo noinima ya yelekwa mongulu yaKalunga ketu noya yandjwa momake omupristeli Meremot yaUria, ndele puye pwa li Eliaser yaPinehas, ndele puvo pwa li Josabad yaJosua naNoadja yaBinnui, Ovalevi. 34 Ashishe sha yelekwa pauhapu nopaudjuu washo, noudjuu aushe wa shangwa. 35 Eenghwate odo da dja moukwatwa, oda yambela Kalunga kaIsrael omaxwikiloyambo: eengobe omulongo nambali deemhedi molwOvaisraeli aveshe needi deemhedi omilongo omugoi, noudjona omilongo heyali navaheyali, oikombo omulongo naivali etimbayambo, oyo aishe exwikiloyambo kOmwene. 36 Ndele va yandja onhumwafo omo mwa shangwa oshipango shohamba kovapangeli vohamba nokomalenga ombinga yokouninginino waEufrat, ndele vo ova kwafa ovanhu nongulu yaKalunga.
